आत्मषट्कम् , निर्वाणषट्कम् सार्थम्
भुजङ्गी छन्द
मनोबुद्ध्यहङ्कारचित्तानि नाहं न च श्रोत्रजिह्वे न च घ्राणनेत्रे ।
न च व्योमभूमिर्न तेजो न वायुश्चिदानन्दरूपः शिवोऽहं शिवोऽहम् ॥ १॥
न च प्राणसंज्ञो न वै पञ्चवायुर्न वा सप्तधातुर्न वा पञ्चकोशः ।
न वाक्पाणिपादौ न चोपस्थ पायू चिदानन्दरूपः शिवोऽहं शिवोऽहम् ॥ २॥
न मे द्वेषरागौ न मे लोभमोहौ मदो नैव मे नैव मात्सर्यभावः । (न मे वै मदो)
न धर्मो न चार्थो न कामो न मोक्षश्चिदानन्दरूपः शिवोऽहं शिवोऽहम् ॥ ३॥
न पुण्यं न पापं न सौख्यं न दुःखं न मन्त्रो न तीर्थं न वेदा न यज्ञाः ।
अहं भोजनं नैव भोज्यं न भोक्ता चिदानन्दरूपः शिवोऽहं शिवोऽहम् ॥ ४॥
न मृत्युर्न शङ्का न मे जातिभेदः पिता नैव मे नैव माता न जन्म । ( var न मे मृत्यु शङ्का)
न बन्धुर्न मित्रं गुरुर्नैव शिष्यश्चिदानन्दरूपः शिवोऽहं शिवोऽहम् ॥ ५॥
अहं निर्विकल्पो निराकाररूपो विभुर्व्याप्य सर्वत्र सर्वेन्द्रियाणाम् । ( var विभुत्वाच्च)
सदा मे समत्वं न मुक्तिर्न बन्धश्चिदानन्दरूपः शिवोऽहं शिवोऽहम् ॥ ६॥
(var न चासङ्गतं नैव मुक्तिर्न मेयश्चिदानन्दरूपः शिवोऽहं शिवोऽहम् ॥ ६॥)
॥ इति श्रीमच्छङ्कराचार्यविरचितं आत्मषट्कं सम्पूर्णम् ॥
AtmaShaTkam , nirvANaShaTkam
I am not the intellect, ego, mind .
Neither am I hearing, taste, smell, sight .
Nor am I space, earth, light, air,
field of consciousness.
I am the pure consciousness of bliss -
I am Shiva . Shiva am I . .. 1..
I am not prana, nor the five vital forces.
I am not the seven elements of the body,
or the five sheaths forming the body.
I am not the organ of speech, hand, foot,
the organ of procreation or excretion.
I am the pure consciousness of bliss -
I am Shiva, I am Shiva . .. 2..
I have nor attachment or aversion;
No greed or delusion, not envy or vain;
duty, acquisition, desire nor liberation do I aspire -
since I am the embodiment of knowledge and bliss -
I am Shiva, I am Shiva .. 3..
I am neither virtue nor vice,
Pleasure or pain that is experienced, no, no;
A chant, a holy place, a scripture
nor the sacrificial fire;
I am neither the enjoyment, enjoyable nor the enjoyer
I am the embodiment of knowledge and bliss -
I am Shiva, I am Shiva .. 4..
There is no death or fear,
No one to distinguished by class or caste
No father, no mother, no birth at all;
No friend, no kith or kin, guru or shishya -
I am the embodiment of knowledge and bliss -
I am Shiva, I am Shiva .. 5..
I am Changeless, formless, enveloping all,
Untouched by senses, I am omnipresent,
Unfathomable, I am beyond freedom -
I am the embodiment of knowledge and bliss -
I am Shiva, I am Shiva .. 6..
Encoding and translation by M. Giridhar