ၐြီဝိၑ္ဏုသဟသြနာမသ္တောတြမ်
နာရာယဏံ နမသ္ကၖတျ နရံ စဲဝ နရောတ္တမမ် ၊
ဒေဝီံ သရသွတီံ ဝျာသံ တတော ဇယမုဒီရယေတ် ။
ဥုံ အထ သကလသော်ဘာဂျဒါယက ၐြီဝိၑ္ဏုသဟသြနာမသ္တောတြမ် ၊
ၐုက္လာမ္ဗရဓရံ ဝိၑ္ဏုံ ၐၐိဝရ်္ဏံ စတုရ်္ဘုဇမ် ၊
ပြသန္နဝဒနံ ဓျာယေတ် သရ်္ဝဝိဃ္နောပၐာန္တယေ ။ ၁။
ယသျ ဒွိရဒဝက္တြာဒျား ပါရိၑဒျား ပရး ၐတမ် ၊
ဝိဃ္နံ နိဃ္နန္တိ သတတံ ဝိၑွက္သေနံ တမာၐြယေ ။ ၂။
ဝျာသံ ဝသိၑ္ဌနပ္တါရံ ၐက္တေး ပေါ်တြမကလ္မၑမ် ၊
ပရာၐရာတ္မဇံ ဝန္ဒေ ၐုကတာတံ တပေါနိဓိမ် ။ ၃။
ဝျာသာယ ဝိၑ္ဏုရူပါယ ဝျာသရူပါယ ဝိၑ္ဏဝေ ၊
နမော ဝဲ ဗြဟ္မနိဓယေ ဝါသိၑ္ဌာယ နမော နမး ။ ၄။
အဝိကာရာယ ၐုဒ္ဓါယ နိတျာယ ပရမာတ္မနေ ၊
သဒဲကရူပရူပါယ ဝိၑ္ဏဝေ သရ်္ဝဇိၑ္ဏဝေ ။ ၅။
ယသျ သ္မရဏမာတြေဏ ဇန္မသံသာရဗန္ဓနာတ် ၊
ဝိမုစျတေ နမသ္တသ္မဲ ဝိၑ္ဏဝေ ပြဘဝိၑ္ဏဝေ ။ ၆။
ဥုံ နမော ဝိၑ္ဏဝေ ပြဘဝိၑ္ဏဝေ ၊
ၐြီဝဲၐမ္ပာယန ဥဝါစ ---
ၐြုတွာ ဓရ်္မာနၐေၑေဏ ပါဝနာနိ စ သရ်္ဝၐး ၊
ယုဓိၑ္ဌိရး ၐာန္တနဝံ ပုနရေဝါဘျဘာၑတ ။ ၇။
ယုဓိၑ္ဌိရ ဥဝါစ ---
ကိမေကံ ဒဲဝတံ လောကေ ကိံ ဝါပျေကံ ပရာယဏမ် ၊
သ္တုဝန္တး ကံ ကမရ်္စန္တး ပြာပ္နုယုရ်္မာနဝါး ၐုဘမ် ။ ၈။
ကော ဓရ်္မး သရ်္ဝဓရ်္မာဏာံ ဘဝတး ပရမော မတး ၊
ကိံ ဇပန္မုစျတေ ဇန္တုရ်္ဇန္မသံသာရဗန္ဓနာတ် ။ ၉။
ဘီၑ္မ ဥဝါစ ---
ဇဂတ္ပြဘုံ ဒေဝဒေဝမနန္တံ ပုရုၑောတ္တမမ် ၊
သ္တုဝန် နာမသဟသြေဏ ပုရုၑး သတတောတ္ထိတး ။ ၁၀။
တမေဝ စာရ်္စယန္နိတျံ ဘက္တျာ ပုရုၑမဝျယမ် ၊
ဓျာယန် သ္တုဝန် နမသျံၐ္စ ယဇမာနသ္တမေဝ စ ။ ၁၁။
အနာဒိနိဓနံ ဝိၑ္ဏုံ သရ်္ဝလောကမဟေၐွရမ် ၊
လောကာဓျက္ၑံ သ္တုဝန္နိတျံ သရ်္ဝဒုးခါတိဂေါ ဘဝေတ် ။ ၁၂။
ဗြဟ္မဏျံ သရ်္ဝဓရ်္မဇ္ဉံ လောကာနာံ ကီရ်္တိဝရ်္ဓနမ် ၊
လောကနာထံ မဟဒ္ဘူတံ သရ်္ဝဘူတဘဝေါဒ္ဘဝမ် ။ ၁၃။
ဧၑ မေ သရ်္ဝဓရ်္မာဏာံ ဓရ်္မော'ဓိကတမော မတး ၊
ယဒ္ဘက္တျာ ပုဏ္ဍရီကာက္ၑံ သ္တဝဲရရ်္စေန္နရး သဒါ ။ ၁၄။
ပရမံ ယော မဟတ္တေဇး ပရမံ ယော မဟတ္တပး ၊
ပရမံ ယော မဟဒ္ဗြဟ္မ ပရမံ ယး ပရာယဏမ် ။ ၁၅။
ပဝိတြာဏာံ ပဝိတြံ ယော မင်္ဂလာနာံ စ မင်္ဂလမ် ၊
ဒဲဝတံ ဒဲဝတာနာံ စ ဘူတာနာံ ယော'ဝျယး ပိတာ ။ ၁၆။
ယတး သရ်္ဝါဏိ ဘူတာနိ ဘဝန္တျာဒိယုဂါဂမေ ၊
ယသ္မိံၐ္စ ပြလယံ ယာန္တိ ပုနရေဝ ယုဂက္ၑယေ ။ ၁၇။
တသျ လောကပြဓာနသျ ဇဂန္နာထသျ ဘူပတေ ၊
ဝိၑ္ဏောရ်္နာမသဟသြံ မေ ၐၖဏု ပါပဘယာပဟမ် ။ ၁၈။
ယာနိ နာမာနိ ဂေါ်ဏာနိ ဝိချာတာနိ မဟာတ္မနး ၊
ၒၑိဘိး ပရိဂီတာနိ တာနိ ဝက္ၑျာမိ ဘူတယေ ။ ၁၉။
ၒၑိရ်္နာမ္နာံ သဟသြသျ ဝေဒဝျာသော မဟာမုနိး ။
ဆန္ဒော'နုၑ္ဋုပ် တထာ ဒေဝေါ ဘဂဝါန် ဒေဝကီသုတး ။ ၂၀။
အမၖတာံၐူဒ္ဘဝေါ ဗီဇံ ၐက္တိရ်္ဒေဝကိနန္ဒနး ၊
တြိသာမာ ဟၖဒယံ တသျ ၐာန္တျရ်္ထေ ဝိနိယောဇျတေ ။ ၂၁။
ဝိၑ္ဏုံ ဇိၑ္ဏုံ မဟာဝိၑ္ဏုံ ပြဘဝိၑ္ဏုံ မဟေၐွရမ် ။
အနေကရူပ ဒဲတျာန္တံ နမာမိ ပုရုၑောတ္တမံ ။ ၂၂ ။
ပူရ်္ဝနျာသး ၊
ၐြီဝေဒဝျာသ ဥဝါစ ---
ဥုံ အသျ ၐြီဝိၑ္ဏောရ်္ဒိဝျသဟသြနာမသ္တောတြမဟာမန္တြသျ ၊
ၐြီ ဝေဒဝျာသော ဘဂဝါန် ၒၑိး ၊
အနုၑ္ဋုပ် ဆန္ဒး ၊
ၐြီမဟာဝိၑ္ဏုး ပရမာတ္မာ ၐြီမန္နာရာယဏော ဒေဝတာ ၊
အမၖတာံၐူဒ္ဘဝေါ ဘာနုရိတိ ဗီဇမ် ၊
ဒေဝကီနန္ဒနး သြၑ္ဋေတိ ၐက္တိး ၊
ဥဒ္ဘဝး က္ၑောဘဏော ဒေဝ ဣတိ ပရမော မန္တြး ၊
ၐင်္ခဘၖန္နန္ဒကီ စကြီတိ ကီလကမ် ၊
ၐာရ်္င္ဂဓနွာ ဂဒါဓရ ဣတျသ္တြမ် ၊
ရထာင်္ဂပါဏိရက္ၑောဘျ ဣတိ နေတြမ် ၊
တြိသာမာ သာမဂး သာမေတိ ကဝစမ် ၊
အာနန္ဒံ ပရဗြဟ္မေတိ ယောနိး ၊
ၒတုး သုဒရ်္ၐနး ကာလ ဣတိ ဒိဂ္ဗန္ဓး ။
ၐြီဝိၐွရူပ ဣတိ ဓျာနမ် ၊
ၐြီမဟာဝိၑ္ဏုပြီတျရ်္ထေ သဟသြနာမသ္တောတြပါဌေ ဝိနိယောဂး ။
အထ နျာသး ၊
ဥုံ ၐိရသိ ဝေဒဝျာသၒၑယေ နမး ၊
မုခေ အနုၑ္ဋုပ္ဆန္ဒသေ နမး ၊
ဟၖဒိ ၐြီကၖၑ္ဏပရမာတ္မဒေဝတာယဲ နမး ၊
ဂုဟျေ အမၖတာံၐူဒ္ဘဝေါ ဘာနုရိတိ ဗီဇာယ နမး ၊
ပါဒယောရ်္ဒေဝကီနန္ဒနး သြၑ္ဋေတိ ၐက္တယေ နမး ၊
သရ်္ဝါင်္ဂေ ၐင်္ခဘၖန္နန္ဒကီ စကြီတိ ကီလကာယ နမး ၊
ကရသမ္ပူဋေ မမ ၐြီကၖၑ္ဏပြီတျရ်္ထေ ဇပေ ဝိနိယောဂါယ နမး ။
ဣတိ ၒၑယာဒိနျာသး ။
အထ ကရနျာသး ၊
ဥုံ ဝိၐွံ ဝိၑ္ဏုရ်္ဝၑဋ္ကာရ ဣတျင်္ဂုၑ္ဌာဘျာံ နမး ၊
အမၖတာံၐူဒ္ဘဝေါ ဘာနုရိတိ တရ်္ဇနီဘျာံ နမး ၊
ဗြဟ္မဏျော ဗြဟ္မကၖဒ္ဗြဟ္မေတိ မဓျမာဘျာံ နမး ၊
သုဝရ်္ဏဗိန္ဒုရက္ၑောဘျ ဣတျနာမိကာဘျာံ နမး ၊
နိမိၑော'နိမိၑး သြဂွီတိ ကနိၑ္ဌိကာဘျာံ နမး ၊
ရထာင်္ဂပါဏိရက္ၑောဘျ ဣတိ ကရတလကရပၖၑ္ဌာဘျာံ နမး ၊
ဣတိ ကရနျာသး ၊
အထ ၑဍင်္ဂနျာသး ၊
ဥုံ ဝိၐွံ ဝိၑ္ဏုရ်္ဝၑဋ္ကာရ ဣတိ ဟၖဒယာယ နမး ၊
အမၖတာံၐူဒ္ဘဝေါ ဘာနုရိတိ ၐိရသေ သွာဟာ ၊
ဗြဟ္မဏျော ဗြဟ္မကၖဒ္ဗြဟ္မေတိ ၐိခါယဲ ဝၑဋ် ၊
သုဝရ်္ဏဗိန္ဒုရက္ၑောဘျ ဣတိ ကဝစာယ ဟုမ် ၊
နိမိၑော'နိမိၑး သြဂွီတိ နေတြတြယာယ ဝေါ်ၑဋ် ၊
ရထာင်္ဂပါဏိရက္ၑောဘျ ဣတျသ္တြာယ ဖဋ် ၊
ဣတိ ၑဍင်္ဂနျာသး ။
ၐြီကၖၑ္ဏပြီတျရ်္ထေ ဝိၑ္ဏောရ်္ဒိဝျသဟသြနာမဇပမဟံ
ကရိၑျေ ဣတိ သင်္ကလ္ပး ၊
အထ ဓျာနမ် ၊
က္ၑီရောဒနွတ္ပြဒေၐေ ၐုစိမဏိဝိလသတ္သဲကတေရ်္မော်က္တိကာနာံ
မာလာကၘပ္တါသနသ္ထး သ္ဖဋိကမဏိနိဘဲရ်္မော်က္တိကဲရ်္မဏ္ဍိတာင်္ဂး ၊
ၐုဘြဲရဘြဲရဒဘြဲရုပရိဝိရစိတဲရ်္မုက္တပီယူၑ ဝရ်္ၑဲး
အာနန္ဒီ နး ပုနီယာဒရိနလိနဂဒါ ၐင်္ခပါဏိရ်္မုကုန္ဒး ။ ၁။
ဘူး ပါဒေါ် ယသျ နာဘိရ်္ဝိယဒသုရနိလၐ္စန္ဒြ သူရ်္ယော် စ နေတြေ
ကရ်္ဏာဝါၐား ၐိရော ဒျော်ရ်္မုခမပိ ဒဟနော ယသျ ဝါသ္တေယမဗ္ဓိး ၊
အန္တးသ္ထံ ယသျ ဝိၐွံ သုရနရခဂဂေါဘောဂိဂန္ဓရ်္ဝဒဲတျဲး
စိတြံ ရံရမျတေ တံ တြိဘုဝန ဝပုၑံ ဝိၑ္ဏုမီၐံ နမာမိ ။ ၂။
ဥုံ ၐာန္တာကာရံ ဘုဇဂၐယနံ ပဒ္မနာဘံ သုရေၐံ
ဝိၐွာဓာရံ ဂဂနသဒၖၐံ မေဃဝရ်္ဏံ ၐုဘာင်္ဂမ် ၊
လက္ၑ္မီကာန္တံ ကမလနယနံ ယောဂိဘိရ်္ဓျာနဂမျံ var ယောဂိဟၖဒ္ဓျာနဂမျံ
ဝန္ဒေ ဝိၑ္ဏုံ ဘဝဘယဟရံ သရ်္ဝလောကဲကနာထမ် ။ ၃။
မေဃၐျာမံ ပီတကော်ၐေယဝါသံ
ၐြီဝတ္သာင်္ကံ ကော်သ္တုဘောဒ္ဘါသိတာင်္ဂမ် ၊
ပုဏျောပေတံ ပုဏ္ဍရီကာယတာက္ၑံ
ဝိၑ္ဏုံ ဝန္ဒေ သရ်္ဝလောကဲကနာထမ် ။ ၄။
နမး သမသ္တဘူတာနာမာဒိဘူတာယ ဘူဘၖတေ ၊
အနေကရူပရူပါယ ဝိၑ္ဏဝေ ပြဘဝိၑ္ဏဝေ ။ ၅။
သၐင်္ခစကြံ သကိရီဋကုဏ္ဍလံ
သပီတဝသ္တြံ သရသီရုဟေက္ၑဏမ် ၊
သဟာရဝက္ၑးသ္ထလကော်သ္တုဘၐြိယံ var သ္ထလၐောဘိကော်သ္တုဘံ
နမာမိ ဝိၑ္ဏုံ ၐိရသာ စတုရ်္ဘုဇမ် ။ ၆။
ဆာယာယာံ ပါရိဇာတသျ ဟေမသိံဟာသနောပရိ
အာသီနမမ္ဗုဒၐျာမမာယတာက္ၑမလံကၖတမ် ၊
စန္ဒြာနနံ စတုရ်္ဗာဟုံ ၐြီဝတ္သာင်္ကိတ ဝက္ၑသံ
ရုက္မိဏီ သတျဘာမာဘျာံ သဟိတံ ကၖၑ္ဏမာၐြယေ ။ ၇။
သ္တောတြမ် ၊
ဟရိး ဥုံ ၊
ဝိၐွံ ဝိၑ္ဏုရ်္ဝၑဋ္ကာရော ဘူတဘဝျဘဝတ္ပြဘုး ၊
ဘူတကၖဒ္ဘူတဘၖဒ္ဘါဝေါ ဘူတာတ္မာ ဘူတဘာဝနး ။ ၁။
ပူတာတ္မာ ပရမာတ္မာ စ မုက္တာနာံ ပရမာ ဂတိး ၊
အဝျယး ပုရုၑး သာက္ၑီ က္ၑေတြဇ္ဉော'က္ၑရ ဧဝ စ ။ ၂။
ယောဂေါ ယောဂဝိဒါံ နေတာ ပြဓာနပုရုၑေၐွရး ၊
နာရသိံဟဝပုး ၐြီမာန် ကေၐဝး ပုရုၑောတ္တမး ။ ၃။
သရ်္ဝး ၐရ်္ဝး ၐိဝး သ္ထာဏုရ်္ဘူတာဒိရ်္နိဓိရဝျယး ၊
သမ္ဘဝေါ ဘာဝနော ဘရ်္တာ ပြဘဝး ပြဘုရီၐွရး ။ ၄။
သွယမ္ဘူး ၐမ္ဘုရာဒိတျး ပုၑ္ကရာက္ၑော မဟာသွနး ၊
အနာဒိနိဓနော ဓာတာ ဝိဓာတာ ဓာတုရုတ္တမး ။ ၅။
အပြမေယော ဟၖၑီကေၐး ပဒ္မနာဘော'မရပြဘုး ၊
ဝိၐွကရ်္မာ မနုသ္တွၑ္ဋာ သ္ထဝိၑ္ဌး သ္ထဝိရော ဓြုဝး ။ ၆။
အဂြါဟျး ၐာၐွတး ကၖၑ္ဏော လောဟိတာက္ၑး ပြတရ်္ဒနး ၊
ပြဘူတသ္တြိကကုဗ္ဓာမ ပဝိတြံ မင်္ဂလံ ပရမ် ။ ၇။
ဤၐာနး ပြာဏဒး ပြာဏော ဇျေၑ္ဌး ၐြေၑ္ဌး ပြဇာပတိး ၊
ဟိရဏျဂရ်္ဘော ဘူဂရ်္ဘော မာဓဝေါ မဓုသူဒနး ။ ၈။
ဤၐွရော ဝိကြမီ ဓနွီ မေဓာဝီ ဝိကြမး ကြမး ၊
အနုတ္တမော ဒုရာဓရ်္ၑး ကၖတဇ္ဉး ကၖတိရာတ္မဝါန် ။ ၉။
သုရေၐး ၐရဏံ ၐရ်္မ ဝိၐွရေတား ပြဇာဘဝး ၊
အဟး သံဝတ္သရော ဝျာလး ပြတျယး သရ်္ဝဒရ်္ၐနး ။ ၁၀။
အဇး သရ်္ဝေၐွရး သိဒ္ဓး သိဒ္ဓိး သရ်္ဝါဒိရစျုတး ၊
ဝၖၑာကပိရမေယာတ္မာ သရ်္ဝယောဂဝိနိးသၖတး ။ ၁၁။
ဝသုရ်္ဝသုမနား သတျး သမာတ္မာ'သမ္မိတး သမး ၊
အမောဃး ပုဏ္ဍရီကာက္ၑော ဝၖၑကရ်္မာ ဝၖၑာကၖတိး ။ ၁၂။
ရုဒြော ဗဟုၐိရာ ဗဘြုရ်္ဝိၐွယောနိး ၐုစိၐြဝါး ၊
အမၖတး ၐာၐွတသ္ထာဏုရ်္ဝရာရောဟော မဟာတပါး ။ ၁၃။
သရ်္ဝဂး သရ်္ဝဝိဒ္ဘါနုရ်္ဝိၑွက္သေနော ဇနာရ်္ဒနး ၊
ဝေဒေါ ဝေဒဝိဒဝျင်္ဂေါ ဝေဒါင်္ဂေါ ဝေဒဝိတ် ကဝိး ။ ၁၄။
လောကာဓျက္ၑး သုရာဓျက္ၑော ဓရ်္မာဓျက္ၑး ကၖတာကၖတး ၊
စတုရာတ္မာ စတုရ်္ဝျူဟၐ္စတုရ်္ဒံၑ္ဋြၐ္စတုရ်္ဘုဇး ။ ၁၅။
ဘြာဇိၑ္ဏုရ်္ဘောဇနံ ဘောက္တာ သဟိၑ္ဏုရ်္ဇဂဒါဒိဇး ၊
အနဃော ဝိဇယော ဇေတာ ဝိၐွယောနိး ပုနရ်္ဝသုး ။ ၁၆။
ဥပေန္ဒြော ဝါမနး ပြာံၐုရမောဃး ၐုစိရူရ်္ဇိတး ၊
အတီန္ဒြး သင်္ဂြဟး သရ်္ဂေါ ဓၖတာတ္မာ နိယမော ယမး ။ ၁၇။
ဝေဒျော ဝဲဒျး သဒါယောဂီ ဝီရဟာ မာဓဝေါ မဓုး ၊
အတီန္ဒြိယော မဟာမာယော မဟောတ္သာဟော မဟာဗလး ။ ၁၈။
မဟာဗုဒ္ဓိရ်္မဟာဝီရ်္ယော မဟာၐက္တိရ်္မဟာဒျုတိး ၊
အနိရ်္ဒေၐျဝပုး ၐြီမာနမေယာတ္မာ မဟာဒြိဓၖက် ။ ၁၉။
မဟေၑွာသော မဟီဘရ်္တာ ၐြီနိဝါသး သတာံ ဂတိး ၊
အနိရုဒ္ဓး သုရာနန္ဒော ဂေါဝိန္ဒော ဂေါဝိဒါံ ပတိး ။ ၂၀။
မရီစိရ်္ဒမနော ဟံသး သုပရ်္ဏော ဘုဇဂေါတ္တမး ၊
ဟိရဏျနာဘး သုတပါး ပဒ္မနာဘး ပြဇာပတိး ။ ၂၁။
အမၖတျုး သရ်္ဝဒၖက် သိံဟး သန္ဓာတာ သန္ဓိမာန် သ္ထိရး ၊
အဇော ဒုရ်္မရ်္ၑဏး ၐာသ္တာ ဝိၐြုတာတ္မာ သုရာရိဟာ ။ ၂၂။
ဂုရုရ်္ဂုရုတမော ဓာမ သတျး သတျပရာကြမး ၊
နိမိၑော'နိမိၑး သြဂွီ ဝါစသ္ပတိရုဒါရဓီး ။ ၂၃။
အဂြဏီရ်္ဂြါမဏီး ၐြီမာန် နျာယော နေတာ သမီရဏး ၊
သဟသြမူရ်္ဓာ ဝိၐွာတ္မာ သဟသြာက္ၑး သဟသြပါတ် ။ ၂၄။
အာဝရ်္တနော နိဝၖတ္တာတ္မာ သံဝၖတး သမ္ပြမရ်္ဒနး ၊
အဟး သံဝရ်္တကော ဝဟ္နိရနိလော ဓရဏီဓရး ။ ၂၅။
သုပြသာဒး ပြသန္နာတ္မာ ဝိၐွဓၖဂွိၐွဘုဂွိဘုး ၊
သတ္ကရ်္တာ သတ္ကၖတး သာဓုရ်္ဇဟ္နုရ်္နာရာယဏော နရး ။ ၂၆။
အသင်္ချေယော'ပြမေယာတ္မာ ဝိၐိၑ္ဋး ၐိၑ္ဋကၖစ္ဆုစိး ၊
သိဒ္ဓါရ်္ထး သိဒ္ဓသင်္ကလ္ပး သိဒ္ဓိဒး သိဒ္ဓိသာဓနး ။ ၂၇။
ဝၖၑာဟီ ဝၖၑဘော ဝိၑ္ဏုရ်္ဝၖၑပရ်္ဝါ ဝၖၑောဒရး ၊
ဝရ်္ဓနော ဝရ်္ဓမာနၐ္စ ဝိဝိက္တး ၐြုတိသာဂရး ။ ၂၈။
သုဘုဇော ဒုရ်္ဓရော ဝါဂ္မီ မဟေန္ဒြော ဝသုဒေါ ဝသုး ၊
နဲကရူပေါ ဗၖဟဒြူပး ၐိပိဝိၑ္ဋး ပြကာၐနး ။ ၂၉။
ဩဇသ္တေဇောဒျုတိဓရး ပြကာၐာတ္မာ ပြတာပနး ၊
ၒဒ္ဓး သ္ပၑ္ဋာက္ၑရော မန္တြၐ္စန္ဒြာံၐုရ်္ဘာသ္ကရဒျုတိး ။ ၃၀။
အမၖတာံၐူဒ္ဘဝေါ ဘာနုး ၐၐဗိန္ဒုး သုရေၐွရး ၊
ဪၑဓံ ဇဂတး သေတုး သတျဓရ်္မပရာကြမး ။ ၃၁။
ဘူတဘဝျဘဝန္နာထး ပဝနး ပါဝနော'နလး ၊
ကာမဟာ ကာမကၖတ္ကာန္တး ကာမး ကာမပြဒး ပြဘုး ။ ၃၂။
ယုဂါဒိကၖဒျုဂါဝရ်္တော နဲကမာယော မဟာၐနး ၊
အဒၖၐျော ဝျက္တရူပၐ္စ သဟသြဇိဒနန္တဇိတ် ။ ၃၃။
ဣၑ္ဋော'ဝိၐိၑ္ဋး ၐိၑ္ဋေၑ္ဋး ၐိခဏ္ဍီ နဟုၑော ဝၖၑး ၊
ကြောဓဟာ ကြောဓကၖတ္ကရ်္တာ ဝိၐွဗာဟုရ်္မဟီဓရး ။ ၃၄။
အစျုတး ပြထိတး ပြာဏး ပြာဏဒေါ ဝါသဝါနုဇး ၊
အပါံနိဓိရဓိၑ္ဌာနမပြမတ္တး ပြတိၑ္ဌိတး ။ ၃၅။
သ္ကန္ဒး သ္ကန္ဒဓရော ဓုရ်္ယော ဝရဒေါ ဝါယုဝါဟနး ၊
ဝါသုဒေဝေါ ဗၖဟဒ္ဘါနုရာဒိဒေဝး ပုရန္ဒရး ။ ၃၆။
အၐောကသ္တာရဏသ္တာရး ၐူရး ၐော်ရိရ်္ဇနေၐွရး ၊
အနုကူလး ၐတာဝရ်္တး ပဒ္မီ ပဒ္မနိဘေက္ၑဏး ။ ၃၇။
ပဒ္မနာဘော'ရဝိန္ဒာက္ၑး ပဒ္မဂရ်္ဘး ၐရီရဘၖတ် ၊
မဟရ်္ဒ္ဓိရၖဒ္ဓေါ ဝၖဒ္ဓါတ္မာ မဟာက္ၑော ဂရုဍဓွဇး ။ ၃၈။
အတုလး ၐရဘော ဘီမး သမယဇ္ဉော ဟဝိရ်္ဟရိး ၊
သရ်္ဝလက္ၑဏလက္ၑဏျော လက္ၑ္မီဝါန် သမိတိဉ္ဇယး ။ ၃၉။
ဝိက္ၑရော ရောဟိတော မာရ်္ဂေါ ဟေတုရ်္ဒါမောဒရး သဟး ၊
မဟီဓရော မဟာဘာဂေါ ဝေဂဝါနမိတာၐနး ။ ၄၀။
ဥဒ္ဘဝး က္ၑောဘဏော ဒေဝး ၐြီဂရ်္ဘး ပရမေၐွရး ၊
ကရဏံ ကာရဏံ ကရ်္တာ ဝိကရ်္တာ ဂဟနော ဂုဟး ။ ၄၁။
ဝျဝသာယော ဝျဝသ္ထာနး သံသ္ထာနး သ္ထာနဒေါ ဓြုဝး ၊
ပရရ်္ဒ္ဓိး ပရမသ္ပၑ္ဋသ္တုၑ္ဋး ပုၑ္ဋး ၐုဘေက္ၑဏး ။ ၄၂။
ရာမော ဝိရာမော ဝိရဇော မာရ်္ဂေါ နေယော နယော'နယး ၊ or ဝိရာမော ဝိရတော
ဝီရး ၐက္တိမတာံ ၐြေၑ္ဌော ဓရ်္မော ဓရ်္မဝိဒုတ္တမး ။ ၄၃။
ဝဲကုဏ္ဌး ပုရုၑး ပြာဏး ပြာဏဒး ပြဏဝး ပၖထုး ၊
ဟိရဏျဂရ်္ဘး ၐတြုဃ္နော ဝျာပ္တေါ ဝါယုရဓောက္ၑဇး ။ ၄၄။
ၒတုး သုဒရ်္ၐနး ကာလး ပရမေၑ္ဌီ ပရိဂြဟး ၊
ဥဂြး သံဝတ္သရော ဒက္ၑော ဝိၐြာမော ဝိၐွဒက္ၑိဏး ။ ၄၅။
ဝိသ္တာရး သ္ထာဝရသ္ထာဏုး ပြမာဏံ ဗီဇမဝျယမ် ၊
အရ်္ထော'နရ်္ထော မဟာကောၐော မဟာဘောဂေါ မဟာဓနး ။ ၄၆။
အနိရ်္ဝိဏ္ဏး သ္ထဝိၑ္ဌော'ဘူရ်္ဓရ်္မယူပေါ မဟာမခး ၊
နက္ၑတြနေမိရ်္နက္ၑတြီ က္ၑမး က္ၑာမး သမီဟနး ။ ၄၇။
ယဇ္ဉ ဣဇျော မဟေဇျၐ္စ ကြတုး သတြံ သတာံ ဂတိး ၊
သရ်္ဝဒရ်္ၐီ ဝိမုက္တာတ္မာ သရ်္ဝဇ္ဉော ဇ္ဉာနမုတ္တမမ် ။ ၄၈။
သုဝြတး သုမုခး သူက္ၑ္မး သုဃောၑး သုခဒး သုဟၖတ် ၊
မနောဟရော ဇိတကြောဓော ဝီရဗာဟုရ်္ဝိဒါရဏး ။ ၄၉။
သွာပနး သွဝၐော ဝျာပီ နဲကာတ္မာ နဲကကရ်္မကၖတ် ၊
ဝတ္သရော ဝတ္သလော ဝတ္သီ ရတ္နဂရ်္ဘော ဓနေၐွရး ။ ၅၀။
ဓရ်္မဂုဗ္ဓရ်္မကၖဒ္ဓရ်္မီ သဒသတ္က္ၑရမက္ၑရမ် ၊
အဝိဇ္ဉာတာ သဟသြာံၐုရ်္ဝိဓာတာ ကၖတလက္ၑဏး ။ ၅၁။
ဂဘသ္တိနေမိး သတ္တွသ္ထး သိံဟော ဘူတမဟေၐွရး ၊
အာဒိဒေဝေါ မဟာဒေဝေါ ဒေဝေၐော ဒေဝဘၖဒ္ဂုရုး ။ ၅၂။
ဥတ္တရော ဂေါပတိရ်္ဂေါပ္တါ ဇ္ဉာနဂမျး ပုရာတနး ၊
ၐရီရဘူတဘၖဒ္ဘေါက္တာ ကပီန္ဒြော ဘူရိဒက္ၑိဏး ။ ၅၃။
သောမပေါ'မၖတပး သောမး ပုရုဇိတ္ပုရုသတ္တမး ၊
ဝိနယော ဇယး သတျသန္ဓော ဒါၐာရ်္ဟး သာတွတာမ္ပတိး ။ ၅၄။ ဝိနိယောဇျး
ဇီဝေါ ဝိနယိတာ သာက္ၑီ မုကုန္ဒော'မိတဝိကြမး ၊
အမ္ဘောနိဓိရနန္တာတ္မာ မဟောဒဓိၐယော'န္တကး ။ ၅၅။
အဇော မဟာရ်္ဟး သွာဘာဝျော ဇိတာမိတြး ပြမောဒနး ၊
အာနန္ဒော နန္ဒနော နန္ဒး သတျဓရ်္မာ တြိဝိကြမး ။ ၅၆။
မဟရ်္ၑိး ကပိလာစာရ်္ယး ကၖတဇ္ဉော မေဒိနီပတိး ၊
တြိပဒသ္တြိဒၐာဓျက္ၑော မဟာၐၖင်္ဂး ကၖတာန္တကၖတ် ။ ၅၇။
မဟာဝရာဟော ဂေါဝိန္ဒး သုၑေဏး ကနကာင်္ဂဒီ ၊
ဂုဟျော ဂဘီရော ဂဟနော ဂုပ္တၐ္စကြဂဒါဓရး ။ ၅၈။
ဝေဓား သွာင်္ဂေါ'ဇိတး ကၖၑ္ဏော ဒၖဎး သင်္ကရ်္ၑဏော'စျုတး ၊
ဝရုဏော ဝါရုဏော ဝၖက္ၑး ပုၑ္ကရာက္ၑော မဟာမနား ။ ၅၉။
ဘဂဝါန် ဘဂဟာ''နန္ဒီ ဝနမာလီ ဟလာယုဓး ၊
အာဒိတျော ဇျောတိရာဒိတျး သဟိၑ္ဏုရ်္ဂတိသတ္တမး ။ ၆၀။
သုဓနွာ ခဏ္ဍပရၐုရ်္ဒါရုဏော ဒြဝိဏပြဒး ၊
ဒိဝသ္ပၖက် သရ်္ဝဒၖဂျွာသော ဝါစသ္ပတိရယောနိဇး ။ ၆၁။ var ဒိဝိသ္ပၖက်
တြိသာမာ သာမဂး သာမ နိရ်္ဝါဏံ ဘေၑဇံ ဘိၑက် ၊
သံနျာသကၖစ္ဆမး ၐာန္တော နိၑ္ဌာ ၐာန္တိး ပရာယဏမ် ။ ၆၂။
ၐုဘာင်္ဂး ၐာန္တိဒး သြၑ္ဋာ ကုမုဒး ကုဝလေၐယး ၊
ဂေါဟိတော ဂေါပတိရ်္ဂေါပ္တါ ဝၖၑဘာက္ၑော ဝၖၑပြိယး ။ ၆၃။
အနိဝရ်္တီ နိဝၖတ္တာတ္မာ သင်္က္ၑေပ္တါ က္ၑေမကၖစ္ဆိဝး ၊
ၐြီဝတ္သဝက္ၑား ၐြီဝါသး ၐြီပတိး ၐြီမတာံဝရး ။ ၆၄။
ၐြီဒး ၐြီၐး ၐြီနိဝါသး ၐြီနိဓိး ၐြီဝိဘာဝနး ၊
ၐြီဓရး ၐြီကရး ၐြေယး ၐြီမာံလ္လောကတြယာၐြယး ။ ၆၅။
သွက္ၑး သွင်္ဂး ၐတာနန္ဒော နန္ဒိရ်္ဇျောတိရ်္ဂဏေၐွရး ၊
ဝိဇိတာတ္မာ'ဝိဓေယာတ္မာ သတ္ကီရ်္တိၐ္ဆိန္နသံၐယး ။ ၆၆။
ဥဒီရ်္ဏး သရ်္ဝတၐ္စက္ၑုရနီၐး ၐာၐွတသ္ထိရး ၊
ဘူၐယော ဘူၑဏော ဘူတိရ်္ဝိၐောကး ၐောကနာၐနး ။ ၆၇။
အရ်္စိၑ္မာနရ်္စိတး ကုမ္ဘော ဝိၐုဒ္ဓါတ္မာ ဝိၐောဓနး ၊
အနိရုဒ္ဓေါ'ပြတိရထး ပြဒျုမ္နော'မိတဝိကြမး ။ ၆၈။
ကာလနေမိနိဟာ ဝီရး ၐော်ရိး ၐူရဇနေၐွရး ၊
တြိလောကာတ္မာ တြိလောကေၐး ကေၐဝး ကေၐိဟာ ဟရိး ။ ၆၉။
ကာမဒေဝး ကာမပါလး ကာမီ ကာန္တး ကၖတာဂမး ၊
အနိရ်္ဒေၐျဝပုရ်္ဝိၑ္ဏုရ်္ဝီရော'နန္တော ဓနဉ္ဇယး ။ ၇၀။
ဗြဟ္မဏျော ဗြဟ္မကၖဒ် ဗြဟ္မာ ဗြဟ္မ ဗြဟ္မဝိဝရ်္ဓနး ၊
ဗြဟ္မဝိဒ် ဗြာဟ္မဏော ဗြဟ္မီ ဗြဟ္မဇ္ဉော ဗြာဟ္မဏပြိယး ။ ၇၁။
မဟာကြမော မဟာကရ်္မာ မဟာတေဇာ မဟောရဂး ၊
မဟာကြတုရ်္မဟာယဇွာ မဟာယဇ္ဉော မဟာဟဝိး ။ ၇၂။
သ္တဝျး သ္တဝပြိယး သ္တောတြံ သ္တုတိး သ္တောတာ ရဏပြိယး ၊
ပူရ်္ဏး ပူရယိတာ ပုဏျး ပုဏျကီရ်္တိရနာမယး ။ ၇၃။
မနောဇဝသ္တီရ်္ထကရော ဝသုရေတာ ဝသုပြဒး ၊
ဝသုပြဒေါ ဝါသုဒေဝေါ ဝသုရ်္ဝသုမနာ ဟဝိး ။ ၇၄။
သဒ္ဂတိး သတ္ကၖတိး သတ္တာ သဒ္ဘူတိး သတ္ပရာယဏး ၊
ၐူရသေနော ယဒုၐြေၑ္ဌး သန္နိဝါသး သုယာမုနး ။ ၇၅။
ဘူတာဝါသော ဝါသုဒေဝး သရ်္ဝါသုနိလယော'နလး ၊
ဒရ်္ပဟာ ဒရ်္ပဒေါ ဒၖပ္တေါ ဒုရ်္ဓရော'ထာပရာဇိတး ။ ၇၆။
ဝိၐွမူရ်္တိရ်္မဟာမူရ်္တိရ်္ဒီပ္တမူရ်္တိရမူရ်္တိမာန် ၊
အနေကမူရ်္တိရဝျက္တး ၐတမူရ်္တိး ၐတာနနး ။ ၇၇။
ဧကော နဲကး သဝး ကး ကိံ ယတ် တတ္ပဒမနုတ္တမမ် ၊
လောကဗန္ဓုရ်္လောကနာထော မာဓဝေါ ဘက္တဝတ္သလး ။ ၇၈။
သုဝရ်္ဏဝရ်္ဏော ဟေမာင်္ဂေါ ဝရာင်္ဂၐ္စန္ဒနာင်္ဂဒီ ၊
ဝီရဟာ ဝိၑမး ၐူနျော ဃၖတာၐီရစလၐ္စလး ။ ၇၉။
အမာနီ မာနဒေါ မာနျော လောကသွာမီ တြိလောကဓၖက် ၊
သုမေဓာ မေဓဇော ဓနျး သတျမေဓာ ဓရာဓရး ။ ၈၀။
တေဇောဝၖၑော ဒျုတိဓရး သရ်္ဝၐသ္တြဘၖတာံ ဝရး ၊
ပြဂြဟော နိဂြဟော ဝျဂြေါ နဲကၐၖင်္ဂေါ ဂဒါဂြဇး ။ ၈၁။
စတုရ်္မူရ်္တိၐ္စတုရ်္ဗာဟုၐ္စတုရ်္ဝျူဟၐ္စတုရ်္ဂတိး ၊
စတုရာတ္မာ စတုရ်္ဘာဝၐ္စတုရ်္ဝေဒဝိဒေကပါတ် ။ ၈၂။
သမာဝရ်္တော'နိဝၖတ္တာတ္မာ ဒုရ်္ဇယော ဒုရတိကြမး ၊
ဒုရ်္လဘော ဒုရ်္ဂမော ဒုရ်္ဂေါ ဒုရာဝါသော ဒုရာရိဟာ ။ ၈၃။
ၐုဘာင်္ဂေါ လောကသာရင်္ဂး သုတန္တုသ္တန္တုဝရ်္ဓနး ၊
ဣန္ဒြကရ်္မာ မဟာကရ်္မာ ကၖတကရ်္မာ ကၖတာဂမး ။ ၈၄။
ဥဒ္ဘဝး သုန္ဒရး သုန္ဒော ရတ္နနာဘး သုလောစနး ၊
အရ်္ကော ဝါဇသနး ၐၖင်္ဂီ ဇယန္တး သရ်္ဝဝိဇ္ဇယီ ။ ၈၅။
သုဝရ်္ဏဗိန္ဒုရက္ၑောဘျး သရ်္ဝဝါဂီၐွရေၐွရး ၊
မဟာဟြဒေါ မဟာဂရ်္တော မဟာဘူတော မဟာနိဓိး ။ ၈၆။
ကုမုဒး ကုန္ဒရး ကုန္ဒး ပရ်္ဇနျး ပါဝနော'နိလး ၊
အမၖတာၐော'မၖတဝပုး သရ်္ဝဇ္ဉး သရ်္ဝတောမုခး ။ ၈၇။
သုလဘး သုဝြတး သိဒ္ဓး ၐတြုဇိစ္ဆတြုတာပနး ၊
နျဂြေါဓော'ဒုမ္ဗရော'ၐွတ္ထၐ္စာဏူရာန္ဓြနိၑူဒနး ။ ၈၈။
သဟသြာရ်္စိး သပ္တဇိဟွး သပ္တဲဓား သပ္တဝါဟနး ၊
အမူရ်္တိရနဃော'စိန္တျော ဘယကၖဒ္ဘယနာၐနး ။ ၈၉။
အဏုရ်္ဗၖဟတ္ကၖၐး သ္ထူလော ဂုဏဘၖန္နိရ်္ဂုဏော မဟာန် ၊
အဓၖတး သွဓၖတး သွာသျး ပြာဂွံၐော ဝံၐဝရ်္ဓနး ။ ၉၀။
ဘာရဘၖတ် ကထိတော ယောဂီ ယောဂီၐး သရ်္ဝကာမဒး ၊
အာၐြမး ၐြမဏး က္ၑာမး သုပရ်္ဏော ဝါယုဝါဟနး ။ ၉၁။
ဓနုရ်္ဓရော ဓနုရ်္ဝေဒေါ ဒဏ္ဍော ဒမယိတာ ဒမး ၊
အပရာဇိတး သရ်္ဝသဟော နိယန္တာ'နိယမော'ယမး ။ ၉၂။
သတ္တွဝါန် သာတ္တွိကး သတျး သတျဓရ်္မပရာယဏး ၊
အဘိပြာယး ပြိယာရ်္ဟော'ရ်္ဟး ပြိယကၖတ် ပြီတိဝရ်္ဓနး ။ ၉၃။
ဝိဟာယသဂတိရ်္ဇျောတိး သုရုစိရ်္ဟုတဘုဂွိဘုး ၊
ရဝိရ်္ဝိရောစနး သူရ်္ယး သဝိတာ ရဝိလောစနး ။ ၉၄။
အနန္တော ဟုတဘုဂ္ဘေါက္တာ သုခဒေါ နဲကဇော'ဂြဇး ၊
အနိရ်္ဝိဏ္ဏး သဒါမရ်္ၑီ လောကာဓိၑ္ဌာနမဒ္ဘုတး ။ ၉၅။
သနာတ္သနာတနတမး ကပိလး ကပိရဝျယး ၊
သွသ္တိဒး သွသ္တိကၖတ္သွသ္တိ သွသ္တိဘုက္သွသ္တိဒက္ၑိဏး ။ ၉၆။
အရော်ဒြး ကုဏ္ဍလီ စကြီ ဝိကြမျူရ်္ဇိတၐာသနး ၊
ၐဗ္ဒာတိဂး ၐဗ္ဒသဟး ၐိၐိရး ၐရ်္ဝရီကရး ။ ၉၇။
အကြူရး ပေၐလော ဒက္ၑော ဒက္ၑိဏး က္ၑမိဏာံဝရး ၊
ဝိဒွတ္တမော ဝီတဘယး ပုဏျၐြဝဏကီရ်္တနး ။ ၉၈။
ဥတ္တာရဏော ဒုၑ္ကၖတိဟာ ပုဏျော ဒုးသွပ္နနာၐနး ၊
ဝီရဟာ ရက္ၑဏး သန္တော ဇီဝနး ပရ်္ယဝသ္ထိတး ။ ၉၉။
အနန္တရူပေါ'နန္တၐြီရ်္ဇိတမနျုရ်္ဘယာပဟး ၊
စတုရၐြော ဂဘီရာတ္မာ ဝိဒိၐော ဝျာဒိၐော ဒိၐး ။ ၁၀၀။
အနာဒိရ်္ဘူရ်္ဘုဝေါ လက္ၑ္မီး သုဝီရော ရုစိရာင်္ဂဒး ၊
ဇနနော ဇနဇန္မာဒိရ်္ဘီမော ဘီမပရာကြမး ။ ၁၀၁။
အာဓာရနိလယော'ဓာတာ ပုၑ္ပဟာသး ပြဇာဂရး ၊
ဦရ်္ဓွဂး သတ္ပထာစာရး ပြာဏဒး ပြဏဝး ပဏး ။ ၁၀၂။
ပြမာဏံ ပြာဏနိလယး ပြာဏဘၖတ္ပြာဏဇီဝနး ၊
တတ္တွံ တတ္တွဝိဒေကာတ္မာ ဇန္မမၖတျုဇရာတိဂး ။ ၁၀၃။
ဘူရ်္ဘုဝးသွသ္တရုသ္တာရး သဝိတာ ပြပိတာမဟး ၊
ယဇ္ဉော ယဇ္ဉပတိရ်္ယဇွာ ယဇ္ဉာင်္ဂေါ ယဇ္ဉဝါဟနး ။ ၁၀၄။
ယဇ္ဉဘၖဒ် ယဇ္ဉကၖဒ် ယဇ္ဉီ ယဇ္ဉဘုဂ် ယဇ္ဉသာဓနး ၊
ယဇ္ဉာန္တကၖဒ် ယဇ္ဉဂုဟျမန္နမန္နာဒ ဧဝ စ ။ ၁၀၅။
အာတ္မယောနိး သွယဉ္ဇာတော ဝဲခါနး သာမဂါယနး ၊
ဒေဝကီနန္ဒနး သြၑ္ဋာ က္ၑိတီၐး ပါပနာၐနး ။ ၁၀၆။
ၐင်္ခဘၖန္နန္ဒကီ စကြီ ၐာရ်္င္ဂဓနွာ ဂဒါဓရး ၊
ရထာင်္ဂပါဏိရက္ၑောဘျး သရ်္ဝပြဟရဏာယုဓး ။ ၁၀၇။
သရ်္ဝပြဟရဏာယုဓ ဥုံ နမ ဣတိ ၊
ဝနမာလီ ဂဒီ ၐာရ်္င္ဂီ ၐင်္ခီ စကြီ စ နန္ဒကီ ၊
ၐြီမာန် နာရာယဏော ဝိၑ္ဏုရ်္ဝါသုဒေဝေါ'ဘိရက္ၑတု ။ ၁၀၈။
ၐြီ ဝါသုဒေဝေါ'ဘိရက္ၑတု ဥုံ နမ ဣတိ ၊
ဥတ္တရနျာသး ၊
ဘီၑ္မ ဥဝါစ ---
ဣတီဒံ ကီရ်္တနီယသျ ကေၐဝသျ မဟာတ္မနး ၊
နာမ္နာံ သဟသြံ ဒိဝျာနာမၐေၑေဏ ပြကီရ်္တိတမ် ။ ၁။
ယ ဣဒံ ၐၖဏုယာန္နိတျံ ယၐ္စာပိ ပရိကီရ်္တယေတ် ၊
နာၐုဘံ ပြာပ္နုယာတ္ကိဉ္စိတ္သော'မုတြေဟ စ မာနဝး ။ ၂။
ဝေဒါန္တဂေါ ဗြာဟ္မဏး သျာတ္က္ၑတြိယော ဝိဇယီ ဘဝေတ် ၊
ဝဲၐျော ဓနသမၖဒ္ဓး သျာစ္ဆူဒြး သုခမဝါပ္နုယာတ် ။ ၃။
ဓရ်္မာရ်္ထီ ပြာပ္နုယာဒ္ဓရ်္မမရ်္ထာရ်္ထီ စာရ်္ထမာပ္နုယာတ် ၊
ကာမာနဝါပ္နုယာတ္ကာမီ ပြဇာရ်္ထီ ပြာပ္နုယာတ္ပြဇာမ် ။ ၄။
ဘက္တိမာန် ယး သဒေါတ္ထာယ ၐုစိသ္တဒ္ဂတမာနသး ၊
သဟသြံ ဝါသုဒေဝသျ နာမ္နာမေတတ္ပြကီရ်္တယေတ် ။ ၅။
ယၐး ပြာပ္နေါတိ ဝိပုလံ ဇ္ဉာတိပြာဓာနျမေဝ စ ၊
အစလာံ ၐြိယမာပ္နေါတိ ၐြေယး ပြာပ္နေါတျနုတ္တမမ် ။ ၆။
န ဘယံ ကွစိဒါပ္နေါတိ ဝီရ်္ယံ တေဇၐ္စ ဝိန္ဒတိ ၊
ဘဝတျရောဂေါ ဒျုတိမာန္ဗလရူပဂုဏာနွိတး ။ ၇။
ရောဂါရ်္တော မုစျတေ ရောဂါဒ္ဗဒ္ဓေါ မုစျေတ ဗန္ဓနာတ် ၊
ဘယာန္မုစျေတ ဘီတသ္တု မုစျေတာပန္န အာပဒး ။ ၈။
ဒုရ်္ဂါဏျတိတရတျာၐု ပုရုၑး ပုရုၑောတ္တမမ် ၊
သ္တုဝန္နာမသဟသြေဏ နိတျံ ဘက္တိသမနွိတး ။ ၉။
ဝါသုဒေဝါၐြယော မရ်္တျော ဝါသုဒေဝပရာယဏး ၊
သရ်္ဝပါပဝိၐုဒ္ဓါတ္မာ ယာတိ ဗြဟ္မ သနာတနမ် ။ ၁၀။
န ဝါသုဒေဝဘက္တာနာမၐုဘံ ဝိဒျတေ ကွစိတ် ၊
ဇန္မမၖတျုဇရာဝျာဓိဘယံ နဲဝေါပဇာယတေ ။ ၁၁။
ဣမံ သ္တဝမဓီယာနး ၐြဒ္ဓါဘက္တိသမနွိတး ၊
ယုဇျေတာတ္မသုခက္ၑာန္တိၐြီဓၖတိသ္မၖတိကီရ်္တိဘိး ။ ၁၂။
န ကြောဓော န စ မာတ္သရ်္ယံ န လောဘော နာၐုဘာ မတိး ၊
ဘဝန္တိ ကၖတ ပုဏျာနာံ ဘက္တာနာံ ပုရုၑောတ္တမေ ။ ၁၃။
ဒျော်း သစန္ဒြာရ်္ကနက္ၑတြာ ခံ ဒိၐော ဘူရ်္မဟောဒဓိး ၊
ဝါသုဒေဝသျ ဝီရ်္ယေဏ ဝိဓၖတာနိ မဟာတ္မနး ။ ၁၄။
သသုရာသုရဂန္ဓရ်္ဝံ သယက္ၑောရဂရာက္ၑသမ် ၊
ဇဂဒွၐေ ဝရ်္တတေဒံ ကၖၑ္ဏသျ သစရာစရမ် ။ ၁၅။
ဣန္ဒြိယာဏိ မနော ဗုဒ္ဓိး သတ္တွံ တေဇော ဗလံ ဓၖတိး ၊
ဝါသုဒေဝါတ္မကာနျာဟုး က္ၑေတြံ က္ၑေတြဇ္ဉ ဧဝ စ ။ ၁၆။
သရ်္ဝါဂမာနာမာစာရး ပြထမံ ပရိကလ္ပျတေ ၊ var?? ကလ္ပတေ
အာစာရပြဘဝေါ ဓရ်္မော ဓရ်္မသျ ပြဘုရစျုတး ။ ၁၇။
ၒၑယး ပိတရော ဒေဝါ မဟာဘူတာနိ ဓာတဝး ၊
ဇင်္ဂမာဇင်္ဂမံ စေဒံ ဇဂန္နာရာယဏောဒ္ဘဝမ် ။ ၁၈။
ယောဂေါ ဇ္ဉာနံ တထာ သာင်္ချံ ဝိဒျား ၐိလ္ပာဒိ ကရ်္မ စ ၊
ဝေဒါး ၐာသ္တြာဏိ ဝိဇ္ဉာနမေတတ္သရ်္ဝံ ဇနာရ်္ဒနာတ် ။ ၁၉။
ဧကော ဝိၑ္ဏုရ်္မဟဒ္ဘူတံ ပၖထဂ္ဘူတာနျနေကၐး ၊
တြီံလ္လောကာနျွာပျ ဘူတာတ္မာ ဘုင်္က္တေ ဝိၐွဘုဂဝျယး ။ ၂၀။
ဣမံ သ္တဝံ ဘဂဝတော ဝိၑ္ဏောရ်္ဝျာသေန ကီရ်္တိတမ် ၊
ပဌေဒျ ဣစ္ဆေတ္ပုရုၑး ၐြေယး ပြာပ္တုံ သုခါနိ စ ။ ၂၁။
ဝိၐွေၐွရမဇံ ဒေဝံ ဇဂတး ပြဘုမဝျယမ် ၊
ဘဇန္တိ ယေ ပုၑ္ကရာက္ၑံ န တေ ယာန္တိ ပရာဘဝမ် ။ ၂၂။
န တေ ယာန္တိ ပရာဘဝမ် ဥုံ နမ ဣတိ ၊
အရ်္ဇုန ဥဝါစ ---
ပဒ္မပတြဝိၐာလာက္ၑ ပဒ္မနာဘ သုရောတ္တမ ၊
ဘက္တာနာမနုရက္တာနာံ တြာတာ ဘဝ ဇနာရ်္ဒန ။ ၂၃။
ၐြီဘဂဝါနုဝါစ ---
ယော မာံ နာမသဟသြေဏ သ္တောတုမိစ္ဆတိ ပါဏ္ဍဝ ၊
သောဟ'မေကေန ၐ္လောကေန သ္တုတ ဧဝ န သံၐယး ။ ၂၄။
သ္တုတ ဧဝ န သံၐယ ဥုံ နမ ဣတိ ၊
ဝျာသ ဥဝါစ ---
ဝါသနာဒွါသုဒေဝသျ ဝါသိတံ ဘုဝနတြယမ် ၊
သရ်္ဝဘူတနိဝါသော'သိ ဝါသုဒေဝ နမော'သ္တု တေ ။ ၂၅။
ၐြီ ဝါသုဒေဝ နမော'သ္တုတ ဥုံ နမ ဣတိ ၊
ပါရ်္ဝတျုဝါစ ---
ကေနောပါယေန လဃုနာ ဝိၑ္ဏောရ်္နာမသဟသြကမ် ၊
ပဌျတေ ပဏ္ဍိတဲရ်္နိတျံ ၐြောတုမိစ္ဆာမျဟံ ပြဘော ။ ၂၆။
ဤၐွရ ဥဝါစ ---
ၐြီရာမ ရာမ ရာမေတိ ရမေ ရာမေ မနောရမေ ၊
သဟသြနာမ တတ္တုလျံ ရာမ နာမ ဝရာနနေ ။ ၂၇။
ၐြီရာမနာမ ဝရာနန ဥုံ နမ ဣတိ ၊
ဗြဟ္မောဝါစ ---
နမော'သ္တွနန္တာယ သဟသြမူရ်္တယေ
သဟသြပါဒါက္ၑိၐိရောရုဗာဟဝေ ၊
သဟသြနာမ္နေ ပုရုၑာယ ၐာၐွတေ
သဟသြကောဋိယုဂဓာရိဏေ နမး ။ ၂၈။
သဟသြကောဋိယုဂဓာရိဏေ ဥုံ နမ ဣတိ ၊
ဥုံ တတ္သဒိတိ ၐြီမဟာဘာရတေ ၐတသာဟသျြာံ သံဟိတာယာံ ဝဲယာသိကျာမာနုၐာသနိကေ
ပရ်္ဝဏိ ဘီၑ္မယုဓိၑ္ဌိရသံဝါဒေ ၐြီဝိၑ္ဏောရ်္ဒိဝျသဟသြနာမသ္တောတြမ် ။
သဉ္ဇယ ဥဝါစ ---
ယတြ ယောဂေၐွရး ကၖၑ္ဏော ယတြ ပါရ်္ထော ဓနုရ်္ဓရး ၊
တတြ ၐြီရ်္ဝိဇယော ဘူတိရ်္ဓြုဝါ နီတိရ်္မတိရ်္မမ ။ ၂၉။
ၐြီဘဂဝါနုဝါစ ---
အနနျာၐ္စိန္တယန္တော မာံ ယေ ဇနား ပရ်္ယုပါသတေ ၊
တေၑာံ နိတျာဘိယုက္တာနာံ ယောဂက္ၑေမံ ဝဟာမျဟမ် ။ ၃၀။
ပရိတြာဏာယ သာဓူနာံ ဝိနာၐာယ စ ဒုၑ္ကၖတာမ် ၊
ဓရ်္မသံသ္ထာပနာရ်္ထာယ သမ္ဘဝါမိ ယုဂေ ယုဂေ ။ ၃၁။
အာရ်္တား ဝိၑဏ္ဏား ၐိထိလာၐ္စ ဘီတား ဃောရေၑု စ ဝျာဓိၑု ဝရ်္တမာနား ၊
သင်္ကီရ်္တျ နာရာယဏၐဗ္ဒမာတြံ ဝိမုက္တဒုးခါး သုခိနော ဘဝန္တိ ။ ၃၂။ var ဘဝန္တု
ကာယေန ဝါစာ မနသေန္ဒြိယဲရ်္ဝါ ဗုဒ္ဓျာတ္မနာ ဝါ ပြကၖတေး သွဘာဝါတ် ၊ var ပြကၖတိသွဘာဝါတ် ၊
ကရောမိ ယဒျတ် သကလံ ပရသ္မဲ နာရာယဏာယေတိ သမရ်္ပယာမိ ။ ၃၃။
ဣတိ ၐြီဝိၑ္ဏောရ်္ဒိဝျသဟသြနာမသ္တောတြံ သမ္ပူရ်္ဏမ် ၊
ဥုံ တတ် သတ် ၊
မဟာဘာရတေ အနုၐာသနပရ်္ဝဏိ
Additional Concluding Shlokas
ဥုံ အာပဒါမပဟရ်္တာရံ ဒါတာရံ သရ်္ဝသမ္ပဒါမ် ၊
လောကာဘိရာမံ ၐြီရာမံ ဘူယော ဘူယော နမာမျဟမ် ။
အာရ်္တာနာမာရ်္တိဟန္တာရံ ဘီတာနာံ ဘီတိနာၐနမ် ၊
ဒွိၑတာံ ကာလဒဏ္ဍံ တံ ရာမစန္ဒြံ နမာမျဟမ် ။
နမး ကောဒဏ္ဍဟသ္တာယ သန္ဓီကၖတၐရာယ စ ၊
ခဏ္ဍိတာခိလဒဲတျာယ ရာမာယ''ပန္နိဝါရိဏေ ။
ရာမာယ ရာမဘဒြာယ ရာမစန္ဒြာယ ဝေဓသေ ၊
ရဃုနာထာယ နာထာယ သီတာယား ပတယေ နမး ။
အဂြတး ပၖၑ္ဌတၐ္စဲဝ ပါရ်္ၐွတၐ္စ မဟာဗလော် ၊
အာကရ်္ဏပူရ်္ဏဓနွာနော် ရက္ၑေတာံ ရာမလက္ၑ္မဏော် ။
သန္နဒ္ဓး ကဝစီ ခဍ္ဂီ စာပဗာဏဓရော ယုဝါ ၊
ဂစ္ဆန် မမာဂြတော နိတျံ ရာမး ပါတု သလက္ၑ္မဏး ။
အစျုတာနန္တဂေါဝိန္ဒ နာမောစ္စာရဏဘေၑဇာတ် ၊
နၐျန္တိ သကလာ ရောဂါဿတျံ သတျံ ဝဒါမျဟမ် ။
သတျံ သတျံ ပုနဿတျမုဒ္ဓၖတျ ဘုဇမုစျတေ ၊
ဝေဒါစ္ဆာသ္တြံ ပရံ နာသ္တိ န ဒေဝံ ကေၐဝါတ္ပရမ် ။
ၐရီရေ ဇရ်္ဈရီဘူတေ ဝျာဓိဂြသ္တေ ကဠေဝရေ ၊
ဪၑဓံ ဇာဟ္နဝီတောယံ ဝဲဒျော နာရာယဏော ဟရိး ။
အာလောဍျ သရ်္ဝၐာသ္တြာဏိ ဝိစာရ်္ယ စ ပုနး ပုနး ၊
ဣဒမေကံ သုနိၑ္ပန္နံ ဓျေယော နာရာယဏော ဟရိး ။
ယဒက္ၑရပဒဘြၑ္ဋံ မာတြာဟီနံ တု ယဒ္ဘဝေတ် ၊
တတ္သရ်္ဝံ က္ၑမျတာံ ဒေဝ နာရာယဏ နမော'သ္တု တေ ။
ဝိသရ်္ဂဗိန္ဒုမာတြာဏိ ပဒပါဒါက္ၑရာဏိ စ ၊
နျူနာနိ စာတိရိက္တာနိ က္ၑမသွ ပုရုၑောတ္တမ ။
Alternate Concluding Shlokas
နမး ကမလနာဘာယ နမသ္တေ ဇလၐာယိနေ ၊
နမသ္တေ ကေၐဝါနန္တ ဝါသုဒေဝ နမော'သ္တုတေ ။
နမော ဗြဟ္မဏျဒေဝါယ ဂေါဗြာဟ္မဏဟိတာယ စ ၊
ဇဂဒ္ဓိတာယ ကၖၑ္ဏာယ ဂေါဝိန္ဒာယ နမော နမး ။
အာကာၐာတ္ပတိတံ တောယံ ယထာ ဂစ္ဆတိ သာဂရမ် ၊
သရ်္ဝဒေဝနမသ္ကာရး ကေၐဝံ ပြတိ ဂစ္ဆတိ ။
ဧၑ နိၑ္ကဏ္ဋကး ပန္ထာ ယတြ သမ္ပူဇျတေ ဟရိး ၊
ကုပထံ တံ ဝိဇာနီယာဒ် ဂေါဝိန္ဒရဟိတာဂမမ် ။
သရ်္ဝဝေဒေၑု ယတ္ပုဏျံ သရ်္ဝတီရ်္ထေၑု ယတ္ဖလမ် ၊
တတ္ဖလံ သမဝါပ္နေါတိ သ္တုတွာ ဒေဝံ ဇနာရ်္ဒနမ် ။
ယော နရး ပဌတေ နိတျံ တြိကာလံ ကေၐဝါလယေ ၊
ဒွိကာလမေကကာလံ ဝါ ကြူရံ သရ်္ဝံ ဝျပေါဟတိ ။
ဒဟျန္တေ ရိပဝသ္တသျ သော်များ သရ်္ဝေ သဒါ ဂြဟား ၊
ဝိလီယန္တေ စ ပါပါနိ သ္တဝေ ဟျသ္မိန် ပြကီရ်္တိတေ ။
ယေနေ ဓျာတး ၐြုတော ယေန ယေနာယံ ပဌျတေ သ္တဝး ၊
ဒတ္တာနိ သရ်္ဝဒါနာနိ သုရား သရ်္ဝေ သမရ်္စိတား ။
ဣဟ လောကေ ပရေ ဝါပိ န ဘယံ ဝိဒျတေ ကွစိတ် ၊
နာမ္နာံ သဟသြံ ယော'ဓီတေ ဒွါဒၐျာံ မမ သန္နိဓော် ။
ၐနဲရ်္ဒဟန္တိ ပါပါနိ ကလ္ပကောဋီၐတာနိ စ ၊
အၐွတ္ထသန္နိဓော် ပါရ်္ထ ဓျာတွာ မနသိ ကေၐဝမ် ။
ပဌေန္နာမသဟသြံ တု ဂဝါံ ကောဋိဖလံ လဘေတ် ၊
ၐိဝါလယေ ပဌေနိတျံ တုလသီဝနသံသ္ထိတး ။
နရော မုက္တိမဝါပ္နေါတိ စကြပါဏေရ်္ဝစော ယထာ ၊
ဗြဟ္မဟတျာဒိကံ ဃောရံ သရ်္ဝပါပံ ဝိနၐျတိ ။
ဝိလယံ ယာန္တိ ပါပါနိ စာနျပါပသျ ကာ ကထာ ၊
သရ်္ဝပါပဝိနိရ်္မုက္တော ဝိၑ္ဏုလောကံ သ ဂစ္ဆတိ ။
။ ဟရိး ဥုံ တတ္သတ် ။
NA
Encoded and proofread by Kirk Wortman kirkwort at hotmail.com
The verse numbering differs between prints used for chanting.
The pAThabheda viniyojyaH in 54 is referred only in Satyasandhiya
Vyakhanam in Madhvasampradaya so as to force to fit the
meter as well as giving some meaning. (See also pUrvapIThikA 21).
All other printed texts and commentaries use vinayo jayaH.
vinayo jayaH satyasandhaH is considered navAkSharI charaNa
with 9 letters, for the scriptural limitations, the letters
vina (vin) is considered with ekAkSharI bhAva. Gita has
verse 11-1 madanugrahAya paramam with similar properties.
This is mentioned in Vishnusahasranama Chintanika (Marathi).
The Sringeri Math confirmed that
↑↑Kindly note that extra aksharas in a particular Pada do occur
in the Puranas and they are considered Aarsha Prayoga.↑↑