तौ सत् ३।२।१२७

तौ शतृशानचौ सत्संज्ञौ भवतः। तौग्रहणम् उपाद्यसंसर्गार्थम्। शतृशानज्मात्रस्य संज्ञा भवति। ब्राह्मणस्य कुर्वन्। ब्राह्मणस्य कुर्वाणः। ब्राह्मणस्य करिष्यन्। ब्राह्मणस्य करिष्यमाणः। सत्प्रदेशाः पूरणगुणसुहितार्थसद्। अव्ययतव्यसमानाधिकरणेन २।२।११ इत्येवम् आदयः।

तौ सत् ८३७, ३।२।१२७

तौ शतृशानचौ सत्संज्ञौ स्तः॥

तौ सत् ९०८, ३।२।१२७

तौ सत्। "लटः शतृशानचौ" इति सूत्रोपात्तौ शतृशानचौ तच्छब्दः परामृशति। तदाह-- तौ शतृशानचाविति।