Click to see this page in various language scripts
Devanagari |
Roman |
Gujarati |
Tamil |
Telugu |
Punjabi |
Bengali |
Kannada |
Oriya |
Malayalam
|| শ্রীগীতরামায়ণস্য সমবৃত্তঃ সংস্কৃতানুবাদঃ || ঃ২>
মরাঠীভাষায়াঃ কবিশ্রেষ্ঠৈঃ
শ্রী. গ. দি. মাডগূল়করমহোদয়ৈঃ বিরচিতস্য
শ্রীগীতরামায়ণস্য সমবৃত্তঃ সংস্কৃতানুবাদঃ |
অনুবাদকর্তা
প্রা. সীতারাম. ভা. দাতার
[ Original Marathi Lyrics
text at:
http://www.aathavanitli-gani.com/
http://www.marathiworld.com/gani/geetramayan.htm
audio at:
http://www.gadima.com/category/3/0/0/geetramayan-sudhir-phadke
সংস্কৃত গীত- রামায়ণম্ অনুক্রমণিকা |
গীত গীতশীর্ষকম্
ক্রমাঙ্ক
- ১ শ্রূয়তে শ্রীরামেণ স্বয়ম্
- ২ অয়োধ্যা মনুরচিতং নগরম্
- ৩ কিমেবং দলতীদং মানসম্ ?
- ৪ কুতোঽসি খিন্না, সংহর মুগ্ধে,
- ৫ ক্ষিতিপতে, স্বীকুরু ক্ষীরমিদম্
- ৬ রামোঽজনি ভাগ্যবশাৎ
- ৭ শ্যামরামচন্দ্রো মেঽযম্
- ৮ জ্যেষ্ঠং তে হে নৃপতে দেহি মে সুতম্
- ৯ নাশয় ত্রাটিকাং রাম, শীঘ্রম্ !
- ১০ এহি রাম সৎবরম্
- ১১ অদ্য বৈ শাপবিমুক্তাঽভবম্
- ১২ শৃণুত স্বয়ংবরাখ্যানম্
- ১৩ শংসাম তোষং কথম্
- ১৪ মা লঙ্ঘয় বচনম্
- ১৫ রাম, মা যাহি বনং ঘোরম্
- ১৬ রামাদপরঃ কুরুতে কোঽত্র শাসনম্ ?
- ১৭ যত্র হি রামস্তত্র হি সীতা
- ১৮ তিষ্ঠ সুমন্ত্রক, স্থাপয় চ রথম্
- ১৯ জয় গঙ্গে জয় জহ্নুসুতে,
- ২০ রচ্যতামত্র লক্ষ্মণ উটজম্
- ২১ সোঽব্রবীদন্তে মামেবম্
- ২২ দশদিশং তিমিরময়ং জাতম্
- ২৩ মাতা ন বৈরিণী ৎবম্
- ২৪ প্রেষয়স্ব জানকীমাশ্রয়ায় গহ্বরম্
- ২৫ দৈবজানি দুঃখানীতি ন দোষো নরাণাম্
- ২৬ দেহি বন্ধো, পাদুকে তে
- ২৭ কোঽসি রে যুবরাজঃ কথয় মে
- ২৮ বিরূপিতেয়ং শূর্পণখা
- ২৯ আনীয় দেহি মে
- ৩০ মাঽতিথে, তিষ্ঠ বৃথা দ্বারে
- ৩১ ক্ব ভবেৎ সীতা রামজীবিতম্ ?
- ৩২ অনুজ রে তদীয়পদয়ুগমিদম্
- ৩৩ সোঽহরজ্জানকীং নূনম্
- ৩৪ রঘুপতে, শবরী ধন্যাঽহম্
- ৩৫ সুগ্রীব একমিত্রং রামস্য
- ৩৬ বালিবধো ন চ খলনাশোঽযম্
- ৩৭ স একো বীরঃ শ্রীহনুমান্
- ৩৮ ইয়মসৌ শ্রীরামস্বামিনী
- ৩৯ রামকীর্তিরস্ম্যহম্
- ৪০ মুদ্রিকা তদীয়া নূনমভিজ্ঞাতেয়ম্
- ৪১ হনুমতা দগ্ধা লঙ্কেয়ম্
- ৪২ সেতু রচয়ধ্বং সাগরে
- ৪৩ রঘুপতে, বদসি ন কিমপি কথম্ ?
- ৪৪ সুগ্রীব, সখে, সাহসমেবম্
- ৪৫ গচ্ছাঙ্গদ রাবণায় কথয় সৎবরম্
- ৪৬ সঙ্গরং রামরাবণীয়ম্
- ৪৭ অদ্য বিপদি শ্রীলঙ্কা সর্বদা স্থিতা
- ৪৮ নিষ্ফলা বাণা অদ্য কথম্ ?
- ৪৯ হে সুরাঃ, রাঘবলীলেয়ম্
- ৫০ লীনতে, চারুতে, সীতে
- ৫১ স্বামিনী সদা মে
- ৫২ ত্রিবারজয়কারং রাঘব,
- ৫৩ যচ্ছতু বরমেকং প্রভুর্মে
- ৫৪ হে নাথ, দোহদং পরিপূরয় মে
- ৫৫ বদ যামি লক্ষ্মণ,
- ৫৬ রামাখ্যানং গায়তমেবম্
শ্রী
ছায়া যেন কৃতা মমোপরি মুদা স্থিৎবা কঠোরাতপে
শ্রুৎবা যস্য বিশুদ্ধবেদপঠনং বদ্ধা রুচিঃ সংস্কৃতে |
স্মৃৎবা যস্য কৃপাশ্রয়ে বিগমিতং বাল্যং মনো মোদতে
তস্মৈ সাদরমর্পয়ে কৃতিমিমাং মাতামহায়াদ্য মে ||
নমো নমঃ সংস্কৃতানুরাগিভ্যো রসিকবরেভ্যঃ |
মহারাষ্ট্রভাষাসাহিত্যে বিখ্যাতস্য ’গ. দি. মাডগূল়করঽ
নাম্না কবিশ্রেষ্ঠেন বিরচিতস্য ’গীতরামায়ণস্যঽ
নাম ভবদ্ভিঃ শ্রুতং স্যাদেব | এতদতীব মধুরং কাব্যং
তদনুরূপেষু স্বরেষু নিবদ্ধং ’সুধীর ফডকেঽ - তথা
’বাবূজীঽ ইতি নাম্না বিশ্রুতেন সঙ্গীতদিগ্দর্শকেন | ১৯৫৫ তমে
খ্রিস্তাব্দে সকলেঽপি সংবৎসরে প্রতিসপ্তাহস্য ভৃগুবাসরে অস্য
কাব্যস্যৈকৈকং গীতমাকাশবাণ্যাঃ পুণে- বিভাগেন প্রসারিতম্ |
অল্পাবধাবেব তৎ কাব্যং লোকপ্রিয়তায়াঃ শিখরমবাপ |
ভৃগুবাসরে শ্রোতারঃ প্রাতঃসময়ে সর্বাণি গৃহকর্মাণি
সমাপ্য তস্য কাব্যস্য শ্রবণপ্রতীক্ষয়া নভোবাণীপ্রক্ষেপকস্য
পুরতস্তূষ্ণীমুপবিশন্তি স্ম | আকাশবাণ্যা প্রসারিতেন কেনাপ্যুপক্রমে-
ণান্তরেণৈতাবৎ যশঃ পূর্বং ক্বচিদেব লব্ধং স্যাৎ | ’গানস্য
চরমোৎকর্ষো গীতরামায়ণং সদাঽ ইতি ’পাণ্ডুরঙ্গশাস্ত্রী
আঠবলেঽ মহোদয়ৈরুক্তমেব |
তৎপশ্চাৎ ’বাবূজীঽ মহোদয়ৈঃ সমগ্রদেশে পর্যটনং
কৃৎবা নগরং নগরং গৎবা স্বগায়নেন গীতরামায়ণং সামান্যজনান্
প্রতি নীতম্ | অতঃ সকলেঽপি ভারতবর্ষে গীতরামায়ণং প্রথিতম্ অভবৎ |
অস্য কাব্যস্য তথা চ তস্য স্বরয়োজনায়াঃ প্রভাবেণ ভারতবর্ষে
বিবিধাসু ভাষাসু কাব্যস্যাস্যানুবাদাঃ গীয়ন্ত্ | কিন্তু সর্বাং
ভারতীয়ভাষাণাং জননীভূতায়াং গীর্বাণভাষায়াং সমগ্রস্য
গীতরামায়ণস্যানুবাদো বিদ্যতে ন বেতি ন জানে | অত এব মমৈষ প্রয়াসঃ
সংস্কৃতানুবাদে গীতরামায়ণস্য | অথ তত্রস্থানি গীতানি মূলস্বরয়োজনয়ৈব
গেয়ানি চেৎ, তৈঃ সমবৃত্তৈরেব ভাব্যম্ ইতি স্পষ্টম্ |
তথাপি মৎসদৃশস্য সংস্কৃতভাষায়াঃ ন বিশেষাভিজ্ঞস্য কৃতে তৎ
কর্ম নিতরাং দুষ্করমাসীৎ | এবং স্থিতে ’কেনায়মব্যাপারেষু
ব্যাপারস্তে আদিষ্টঃঽ ইতি কোঽপি পৃচ্ছেৎ | কামাতুরাণামিব
’কাব্যাতুরাণামপি ন ভয়ং ন লজ্জাঽ ইত্যপি কশ্চিদন্যো বদেৎ | তথাপি
অনুবাদপ্রিয়তয়া অহমস্মৈ চাপলায় প্রচোদিতঃ ইতি তাবৎ সত্যম্ | অতঃ
কৃপয়াঽনুবাদমেতং রসিকাঃ ন কেবলং পঠেয়ুরপি তু তত্তৎস্বরয়োজনয়া
শৃণুয়ুরিতি মে প্রার্থনা |
অন্যচ্চ, অনুবাদঃ অনুবাদঃ এব ভবতি | ন স কদাপি মূলগ্রন্থস্য
যোগ্যতাং প্রাপ্তুমর্হতি | তথাপি অনুবাদস্য নিকষান্ প্রয়ুজ্য
অনুবাদস্যৈতস্য সাফল্যবৈফল্যনির্ণয়ে ভবন্তঃ বিচক্ষণাঃ রসিকবরাঃ এব
প্রমাণম্ | অতঃ ভবন্তঃ এতদ্বিষয়ে আত্মনঃ অভিপ্রায়ং প্রেষয়ন্তু ইতি বিজ্ঞপ্তিঃ |
অদ্যায়মনুবাদঃ প্রকাশং গচ্ছতি, স নৈকানাং হিতচিন্তকানাং
নিরপেক্ষসাহায়্যবিশেষৎবাদেব | প্রথমং তাবৎ নির্দেশঃ কর্তব্যঃ
’হরিভাঊ বঝেঽ মহোদয়স্য | অনেন বালমিত্রেণ মে অস্মিন্ কার্যে ন
কেবলং রুচিঃ প্রদর্শিতা, অপিতু সর্বোঽপি তদ্ভারঃ স্বশিরসি গৃহীতঃ |
অন্যো মম সুহৃদ্ ’সীতারাম খাংবেটেঽ মহোদয়ঃ, যস্য
প্রোৎসাহনং, সক্রিয়ং সাহায়্যং বিনা পুস্তকমিদং প্রকাশনার্থং সিদ্ধং
নাভবিষ্যৎ | অপরোঽপি মম নূতনঃ সুহৃদ্ বর্ততে ’রুণকুমার মরাঠেঽ
মহাশয়ঃ | সংস্কৃতভাষাসাহিত্যস্য মর্মজ্ঞেনানেন মম কাব্যানুবাদং
সমগ্রং নিপুণং পঠিৎবা তত্রস্থগুণদোষাণাং সূক্ষ্মচিকিৎসাকৃতা,
তেনৈবং ময়া কেষাংচিদ্দোষাণাং নিরাকরণায় প্রয়ত্নঃ কৃতঃ |
সৌ. সুধা, মম সহধর্মচারিণী, প্রারম্ভাদেব মহ্যমেতৎকর্মণি
সাতত্যেন প্রোৎসাহনং সাহায়্যং চ অদদাৎ | অনুবাদস্যৈতস্য প্রসিদ্ধেঃ
প্রমুখং কারণং সৈব বিদ্যতে |
ভূতপূর্বপ্রধানমন্ত্রিভিঃ মাননীয়ৈঃ অটলবিহারীজীমহোদয়ৈঃ, ডাॅ.
মুরলীমনোহরজোশীমহোদয়ৈঃ তথা চ প্রাচার্য বিনোদরাবপাঠকমহোদয়ৈঃ
মম কাব্যানুবাদং সাদ্যন্তং পঠিৎবা বিস্তরেণ সহ অভিপ্রায়ান্ প্রেষ্য
অহং ভৃশমনুগৃহীতঃ | সর্বানেতান্ ধন্যবাদান্ বিতরামি |
ডাॅ. পরাডকরমহাশয়াস্তু মম সাক্ষাৎ গুরব এব | তেষামাশিষাঃ
সদৈব ময়া প্রার্থ্যন্তে | তেঽপি সর্বদা মামুপকুর্বন্তি | অপরা চ মম
হিতৈষিণী শ্রীমতি মৃদুলা প্রভুরাম জোশী নাম | অনয়ৈব সংস্ক্রিতগীতরামায়ণস্য
প্রথমপ্রকটসমারোহস্য ’মহারাষ্ট্র টাইম্সঽ নামনি নিয়তকালিকে
সবিস্তরপরীক্ষণং কৃৎবা তস্মৈ প্রসিদ্ধিঃ প্রদত্তা | এতেষাং সর্বেষামানৃণ্যং
গন্তুং ন কদাপি শক্ল্যম্ |
মহারাষ্ট্ররাজ্যস্য ভূতপূর্বঃ মুখ্যমন্ত্রী মা. মনোহরজোশীমহোদয়ঃ
অপি সংস্কৃত- গীতরামায়ণস্য ’সী. ডী. ঽ কৃতে প্রস্তাবনাং লিখিতবান্ |
তথা চ ’সী. ডী. ঽ নির্মাণে সর্বশ্রী উহ্ল্লাস কুলকর্ণী, সতিস্শ পাধ্যে,
মিলিন্দ করমরকর, প্রমোদ সোহোনী, মহেশ খনোলকর, মহেন্দ্র শেডগে,
সুভাষ হডকর, তথা সৌ. মাধুরী করমরকর, সৌ. নীলা সোহোনী এতৈঃ
সর্বৈঃ অপি অহম্ অনুগৃহীতঃ | অস্তু |
যদি এষ গীতানুবাদঃ, তেন সহ প্রকাশিতা ’সী. ডী. ঽ চ
সংস্কৃতানুরাগিণাং রসিকবরাণাং পরিতোষায় কল্পেতাং, তর্হি তয়োঃ প্রয়োজনং
সফলীভবেদিতি মন্যে |
মুম্বাপুরী ১৭- ১১- ২০০৬ সী. ভা. দাতার .
BACK TO TOP
অথ সংস্কৃত গীত- রামায়ণম্
০১ শ্রূয়তে শ্রীরামেণ স্বয়ম্
প্রভুণা শ্রীরামচন্দ্রেণ আরব্ধস্য অশ্বমেধস্য অবলোকনার্থং
জনানাং সাগরঃ ইব অয়োধ্যায়াং সম্প্রাপ্তঃ আসীৎ |
তদানীং মুনিবেষং ধারয়ন্তৌ দ্বৌ কুমারৌ যজ্ঞমণ্ডপং
প্রবিষ্টৌ | তৌ আস্তাং মহর্ষেঃ বাল্মীকেঃ শিষ্যৌ - লবকুশৌ |
শ্রীরামচন্দ্রম্ উদ্দিশ্য তৌ প্রার্থয়তাম্ ’াবাং
রামচরিতং গাতুম্ ইচ্ছাবঃ | ঽ তয়োঃ প্রার্থনা
শ্রীরামচন্দ্রেণ অনুজ্ঞাতা | তথাপি রামকথাং গায়ন্তৌ তৌ
কুমারৌ আত্মনঃ এব পুত্রৌ ইতি স্বয়ং রামচন্দ্রঃ ন জানাতি স্ম |
নিবেদকঃ :
শ্রূয়তে শ্রীরামেণ স্বয়ম্
কুশলবরামায়ণগীতম্ ||
উভৌ কুমারাবেকবয়স্কৌ
সজীবপ্রতিমে রামস্যৈতৌ |
সুতৌ গায়তো জনকসুচরিতম্
জ্যোতিষা তেজোনীরাজনম্ || ১
রাজসরূপৌ তাপসবেষৌ
গন্ধর্বৌ ননু তপোবনস্থৌ |
বাল্মীকিমনোজাতা ভাবাঃ
মানুষং বাঽঽদধতে রূপম্ || ২
নন্বেতৌ প্রতিভাঽঽম্রবনস্থৌ
বসন্তবিভবং গায়তঃ পিকৌ |
বালরবেণাঽঽলপতৌ বিরুতম্
গায়তো মধুমাসং মঞ্জুলম্ || ৩
উন্মীলতি সুমমিবৌষ্ঠয়ুগলম্
স্বরো গন্ধবৎ বিভর্তি ভুবনম্ |
লোলচঞ্চলং কুণ্ডলয়ুগলম্
সঙ্গতৌ কলবীণাঝঙ্কৃতম্ || ৪
সপ্তসুরাণাং স্বর্লোকস্থাঃ
নবাপগা ননু নবরসপূর্ণাঃ |
যজ্ঞমণ্ডপে নন্ববতীর্ণাঃ
সঙ্গমে শ্রোৎৠণাং গাহনম্ || ৫
পুরুষার্থাণাং চতুর্ণাং ফলম্
তত্র পশ্যতঃ স্বজীবনপটম্ |
প্রত্যক্ষাদপি শুচিতরবিম্বম্
ঈক্ষণং নৃপতের্বাষ্পাকুলম্ || ৬
সামবেদবৎ বালগায়নম্
ক্রমেণ সর্গোঽনুসরতি সর্গম্ |
সভাস্থিতস্ত্রীমুনিসচিবানাম্
নয়নজং বহতি কপোলে জলম্ || ৭
তদা রাঘবোবিহায়াসনম্
দৃঢমুপজুগুহে নিজং শৈশবম্ |
সংযোগোঽযং জনকসুতানাম্
কোঽপি তং জানীতে ন পরম্ || ৮
১
BACK TO TOP
০২ অয়োধ্যা মনুরচিতং নগরম্
শ্রীরামস্য যজ্ঞমণ্ডপে সকলাং শক্তিং কর্ণসম্পুটে
সমানীয় শ্রোতারঃ রামচরিতগায়নশ্রবণায় সমুৎসুকাঃ | স্বয়ং
প্রভুঃ রামচন্দ্রঃ স্বর্ণসিংহাসনম্ অধিষ্ঠায় স্বচরিতং শ্রোতুম্
উৎকণ্ঠিতঃ | এবং স্থিতে মুনিবেষধারিণৌ কুশলবৌ রামাখ্যানং
প্রস্তুবীতঃ -
কুশলবৌ -
সরয়ূতীরে স্থিতম্
অয়োধ্যা মনুরচিতং নগরম্ ||
বিশালতায়াং পুরস্যাস্থিতম্
প্রাকারাণাং রুচিরসংকুলম্
সমান্তরপথাং বিততং জালম্
প্রয়ান্তি পথিকা রথগজতুরগাস্তেন মণ্ডিতা ভৃশম্ || ১
সদনে সদনে রত্নতোরণম্
স্থানে স্থানে রম্যমুপবনম্
তত্র বর্ততে নৃত্যগায়নম্
মৃদঙ্গবীণানিত্যবাদনম্, অলকানগরীসমম্ || ২
স্ত্রিয়ঃ সুশীলা নরা ধার্মিকাঃ
সুতাঃ সর্বথা নিজকুলদীপাঃ
জনা নাদয়া ন বা নাস্তিকাঃ
গৃহে পুরে বা ক্বাপি বাঽন্তরে নাঽতৃপ্তের্দর্শনম্ || ৩
ইক্ষ্বাকূণাং কীর্তিভূষণো
নৃপো দশরথো ধর্মপালকো
বাসবঃ পুরে নভসি শশাঙ্কো
রবী রণেঽসৌ কুরুতে বকবান্ নিজপুরসংরক্ষণম্ || ৪
তস্য ভূপতেস্তিস্রো ভার্যাঃ
সুবংশজাতাঃ সুমুখ্য আর্যাঃ
পতিসেবায়ামখণ্ডনিরতাঃ
বহুশ্রুতাস্তা রূপতেজসা শোভন্তে নির্ভরম্ || ৫
তিসৃণাং স্ত্রীণাং প্রীতিসঙ্গমে
ত্রিলোকসৌখ্যং সদনং তনুতে
ন্যূনং ৎবেকং গৃহস্থাশ্রমে
প্রণয়াকাশে নোদয়ময়তে তনয়াদিত্যশ্চিরম্ || ৬
শল্যমেকলং কৌসল্যায়াঃ
উদাসীনতা চ সুমিত্রায়াঃ
ঈশ্বরসেবা কৈকেয়্যায়াঃ
ব্যথা দারুণা সৈকা সততং পীডয়তে দশরথম্ || ৭
রাজসুখং ননু জনতাসৌখ্যম্
অসঙ্খ্যমনসামেকচিন্তনম্
সুখেনামুনা বসুনা বা কিম্ ?
ঋতৌ বসন্তেঽতীতেঽপি কথং কল্পতরোর্ন চ সুমম্ ?|| ৮
২
BACK TO TOP
০৩ কিমেবং দলতীদং মানসম্ ?
’ৃতৌ বসন্তেঽতীতেঽপি কথম্ কল্পতরোর্ন চ সুমম্ ?ঽ
প্রজাঃ প্রজাঃ স্বাঃ ইব পালয়তঃ দশরথস্য গৃহে তাবৎ
অপত্যাভাবঃ ইতি কোঽযং দৈবদুর্বিলাসঃ | সর্বেষাং অয়োধ্যাবাসিনাং
মনসি এষঃ এব প্রশ্নঃ পুনঃ পুনঃ সমুত্তিষ্ঠতি স্ম | কিং পুনঃ
দশরথস্য ভার্যাণাং কথা ?কৌসল্যা তদ্যপি বাহ্যতঃ নির্বিকারা
অদৃশ্যত, তথাপি তস্যাঃ মনসঃ কা অবস্থা ?সা আত্মগতং বদতি - -
কৌসল্যা :
কিমেবং দলতীদং মানসম্ ?
বীক্ষ্য মে লতিকায়াং সুমনসম্ ||
মলিনমন্তরং পূর্বং ন কদা
অসূয়া ন মে জাতু সপত্ন্যা
অদ্য কিং ন সহে লতিকাশ্রিয়ম্ ?১
হৃদয়, কিমেবং সাহসমশুভম্ ?
রোচতে ন তে হরিণীশাবম্
বৃথা কিং বাষ্পাকুলমীক্ষণম্ ?২
বিলোক্য গোবৎসগতং ভাবম্
অনুভবসে কিং মনসি মৎসরম্ ?
আন্তরং কুপ্যতি মৌনং কথম্ ?৩
ভোজয়তে পক্ষিণী শাবকম্
দৃশ্যমিদং তে ভবতি দুঃসহম্
কিমেতৎ দুর্গতমাপতিতম্ ?৪
কিমর্থমেষা হ্যাত্মবঞ্চনা ?
অপত্যং বিনা স্ত্রী ন চ পূর্ণা
অবেতং জীবিতসারং পরম্ || ৫
শিলাঽপি সূতে শিল্পমনুপমম্
হীনতরা কিং শিলায়া অহম্
মনো মে নূনং চিন্তাকুলম্ || ৬
বৃদ্ধতরং কিং নাস্মৎ গগনম্ ?
তত্র জায়তে তারসহস্রম্ !
নিষ্ফলং নূনং মে জীবনম্ || ৭
৩
BACK TO TOP
০৪ কুতোঽসি খিন্না, সংহর মুগ্ধে,
’কিমেবং দলতীদং মানসং বীক্ষ্য মে লতিকায়াং সুমনসম্ ?ঽ
এবং যদা কৌসল্যা চিন্তিতা আসীৎ তদা দশরথঃ অন্তঃপুরং প্রবিশ্য
অব্রবীৎ - -
রাজা দশরথঃ - -
কুতোঽসি খিন্না, সংহর মুগ্ধে, দয়িতে নয়নজলম্
দেবি, হে কৌসল্যে, নূনম্ ||
বসন্তাগমে তরৌ তরৌ ননু দৃষ্টং নবপল্লবম্
আশাকুসুমং মনসি মদীয়ে তথৈব জাতং নবম্
বাণী শ্রবণে কাচিদগুঞ্জন্মম সখি নিঃশব্দম্ || ১
তনুষ্ব তুরগাধ্বরমিতি বাণী সাঽহ তদা মাং প্রিয়ে
’বিহরিষ্যন্তে মুগ্ধা বেদাশ্চৎবারস্তে গৃহেঽ
চিন্তনমেতদ্ বোধয়তে মাং মমৈবমিতি জ্ঞাতম্ || ২
ততঃ সুমন্ত্রং নিমন্ত্র্য সচিবং চাজ্ঞাপিতবানহম্
’বসিষ্ঠ- কাশ্যপ- জাবাল্যাদীনত্রানয় সৎবরম্ঽ
গুরবস্তে মামাদেক্ষ্যন্তে কিমিষ্টমাচরণম্ || ৩
সমাগতেভ্যো গুরুভ্যো ময়া কথিতং মে মানসম্
ময়ৈব তেষাং কৃতং সমক্ষং মনসো মে মন্থনম্
তদনু স্নিগ্ধাং নবনীতসমাং কোঽপ্যবদৎ বাচম্ || ৪
’মনোরথাস্তে সফলা ভাব্যাঽ , আহ মনোদৈবতম্
’দ্য মুহূর্তে মোচয় তুরগং, যাতু স বৈ সৎবরম্ঽ
’গুরুবচনং মে প্রমাণঽ মবদং যুক্ত্বা করয়ুগলম্ || ৫
আনয়াম্যহং দেশাদঙ্গাদৃষ্যশৃঙ্গং স্বয়ম্
সমাপনীয়ং তেন সহেষ্ট্যা ক্রতুরিত্যপি যোজিতম্
মন্ত্রাণীদং পুনন্তু নগরং সধূমশুচিগন্ধম্ || ৬
সরয়ূতীরে মখং প্রকুর্মো দদ্মো দানং মুক্তকরম্
কুর্মশ্চরমং প্রয়ত্নমেতং স্নানমন্ততশ্চাবভৃথম্
দাস্যতি দেবো হুতাশনোঽসাবনন্তমভিলষিতম্ || ৭
৪
BACK TO TOP
০৫ ক্ষিতিপতে, স্বীকুরু ক্ষীরমিদম্
’দাস্যতি দেবো হুতাশনোঽসাবনন্তমভিলষিতম্ঽ
ইতি অপেক্ষয়া দশরথেন যজ্ঞীয়ঃ অশ্বঃ বিসৃষ্টঃ |
সংবৎসরৈকস্য পশ্চাৎ সঃ প্রতিনিবৃত্তঃ | রাজ্ঞো দশরথস্য
প্রার্থনামনুসৃত্য ঋষ্যশৃঙ্গমুনিনা যজ্ঞঃ সমারব্ধঃ |
তত্র অকস্মাৎ কোঽপি রক্তবর্ণঃ মহাপুরুষঃ প্রাদুর্ভূতঃ |
ঘনগম্ভীরেণ অপি সৌম্যস্বরেণ সঃ রাজানম্ অবদৎ -
যজ্ঞপুরুষঃ -
ক্ষিতিপতে, স্বীকুরু ক্ষীরমিদম্
উপস্থিতিং মে তবাধ্বরেঽস্মিন্ মন্যে বহুমানম্ ||
গতঃ সমাপ্তিং মখস্তেঽধুনা
তৃপ্তিমাগতাঃ সর্বদেবতাঃ
অতীব তুষ্টস্ত্বয়ি হে রাজন্, শ্রীবিষ্ণুর্নূনম্ || ১
আগতোঽস্ম্যহং তদীয়াজ্ঞয়া
প্রসাদমেনং শুভং গৃহীৎবা
দানস্যাস্যৈতস্মাদ্দানাৎ, নাপরমুপমানম্ || ২
গৃহাণ স্বকরে সুবর্ণপাত্রম্
পয়ো বিতর দেবীষু চান্তরম্
কামধেনুদুগ্ধাদস্তীদং, ক্ষীরং বলদতরম্ || ৩
সেবন্তে তা যদা পায়সম্
উদরে ভবিতা বংশবীজনম্
জনিষ্যতে তাসামুদরেভ্যো, বীরচতুষ্কফলম্ || ৪
প্রসবিষ্যন্তে মানবরূপান্
তিস্রো দেব্যো বিষ্ণোরংশান্
ধন্যস্ত্বমহো লভসে রাজন্, ঈশ্বরজনকৎবম্ || ৫
ইমে কৃতার্থে ৎবদীয়নয়নে
কৃতার্থোঽপ্যহং দর্শনেন তে
দেহি নরপতে, আজ্ঞামধুনা গমনায় স্বপদম্ || ৬
৫
BACK TO TOP
০৬ রামোঽজনি ভাগ্যবশাৎ
’জনিষ্যতে তাসামুদরেভ্যো বীরচতুষ্কফলম্ঽ
ইতি যজ্ঞপুরুষস্য ভবিষ্যবচনং সত্যম্ অভবৎ | তেন
প্রদত্তস্য পায়সস্য সেবনেন দশরথস্য তিস্রঃ অপি ভার্যাঃ গর্ভম্
আদধত, যথাকলাং চ পুত্রচতুষ্টয়ং প্রাসুবত | কৌসল্যায়াঃ
শ্রীরামঃ, সুমিত্রায়াঃ লক্ষ্মণশত্রুঘ্নৌ, কৈকেয়্যাঃ চ ভরতঃ
ইতি চৎবারঃ পুত্রাঃ অজায়ন্ত | দশরথস্য ঈপ্সিতং পরিপূর্ণম্ | প্রাসাদে
সুখস্য সীমা এব নাবশিষ্টা | নাগরিকাণাম্ আনদোঽপি পর্জন্যপরিপুষ্টাঃ
নদ্যঃ ইব সকলসীমাম্ উল্লঙ্ঘ্য বর্ধমানঃ আসীৎ | রামাদয়ঃ বালকাঃ
হস্তজানুচলনাবস্থাং প্রাপ্তাঃ | তথাপি অয়োধ্যাস্থিতাঃ বনিতাঃ
শ্রীরামজন্মনঃ আনন্দগীতম্ এব অদ্যাপি গায়ন্তি স্ম -
অয়োধ্যাবাসিন্যঃ স্ত্রিয়ঃ -
শুদ্ধপক্ষে চৈত্রমাসে তত্র নবমং দিনম্
গন্ধিতোঽপি পবন এষ ঊষ্ণ ইতি কথম্ ?
রবিরচলো মাধ্যাহ্নে শিরসি কথময়ম্ ?
রামোঽজনি ভাগ্যবশাৎ, পশ্য সখি সুখম্ ||
কৌসল্যোন্মীলয়তে যাবদক্ষিণী
পুত্রদর্শনেন স্বয়ং বিস্মিতা জনী
কণ্ঠরোধনেনাজনি বাষ্পমোচনম্ || ১
উদিতং নবসৌখ্যপর্ব রাজমন্দিরে
সুষ্ণুবুরথ বিনদন্ত্যো ধেনবোঽঙ্গণে
দুন্দুভিজো মত্তরবোঽপূর্যতাম্বরম্ || ২
আসুপ্তা আতপেন শ্রান্তকুড্মলাঃ
কিমিতি কিমিতি পৃচ্ছন্তো ভূয় জাগৃতাঃ
পবনস্তানুচ্চরবেণাহ সস্মিতম্ || ৩
পৌরজনং সুখবার্তা সা গতা যদা
গেহেভ্যো রাজপথং কেঽপি ধাবিতাঃ
আরব্ধং ললনাভির্গীতগায়নম্ || ৪
পুষ্পাঞ্জলিমর্পয়তে কোঽপি ভূষণম্
হাস্যরবে প্রবিলুপ্তং শব্দভাষণম্
বাদ্যানাং তালোঽবর্ধত তু সৎবরম্ || ৫
বীণাধ্বনিরবলুপ্তো নূপুরস্বনে
সন্তপ্তাঃ শৃঙ্গগলাস্তদপি তত্র তে
সম্ভ্রান্তা আম্রতরৌ কোকিলা ভৃশম্ || ৬
বীক্ষন্তে চিত্রমিদং দিগ্গজাশ্চ তে
সঞ্চরন্তি নববর্ণা গগনমণ্ডলে
মৌক্তিকেন চূর্ণেন নু ব্যাপ্তমম্বরম্ || ৭
নৃত্যগায়নে মগ্না সর্বথা পুরী
তালস্বরবর্ণেষু চ গাহতে মহী
শেষসহিতমীষদচলদবনিমণ্ডলম্ || ৮
৬
BACK TO TOP
০৭ শ্যামরামচন্দ্রো মেঽযম্
’রামোঽজনি ভাগ্যবশাৎ পশ্য সখি সুখম্ঽ
এতস্মিন্ আনন্দগায়নে এব অয়োধ্যানগরী নিমগ্না আসীৎ | শ্রীরামঃ
প্রাসাদে দিনমনুদিনং বর্ধতে স্ম | তস্য অস্পষ্টশব্দোচ্চারণং সর্বেষাং
প্রমোদকরং ভবতি স্ম | দেবী কৌসল্যা ভগিনীসমাঃ সপত্ন্যঃ অবদৎ -
কৌসল্যা -
শ্যামরামচন্দ্রো মেঽযং মদঙ্কে করোতি স্নানম্
অষ্টগন্ধগন্ধোপেতং বিরাজতে নীলং কমলম্ || ১
শ্যামরামচন্দ্রো মেঽযং করেণ মেঽশ্নাতি গ্রাসম্
প্রতীক্ষতে শুকবৃন্দমিদং সেবনায় শেষং কবলম্ || ২
শ্যামরামচন্দ্রো মেঽযং রত্নতল্পমধিশেতেঽযম্
বিলীয়তে চন্দ্রো গগনে বীক্ষ্য লজ্জয়া নন্বেতম্ || ৩
শ্যামরামচন্দ্রো মেঽযং বন্ধুভিঃ স রমতে সাকম্
শুভ্রহীরকাণাং মধ্যে দ্যোততে সুনীলং রত্নম্ || ৪
শ্যামরামচন্দ্রো মেঽযং বান্ধবেষু কুরুতে স্নেহম্
মহাজন অপি শিক্ষেয়ুঃ বালরামচন্দ্রাচরণম্ || ৫
শ্যামরামচন্দ্রো মেঽযং তস্য চৈতদনুজত্রিতয়ম্
ভাগ্যরূপশ্লোকস্যৈতৎ মমাখণ্ডচরণচতুষ্কম্ || ৬
শ্যামরামচন্দ্রো মেঽযং ভাষতে কিমপ্যস্পষ্টম্
তেন সংবদন্তশ্চ বয়ং শব্দমুচ্চরামোঽস্পষ্টম্ || ৭
শ্যামরামচন্দ্রো মেঽযং গৃহং করোতীদং স্খলিতম্
স্খলদ্গিরা কুর্বন্তীমে বৈদিকাঃ শ্রুতীনাং পঠনম্ || ৮
শ্যামরামচন্দ্রো মেঽযং কাঙ্ক্ষতে নভঃস্থং চন্দ্রম্
ক্রীডতা নিশায়ামমুনা প্রজাগর্তি সকলং ভুবনম্ || ৯
শ্যামরামচন্দ্রো মেঽযং যুবাঽচিরাদ্ভবিতা নূনম্
তদা বরুণদেবঃ করুণাং প্রবর্ষিষ্যতীহ যথেষ্টম্ || ১০
৭
BACK TO TOP
০৮ জ্যেষ্ঠং তে হে নৃপতে দেহি মে সুতম্
’শ্যামরামচন্দ্রোঽযম্ঽ দিনেষু গচ্ছৎসু শনৈঃ শনৈঃ
বর্ধমানঃ শ্রীরামঃ বালবয়ঃ প্রাপ্তঃ | তেন ধনুর্বেদেন সহ
ধর্মগ্রন্থাঃ অপি পঠিতাঃ | তেন সহ তস্য ভ্রাতরঃ অপি
সকলবিদ্যানিপুণাঃ অজায়ন্ত | ক্রমেণ তে রাজসভামপি সংনিধাতুং আরভন্ত |
একদা দশরথঃ সপুত্রঃ রাজসভায়াম্ আস্থিতঃ আসীৎ | তদা অকস্মাৎ
মহর্ষিঃ বিশ্বামিত্রঃ তত্র সমায়াতঃ | রাজা দশরথঃ তস্য স্বাগতং
ব্যাজহার অবদচ্চ, ’হে মুনিশ্রেষ্ঠ, অপি অস্তি কিংচিৎ যদ্ ভবতাং
কৃতে অহং কর্তুং শক্নোমি ?ঽ নৃপবচনেন আশ্বাসিতঃ
বিশ্বামিত্রঃ প্রাহ -
বিশ্বামিত্রঃ :
জ্যেষ্ঠং তে হে নৃপতে দেহি মে সুতম্
এক এষ কর্তুমলং যজ্ঞরক্ষণম্ ||
মায়াবী কুরুতে মাং,
দৈত্যগণোঽমিতপীডাম্
মখমনেকশো বিধায়, ন তু সমাপনম্ || ১
শাপমহং দদ্মি কথং,
দীক্ষিতঃ ক্ষমী নিত্যম্
তৎ ত্যজামি মখভঙ্গে, সর্বথা স্থলম্ || ২
যজ্ঞে পুনরারব্ধে,
পীডয়ন্তি পুনরপি তে
কুণ্ডদীপনেঽভিয়ান্তি যজ্ঞমণ্ডপম্ || ৩
অসুরাস্তে বেদ্যামপি
মাংসশোণিতং ক্ষিপন্তি
নৃত্যন্তি চ মন্ত্রপঠণভঞ্জনে সুখম্ || ৪
বালবীররামস্তান্
প্রখরতয়া দণ্ডয়তাম্
বালোঽপি স তস্য সত্ত্বমনুপমং পরম্ || ৫
শঙ্কা তে ভবতি কথম্ ?
নৃপশরণং যাচেঽহম্
শব্দং তে পালয়তঃ সম্ভ্রমঃ কথম্ ?৬
প্রাণাধিকমভিবচনং
রঘুবংশে ধর্মোঽযম্
পশ্য সর্বথা সিদ্ধো রাঘবঃ স্বয়ম্ || ৭
কৌসল্যে কিং শোচসি ?
বীরজনী কিং বিভেতি ?
রণরতে সুতে ধন্যং কিং ন কুলয়ুগম্ ?৮
মারীচোঽসৌ সুবাহু-
রুগ্রবাহুদৈত্যচমূঃ
ত্যক্ষ্যতি স্বয়ং শস্ত্রং বীক্ষ্য রাঘবম্ || ৯
শ্রীরাম, ৎবং প্রসীদ,
চাপবাণমপি গৃহাণ
অন্বেতু স ইচ্ছতি চেৎ, ৎবদনুজঃ সুখম্ || ১০
৮
BACK TO TOP
০৯ নাশয় ত্রাটিকাং রাম, শীঘ্রম্ !
’জ্যেষ্ঠং তে হে নৃপতে দেহি মে সুতম্ঽ
ইতি বিশ্বামিত্রমহর্ষেঃ প্রার্থনাম্ অবধীরয়িতুং ন শশাক রাজা
দশরথঃ | নিষঙ্গপৃষ্ঠৌ চাপহস্তৌ রামলক্ষ্মণৌ বিশ্বামিত্রেণ
সহ প্রয়াণায় সিদ্ধৌ | কর্তব্যপরিপালনস্য গরীয়স্ত্বম্ অবধার্য মাতুঃশ্রী
কৌসল্যা পুত্রবাৎসল্যং নিগৃহ্য পুত্রাভ্যাং ’বিজয়িনৌ ভবতম্ঽ ইতি
আশিষঃ দদৌ | মহারাজঃ দশরথঃ তয়োঃ মস্তকয়োঃ অবঘ্রাণং চকার |
ততঃ রামলক্ষ্মণৌ প্রথমপরাক্রমার্থং মহর্ষিণা বিশ্বামিত্রেণ
সহ রাজপ্রাসাদাৎ প্রস্থিতৌ | যাত্রায়াং ভগবান্ বিশ্বামিত্রঃ তাভ্যাং
বিবিধাঃ কথাঃ অকথয়ৎ, বিবিধাঃ শস্ত্রার্থবিদ্যাঃ অশিক্ষয়ৎ চ |
এবং তে ত্রয়ঃ অপি যাবৎ মলদ- করুষ- দেশস্য পরিসরং
প্রাপ্তাঃ তাবৎ সহসা অশনিপাতস্য ইব দারুণঃ শব্দঃ তৈঃ শ্রুতঃ |
কাচন মহাকরালদর্শনা রাক্ষসী তেষাং মার্গম্ অবরুধ্য স্থিতা আসীৎ |
তদা প্রক্ষুব্ধঃ মহর্ষিঃ বিশ্বামিত্রঃ শ্রীরামম্ আজ্ঞাপয়ৎ -
বিশ্বামিত্রঃ -
যুঙ্ক্ষ্ব রে কার্মুকং, মুঞ্চ রে সায়কম্
নাশয় ত্রাটিকাং রাম, শীঘ্রম্ !
দুষ্টমায়াবিনী শাপিতা যক্ষিণী
বর্তনে, দর্শনে কুৎসিতেয়ম্ || ১
বীক্ষ্য তপ্তং তথাঽঽরক্তনেত্রদ্বয়ম্
বীরুধো জজ্বলুর্দগ্ধমপি কাননম্
অতুলবলগর্বিতা সাকৃতিঃ ক্রূরতা
জনয়তে খলু ঘৃণাং ক্রূররূপম্ || ২
পশ্য দংষ্ট্রারদান্ শৃণু চ হাসং তথা
মৃতমহাহস্তিনাঽঽপূরিতা ননু গুহা
মৃত্যুছায়া যথাঽঽক্রমতি সা নস্তথা
কর্ষ চাপস্য জ্যাং ছিন্দ্ধি তন্দ্রাম্ || ৩
তিষ্ঠসীত্থং কুতো ?মুঞ্চ সদ্যঃ শরম্
মৃত্যুরস্যাস্ত্বমেতদপি জানাম্যহম্
জনহিতে স্ত্রীবধো মর্ষণীয়ঃ স্মৃতো
বোধয়ে ৎবামহং ধর্মতত্ত্বম্ || ৪
দৈত্যকন্যা পুরা গ্রসিতুমৈচ্ছদ্ ধরাম্
অবধদিন্দ্রশ্চ তামাসুরীং মন্থরাম্
বিষ্ণুনা ধর্মিণা শুক্রমাতা হতা
লুব্ধকা ভবতি সিংহস্য ভক্ষ্যম্ || ৫
ধাবিতা ডাকিনী প্রকুপিতা নির্ভরম্
প্রহিণু নরকং চ তাং সদ্য এতৎক্ষণম্
সুরগণোঽপেক্ষতে বিক্রমং রাম তে
শৌর্যচন্দ্রোঽযতাং পৌর্ণিমাৎবম্ || ৬
৯
BACK TO TOP
১০ এহি রাম সৎবরম্
’নাশয় ত্রাটিকাং রাম শীঘ্রম্ | ঽ
ইতি আদেশম্ অনুসৃত্য শ্রীরামঃ তাটিকায়াঃ বধং কৃতবান্ |
তদা দেবগন্ধর্বাঃ গগনাৎ পুষ্পবৃষ্টিং চক্রুঃ | রামলক্ষ্মণাভ্যাং
সহ বিশ্বামিত্রঃ সিদ্ধাশ্রমং নাম আত্মনঃ তপোবনং প্রাপ্নোৎ যজ্ঞং
চ আরভত | যজ্ঞে তস্মিন্ বিঘ্নং কুর্বাণং মারীচং শ্রীরামঃ মানবাস্ত্রং
বিসৃজ্য মহাসাগরে প্রচিক্ষেপ, আগ্নেয়াস্ত্রেণ সুবাহুম্ অপি
জঘান | এবং বিশ্বামিত্রমুনেঃ যজ্ঞঃ যথাবিধি পূর্ণতাং গতঃ |
তদানীমেব মিথিলাধিপতিনা জনকেন অপি মহায়জ্ঞঃ আয়োজিতঃ আসীৎ |
তস্মিন্ যজ্ঞে উপস্থাতুকামাঃ আশ্রমস্থাঃ সর্বে অপি ঋষয়ঃ রামলক্ষ্মণৌ
আত্মনা সহ মিথিলানগরীং গন্তুং বিজ্ঞাপয়ামাসুঃ -
কশ্চিদ্ আশ্রমবাসী -
এহি রাম সৎবরম্
গ্রহীতুং মিথিলায়া দর্শনম্ ||
মিথিলায়া অপি দ্রষ্টব্যতরঃ
রাজর্ষিরসৌ জনকনৃপালঃ
যেন কল্পিতং নগরেঽপূর্বং, যজ্ঞোপক্রমণম্ || ১
তত্র সুনাভং নাম কার্মুকম্
যজ্ঞমণ্ডপে প্রতিষ্ঠাপিতম্
ত্র্যম্বকদেবো যচ্চ গৃহীৎবা, জঘান ত্রিপুরাসুরম্ || ২
নিধায় ভবনে তচ্ছিবচাপম্
পূজয়তে তজ্জনকোঽনুদিনম্
বিশালধনুষা তেন সমানং, জগতি ন চাপান্তরম্ || ৩
দেশদেশতো নৃপা আগতাঃ
বীক্ষ্য ধনুষ্যং স্তিমিতা জাতাঃ
দৃষ্ট্বা তস্যোদ্ধরণে তেষাং, বলবৎসংপ্রেরণম্ || ৪
দেবা দৈত্যা নরাঃ কিন্নরাঃ
উদ্ধর্তুমদো ন লবং শক্তাঃ
চাপস্য তু তৎ পরমদৃঢৎবং, নৈবানমিতং লবম্ || ৫
তনিষ্যতে কো বিকৃষ্য বেদম্
করিষ্যতে তদ্ ধনুরাধিজ্যম্ ?
অসৌ ন জাতো মোক্তুং প্রভবেৎ, তস্মাদ্যো বা শরম্ || ৬
উভৌ ধন্বিনৌ জন্মনা যুবাম্
ধনুরীক্ষেথাং নিজনয়নাভ্যাম্
পশ্য রাঘব, স্বয়ং স্ববন্ধোরৌৎসুক্যং কীদৃশম্ || ৭
প্রস্থিতাশ্চ মুনয়ঃ সোৎসাহম্
সংগচ্ছেথামেতৈঃ সার্ধম্
যদি প্রবাসো ভবেদ্ যুবাভ্যাং, ভাগ্যতরোস্তৎফলম্ || ৮
১০
BACK TO TOP
১১ অদ্য বৈ শাপবিমুক্তাঽভবম্
’েহি রাম সৎবরং, গ্রহীতুং মিথিলায়া দর্শনম্ | ঽ
এতম্ আগ্রহম্ উপেক্ষিতুং ন শশাক শ্রীরামঃ |
মুনিজনৈঃ সার্ধং সঃ সলক্ষ্মণঃ মিথিলাং গন্তুং প্রস্থিতঃ |
মার্গে মহর্ষিঃ বিশ্বামিত্রঃ তাভ্যাং বিবিধাঃ কথাঃ অশ্রাবয়ৎ |
এবমধ্বানমাক্রমন্তঃ তে কমপি জীর্ণং বিবিক্তম্ আশ্রমং প্রাপ্তাঃ |
’কিমর্থম্ অয়ম্ আশ্রমঃ বিবিক্তঃ ?ঽ ইতি রামেণ পৃষ্টে
সতি বিশ্বামিত্রঃ তস্মৈ অহল্যাবৃত্তান্তং নিবেদ্য স্বচরণস্পর্শেণ
অহিল্যায়াঃ উদ্ধারং কর্তুম্ আজ্ঞাপয়ামাস |
শিলাবৎ পতিতায়াঃ অহল্যায়াঃ দেহাৎ শ্রীরামস্য
চরণস্পর্শেণপ্রকাশকিরণাঃ ইব স্ফুরিতাঃ মধুরস্বরাঃ চ শ্রুতাঃ |
অহল্যা -
রাম, তে চরণস্পর্শাদহম্
অদ্য বৈ শাপবিমুক্তাঽভবম্ ||
ৎবয়া নির্মিতং করুণাশিল্পম্
পুনরপি প্রাপ্তং ময়া বপুরিদম্
বন্ধবিমুক্তাশ্চুম্বন্তীমে শ্বাসাস্তে পদয়ুগম্ || ১
পুনর্নয়নয়োর্লব্ধা দৃষ্টিঃ
পশ্যামি ৎবাং, ৎবয়ি সৃষ্টিমপি
কপোলয়োর্মে শীতোষ্ণানামশ্রূণাং সিঞ্চনম্ || ২
শ্রবণচেতনা পুনরপি জাতা
উক্তিরমূল্যা মনসাঽবগতা
’জাগৃহি বৎসেঽ কেনচিদুতং বচনং করুণাময়ম্ || ৩
পুলকিতমেতদ্ ভুগ্নশরীরম্
জানে পদয়োস্তব সংস্পর্শম্
কুঙ্কুমরজসা পদয়োস্তে মে ভালং ননু রঞ্জিতম্ || ৪
মৌনে জাতং পুনরপি বচনম্
পতিতপাবনো রাম, ননু ৎবম্
তবৈব কৃপয়া চাদ্য সঞ্চিতং সুধয়া হালাহলম্ || ৫
পতিতপাবনো রঘুরাজস্ত্বম্
করবাণি তু তে কথং পূজনম্
অর্পিতমেতৎ পদে ৎবদীয়ে সর্বং নবজীবনম্ || ৬
১১
BACK TO TOP
১২ শৃণুত স্বয়ংবরাখ্যানম্
’দ্য বৈ শাপবিমুক্তাঽভবম্ | . | ঽ
এতৈঃ বচনৈঃ অহল্যা কৃতজ্ঞতাভাবম্ অদর্শয়ৎ |
অথ গৌতমাশ্রমে কংচিৎকালং বিশ্রম্য সর্বে মুনয়ঃ রামলক্ষ্মণাভ্যাং
সহ মার্গস্থাঃ অভবন্ | মিথিলানগরীম্ আগতাঃ তে সর্বে রাজর্ষিণা জনকেন
যথাবিধি সৎকৃতাঃ | রামলক্ষ্মণৌ দশরথনন্দনৌ ইতি শ্রুৎবা জনকঃ
ভৃশং মুদিতঃ | ’েতৌ রাজকুমারৌ তব বিশালং শিবচাপং দ্রষ্টুমুৎসুকৌঽ
ইত্যপি বিশ্বামিত্রঃ জনকমহারাজায় অকথয়ৎ |
অন্যেদ্যুঃ সমস্তজনসমক্ষং মিথিলাধিপতিঃ জনকঃ তৎ মহাচাপং
মল্লৈঃ রাজসভাম্ আনায়য়ৎ | রামলক্ষ্মণৌ তদ্ রুদ্রচাপং প্রণতবন্তৌ |
পশ্চাদ্ সর্বেষু নৃপান্তরেষু ধনুরুদ্ধরণে অসমর্থতাং গতেষু, রাজর্ষৌ
জনকে চ চিন্তাকুলে জাতে, শ্রীরামঃ ধনুরুদ্ধরণায় জনকমহারাজস্য
অনুজ্ঞাং প্রার্থয়ত | ’বশ্যম্ঽ ইতি তেন অনুজ্ঞাতে শ্রীরামঃ তদ্ ধনুঃ লীলয়া উদ্ধৃতবান্, তস্মিন্ চ প্রত্যঞ্চাম্ আরোপয়িতুং যাবৎ সঃ প্রায়তত,
তাবৎ অশনিপাতস্য ইব মহাস্বনং কৃৎবা তৎ ধনুঃ দ্বিধা ভিন্নম্ |
তৎ অদ্ভুতং চেষ্টিতং দৃষ্ট্বা জনকঃ নিতরাং বিস্মিতঃ, তস্মাদপি অধিকং
হর্ষিতঃ | অচিরাদেব সঃ রামেণ সহ বীর্যশুল্কায়াঃ সীতায়াঃ বিবাহস্য
প্রস্তাবং বিশ্বামিত্রস্য পুরতঃ অস্থাপয়ৎ | বিশ্বামিত্রেণ অপি সঃ প্রস্তাবঃ স্বীকৃতঃ | যথাকালং শ্রীরামঃ সীতয়া সহ বিবাহেন বদ্ধঃ |
সীতায়াঃ ভগিনীনাং - উর্মিলা - মাণ্ডবী - শ্রুতকীর্তীনাং - বিবাহাঃ অনুক্রমেণ
শ্রীরামস্য বন্ধুভিঃ - লক্ষ্মণ - ভরত - শত্রুঘ্নৈঃ - সহ সংপন্নাঃ |
সঃ ননু মহান্ অবর্ণনীয়ঃ সমারোহঃ সংজাতঃ | প্রথমপরাক্রমার্থং
প্রাসাদাৎ নিষ্ক্রান্তৌ রামলক্ষ্মণৌ স্ববধূভ্যাং সহ অয়োধ্যাং
প্রতিনিবৃত্তৌ | তেষাং গমনস্য পশ্চাদপি সুচিরং মিথিলায়াং বন্দিনঃ
সীতাস্বয়ংবরাখ্যানং গায়ন্তি স্ম -
ভাটচারণাঃ -
আকাশেনাঽঽবদ্ধা নূনং ধরণীজননীয়ম্
শৃণুত স্বয়ংবরাখ্যানং সীতাস্বয়ংবরাখ্যানম্ ||
শ্রীরামেণোদ্ধৃতং লীলয়া রৌদ্রং শিবচাপম্
মিথিলাধিপতের্মনোবাঞ্ছিতং তেন সুপরিপূর্ণম্
কন্যাভাগ্যং স্থিতং শ্যামলং তস্যাগ্রে মূর্তম্ || ১
মুগ্ধা সীতাঽঽরান্নিরীক্ষতে রামং চাপধরম্
সমানীয় লোচনয়োর্যাবৎ সর্বং নিজসত্ত্বম্
কপোলয়ুগলে বিকসতি লজ্জাপ্রসূনমারক্তম্ || ২
উন্নময়্য পক্ষ্মণী বীক্ষতে যাবৎ সা মুগ্ধা
তডিৎস্তনিতবৎ ভীষণনাদস্তদা শ্রুতঃ সহসা
শ্রীরামেণ দ্বিধা ভঞ্জিতং রৌদ্রং শিবচাপম্ || ৩
তিমিরান্ধাস্তে সর্বে ভূপা মূঢা ইব জাতাঃ
স্ফুটং হসন্তী মনসি লজ্জিতা ভূমিসুতা সীতা
সচিন্তনয়নে জনকস্য গতে তৎক্ষণমানন্দম্ || ৪
জগাদ জনকো বিশ্বামিত্রং তং সনমস্কারম্
দশরথপুত্রায় মে চার্পয়ে দুহিতরমদ্যাহম্
তৃপ্তসীতয়া নিমীলিতে নিজনয়নে সানন্দম্ || ৫
জনকাজ্ঞামনুসৃত্য জানকী হ্যুদতিষ্ঠন্মন্দম্
গতিশ্চঞ্চলা চঞ্চলমধিকং মাল্যং হস্তগতম্
গৌরৌ চরণৌ তদা তদীয়ৌ প্রাপ্তৌ সৌখ্যপদম্ || ৬
আরক্তোষঃপ্রভা ব্যাপ্নুতে যথা নভো নীলম্
তথা ব্যাপ্নুতে রামশরীরং নূপুররবতালম্
সভামণ্ডপে জাতং মায়াব্রহ্মণোশ্চ মিলনম্ || ৭
মালাং নতরামস্য জানকী ন্যবেশয়ৎ কণ্ঠে
তদাঽভ্যনন্দন্ সুরা উভৌ তৌ করতালর্গগনে
ঘোষোঽসৌ মঙ্গলবাদ্যানাং প্রাপ্তস্তচ্ছ্রবণম্ || ৮
রাম ঈশ্বরাংশো ধরায়া দুহিতা সা সীতা
গন্ধর্বৈরপি সুস্বরেণ সা জয়গাথা গীতা
আকাশেনাঽঽবদ্ধা ধরণীজননীয়ং চৈবম্ || ৯
১২
BACK TO TOP
১৩ শংসাম তোষং কথম্
স্বয়ংবরস্য পশ্চাৎ কৈলাসশৃঙ্গে ইবে ধবলোত্তুঙ্গে রাজপ্রাসাদে
শ্রীরামঃ গৃহস্থাশ্রমসুখম্ অশ্নুতে স্ম | শ্রীরামঃ সুস্বরূপঃ,
মহাবিক্রান্তঃ, ধীরোদাত্তঃ, তথা চ জ্ঞানবানপি বিনম্রঃ
আসীৎ | অতঃ সঃ প্রজাসু নিতরাং প্রিয়ঃ জাতঃ | এতদ্ বিলোক্য
বৃদ্ধঃ দশরথঃ ’শ্রীরামে রাজ্যাভিষেকং কৃৎবা
বিশ্রান্তিসুখং লভেয়ঽ ইতি মনসি কৃতবান্ | সঃ
স্বসংকল্পং গুরুভ্যঃ, সচিবেভ্যঃ তথা চ স্বভার্যাভ্যঃ
কথয়ামাস | সর্বেঽপি তে সংকল্পম্ এনং সানন্দং অন্বমোদন্ত |
প্রজাজনাঃ অপি হর্ষনির্ভরাঃ সংজাতাঃ | তদা রাজা দশরথঃ
উদ্ঘোষয়ামাস - ’চৈত্রমাসে পুষ্যনক্ষত্রে শ্রীরামঃ
সিংহাসনম্ আরোক্ষ্যতিঽ ইতি | তদা উর্মিলাদয়ঃ ভগিন্যঃ
সীতায়াঃ মন্দিরং গৎবা সমোদবিনোদং তামুচুঃ -
উর্মিলা, মাণ্ডবী, শ্রুতকীর্তিশ্চ -
শংসাম তোষং নাম সখি তে, শংসাম তোষং কথম্
সীতানাথো ভূষয়িতা শ্বোঽযোধ্যাসিংহাসনম্ ||
রামে সিংহাসনাধিষ্ঠিতে
উপসীদসি বামাঙ্গে সীতে
মনাগ্ গর্বিতে, মনাগ্ লজ্জিতে
রাজভূষণং ভূষয়তে তে রূপং ননু শোভনম্ || ১
গুরবো, মুনয়ঃ সমেত্য নিকটম্
সপ্তনদীনাং সেক্ষ্যন্তি জলম্
উভয়বংশয়োস্তদ্ ধন্যৎবম্
দুন্দুভিনাদস্তদা শ্রোষ্যতে ঘনগম্ভীরোঽনিশম্ || ২
জনে মান্যতা ভর্তৃসমানা
রাজ্ঞীপদবীং প্রাপ্নোষি যদা
অপুত্রাঽপি ৎবং ভবসি সুমাতা
প্রজাজনানাং মাতৃপদং তে স্বীকরণীয়ং পরম্ || ৩
তবৈবাঙ্কিতা ভবিতা ধরণী
কন্যা ভবিতা মাতৃস্বামিনী
কেন সেবিতা সম্পদীদৃশী
ভবিতা ফলদলকুসুমমণ্ডিতা ভূমাতা সন্ততম্ || ৪
পতিতোদ্ধারকরামেণ সমম্
পতিতপাবনে হে সীতে ৎবম্
ভুঙ্ক্ষ্ব ধরায়াং স্বর্গীয়সুখম্
ব্যাপ্নোতু চ তে যশঃপ্রভা সা ধবলা ভুবনত্রয়ম্ || ৫
ৎবমেব দেবী, সেবিকা বয়ম্
ৎবদীয়চরণে লীনাঃ সততম্
যথেচ্ছমধুনা দেহ্যাদেশম্
ৎবদীয়চরণে মতিরস্মাকং ভবতু নতা সন্ততম্ || ৬
ন চ পরিহাসস্ত্বিয়মেবেচ্ছা
সুদৈবস্য তে ভবতু ন কক্ষা
তবেশকৃপয়া ভবতু সুরক্ষা
ভবতু কদা ন চ দৃষ্ট্যাঽস্মাকং ভাগ্যং তে বাধিতম্ || ৭
শৃণু সখি পরিচিতপদরবমেতম্
ছায়য়াঽপি তনুসৌষ্ঠবমুক্তম্
দর্শনায় তে রামাগমনম্
অতঃ সলজ্জং প্রিয়সখি নূনং কচ্চিৎ তে বীক্ষণম্ ?৮
১৩
BACK TO TOP
১৪ মা লঙ্ঘয় বচনম্
’সীতানাথো ভূষয়িতা শ্বোঽযোধ্যাসিংহাসনম্ঽ
এনয়া বার্তয়া প্রাসাদেন সহ নগরমপি প্রহৃষ্টম্ | প্রজাজনাঃ
আনন্দোৎসবে নিমগ্নাঃ | কৌসল্যা ইব সুমিত্রা, তথা কৈকেয়ী অপি মুদান্বিতে জাতে |
তথাপি মন্থরা নাম কাচিৎ কুব্জা দাসী কৈকেয়্যায়ঃ মনঃ কলুষিতং
কুর্বতী প্রাহ, ’যতঃ রাজা দশরথঃ ভরতে মাতুলগৃহে দূরে গতে
সতি রামে রাজ্যাভিষেকং কুরুতে, ততঃ তস্য মনসি কিমপি কৈতবং বিদ্যতে |
বস্তুতঃ ভরতঃ রাজ্যে প্রতিষ্ঠাপয়িতব্যঃ, শ্রীরামশ্চ অপসারয়িতব্যঃ | ঽ
প্রথমং কৈকেয়ী তাম্ অহসৎ অনিন্দচ্চ | তথাপি শনৈঃ শনৈঃ
মন্থরাকল্পিতং বিষং তস্যাঃ বুদ্ধৌ আরূঢম্ | মন্থরায়াঃ
মন্ত্রিতেন তস্যাঃ মনসি অসূয়া সমুৎপন্না | সা সক্রোধং দশরথম্
উপালভমানা ব্যাহরৎ,
কৈকেয়ী
মা লঙ্ঘয় বচনং প্রভো মে, মা লঙ্ঘয় বচনম্
বিতর নাথ মে ভরতে রাজ্যং, রামে বনবাসম্ ||
নাপেক্ষে তব দয়াসান্ত্বনম্
আদৌ পালয় স্বদত্তশব্দম্
মাতুলগেহাৎ প্রত্যানয় মে ভরতমিহ ৎবরিতম্ || ১
সুতরাগাদিব ভ্রষ্টমতিস্ত্বম্
কুরুষে কস্মাৎ বদ বিক্ষেপম্
শোভতেঽথ কিং বচনবিঘাতো রঘুবীরস্যৈবম্ ?২
শম্বরেণ তে জাতং ঘোরম্
দণ্ডকে বনে রণমিন্দ্রার্থম্
কেন প্রয়ুক্তস্তদা রথে তে হস্তাক্ষস্ত্বরিতম্ ?৩
সঙ্গরে তদা লব্ধ্বা বিজয়ম্
অপি স্মরসি বা ৎবয়া কিমুক্তম্ ?
প্রিয়ে প্রদত্তং বরদ্বয়ং তে, কথয় কিমভিলষিতম্ ?৪
বনিতোচিতচাতুর্যেণাহম্
অরক্ষমদ্যাপি চ তদ্বচনম্
অদ্য তু যাচে বরদ্বয়মহং দৃষ্ট্বোচিতসময়ম্ || ৫
যচ্ছ বরাভ্যামধুনা মহ্যম্
সিংহাসনমেতদ্ ভরতার্থম্
চতুর্দশাব্দং বিজনে বাসং রামায় চ তূর্ণম্ || ৬
পক্ষপাতি তব প্রেমৈবেদম্
অস্মিন্ ন সহে ৎবধিকং বোনম্
উদারবচসা বরৌ প্রদত্তাবথ কিং নিঃশ্বসিতম্ ?৭
প্রাসাদান্নিষ্কাসয় রামম্
উল্লঙ্ঘয় বা রঘুকুলধর্মম্
লভস্বাথ বা যশঃ পালয়ন্নাত্মোদিতবচনম্ || ৮
মূর্চ্ছাঽসত্যা বাষ্পমলীকম্
সম্পদি সক্তো রামো নূনম্
তদারাধনং কেবলমেকং প্রবলং তে ব্যসনম্ || ৯
সীদতু গগনং, দলতু ধরা বা
বারং বারং কুতোঽভ্যর্থনা ?
বরপরিপূর্তিং বিনা ন চরমং নিঃশ্বসিমি শ্বাসম্ || ১০
১৪
BACK TO TOP
১৫ রাম, মা যাহি বনং ঘোরম্
’মা লঙ্ঘয় বচনং প্রভো মেঽ
ইতি কঠোরৈঃ শব্দৈঃ কৈকেয়ী বারং বারং দশরথস্য মস্তকে
বজ্রপ্রহারান্ ইব অকরোৎ | পরমাং করুণাবস্থাং প্রাপ্তঃ সঃ তাং
প্রার্থয়ত, তস্যাঃ দয়াম্ অয়াচত, তস্যাঃ পুরতঃ সাষ্টাঙ্গ-
প্রণিপাতম্ অকরোৎ, তথাপি তস্যাঃ দুরাগ্রহঃ লবমপি ন ক্ষীণঃ |
কিংকর্তব্যমূঢঃ সঃ তূষ্ণীং স্থিতঃ | তদানীং মন্দিরদ্বারমাগতং
সুমন্ত্রং কৈকেয়ী আজ্ঞাপয়ামাস, ’রামচন্দ্রম্ ইহ আনয় | ঽ
অভিষেকম্ অপেক্ষমাণং শ্রীরামং গৃহীৎবা সুমন্ত্রঃ কৈকেয়ীমন্দিরং
প্রাপ্তঃ | তত্র ম্লানবদনম্, অধোমুখম্, মূকীভূতং চ রাজানং
বীক্ষ্য রামঃ চকিতচিন্তিতঃ জাতঃ | কটাক্ষেণ এব সঃ কৈকেয়ীং
তৎকারণং পৃষ্টবান্ | সা সর্বং বৃত্তান্তং তস্মৈ ন্যবেদয়ৎ
অবদচ্চ, ’সঃ স্বমুখেন ৎবাম্ আখ্যাতুং ন ধৃষ্ণোতি | তথাপি
অয়োধ্যায়াঃ রাজ্যং ভরতেন লব্ধব্যং, ৎবয়া চ চতুর্দশ বর্ষাণি
বনে বস্তব্যম্ ইতি স ইচ্ছতি | ঽ রাজা দশরথঃ তু স্বয়ং কিমপি
বক্তুং ন শশাক | তদা তস্য মৌনম্ এব তস্য সংমতিঃ ইতি বিমৃশ্য
রামঃ অবিলম্বেনবনগমনায় সিদ্ধঃ | বৃত্তান্তমেতং জনন্যৈ নিবেদয়িতুং
সঃ কৌসল্যাঃ মন্দিরং প্রাপ্তঃ |
ধবলবেষং পরিধায় কৌসল্যা অগ্নয়ে আহুতিম্ অর্পয়ন্তী শুদ্ধাসনে
উপবিষ্টা আসীৎ | শ্রীরামম্ আগতং বিলোক্য প্রমুদিতা সা তস্মৈ আসনম্
অদদাৎ | তথাপি রামঃ ন কেবলং আসনং ন জগ্রাহ, প্রত্যুত
’পিত্রাজ্ঞাম্ অনুসৃত্য অহং বনবাসায় প্রস্থিতঃঽ ইতি
সঃ তস্যৈ অকথয়ৎ | কৌসল্যা হতবুদ্ধা ইব জাতা | কৈকেয়্যাঃ দুরাগ্রহঃ,
দশরথস্য বরপ্রদানম্, রামস্য চ কর্তব্যপালননিগ্রহঃ
এতৎ কিমপি বোদ্ধুং সা ন শশাক | শ্রীরামং দৃঢম্ আলিঙ্গ্য
সা আর্তস্বরেণ আহ -
কৌসল্যা -
উল্লঙ্ঘ্যেমং জননীস্নেহং দেহল্যা সহিতম্
রাম, মা যাহি বনং ঘোরম্ ||
ব্রতৈরগণিতৈঃ সুত জাতস্ত্বম্
সুখমদদাঃ কিং দুঃখায়ৈবম্ ?
কণ্ঠগতা মে প্রাণাস্তনুরপ্যাক্রন্দতি করুণম্ || ১
মূঢসপত্নী কৈকেয়ী সা
অবলা সা নন্বহমিব মাতা
আদেক্ষ্যতি কিং বনগমনার্থং নিজপুত্রং ভরতম্ ?২
তৃপ্যতু কামং তদক্ষিয়ুগলম্
ভুনক্তু ভরতো সুখেন রাজ্যম্
প্রহিণোতি ৎবাং কুতো বৈরিণী বৃথৈব কান্তারম্ ?৩
অধুনা কথয়ে যদনির্বাচ্যম্
অসৌ প্রিয়তরা তস্য মদধিকম্
কস্মায়পি নাদ্যাবধি কথিতং মূকমিদং দুঃখম্ || ৪
তদীয়নয়নানলপ্রদীপ্তম্
কথংচিদায়ুর্ময়া যাপিতম্
আস্থিতমাসীৎ শাসনে তু তে তস্যান্তে শমনম্ || ৫
উপদিশামি তে কথং ৎবধর্মম্ ?
তোষয়স্ব তে জনকমবশ্যম্
লভস্ব তাবত্তস্যানুমতিং নেতুং মাং বিপিনম্ || ৬
কথং ধ্রিয়ে সুত, ৎবয়া বিনাঽহম্ ?
কথং সহে তব রাঘব বিরহম্ ?
জমদগ্নিসমস্তাতস্তে কিং মম নাদিশতি বধম্ ?৭
করেণ তব মে প্রয়চ্ছ মরণম্
বৃণীষ্ব রাজ্যং বা বনবাসম্
অদেহা তদা ৎবদনুগামিনী বিচরিষ্যাম্যনিশম্ || ৮
১৫
BACK TO TOP
১৬ রামাদপরঃ কুরুতে কোঽত্র শাসনম্ ?
’রাম মা যাহি বনং ঘোরম্ঽ
ইতি কৌসল্যয়া বারং বারং বিবিধং বিজ্ঞপ্তোঽপি শ্রীরামঃ
স্বনিশ্চয়াৎ ন বিররাম | প্রত্যুত সঃ তাম্ এব বিজ্ঞাপয়ামাস,
’ম্ব, মম বনবাসগমনস্য আঘাতেন মহারাজঃ দশরথঃ
আদৌ এব নিতরাং শোকমগ্নঃ | এবং স্থিতে তবাপি ময়া সহ
অরণ্যগমনম্ উচিতং ন মন্যে | ঽ এষা রামস্য প্রার্থনা
কৌসল্যায়াঃ কৃতে অনুল্লঙ্ঘনীয়া অভবৎ | তথাপি কিমপি
অনুক্ত্বৈব এতৎ সর্বং প্রেক্ষমাণঃ লক্ষ্মণঃ তদ্ অসহমানঃ
সক্রোধমাহ -
লক্ষ্মণঃ -
রামাদপরঃ কুরুতে কোঽত্র শাসনম্ ?
খড্গকরঃ প্রেক্ষেঽহং তন্ননু স্বয়ম্ ||
প্রভুরপি হে রাম কথং মোহজালপতিতস্ত্বম্ ?
কথয়ে তে পাপমহং পাপিনাং স্ফুটম্ || ১
নৈব বরং, ন চ বচনং, কৈকেয়ীচ্ছতি রাজ্যম্
বিষয়ান্ধো মনুতে তাং ভূপতিঃ পরম্ || ২
সুতঘাতং বাঞ্ছন্তৌ কীদৃশৌ নু তৌ পিতরৌ
বচনমসৌ দত্তং তে লঙ্ঘতে কথম্ ?|| ৩
বিষয়সুখাসক্তোঽযং লঙ্ঘয়তে নিজবচনম্
সর্বথা তু পালয়তে স্ত্রীদুরাগ্রহম্ || ৪
কৈকেয়ীদত্তবরৌ কথমেতাবদ্য স্মৃতৌ ?
অদ্যাবধি নৈষ তথা বাঽঽব্রবীৎ কথম্ ?৫
মত্তমতঙ্গজবত্তে দৈবমিহাভিক্রমতে
বিদধেঽহং তস্য রাম, রজ্জুবন্ধনম্ || ৬
স্বীকুরুষ্ব রাজপদং, কুরুতে কোঽপ্যথ বিঘ্নম্
প্রেষয়ামি যমসদনং তং চ তৎক্ষণম্ || ৭
আগচ্ছতু ত্রৈলোক্যং তর্জয়ামি তৎসর্বম্
পশ্যামি চ বৃদ্ধপিতা কিং করোত্যয়ম্ || ৮
শতশতশঃ শরদস্ত্বং রাঘব পালয় ভুবনম্
সিদ্ধস্তে রক্ষণায় পৃষ্ঠতোঽস্ম্যহম্ || ৯
আয়ান্তং দণ্ডয়তে ভ্রাতা ন চ দাসস্তে
তব মাতুঃ শপথেনাভিশৃণোম্যহম্ || ১০
১৬
BACK TO TOP
১৭ যত্র হি রামস্তত্র হি সীতা
’রামাদপরঃ কুরুতে কোঽত্র শাসনম্ ?ঽ
ইতি সর্বান্ তর্জয়ন্তং লক্ষ্মণং শ্রীরামঃ কথং কথমপি
সান্ত্বয়ামাস | তদনন্তরং সঃ সীতায়াঃ মন্দিরং প্রাপ | তস্যৈ
সর্বং বৃত্তান্তং নিবেদ্য সঃ বনগমনায় তস্যাঃ অনুজ্ঞাম্
যয়াচে | তচ্ছ্রুৎবা বিহস্য সীতা উবাচ -
সীতা -
আমন্ত্রয়সে কুতো মাং বৃথা ?
যত্র স রামস্তত্র হি সীতা ||
যাসি বিভো, ৎবং যেনাঽপি পথা
প্রয়ামি পুরতস্তেনৈব পথা
বনবাসাদপি নাহং ভীতা
সমীপে হি ৎবং ভাগ্যবিধাতা || ১
মম সান্নিধ্যে ৎবয়ি সতি নাথে
প্রাসাদাদপি তোষো বিপিনে
সিংহসনতাং শিলাঽপ্যেষ্যতে
যদাঽধিষ্ঠিতা ননু সা ভবতা || ২
পশবো, দনুজা অদয়া বিপিনে
ভয়ং ন তেভ্যো মনসীষন্মে
পশ্চাদগ্রে চাপধরৌ মে
যাবদ্ যাতঃ শরধিং ধৃৎবা || ৩
যৎপদলাভং কৃৎবা হৃদয়ে
লীনাঽঽসমহং ধরণীজঠরে
তৎপদবিরহঃ কথং কার্যতে ?
দিশসি কুতস্ত্বং দিব্যমিদং মা ?৪
কস্য কৃতে সদনে নিবসেয়ম্ ?
বিরহাগ্নৌ কিং মুধা জ্বলেয়ম্ ?
ছত্রং ভরতে কিং পশ্যেয়ম্ ?
কিমহং কুর্যাং দাস্যং চ বৃথা ?|| ৫
অপি কৈকেয়্যা প্রাপ্তাস্ত্রিবরাঃ ?
অপি তব চিত্তে বসতি মন্থরা ?
সন্তাপয়সে কুতো মাং বৃথা ?
ত্যজ্যতে ৎবয়া কিমহমনাথা ?৬
বনবাসো মম ভবতি ললাটে
অবগতমেতন্ময়া শৈশবে
মনুজজীবনে সুখদুঃখময়ে
ব্যথা সুখয়তে প্রীতিসঙ্গতা || ৭
বন্ধনমেতৎ শতজন্মীয়ম্
বিচ্ছেদয় ৎবং ছিনদ্মি নাহম্
আগচ্ছামি ৎবয়া সহ বনম্
কিং ন চ জায়া ভর্তৃরভিন্না ?৮
পতির্হি ছায়া পতিরবতংসম্
পতিপদপূজনমখণ্ডমনিশম্
আর্যস্ত্রীণামিদং জীবনম্
বিঘ্নং কুরুষে তত্র কিং বৃথা ?৯
মৌনং ভজসে কুতস্ত্বমধুনা ?
কতিবারমহং নমামি শিরসা ?
অহং জল্পতী ক্বচিদপরাদ্ধা
ক্ষন্তব্যা কিং নাহং ভবতা ?১০
১৭
BACK TO TOP
১৮ তিষ্ঠ সুমন্ত্রক, স্থাপয় চ রথম্
’যত্র স রামস্তত্র হি সীতাঽ এতং সীতায়াঃ নির্ধারং নিশম্য
রামচন্দ্রঃ তস্যাঃ তেন সহ
বনগমনপ্রার্থনাং বিহন্তুং ন শশাক | সঃ অবদৎ, ’সীতে,
এষ তে সংকল্পঃ উভয়য়োঃ কুলয়োঃ ভূষণপ্রদঃ | সর্বাণি তে
দূকুলানি, অলঙ্কারাণি বিপ্রেভ্যঃ প্রয়চ্ছ, বনপ্রয়াণার্থং চ
উদ্যতা ভব | ঽ অনন্তরং রামলক্ষ্মণৌ সীতা চ বনবাসার্থং
প্রস্থিতাঃ | ত্রয়োঽপি তে রাজবেষং পরিত্যজ্য বল্কলানি পরিদধুঃ
. সকলান্ গুরুজনান্, নগরজনান্, সচিবান্, সেবকান্,
মাতরৌ, শত্রুঘ্নং সুহৃদঃ চ আমন্ত্র্য তে রথং আরোহন্ |
সুমন্ত্রেণ রথঃ প্রচোদিতঃ | রথে প্রচলিতে তু প্রজাজনানাং
প্রক্ষোভঃ শব্দরূপেণ প্রকটঃ অভবৎ | সুমন্ত্রম্ আহূয় তে তং
রথং স্থাপয়িতুং প্রার্থয়ন্ত -
অয়োধ্যাপ্রজাজনাঃ :
পুরুষাঃ :
রামোঽনুসরতি কর্তব্যপথম্
তিষ্ঠ সুমন্ত্রক, স্থাপয় চ রথম্ ||
তিষ্ঠতু সীতা, তিষ্ঠ রঘুপতে
যাবদ্ ভালে পদরজোঽর্প্যতে
ভবতি কিমেতৎ তর্কাতীতম্ || ১
অত্রাঽঽগন্তা রামশাসনম্
অদ্যাপি চ তন্নয়নে স্বপ্নম্
মনোরথোঽসৌ ভগ্নোঽকাণ্ডম্ || ২
শ্যামং গগনং রঘুনাথোঽযম্
উষঃপ্রভা সীতাদেবীয়ম্
অপি নেক্ষ্যেতে চতুর্দশাব্দম্ ?৩
লুপ্তে ছত্রে চতুর্দশাব্দম্
অত্র তমিস্রা তাবৎকালম্
অতিজীবতি কিং মূর্চ্ছিতনগরম্ ?৪
স্ত্রিয়ঃ :
কৈকেয়ী সা কুত্র বিনষ্টা ?
দুর্গতিমেতাং পশ্যতু দুষ্টা
নানর্থোঽযং তদীয়চরিতম্ || ৫
বিতরতু ভরতে রাজ্যপদং সা
কিন্তু জয়শ্রী রাঘবমনুগা
প্রথমময়োধ্যা পরাজিতেয়ম্ || ৬
পুরুষাঃ :
উভৌ মূর্চ্ছিতাবিহ তে পিতরৌ
ক্ব যাসি রাঘব বিহায় দীনৌ ?
নয়াত্মনা সহ নগরমথানম্ || ৭
অশ্রুপটেনাবৃতে লোচনে
বচ রাঘবো বা রথো বর্ততে ?
কণ্ঠে রুদ্ধং কম্পিতবচনম্ || ৮
১৮
BACK TO TOP
১৯ জয় গঙ্গে জয় জহ্নুসুতে
’তিষ্ঠ সুমন্ত্রক, স্থাপয় চ রথম্ঽ
এষা নগরজনানাং প্রার্থনা শ্রীরামস্য রথং
রোদ্ধুং নাশক্নোৎ | সলক্ষ্মণসীতঃ রামঃ বেগেন
অয়োধ্যায়াঃ বহিঃ জগাম তস্মিন্ দিনে অয়োধ্যায়াম্ একস্মিন্
অপি গৃহে ন অগ্নিঃ প্রদীপ্তঃ, ন বা দীপঃ প্রজ্বলিতঃ ন বা
অন্নম্ অপচ্যত | শুষ্কজলা তটিনী ইব সা নগরী শূন্যা
লক্ষ্যতে স্ম | নগরাৎ বহিঃ আগতঃ শ্রীরামঃ অয়োধ্যোন্মুখো
ভূৎবা নগরদেবতাং প্রণমাম, নগরসীমাপর্যন্তম্
আয়াতান্ নগরজনান্ চ আমন্ত্রয়ামাস | পশ্চাৎ রথঃ
পুনঃ পুরতঃ প্রস্থিতঃ |
ক্রমেণ শ্রীরামঃ গঙ্গাতীরে শৃঙ্গবেরপুরং প্রাপ |
নিষধাধিপতিঃ গুহঃ তেষাং স্বাগতং ব্যাজহার | রাম-
লক্ষ্মণসীতাঃ তাং যামিনীং ইড্গুদীবৃক্ষস্য অধস্তাৎ নিন্যুঃ |
অন্যেদ্যুঃ প্রাতঃ গুহঃ নৌকামেকাম্ অসজ্জয়ৎ | শ্রীরামঃ
সুমন্ত্রম্ অয়োধ্যাং প্রতি প্রেষয়াঞ্চকার স্বয়ং চ
সীতালক্ষ্মণাভ্যাং সহ নৌকাম্ আরুরোহ | নৌকাং
চালয়ন্তঃ নাবিকাঃ গাতুম্ আরভন্ত -
নিষাদরাজো গুহ : নাবিকাশ্চ
হে নৌকে মা গমঃ প্রতীপং গঙ্গে মা ধারয় পূরম্ |
রামনাম গায়ন্তো রামং নির্গময়ামোঽপরতীরম্ ||
জয় গঙ্গে জয় জহ্নুসুতে,
জয়জয় রাম দশরথে
দুর্দৈবস্যাঘাতমিমম্
পরিহরাম বিপ্লবমেঘম্
স্বভাগ্যমস্মৎ প্রেষয়ামহৈ স্বহস্তেন বয়মতিদূরম্ || ১
শ্রীবিষ্ণোরবতারোঽযম্
কুরুতে ভক্তং ভবপারম্
তারয়ামহে তারকমেনং তৎস্পর্শেণ তরাম বয়ম্ || ২
যত্র রাঘবঃ প্রবর্ততে
দাক্ষণদিগ্ সা প্রবর্ধতে
অত্রাঽযোধ্যা ভবেদহল্যা তত্র বর্ত্স্যতে কল্পবনম্ || ৩
ধর্মপরায়ণরামোঽযম্.
অঙ্গীকুরুতে বনবাসম্
বয়মপি তস্যানুয়ায়িনঃ কিং নাচরাম নিজকর্তব্যম্ ?৪
অতিথিরস্তু বা রামস্তম্
নয়াম নাবা পরতীরম্
সদ্ বাঽসদ্ বা রাম ঈক্ষতাং বয়ং কুর্মহে নিজকার্যম্ || ৫
গঙ্গে মঙ্গলয়োগোঽযম্.
ভগীরথেনানীতা ৎবম্
তস্য বংশজং নয়সি বিধাতুং দক্ষিণদেশং স্মরণীয়ম্ || ৬
পূতা গঙ্গা, পূতমিদম্
রামপ্রভুনামস্মরণম্
প্রবাসমেনং ত্রিদোষান্তকং বয়ং স্মরামশ্চিরকালম্ || ৭
১৯
BACK TO TOP
২০ রচ্যতামত্র লক্ষ্মণ উটজম্
’রামনাম গায়ন্তো রামং নির্গময়ামঽপরতীরম্ঽ
এবং গায়ন্তঃ নাবিকাঃ শ্রীরামং গঙ্গাপারম্ অনয়ন্ |
ততঃ পরং রামলক্ষ্মণসীতাঃ দিনসময়ে মার্গম্ আক্রমন্ত
নিশাঃ চ কস্যচিৎ বৃক্ষস্য অধঃ পর্ণশয়্যায়াম্ অনয়ন্ |
অথ একস্মিন্ দিনে সায়ংকালে তে ভরদ্বাজমুনেঃ আশ্রমং প্রাপ্তাঃ |
ভরদ্বাজঃ তেভ্যঃ ’চিত্রকুটঃ পর্বতঃ নিবাসার্থং যোগ্যঃঽ ইতি
কথয়িৎবা তন্মার্গমপি আদিদেশ | মুনিবর্যম্ আপৃচ্ছ্য রামাদয়ঃ
চিত্রকুটং প্রতি প্রতিষ্ঠিরে |
মার্গে নানাবিধান্ অপরিচিতান্ লতাকুসুমবৃক্ষান্
পৃচ্ছ্যন্ত্যাঃ সীতায়াঃ কুতূহলং শ্রীরামঃ অশময়ৎ |
লক্ষ্মণঃ কুসুমস্তবকান্ ভ্রাতৃজায়ায়ৈঃ অয়চ্ছৎ |
এবং বনান্তরাণি আক্রম্য তে চিত্রকুটং প্রাপ্নুবন্ | তত্র কঞ্চিৎ
সমতলং রমণীয়ং প্রদেশং বীক্ষ্য তম্ অঙ্গুল্যা দর্শয়ন্
শ্রীরামঃ লক্ষ্মণং প্রাহ -
শ্রীরামঃ -
রচ্যতামত্র লক্ষ্মণ উটজম্
ইহ মন্দাকিন্যাস্তটনিকটম্ ||
চিত্রকুটোঽযং ননু তপোবনম্
বসতীহ চ সাধকমুনিবৃন্দম্
অবলোকয় সখি, জানকি সর্বম্
আর্তবী শ্রীর্মনো হরতীয়ম্ || ১
ফুল্লপাশা বিল্বা বিনতাঃ
ভল্লাতাঃ ফলভারেণ নতাঃ
প্রায়ো নৈতে মনুজস্পৃষ্টাঃ
ন চ লতালিঙ্গনং ক্ব নু শিথিলম্ || ২
সুমবর্ণানাং গণনা গহনা
গন্ধাস্তেষাং নামাতীতাঃ
স্বয়ং বর্ধতে নীরবশোভা
শ্রূয়তে তদ্যদা কলবিরুতম্ || ৩
ক্বচিৎ পিকানাং মধুরকূজনম্
ময়ূরো রবং কুরুতে পরুষম্
বহন্ কলাপে রত্ননিধানম্
মিশ্রিতৌ বটতরৌ স্বর এবম্ || ৪
মধুনঃ কোশো বিটপে বিটপে
ততো বিন্দুশো মধু স্যন্দতে
বনসংজীবকমমৃতম্ কলশে
রক্ষন্তি মক্ষিকা অনবরতম্ || ৫
লক্ষ্মণ, দক্ষো ভব, সজ্জস্ত্বম্
সত্ত্বং নিমিষে দৃষ্টমদৃষ্টম্
সিদ্ধমস্তু তে সদৈবায়ুধম্
বনমিদং শ্বাপদৈরুপসৃষ্টম্ || ৬
লতিকা কলিকা ইহ সীতার্থম্
ভক্ষ্যমাবয়োস্তথা শরার্থম্
বনেঽত্রোভয়ং সমমুপলব্ধম্
ননু মুহূর্তে শুভেঽত্রাগমনম্ || ৭
আনয় ঘনকাষ্ঠানি ৎবরিতম্
রচয়াবোটজমত্র সুরূপম্
স্তৃণবাবোপরি পর্ণানি তৃণম্
আলিখাবাম্বরে বরচিত্রম্ || ৮
২০
BACK TO TOP
২১ সোঽব্রবীদন্তে মামেবম্
’রচ্যতামত্র লক্ষ্মণ উটজম্ | ঽ
ইতি আদেশম্ অনুসৃত্য সৌমিত্রিঃ শাখাপল্লবান্
সমানয়ৎ | তৈঃ চিত্রকুটে রামাশ্রমঃ সিদ্ধঃ | কমপি
কৃষ্ণমৃগং ভৃষ্ট্বা শ্রীরামঃ নূতনস্য নিবাসস্থানস্য
সমন্ত্রকাং বাস্তুশান্তিং বিদধে | ততঃ তে পর্ণকুটিং প্রাবিশন্ |
অথ অয়োধ্যাং প্রতিনিবৃত্তঃ সুমন্ত্রঃ রামেণ বিনা
শূন্যং রাজপ্রাসাদম্ অধোমুখঃ প্রাবিশৎ | তম্ আগতং
জ্ঞাৎবা দশরথঃ সাশ্রুনয়নঃ কম্পমানৈঃ শব্দৈঃ
অপৃচ্ছৎ, ’কথয় রে সুমন্ত্র, গমনসময়ে কিমবদৎ
মে রামঃ ?ঽ ইতি |
সুমন্ত্রঃ -
অবন্দে যাবৎ শ্রীরামম্
সোঽব্রবীদন্তে মামেবম্ ||
সুমন্ত, গচ্ছাঽযোধ্যাং ৎবরিতম্
তাতেভ্যো নো নিবেদ্য কুশলম্
প্রণম মৎকৃতে পদং তদীয়ম্
বন্দ্যৌ চরণৌ শ্রীতাতানাং, ননু তীর্থস্নানম্ || ১
অন্তর্ভুবনে মাতরাবুভে
স্যাতাং নিতরাং শোকবিহ্বলে
সান্ত্বয় ধীরৈর্বচনৈরেতে
নিবেদ্য তাভ্যাং সুখমস্মাকং, শময় তদীয়শুচম্ || ২
কথয় জনন্যৈ হে সুমতে ৎবম্
’সুখিনী সীতা কুশলী চাহম্
পূজয় নিত্যম্ হুতাশনং ৎবম্
মুনিবরঘোষিতসাম্নঃ শ্রবণং, কুরু মাতঃ সততম্ || ৩
বিস্মর মাতস্তব জ্যেষ্ঠৎবম্
সপত্ন্যা কুরু প্রিয়মাচরণম্.
পতিপূজায়াং ভব মগ্না ৎবম্
নাস্তি ৎবদন্যৎ বিশ্রামার্থং, তস্য তথা স্থানম্ || ৪
রাজধর্মমপি স্মর জননি ৎবম্
বয়ো ন রাজ্ঞো বা গুণরূপম্
প্রকটয় ভরতে নিত্যমাদরম্ঽ
প্রার্থয় সুমতে বিনয়েনৈতাং মদ্বচনেনেদম্ || ৫
বদ গৎবা ৎবং কুমারভরতম্
’ভব যুবরাজঃ স্বীকুরু দণ্ডম্
কুরু প্রজায়াং স্নেহমখণ্ডম্
নিঃস্পৃহমনসা স্বকর্ম কুর্বন্ননুভব সুখমনিশম্ || ৬
শিরসি পিতুস্তে প্রসাদছত্রম্
পালয় বচনং তস্য যথার্থম্
নয় সার্থকতাং তদ্বার্ধক্যম্
প্রশাস্য সনয়ং যশো দিগন্তং, প্রাপয় রঘুবংশম্ || ৭
হে ধীমন্, তে কিং কথনীয়ম্
সকলং জানন্নুদারধীস্ত্বম্
অবেক্ষ্য মাতুর্মম সুতবিরহম্
তস্যৈ ভাবয় বর্তনেন তে, রামো ভরতোঽযম্ঽ || ৮
এবং বদতস্তস্য সুবদনম্
অভবদ্দীনং সবাষ্পনয়নম্
অদ্যাপীক্ষে করুণং দৃশ্যং
গঙ্গাতীরে সীতারামৌ স্থিতৌ সসৌমিত্রম্ || ৯
২১
BACK TO TOP
২২ দশদিশং তিমিরময়ং জাতম্
’সোঽব্রবীদন্তে মামেবম্ঽ
এবং সুমন্ত্রাৎ শ্রীরামস্য সন্দেশং শ্রুৎবা মহারাজস্য
দশরথস্য অবস্থা পরমকরুণা জাতা | নয়নাভ্যাম্ অবিচ্ছিন্নঃ
অশ্রুপাতঃ অবহৎ | শ্বাসোচ্ছ্বাসস্য গতিঃ অবর্ধত | শোকাতিশয়েন
কণ্ঠঃ অপি নিরুদ্ধঃ | আত্মনি এব সন্তপ্তঃ ইব সঃ হস্তৌ উৎক্ষিপ্য কিমপি
প্রলপিতুম্ আরভত | প্রাসাদস্থাঃ সর্বে জনাঃ, তিস্রঃ অপি দেব্যঃ চ
তত্র সমায়াতাঃ | সসংভ্রমম্ উত্থিতঃ রাজা স্বসন্তুলনং বিহায়
পুনরপি স্বস্থানে ন্যপতৎ | সংভ্রমাবস্থায়াম্ এব সঃ আত্মগতম্
ইব সাবেশং বক্তুম্ আরেভে -
রাজা দশরথঃ -
দশদিশং তিমিরময়ং জাতম্
প্রভবতি বিকলা তনুর্ন দাতুং প্রাণস্যাধারম্ ||
ননু স্মর্যতে শ্রাবণোঽধুনা
স শব্দবেধো দারুণমৃগয়া
যদা হতোঽসৌ ব্রাহ্মণো ময়া
তদন্ধজনকস্য বেদ্মি দুঃখং নন্বদ্যানন্তম্ || ১
অন্ধস্য চ বাগসৌ কম্পিতা
যমদূতানাং শঙ্খো ভূৎবা
কর্ণে মম গর্জতীবাধুনা
সুতস্য বিরহাৎ স ইব ম্রিয়েঽহং তৃষার্তবন্নূনম্ || ২
বিনা শীতলং রামস্পর্শম্
অতৃপ্তমেতদ্ দগ্ধজীবনম্
ন দর্শনং বা ন সম্ভাষণম্
ময়ৈব ত্রাতা প্রিয়ঃ সুতো মেঽপবাহিতো বিপিনম্ || ৩
ন মৃত্যুসময়ে রামদর্শনম্
কিমায়ুষা ?নন্বাত্মবঞ্চনম্
ত্যজতি ন জীবোঽদ্যাপি বন্ধনম্
অপি মে সঞ্চিতমপাবরিষ্যতি মোক্ষস্য দ্বারম্ || ৪
রাঘবস্য মে কুণ্ডলাঙ্কিতো
নয়ননন্দদঃ শ্রীমুখচন্দ্রো
উদয়মেষ্যতে তিমিরে কিমসৌ
ময়ি পাপাত্মনি সেক্ষ্যতি কিং বা রশ্মিময়ং তুহিনম্ || ৫
অঘটিতমধুনা ভবিষ্যতি কথম্
স্বর্গসুখং খলু ময়া বিহীনম্
শৃণু দুর্বৃত্তে কৈকেয়ি ৎবম্
প্রহাস্যসি ৎবং ভাগ্যেন সমং ক্ষণেন সৌভাগ্যম্ || ৬
সীতারামৌ প্রপশ্যন্তি যে
ভবন্তি দেবাস্তে নরলোকে
অতোঽধিকং কিং স্বর্গীয়সুখে ?
রামাগমনং ভূয়োঽপি কদা, দৈব !তব জ্ঞাতম্ || ৭
শ্রী রাম - শ্রী - রাম - রাম
ক্ষমস্ব মামধুনা কৌসল্যে
ক্ষমস্ব সুতবৎসলে সুমিত্রে
ক্ষমস্ব সতি, দেবতে, উর্মিলে
ক্ষমস্ব জনতে গচ্ছন্তং মাং সুখদুঃখাতীতম্ || ৮
ক্ষমস্ব জনকং হে রঘুনন্দন
পতিতোদ্ধারক মেঘশ্যামল
সীতে, লক্ষ্মণ, হে রামানুজ,
গঙ্গোদকবৎ ভবতু মুখে মে বো জয়জয়কারম্ || ৯
২২
BACK TO TOP
২৩ মাতা ন বৈরিণী ৎবম্
’দশদিশং তিমিরময়ং জাতম্ | ঽ
এবং বিলপন্ এব দশরথঃ পঞ্চৎবং গতঃ | সকলং
নগরং শোকময়ং জাতম্ | বসিষ্ঠাদয়ঃ আত্মানং সংযম্য,
ভরতং নন্দিগ্রামাৎ আনায়িতুং দূতান্ প্রেষয়ামাসুঃ |
তথাপি ভরতায় দশরথনিধনস্য বার্তা হেতুতঃ ন কথিতা |
ভরতস্তু ’বহুধা শ্রীরামস্য রাজ্যাভিষেকপ্রয়োজনেন
এব অহং ৎবরয়া আহূতঃ | ঽ ইতি চিন্তয়ন্ সৎবরম্ অয়োধ্যাং প্রাপ্তঃ |
সা নৃপহীনা নগরী তস্মৈ করুণগম্ভীরা শোকার্তোদাসা
অভাসত | যদা সঃ কৈকেয়ীম্ উপাগচ্ছৎ, তদা সা তস্মৈ
সকলং বৃত্তান্তং ন্যবেদয়ৎ, রাজ্ঞঃ ঔর্ধ্বদেহিকং সংস্কারং
সমাপ্য রাজপদং গ্রহীতুং চ তম্ আজ্ঞাপয়ৎ | তথাপি
কৈকেয়্যাঃ তৎ স্বার্থপরং বচনং শ্রুৎবা ভরতঃ আত্মনঃ
ক্রোধং নিয়ন্তুম্ ন অশক্নোৎ | সঃ কৈকেয়ীং উপালভমানঃ প্রাহ -
ভরতঃ -
মাতা ন বৈরিণী ৎবম্ ||
অশ্বপতেস্ত্বং ভবসি ন দুহিতা ন বাঽসি মে মাতা
কুতো জায়তে প্রবর্ধতে বা সতাং কুলে কৃত্যা ?
পতিব্রতাকা স্বয়ং নাশয়েৎ কদাপি ভর্তারম্ ?১
তরুং সশাখং নিপাত্যেহসে কথং ততঃ সুফলম্ ?
স্তোষ্যন্তীদং ভৃশং চারণা আত্মনাশিতত্ত্বম্
স্বীকুর্বে শাসনং ৎবদর্থে ভবতু যশো দ্বিগুণম্ !২
বনং প্রাহিণোর্মদীয়বন্ধুং স্বর্গং মে পিতরম্
রামায় চ বল্কলং দদত্যাঃ করদাহো ন কথম্ ?
মা তিষ্ঠেহ ক্ষণমপি দুষ্টে, শীঘ্রমপেহি বনম্ || ৩
আধারো ন চ কুতো দৃশ্যতে ভরতোঽনাথোঽযম্
নিপুত্রিকে ৎবং বিচর গৃহীৎবা বিধবাপরিধানম্
ছায়াঽপি চ তে স্পৃশতু ন সদনং কিং বা সিংহাসনম্ || ৪
দর্শনেন তে ভবতি তৃশার্তা খড্গস্য চ ধারা
কথং বিধাস্যে ৎবয়ি প্রহারং ৎবং তু রামমাতা
মাতরাবুভে গণয়িষ্যেতে মামেব কুপুত্রম্ || ৫
কথং নু শময়ে শব্দেনাহং কৌসল্যাশোকম্
সুমিত্রা তু সা ধ্রুবং গণয়তে বিশ্বমিদং শূন্যম্
কৈরিব বচনৈরহং সান্ত্বয়েঽযোধ্যানগরজনম্ ?৬
রামাভাবে বনাদপীদং সদনং শূন্যতরম্
রামং প্রত্যানয়ামি গেহং বিচিত্য প্রতিবিপিনম্
ন কোঽপি কুর্যান্নিশ্চয়স্য মে কমপি প্রতিরোধম্ || ৭
এহি সুমন্ত্রক, আদেশয় নশ্চতুরঙ্গং সৈন্যম্
রামান্বেষণপরা লক্ষশো যন্তু দৃশস্ত্বরিতম্
বেদবিদস্তেঽনুয়ান্তু মুনয়স্তথাঽভিষেকার্থম্ || ৮
যত্রাঽপি স্যাৎ রামস্তস্মৈ দেয়ং তন্মুকুটম্
ইতঃপরং মে তদেব সাধ্যং তদেকমেবেষ্টম্
কালরাত্রিবৎ বিচরেহ ৎবং ক্রন্দন্তী পরুষম্ || ৯
২৩
BACK TO TOP
২৪ প্রেষয়স্ব জানকীমাশ্রয়ায় গহ্বরম্
’মাতা ন বৈরিণী ৎবম্ঽ ইতি কঠোরৈঃ শব্দৈঃ কৈকেয়ীং
নির্ভর্ত্স্য ভরতঃ অয়োধ্যায়াঃ রামদর্শনার্থম্ নিষ্ক্রান্তঃ |
সঃ শ্রীরামবৎ তাপসবেষং পরিদধৌ | তেন সহ
চতুরঙ্গবলং, নগরজনাঃ, কৌসল্যা সুমিত্রা চ প্রস্থিতাঃ |
যেন পথা রামসীতালক্ষ্মণাঃ গতাঃ তেনৈব পথা জনসাগরঃ
অয়ম্ প্রস্থিতঃ | ভরদ্বাজাশ্রমে ’রামঃ সংপ্রতি
চিত্রকূটপর্বতে অবতিষ্ঠতেঽ , ইতি বিজ্ঞায়
ভরতঃ তং পর্বতং প্রতি গন্তুং প্রচক্রমে |
তত্র চিত্রকূটপর্বতে পর্ণকুটীপরিসরে রামাদয়ঃ বিহরন্তি
স্ম | সহসা উত্তরস্যাং দিশি ধূলিস্তম্ভাঃ গগনে উত্থিতাঃ | তথা
চ বিবিধস্বরাণাং কল্লোলঃ শ্রুতঃ | তদা সদাসাবধানঃ
বীরবাহুঃ লক্ষ্মণঃ শ্রীরামং সসংভ্রমং প্রাহ . |
লক্ষ্মণঃ -
প্রেষয়স্ব জানকীমাশ্রয়ায় গহ্বরম্
রাম রক্ষ দক্ষতামুদ্যমস্ব কার্মুকম্ ||
মেঘনাদবৎ ধ্বনিঃ শ্রূয়তে বনান্তরে
ভক্ষ্যভাগমপজহন্ শ্বাপদঃ পলায়তে
কম্পিতাঙ্গশাবকং সম্ভ্রমেণ বাশ্যতে
ধূলিকা নভোগতা, কিমপি সৈন্যমার্জতে
চিহ্নমপি ন দৃশ্যতাং শাময়স্ব পাবকম্ || ১
উত্তরেণ সংস্থিতো গণঃ স কেন হেতুনা
দৃশ্যমেব তন্ময়া তালবৃক্ষমৃচ্ছতা
নির্জনং কুতো বনং কোঽভিয়াতি বৈ বৃথা
তালতরুতলেঽস্তু জ্যা ধনুষি নিপুণমাততা
দৃশ্য এব রিপুবরো বাঞ্ছ্তীহ যো রণম্ || ২
সৈনিকা ব্রজন্তি ধাবন্তি হস্তিনো হয়াঃ
স্বেদক্লিন্নবাহকা রথস্থিতা মহারথাঃ
কোঽযমেষ উত্থিতো দৃশ্যতে রথে যুবা
ৎবমিব দার্ঘবাহুকঃ শ্যামলোঽপ্যয়ং তথা
কিং রণায় মৃগয়তে বন্ধুরেব বান্ধবম্ ?৩
ভীরুভরত ঈহতে কিং নু বন্ধুনো বধম্ ?
সমীপমেৎবয়ং পুনশ্ছিনদ্মি তস্য মস্তকম্
জন্মদাঽস্য বীক্ষতাং ছিন্নসুতকলেবরম্
নিকটমেব শ্রূয়তে বাজিবল্গিতং দ্রুতম্
অবসরোঽযমাগতো যোক্তুমস্ত্রপাটবম্ || ৪
একলঃ স্থিতোঽহমায়াৎবসীমিতং বলম্
লোকপালকো নবো নির্বলো জনোঽপ্যয়ম্
ন ক্ষমেত সঙ্গরেঽনাথমপি হি বালকম্
ক্ষত্রিয়স্য ধর্মজং কর্ম রিপুনিষূদনম্
যোঽপি দৃশ্যতেঽগ্রতস্তং নয়ামি রৌরবম্ || ৫
মন্যুরেষ বর্ধতে সংযতোঽপি সন্ততম্
জন্ম রাঘবস্য কিং সোঢুমাপদাপদম্
পাপমুক্তমেকদা ভবতু মেদিনীতলম্
ভরতখণ্ডমশ্নুতাং রামরাজ্যসম্পদম্
ধর্মরক্ষণক্ষণে দুর্জয়ো হরেরহম্ || ৬
২৪
BACK TO TOP
২৫ দৈবজানি দুঃখানীতি ন দোষো নরাণাম্
’রাম রক্ষ দক্ষতামুদ্যমস্ব কার্মুকম্ঽ
ইতি শ্রীরামং বিজ্ঞাপয়ন্ লক্ষ্মণঃ যদা ক্রোধেন ভরতম্
অভ্যধাবৎ, তদা শ্রীরামঃ তম্ অসান্ত্বয়ৎ | ভরতঃ
রামাশ্রমং প্রাবিশৎ, রামস্য চরণৌ চ দৃঢম্
অগৃহ্ণাৎ | রামঃ অপি তং দৃঢম্ আশ্লিষ্য তস্য কুশলং
পপ্রচ্ছ | ভরতঃ সাশ্রুনয়নঃ পিতৃনিধনবার্তাং
রামচন্দ্রায় আশশংসে | সকলমপি আশ্রমপদং
শোকচ্ছায়ায়াং নিমগ্নম্ | শ্রীরামেণ যথাশক্যং
পিতৃশ্রাদ্ধং নির্বাহিতম্ | ভরতস্তু বারং বারং শ্রীরামম্
অবদৎ, ’হে রাম, মম মাতুঃ মূঢতয়া পিতুশ্চ
জায়াধীনতয়া এষঃ বনবাসঃ তব ভোক্তব্যঃ অভবৎ | ঽ
তদা শ্রীরামঃ তং সান্ত্বয়ন্ আহ -
শ্রীরামঃ -
দৈবজানি দুঃখানীতি ন দোষো নরাণাম্
পরাধীনমস্মিন্ ভুবনে জীবনং জনানাম্ ||
বর্ততে ন কৈকেয়্যা বা পিতুর্বাঽত্র দোষো
বিবাসনং রাজ্যত্যাগঃ কর্মণাং বিপাকো
বিলসিতং হি খল্বেতন্মে পূর্বসঞ্চিতানাম্ || ১
অন্ত উন্নতেঃ পতনেঽস্মিন্নিয়ত এব লোকে
সংগ্রহোঽপি সকলো বন্ধো নশ্যতীহ চান্তে
বিয়োগায় মিলনং নিয়মো ধ্রুবোঽযং ধরায়াম্ || ২
জন্মনৈব সহজং মরণং দ্বন্দ্বমিদমভেদ্যম্
দৃশ্যতে, ভাসতে, যদ্বা, নশ্বরং চ বিশ্বম্
ব্যর্থ এব তব শোকোঽযং স্বপ্নগতফলানাম্ || ৩
স্বর্গতিং প্রয়াতস্তাতো বন্ধুরপি বিবাসম্
যদ্যপীদমভবৎসহসা তন্ন তর্কহীনম্
কুণ্ঠিতস্তু বিদুষাং তর্কো মরণকল্পনায়াম্ || ৪
জরামরণব্যাধিভ্যো বা বিমুক্তঃ কদা কো
দুঃখমুক্তমুপভুঙ্ক্তে বা জীবনং কদা কো
বর্ধতে তু যত্তৎসকলং ক্ষীয়তে ক্ষমায়াম্ || ৫
কাষ্ঠমেকমুদধাবপরং যথা সমেয়াতাম্
বেলয়া বিভক্তে চৈতে ন ভূয়ো মিলেতাম্
ক্ষণিক এব বন্ধো, বন্ধো !তথা মানবানাম্ || ৬
অলং বাষ্পপাতেনাঽলং মার্জয়স্ব নেত্রে
দিশাবাবয়োরত্যন্তং মার্গয়োর্বিভিন্নে
রংক এব বন্যোঽহং ৎবং নৃপস্ত্বয়োধ্যায়াম্ || ৭
মা যতস্ব বিনিবর্তয়িতুং মা বৃথা হঠেন
অনুষ্ঠায় পিতুরাদেশং কৃতার্থৌ ভবেব
ধারয়স্ব নৃপবেষমলং বাসসা মুনীনাম্ || ৮
চতুর্দশাব্দানামেষামেত্য নাবসানম্
অয়োধ্যাং নিবর্তে নাহং প্রতিজ্ঞা ত্রিবারম্
সাম্প্রতং ৎবমেকঃ স্বামী সম্পদো রঘূণাম্ || ৯
এতু মা পুনঃ কোঽপ্যেতৎকাননং সুদূরম্
প্রজাগর্তি ভবতাং স্নেহো মনসি মে প্রসক্তম্
নয়োৎকর্ষসীমাং চরমাময়োধ্যাপ্রতিষ্ঠাম্ || ১০
২৫
BACK TO TOP
২৬ দেহি বন্ধো, পাদুকে তে
’পরাধীনমস্মিন্ ভুবনে জীবনং জনানাম্ঽ
ইতি যদ্যপি শ্রীরামঃ পুনঃ পুনঃ ভরতম্ উপাদিশৎ,
তথাপি ভরতস্য নেত্রয়োঃ অশ্রুপাতঃ অনবরতং প্রবৃত্তঃ |
সঃ ভূয়ঃ ভূয়ঃ শ্রীরামং সাগ্রহং বিনিবর্তয়িতুং
প্রায়তত | ভরতেন সহ সমাগতাঃ মুনিজনাঃ অপি শ্রীরামং
তথৈব প্রার্থয়ন্ত | তথাপি শ্রীরামঃ তেষাম্ অভ্যর্থনাং
নম্রতয়া প্রত্যাদিশৎ | সঃ পুনরপি উক্তবান্, ’হে ভরত,
পিত্রাজ্ঞয়া এব মদর্থে বনবাসঃ আদিষ্টঃ, ৎবদর্থে চ
রাজ্যশাসনম্ আদিষ্টম্ | অতঃ অয়োধ্যাং গৎবা রাজ্যম্ এব
ৎবয়া শাসিতব্যম্ | তদেব ধর্ম্যং যুক্তং চ ভবেৎ অহমপি
পিতৃশাসনমনুসৃত্য চতুর্দশ বর্ষাণি বনে উষিৎবা
অয়োধ্যাং প্রতিনিবর্তিষ্যেঽ ইতি | এতেন রামস্য আদেশেন নিরাশঃ
ভরতঃ রামস্য পাদুকে স্পৃষ্ট্বা করুণার্দ্রস্বরেণ অবদৎ -
ভরতঃ -
তাতহীনো মাতৃহীনোঽনাশ্রয়ো ভরতোঽধুনা
দেহি বন্ধো, পাদুকে তে শ্রূয়তাং মে যাচনা ||
কর্তুমুড্ডানং নু মশকো গরুড ইব কিং শক্যতে ?
কিং গজোহ্যং ভারমথবা তুরগপৃষ্ঠে ন্যস্যতে ?
শাসনে বা রাঘবাণাং কিং ক্ষমো ভরতস্তথা ?১
বংশরীত্যা যো হি জ্যায়ান্ স্যাদসৌ সিংহাসনে
কিং কনীয়ান্ শাসনে বত শোভতে জ্যায়ান্ বনে ?
চরণয়োর্দাসায় মহ্যং রাজ্যদানং কিং বৃথা ?২
তৎপদং ত্যজতা গৃহীতো যোগিনো বেষো ময়া
কৈকয়ীবৎ কিং নু জনয়ে লোকরোষাগ্নিং তথা ?
দীয়তে কস্মাদিদং মে শাসনং পরুষং ৎবয়া ?৩
স্থাপয়িষ্যে পাদুকেঽহং রাঘবাণামাসনে
তে হি দেব্যৌ রাজ্যকর্ত্র্যৌ কোসলানাং শাসনে
চরণচিহ্নে পূজয়িৎবা ধন্যতা লভ্যা ময়া || ৪
নাস্তি রামশ্চরণচিহ্নে স্তামিমে নৃপমন্দিরে
কুত্রচিন্নিবসাম্যহং বৈ নগরতো দূরে স্থলে
সন্ধিকালে রবিশলাকা সা মদর্থে দীপিকা || ৫
যাবদাগমনং ৎবদীয়ং দূরতো রক্ষামি রাজ্যম্
ৎবামহং সততং প্রতীক্ষে গণয়মানো বৎসরম্
রাজ্যমধিতিষ্ঠামি তোয়ং কমলদলমিব সর্বথা || ৬
বচনমনুসারেণ চরণাবেষ্যতঃ কালে ন তে
তর্হি বহ্নৌ তুচ্ছকায়স্তৎক্ষণং মে হোষ্যতে
এষ শপথো মৃত্তিকেয়ং চরণয়োঃ শিরসা ধৃতা || ৭
২৬
BACK TO TOP
২৭ কোঽসি রে যুবরাজঃ কথয় মে
’দেহি বন্ধো, পাদুকে তে, পূর্যতাং মে যাচনাঽ
ইতি ভরতস্য প্রার্থনাম্ অবধীরয়িতুং শ্রীরামঃ ন
শশাক | শ্রীরামস্য চরণধূলিপরিপ্লুতে সুবর্ণমণ্ডিতে
পাদুকে গজপৃষ্ঠে সংস্থাপ্য ভরতঃ তে সসমারোহম্
অয়োধ্যাম্ আনীতবান্ | তে পাদুকে এব সিংহাসনে স্থাপয়িৎবা
ভরতঃ রাজ্যশাসনং কর্তুম্ আরেভে |
শ্রীরামঃ তু চিত্রকূটং পরিত্যজ্য প্রবসন্ দক্ষিণদিশং
প্রতস্থে | মার্গে রামলক্ষ্মণৌ বিরাধং নাম রাক্ষসং
জঘ্নতুঃ, শরভঙ্গাশ্রমং চ গৎবা স্বর্গগামিনঃ তস্য
দর্শনং চক্রতুঃ | তত্র কেচন মুনয়ঃ শ্রীরামং ব্যজ্ঞাপয়ন্, ’
আশ্রমবাসিনঃ জনাঃ রাক্ষসৈঃ ভৃশং পীডিতাঃ | ভবন্তৌ
ক্ষত্রিয়ৌ রাজপুত্রৌ স্থঃ | অতঃ ভবদ্ভ্যাং ধার্মিকানাং জনানাং
পরিত্রাণং কর্তব্যম্ঽ ইতি | তদা রামঃ সবিনয়ং তথাপি সনির্ধারম্
অবদৎ, ’তপস্বিজনান্ পীডয়তাং রক্ষসাং নির্দালনম্
অহম্ অবশ্যং করোমি | ভবন্তঃ নিঃশঙ্কাঃ ভবন্তুঽ ইতি | এবং
মুনিজনান্ প্রতিশ্রুত্য শ্রীরামঃ মার্গক্রমণং পুনরারেভে |
তৎপশ্চাৎ তে ত্রয়োঽপি পঞ্চাপ্সরসরোবরে নাম্নি প্রদেশে
দশবর্ষাণি সানন্দং ন্যবসন্ | ততঃ সুতীক্ষ্ণস্য ঋষেঃ
আদেশাৎ তে অগস্ত্যাশ্রমং প্রতি প্রাতিষ্ঠন্ত | সুতীক্ষ্ণঃ চ
অগস্ত্যঃ চ রামলক্ষ্মণাভ্যাং দিব্যায়ুধানি দদতুঃ |
দশবর্ষাণাং পশ্চাৎ তে ত্রয়ঃ অপি গোদাবর্যাঃ তীরে
পঞ্চবটীং নাম প্রদেশং প্রাপুঃ | তস্মিন্ বিলোভনীয়ে প্রদেশে
তেষাং পর্ণকুটিঃ নিতরাম্ অশোভত | অথৈকদা অস্যাঃ পর্ণকুটেঃ
অঙ্গণে তেষু ত্রয়েষু অপি বার্তালাপে নিমগ্নেষু সৎসু কাচিৎ অদ্ভুতা
ললনা তত্র আগচ্ছৎ | অভিসারুকেব নানাবিভ্রমাণি দর্শয়ন্তী,
শ্রীরামং কামুকৈঃ কটাক্ষৈঃ অবলোকয়ন্তী সা সুচারুরবেণ তম্ আহ -
শূর্পণখা -
কোঽসি রে যুবরাজঃ কথয় মে
স্বীকুরুষ্ব মাং তনূরর্পিতা মম শ্যামল, ভবতে ||
তব স্বরূপে রাজলক্ষণম্
শ্রবণেঽপি চ রুদ্রাক্ষভূষণম্
যদ্যসি যোগী কথমভিতস্ত্বাং পরিবারো রমতে ?১
কেন হেতুনা চরসি বনে ৎবম্ ?
বিনোদেন বা হসসি কিমর্থম্
অত্রাঽস্মাকং শাসনমমিতং কিং ন চ জ্ঞাতং তে ?২
শূর্পণখাঽহং রাবণভগিনী
নন্বহমেতদ্বনস্বাম্
নানারূপাণ্যাদায়াঽহং বনাদ্ বনং বিহরে || ৩
অহং তব কৃতে জাতা তরুণী
ষোডশবর্ষা মধুরভাষিণী
দর্শনেন তে মনসি প্রবুদ্ধো মদনো হুঙ্কুরুতে || ৪
অধরস্য তে পাটলরাগম্
রহসি নিপাতুং প্রকাময়েঽহম্
অপ্যবতীর্ণো মূর্তো মদনস্ত্বমনঙ্গস্মরণে || ৫
অহং ন জানে নৃপং দশরথম্
কাময়ে পরং তদীয়তনুজম্
প্রাণেশো মে ভব হে রাঘব, গৃহসুখমশ্নুবহে || ৬
কৃশা কুরূপা ভার্যেয়ং তে
তব ন চ সদৃশী, ত্যজ তাং দূরে
তব নিকটেঽহং নাশয়ামি তাং নূনং ক্ষণমাত্রে || ৭
মম সান্নিধ্যে বসন্নবিরতম্
পালয় তৎ, তে ভার্যৈকৎবম্
আশ্লেষেচ্ছা দৃঢা জায়তে তনৌ চ মনসি চ মে || ৮
২৭
BACK TO TOP
২৮ বিরূপিতেয়ং শূর্পণখা
’কোঽসি রে যুবরাজঃ কথয় মেঽ
ইতি পৃচ্ছন্তীং আত্মানম্ অভিসরন্তীং তাং শ্রীরামঃ
বিনোদেন প্রাহ, ’হং তাবৎ একপত্নীব্রতং পালয়ামি |
অতঃ নাহং ৎবাং স্বীকর্তুং শক্নুয়াম্ | কিন্তু মম অনুজোঽযং
নাদ্যাপি বিবাহিতঃ | তেন সহ বিবাহং কুরুষ্বঽ ইতি | তদা
সা মন্দমতিঃ লক্ষ্মণং গতা | লক্ষ্মণঃ অপি তাং
হসন্নবদৎ, ’ার্যে, রামস্য দাসোঽস্ম্যহম্ |
মম ভার্যা নাম দাসস্য দাসী | তদপেক্ষয়া ৎবং
রামস্যৈব কনীয়সী ভার্যা ভব | অথ বা তব কৃতে সঃ
প্রথমপত্নীং ত্যজেদপিঽ ইতি |
লক্ষ্মণস্য পরিহাসম্ অবগন্তুম্ অক্ষমা সা
পুনরপি রামং প্রত্যবর্তত, অব্রবীৎ চ, ’হে রাম,
ভবান্ সদৈব মমৈব ভবতু এতদর্থমহম্ এনাং তব
ভার্যাং তব সমক্ষমেব ভক্ষ্যয়ামি | ঽ ইতি উক্ত্বা সা
সীতাম্ প্রতি অভ্যধাবৎ | তদা তু শ্রীরামস্য আজ্ঞয়া লক্ষ্মণঃ
তস্যাঃ কর্ণনাসে চিচ্ছেদ |
তদা দারুণং ক্রন্দন্তী, ভীষণম্ আক্রোশন্তী সা
স্বভ্রাতরৌ খরদূষণৌ প্রতি আগত্য তাভ্যাং নিজাবস্থাম্
অদর্শয়ৎ | তৌ উভৌ অপি রামম্ অভিদদ্রুবতুঃ | তথাপ্যেকো
রামঃ খর- দূষণ- ত্রিশির- সহিতং চতুর্দশসহস্রমিতং
রাক্ষসসৈন্যং নিজঘান | তদ্ দৃষ্ট্বা সা শূর্পণখা
পলায়্য স্ববন্ধুং লঙ্কাধিপতিং রাবণং জগাম | রাবণস্য
পুরতঃ স্থিৎবা তম্ অধিক্ষিপন্তী সা প্রাহ -
শূর্পণখা -
বিরূপিতা শূপর্ণখা তদিদং দাশরথেশ্চেষ্টিতম্
দেহি রে তস্মৈ তৎপ্রতিফলম্ ||
কিমিব শাসনং কুরুষে রাবণ, কিংবা জনপালনম্
রাঘবেণ তে জিতং লীলয়া, সকলং দণ্ডকবনম্
সত্তান্ধ, ৎবং তদপি স্মরসি ন নিজকর্তব্যং কথম্ ?১
দ্বিদশলোচনৈঃ শূর্পণখায়া দশা দৃশ্যতামিয়ম্
বিক্রমেণ রামস্য কম্পিতং সকলং দিগ্মণ্ডলম্
অপি নোদন্তং গুপ্তচরাস্তে নিবেদয়ন্তীদৃশম্ ?২
জনস্থলেঽভূন্মহাননর্থঃ খরদূষণকন্দনম্
সহস্রশো রাক্ষসা বিনিহতাঃ কিং তৎ তব ভূষণম্
জনস্থলস্থো যতিঃ স লভতে সুরবৎ পরিপূজনম্ || ৩
পূজ্যতরো ননু ৎবত্তো জাতো মনুজস্তব শাসনে
নিষীদেহ সামাত্যঃ স্বস্থো বদ্ধহস্ত আসনে
প্রখরং তেজস্তস্য ধক্ষ্যতি শ্বস্তে সিংহাসনম্ || ৪
সুদর্শনশরাঘাতাঃ সোঢাস্ত্বয়োরসা রে বৃথা
জিতাশ্চ দেবা, বলেনোদ্ধৃতা নগাস্তথা রে বৃথা
অজেয়সেনাধ্যক্ষঃ কিমসৌ ধর্মঘ্নস্ত্বং স্বয়ম্ ?৫
ৎবমেব কিমসৌ জিৎবাঽঽনীতং যেন গৃহং পুষ্পকম্ ?
যেন চ তদ্বৎ তক্ষকনৃপতেঃ কলত্রমপ্যুপয়তম্ ?
ৎবমেব কিমসৌ যস্য বিদ্যতে কালাদপি ন চ ভয়ম্ ?৬
শ্রুণুষ্ব পুনরপি রামাখ্যানং ময়া যদভিধীয়তে
বাণমোক্ষণে করে তদীয়ে চপলা বিদ্যোততে
মতী রুধ্যতে বিলোক্যামুনঃ শস্ত্রাস্ত্রে পাটবম্ || ৭
রূপেণাসৌ শ্যামসুন্দরো মন্মথ ইব ভূতলে
সাঽপি জানকী তদীয়জায়া রত্যা অতিরিচ্যতে
তবানুরূপা নিতম্বিনী সা মন্যে নিঃসংশয়ম্ || ৮
অপহৃত্যৈনামানয়ানি তাং ৎবদর্থমিতি হেতুনা
জনস্থলেঽহং বুদ্ধ্যা তেষাং বন্যং কুটিরং গতা
শ্রবণনাসিকে ছিৎবা তাভ্যাং বিডম্বিতা খল্বহম্ || ৯
গচ্ছ গচ্ছ রে গচ্ছ সৎবরং জহি তদ্ বন্ধুদ্বয়ম্
আনয়েহ তাং প্রসহ্য সীতাং যা মামহসৎ স্ফুটম্
মামিব তব শাসনমপ্যেতৌ বিডম্বয়েতে ধ্রুবম্ || ১০
২৮
BACK TO TOP
২৯ আনীয় দেহি মে
’দেহি রে তস্মৈ তৎপ্রতিফলম্ঽ
ইতি পুনঃ পুনঃ প্রচোদিতঃ রাবণঃ রামং যুদ্ধে পরাজিত্য
সীতামপহর্তুং সিদ্ধঃ | অস্মিন্ উপক্রমে তেন মারীচস্য সাহায়্যম্
প্রার্থিতম্ | তথাপি মারীচঃ রামস্য পরাক্রমেণ সুপরিচিতঃ আসীৎ |
সঃ রাবণং প্রত্যক্ষয়ুদ্ধাৎ পরাবর্তয়ৎ | ততঃ কপটেন
শ্রীরামং বঞ্চয়িতুং রাবণেন কাচিৎ যুক্তিঃ ব্যরচি | সঃ
মারীচং সুবর্ণমৃগরূপং ধারয়িৎবা পঞ্চবটীং গন্তুম্
আদিশৎ, স্বয়ং চ তস্য পশ্চাদ্ নিভৃতম্ আগচ্ছৎ |
মারীচেন ধৃতং তৎ বিলোভনীয়ং মৃগরূপং বিলোক্য
সীতা ভৃশং মোহিতা | পর্ণশালাস্থিতং শ্রীরামম্ আগত্য
সা তমাহ -
সীতা -
সুমচয়ং দধানাঽপশ্যং সহসৈকমৃগম্
আনীয় দেহি মে নাথ প্রিয়ং তং ৎবরিতম্ ||
এতস্য শৃঙ্গয়ো রত্নানি বিরাজন্তে
নবমোহনসুমসমসুবর্ণমেতস্যাঙ্গে
তৎসুবর্ণেন মে লুব্ধে চৈতে নয়নে
তৎপুচ্ছমুচ্চলচ্ছক্রচাপমিব ভাতম্ || ১
আগত্য গতোঽসৌ দ্বারমিদং বহুবারম্
সৌবর্ণপদাঙ্কা অস্যৈবৈতে নূনম্
এতেন বিষাণং রম্ভাস্তম্ভে ঘৃষ্টম্
পশ্যতং ভ্রাতরৌ, মৃগং সুবর্ণং কান্তম্ || ২
যাত্যসৌ সবেগং ভুজতি গ্রীবাং মন্দম্
প্রেক্ষণে বিলসতে মদিরো ভাবো নূনম্
তন্মৃগে নাথ মে মনোঽনিবারং সক্তম্
আলোক্য মোহিতা তৃণান্তরে তং হরিণম্ || ৩
কতি কথং গুণানাং গণনামস্য নু কুর্বে
বন্ধনং তদীয়ং কিমশক্যং তে মন্যে
কিং ন ভগ্নং ৎবয়া শিবধনুষং নু মদর্থে
গম্যতাং সৎবরং ময়া বধ্যতে তূণম্ || ৪
কোষেষু সঞ্চিতং যদয়োধ্যায়াং ধনম্
তদ্ বনে বিচিনুতে তব চরণে নিশ্চিতম্
আনয় প্রভো ইহ, কুটিরং তদ্ বৈভবম্
রক্ষিতা সোদরস্তাবদেষ তে সদনম্ || ৫
গৃহ্যতে সজীবো যদি কথমপি সারঙ্গো
মণিময়ং তদঙ্গং ভবিতা জ্যোতিঃপুঞ্জো
দাস্যতে প্রকাশং বনে প্রদোষে দীপো
গৃহ্ণাম সঙ্গতৌ প্রতিগমনে তং নগরম্ || ৬
দ্রক্ষ্যতি স্ত্রীজনো নগরে তং সারঙ্গম্
দ্রক্ষ্যতঃ কৈকয়ীভরতৌ নঃ সাসূয়ম্
গোপয়িষ্যে নিধিং তাবৎকালমহং তম্
তিষ্ঠসি ৎবিদানীং কুতো ধনুর্ধর এবম্ ?৭
প্রক্ষিপ্য সায়কং ব্যৎস্যসি যদি নিপুণং তম্
দেবরোঽশিষ্যতে চর্মোৎকৃত্য তদীয়ম্
তন্মৃগাজিনে ৎবং ভাস্যসি হরিবন্নূনম্
পশ্য তং সুদূরং গিরিতটমারোহন্তম্ || ৮
২৯
BACK TO TOP
৩০ মাঽতিথে, তিষ্ঠ বৃথা দ্বারে
’ানীয় দেহি মে নাথ মৃগং তং ৎবরিতম্ঽ
ইতি সীতায়াঃ অভ্যর্থনাং পূরয়িতুং শ্রীরামঃ ধনুর্বাণং
গৃহীৎবা তং মৃগম্ অন্বগচ্ছৎ | মৃগঃ বেগেন অধাবৎ
তথাপি কমপ্যন্তরম্ তম্ অনুসৃত্য শ্রীরামঃ বাণেনৈকেন
তং বিব্যাধ | তত্রাপি প্রাণান্ বিমুঞ্চন্নপি মারীচঃ ’হে
লক্ষ্মণ, ধাব, ধাব, ঽ ইতি উচ্চৈঃ রামসদৃশেন
বাচা আক্রোশৎ | তৎ শ্রুৎবা আশ্রমস্থা সীতা ভয়েন
কম্পিতা বভূব | ’নূনং শ্রীরামঃ কস্মিন্নপি সংকটে
গ্রস্তঃঽ ইতি শঙ্কয়া সা লক্ষ্মণং রামসমীপং প্রাহিণোৎ |
এতমেব সময়ং প্রতীক্ষমাণঃ রাবণঃ সীতাম্ আশ্রমে
একাকিনীং দৃষ্ট্বা তাম্ অভিয়াতুং প্রারভত | অচিরাদেব
তেন স্বপ্রয়োজনং বিবৃতম্ | তদনুসারং তয়া সহ
অভিমর্ষণায় অপি সঃ প্রায়তত | তদা মহাপতিব্রতা সা
কঠোরব্যাকুলেন স্বরেণ তম্ অধিক্ষিপন্তী তম্ অতর্জয়ত -
সীতা -
মাঽতিথে, তিষ্ঠ বৃথা দ্বারে
চপলা মূর্তা নীলঘনেঽহং মা দহ হস্তৌ তে ||
নিপীয় কামাসবং যথেচ্ছম্
মা দর্শয় মে মত্তচেষ্টিতম্
নখস্যাপি মে স্পর্শোঽপি ন তে শক্যো ননু স্বপ্নে || ১
নাহমেকলা রাময়শোজা
আকৃতিৎসু মাং পরিতো দিব্যা
উৎক্ষেপ্স্যতি ৎবা যদপি ন দৃশ্যা সশরীরং নরকে || ২
স্বরেণ ফেরোর্হসসি কিমর্থম্
কিমীক্ষসে মামেবমনিমিষম্
রামাদন্যৎ নৈব দ্রক্ষ্যতে কিমপি হি মম নয়নে || ৩
সীতয়া যদি প্রণয়মীহসে
কালকূটতঃ ক্ষেমমীহসে
কিমর্থমিচ্ছসি বৃথা গ্রহীতুং সোমরবী স্বকরে || ৪
বিলোক্যৈকলাং বনে নির্জনে
বলেন মামপহর্তুমীহসে
মূঢ, নয়সি কিং প্রদীপ্তজ্বালাং ধৃৎবা নিজবসনে ?৫
মৎবা স্বনয়নয়ুগলং শাণম্
খড্গং কুরুষে তেন সুনিশিতম্
তেনান্ধৎবং তথাঽঽত্মনাশম্, অন্ধ, ন জানীষে || ৬
ক্বাসৌ রামঃ ক্ব চ ক্ষুদ্রস্ত্বম্
ক্ব চার্ণবোঽসৌ ক্ব পল্বলস্ত্বম্
হলাহলস্ত্বং সুধারসোঽসৌ রামো মূর্তো মে || ৭
ক্ব বৈনতেয়ঃ ক্ব বা বায়সো
ননু মে ভর্তা স্বয়ং বাসবো
অপি কিং মর্ত্যা ইন্দ্রাণীং বা মনসাঽভিলষন্তে ?৮
অবলায়ৈ যদি প্রদর্শ্য স্ববলম্
আনয়সীদং পুরতঃ স্বকরম্
রামশরাস্ত্বয়ি বজ্রাঘাতং সপদি বিধাস্যন্তে || ৯
পাপ, কিমেবং সরসি পুরস্ত্বম্
অবলোকয় নিজচরণস্খলনম্
চরণস্থাঽসৌ সাবধানতা ভবতি ন তব শীর্ষে || ১০
ধাব, ধাব, হে নাথ ৎবরিতম্
করিকরদলিতং কমলকোরকম্
যত্রাসি ততঃ শৃণুষ্ব করুণং ক্রন্দনমেতন্মে || ১১
৩০
BACK TO TOP
৩১ ক্ব ভবেৎ সীতা রামজীবিতম্ ?
’মাঽতিথে, তিষ্ঠ বৃথা দারেঽ
ইতি সীতায়াঃ তর্জনম্ অবিগণয়্য রাবণঃ তাম্
উজ্জগ্রাহ | তস্যাঃ সন্তাপম্, আক্রোশং চ উপেক্ষ্য
সঃ তাং রথে স্থাপয়িৎবা সবেগং লঙ্কাং গন্তুং
প্রচক্রমে | বনান্তে মায়াবিনং মৃগরূপং মারীচং
নিহত্য আশ্রমং প্রত্যাগচ্ছন্ শ্রীরামঃ মার্গে আত্মানং
প্রতি এব আয়ান্তং লক্ষ্মণং অপশ্যৎ | তং দৃষ্ট্বা সীতা
আশ্রমে একাকিনী অস্তি ইতি স্মৃৎবা শ্রীরামস্য হৃদয়ং
ননু কম্পিতম্ | ’জানকীম্ একাকিনীং বিহায় কথং ৎবম্
অত্র উপস্থিতঃ ?কচ্চিন্ন ৎবং তস্য মায়াবিনঃ
রাক্ষসস্য মনুষ্যবাচা বঞ্চিতঃ ?অরে, অপি সঃ
মম শরবর্ষাবম্ অতিজীবিতুং শক্নুয়াৎ ?ঽ ইতি
রামেণ পৃষ্টে সতি বিনীতঃ লক্ষ্মণঃ অধোমুখঃ প্রাহ,
’েতৎ সর্বং ময়া দেব্যৈ নিবেদিতম্ | তথাপি সা কঠোরৈঃ
বচনৈঃ মাং নিরভর্ত্স্যয়ৎ | অন্তে তস্যাঃ আদেশাৎ মম
আশ্রমাৎ নির্গমনম্ অনিবার্যম্ অভবৎ | ঽ
তং সান্ত্বয়ন্নপি গর্হয়ন্ শ্রীরামঃ অবদৎ, ’ননু
মূঢ, সন্তপ্তায়াঃ নার্যাঃ ক্ষণিকং ক্ষোভবচনং
ৎবয়া পরমার্থেন গৃহীতম্ ?কেনাপি কারণেন তাং
ত্যক্ত্বা তব অত্রাগমনং সর্বথা অনুচিতম্ | অস্তু | শীঘ্রম্
আশ্রমং গচ্ছাবঃ | মম বামনয়নং স্ফুরতি | অশুভস্য
আশঙ্কয়া সর্বাঙ্গং মে কম্পতে | অপি জানক্যাঃ কুশলং
ভবেৎ ?ঽ ইতি | যাবদ্ উভৌ অপি তৌ আশ্রমং প্রাপ্তৌ,
তাবৎ পর্ণকুটী জানকীং বিনা শূন্যা ইব অদৃশ্যত |
শ্রীরামঃ ইতস্ততঃ প্রধাবন্ ’সীতে, সীতে, ঽ ইতি তাম্
আহ্বাতুং প্রচক্রমে . .
শ্রীরামঃ -
বনেঽবশিষ্টং শূন্যমাশ্রমম্
ক্ব ভবেৎ সীতা রামজীবিতম্ ?
কদম্ব শীঘ্রং কথয়েক্ষিৎবা
অপি বিলোক্যতে নদীতটে সা ?
কমণ্ডলুকরা কৃতকটিকলশা
হরিমধ্যা সা ব্রজতী মন্দম্ || ১
শোকনাশকাশোক, কথয় মে
ভূমিসুতা সা ক্বাপি দৃশ্যতে
সপত্রবিটপং কিমিতি কম্পসে ?
অপি পশ্যসি কিং স্বপ্নমভদ্রম্ ?
ক্বাঽঽস্তে চন্দন, সা গৌরাঙ্গী ?
কুন্দলতে বদ, ক্ব নু সা সুদতী ?
আম্রতরো, ক্ব নু সা বিনয়বতী ?
বেপধ্বে কিং বিনৈব পবনম্ ?৩
ঘাতঘটী কিং পুনঃ প্রাপ্যতে
সীতে, সীতে, প্রিয়ে ভূসুতে
মদীয়বাণী কিং ন শ্রূয়তে ?
এহি শিলায়াং নিষদাব সুখম্ || ৪
পশ্য, অনুজ, তল্লোচনয়ুগলম্
ননু প্রিয়ায়া ইব নিষ্পাপম্
তদীয়মৃদুলো মৃগশাবোঽযম্
অস্য নয়নয়োরপি কিং বাষ্পম্ ?৫
মূকঃ পবনো মূকা বিহগাঃ
অপি কেনাপি প্রিয়া হারিতা ?
কিং বা সা রক্ষসা ভক্ষিতা ?
নির্যাতয়তা শতজনিবৈরম্ ?৬
পুনশ্চ জয়তে দৈবমেকদা
ক্ষতে প্রহারা আপদি বিপদা
নিষ্ফলৈব মে শৌর্যসম্পদা
প্রতিগচ্ছ ৎবং বন্ধো, স্বপুরম্ || ৭
কিং ভোক্তব্যং নন্ববশিষ্টম্ ?
সমাপ্তমেতদ্ মদল্পচরিতম্
শোকসমুদ্রঃ পরিপূর্ণোঽযম্
ততো বাহ্যতাং রাঘবোঽপ্যয়ম্ || ৮
৩১
BACK TO TOP
৩২ অনুজ রে তদীয়পদয়ুগমিদম্
’ক্ব ভবেৎ সীতা জনকনন্দিনী ?ঽ
ইতি বিলপন্ শ্রীরামঃ লতাঃ, নদ্যঃ, বৃক্ষাঃ, বন্যাঃ
মৃগাঃ, এতেভ্যঃ সর্বেভ্যঃ সীতামন্তরেণ অপৃচ্ছৎ |
ন কোঽপি তস্য প্রশ্নস্য উত্তরং দাতুম্ প্রবভূব | লক্ষ্মণঃ
শ্রীরামং সান্ত্বয়িতুং প্রায়তত | তথাপি আশ্রমস্য পরিসরে
চরন্তঃ মৃগাঃ বারং বারং দক্ষিণদিশি মুখং কৃৎবা
অতিষ্ঠন্ | তেন সীতা দক্ষিণদিশা গতা স্যাৎ ইতি চিন্তয়িৎবা উভৌ অপি
রামলক্ষ্মণৌ সীতান্বেষণার্থং দক্ষিণদিশা প্রাচলন্ | মার্গে
শ্রীরামঃ সততং জানকীম্ আহ্বয়ন্ ইতস্ততঃ তাম্ অন্বিষ্যৎ |
তস্য নয়নাভ্যাং অশ্রুপ্রবাহঃ সন্ততম্ অবহৎ | মার্গে দৃষ্টানি
সর্বাণি চেতনাচেতনানি প্রাণিজাতানি তেন সীতামন্তরেণ পৃষ্টানি |
কমপি অন্তরং গৎবা কানিচন পুষ্পাণি পতিতানি দৃষ্টানি |
শ্রীরামেণ তানি অভিজ্ঞাতানি, যতঃ তেন এব স্বহস্তেন তানি
সীতায়াঃ কচনিচয়ে গুম্ফিতানি আসন্ | তানি বিলোক্য গদ্গদস্বরেণ
শ্রীরামঃ লক্ষ্মণমাহ -
শ্রীরামঃ -
সুমচয়স্তদলকাদয়ম্,
অনুজ রে তদীয়পদয়ুগমিদম্ ||
কচিদাসুরী পদাবলীয়ম্,
ছিনত্তি মার্গং পদয়োরপরম্
প্রবাতে ধ্বস্তং পদ্মদলম্ || ১
কেনচিদসুরেণেহ পীডিতা,
লক্ষ্মণ, নিয়তং প্রিয়া মদীয়া
জিতা কিং স্বাঙ্গবলেনেয়ম্ ?২
কস্য নন্বিদং ধনুরিহ ছিন্নম্,
মণিভিরুজ্জ্বলৈ রত্নৈঃ খচিতম্
কস্য বা কেন রণং জাতম্ ?৩
বৈদূর্যচিতং কস্য নু কবচম্
ধূলিসংকুলং তন্মণিরত্নম্
কেন কিং রক্ষো বা রুদ্ধম্ ?৪
ধূলিধূসরং ননু ছত্রমিদম্
বিভগ্নদণ্ডং ভূমৌ পতিতম্
পাতিতঃ সূতঃ কেনায়ম্ ?৫
মৃতঃ সারথিঃ পতিতৌ ভূমৌ,
ছিন্নরশ্ময়স্তথৈব পাণৌ
ভৈরবং রুধিরেণাস্য মুখম্ || ৬
পশ্য বিভগ্নং রথাবশেষম্
ভগ্নং চাক্ষং তথা চ চক্রম্
বিকীর্ণং পরিতঃ শরশতকম্ || ৭
মৃতো রাসভো ভুবি শ্যায়তে,
শূন্যয়া দৃশা গগনমীক্ষতে
বাহনং কস্যেদৃঙ্নূনম্ ?৮
মতির্মদীয়া ভৃশং কুণ্ঠিতা,
কেন কুত্র বা সীতা নীতা ?
তদর্থং জাতং কিং দ্বন্দ্বম্ ?৯
জিতা, হৃতা বা মৃতা, ভক্ষিতা,
কথং মদীয়া ক্ব ভবেৎ সীতা ?
জ্ঞায়তে কিমপি ন তদ্ গূঢম্ || ১০
যতঃ কুতো বা, যেন কেন বা,
প্রতিপ্রদেয়া মম মে কান্তা
মস্তকে ছাত্রবলং স্ফুরিতম্ || ১১
স্বর্গীয়ো বাঽস্ত্বমানুষোঽযম্,
দগ্ধুমিমং জাগর্তি পৌরুষম্
কম্পয়ে ধনুষা ত্রৈলোক্যম্ || ১২
৩২
BACK TO TOP
৩৩ সোঽহরজ্জানকীং নূনম্
’সুমচয়স্তদলকাদয়ম্, অনুজ রে তদীয়পদয়ুগমিদম্ঽ
ইতি সীতায়াঃ স্মরণেন উত্তেজিতঃ শ্রীরামঃ যাবৎ পুরতো গচ্ছতি
তাবদ্ রুধিরদিগ্ধঃ কশ্চিৎ পক্ষিশ্রেষ্ঠঃ ভূমৌ পতিতঃ
তেন অবলোকিতঃ | অনেন গৃধ্ররূপধারিণা রাক্ষসেন এব সীতা
ভক্ষিতা স্যাদ্ ইতি বিচিন্ত্য শ্রীরামঃ তং হন্তুং বাণং সজ্যম্
অকরোৎ, তদা সফেনং রুধিরং বমন্ স পক্ষিরাজঃ জটায়ুঃ
তমুবাচ -
জটায়ুঃ -
বদ রাঘব মরণাসন্নং কিং পুনর্নয়সি পঞ্চৎবম্ |
রাবণং নিরুন্ধন্নপতম্, সোঽহরজ্জানকীং নূনম্ ||
বিরহিতা ৎবয়া সা সীতা
হ্রিয়মাণা যাবদ্ দৃষ্টা
দেবরেণাপি ন চ সহিতা
উৎপত্য রাম সাবেশং রুদ্ধবানহং রথমার্গম্ || ১
নির্দয়ঃ কামুকঃ সোঽযম্
জানকীং নয়তি কিং গেহম্
অবগতং ময়া তৎসর্বম্
তৎকরৌ ময়া সন্দষ্টৌ পক্ষেণাভিহতং শীর্ষম্ || ২
জানকীরক্ষণায়াহম্
অকরবং ঘোরসংগ্রামম্
অভিনদং সমুকুটং কবচম্
বাণং বা তূণং স্প্রষ্টুং তস্মৈ নায়চ্ছ্মবসরম্ || ৩
সন্দষ্টমস্য সর্বাঙ্গম্
পক্ষেণ বজ্রবত্তুন্নম্
নির্ভয়ং ময়া প্রতিয়ুদ্ধম্
পাতিতোঽধস্তলে সূতোঽলভত স খরলত্তাঘতম্ || ৪
সারয়িৎবা সতীং দূরম্
অভিনদং স্যন্দনস্যাক্ষম্
অকরবং চক্রয়োর্ভঙ্গম্
গর্দভোঽপতন্নিষ্প্রাণঃ প্রেতস্যান্যস্য সুনিকটম্ || ৫
ভূতলে ছত্রমবসন্নম্
সঙ্গরং ভীষণং জাতম্
প্রায়তে হি যাবচ্ছক্যম্
আক্রমদ্দশন্নধরোষ্ঠং রাবণো গৃহীৎবা খড্গম্ || ৬
ছেদিতৌ যদা মম পক্ষৌ
অগতিকোঽপতমহং ভূমৌ
কম্পিতা ভৃশং বালাঽসৌ
সা যদা তেন হ্যুপগূঢা প্রক্ষুব্ধোঽভবমত্যন্তম্ || ৭
জীবিতং চক্ষুরবশিষ্টম্
তদপি তং রাবণমপশ্যম্
আকাশপথা গচ্ছন্তম্
সম্রাজ্ঞী তব হ্রিয়মাণা, ক্রন্দতি স্ম যান্তী করুণম্ || ৮
৩৩
BACK TO TOP
৩৪ রঘুপতে, শবরী ধন্যাঽহম্
’রাবণোঽহরৎ জানকীং নূনম্ঽ
ইতি ভূতার্থং নিবেদ্য পক্ষিরাজঃ জটায়ুঃ পঞ্চৎবং
গতঃ | শ্রীরামঃ তস্য দেহে বিধিপূর্বকম্ অগ্নিসংস্কারম্
অকরোৎ | পশ্চাদ্ রামলক্ষ্মণৌ পুরতঃ প্রস্থিতৌ |
অনন্তরং মার্গে কবন্ধনামা কশ্চিদ্ ভীষণো রাক্ষসঃ
তয়োঃ মার্গং নিরুদ্ধবান্ | শীর্ষরহিতঃ সঃ রাক্ষসঃ
বস্তুতঃ শাপিতঃ দনুপুত্রঃ আসীৎ |
যদা সঃ রামলক্ষ্মণৌ অভ্যজানাৎ, তদা সঃ
আহ, ’যদা শ্রীরামঃ সলক্ষ্মণঃ বনমেতৎ আগত্য
তব হস্তৌ ছেৎস্যতে তদা ৎবং স্বর্গং প্রাপ্স্যসি ইতি ইন্দ্রেণ
অহং প্রতিশ্রুতঃ | অতঃ হে রাম, কৃপয়া মাং হৎবা
দহতু ভবান্ঽ ইতি |
যদা সঃ তথা দগ্ধঃ তদা তেজস্বিরূপেণ প্রাদুর্ভূয়
সঃ শ্রীরামং প্রাহ, ’ভবান্ সুগ্রীবেণ সহ সখ্যং
বিদধাতু | সঃ সীতায়াঃ অন্বেষণে ভবতঃ সহায়ঃ ভবিষ্যতিঽ
ইতি উক্ত্বা সঃ শ্রীরামায় মার্গমপি অদর্শয়ৎ | তেন দর্শিতেন
মার্গেণ গচ্ছন্তৌ তৌ পম্পাসরোবরস্য পশ্চিমে তটে
শবর্যাশ্রমং দৃষ্টবন্তৌ | তত্র তপস্বিনী শবরী শ্রীরামস্য
আতিথ্যং কৃৎবা মহতা উৎসাহেন তমবোচৎ -
শবরী -
রঘুপতে, শবরী ধন্যাঽহম্
ৎবৎপদে প্রাপ্তে নন্বাশ্রমম্ ||
চিত্রকুটং তে চরণে লগ্ন্
মুনয়ো মোক্ষং প্রাপ্তা নৈকে
ক্ষণং তরুতলে কুরু বিশ্রামং, ক্ষমস্ব মে চাপলম্ || ১
পদয়োরনয়োঃ পূজনায় তে
অক্ষ্ণোরুদিতাঃ সরিতো ননু মে
প্রক্ষালয় নিজপদে চাপনয় প্রবাসজনিতং শ্রমম্ || ২
গুরুসেবায়ামায়ুর্ঘৃষ্টম্
তচ্চ চন্দনং বিলেপনার্থম্
সুমরোমাঞ্চৈঃ পশ্য পুলকিতং শুষ্কং তরুবিগ্রহম্ || ৩
প্রজ্জ্বাল্যাত্মজ্ঞানদীপকম্
করোম্যর্চনং তথাঽঽত্মকথনম্
প্রধার্য রূপং নীলমনন্তং পুরতো মেঽবস্থিতম্ || ৪
নৈবেদ্যার্থে কিং ননু দেয়ম্ ?
প্রসাদ ইতি কিং ময়াঽপি গ্রাহ্যম্ ?
অদ্য চকোরাঙ্গণেঽবতীর্ণা ক্ষুধিতা রাকা স্বয়ম্ || ৫
কন্দং মূলং দেব, নিষেব্যম্
বদরিফলানাং সুমধুরনিচয়ম্
বিনতাঃ কল্পদ্রুমায় দদ্যুর্বন্যলতাঃ কিমপরম্ ?৬
ক্ষতানি দেব, ন তানি খগানাম্
ময়াঽঽস্বাদিতো রসঃ ফলানাম্
স্বাদুফলং তে পুরতো নিহিতং, রূপং ন চ ভ্রামকম্ || ৭
কিমীক্ষসে লক্ষ্মণ, সাশঙ্কম্ ?
নোচ্ছিষ্টমিদং ফলং মন্ত্রিতম্
আশ্রয়তে মে মুখং শ্রুতীনাং মাধুর্যং সন্ততম্ || ৮
৩৪
BACK TO TOP
৩৫ সুগ্রীব একমিত্রং রামস্য
’রঘুপতে, শবরী ধন্যাঽহম্ঽ
ইতি সানন্দং গায়ন্তী এব শবরী অনন্তে বিলীনা |
তৎপশ্চাদ্ রামলক্ষ্মণৌ ঋষ্যমূকং নাম
পর্বতং প্রাপতুঃ | তত্র স্বরাজ্যাদ্ ভ্রষ্টঃ সুগ্রীবঃ
হনুমানাদিভিঃ সচিবৈঃ সহ প্রচ্ছন্নঃ বসতি স্ম |
তস্য অগ্রজেন বালিনা তং কিষ্কিন্ধায়াঃ বহিঃ নিষ্কাস্য
তস্য ভার্যা রুমা বলাদ্ আচ্ছিন্না আসীৎ |
রামলক্ষ্মণৌ দূরাদ্ দৃষ্ট্বা ’েতৌ ধনুর্ধরৌ
বালিনা মম নাশার্থমেব প্রেষিতৌঽ ইতি মৎবা
সুগ্রীবঃ ভয়াৎ মলয়পর্বতম্ আশ্রিত্য হনুমন্তং
তয়োঃ বিষয়ে অধিকজ্ঞানসংপাদনার্থং প্রেষয়ামাস |
প্রথমদর্শনে এব সচিবোত্তমস্য হনুমতঃ মনসি
রামলক্ষ্মণয়োঃ বিষয়ে স্নেহভাবঃ সমুৎপন্নঃ |
তেন সুগ্রীবেণ সহ তয়োঃ সৌহার্দং কল্পয়ামাস |
পরস্পরাভ্যাং সংভাষণেন সুগ্রীবস্য
মনসি অপি রামম্ অন্তরেণ মিত্রভাবঃ সমজায়ত |
তদা হনুমতা অগ্নিং প্রদীপ্তঃ | তম্ অগ্নিং সাক্ষীকৃত্য
সুগ্রীবঃ শ্রীরামম্ অবদৎ -
সুগ্রীবঃ -
সাক্ষীভবন্তি গগনং, ধরণী তথাঽদ্য দহনম্
সুগ্রীব একমিত্রং রামস্য জায়তেঽযম্ ||
রাম, ৎবদীয় ইব মে দৈবেঽপি বিপ্রবাসম্
জানাসি সর্বমেতদ্, হনুমন্মুখাদুদন্তম্
সমদুঃখ এব কুরুতে দুঃখাকুলস্য সাহ্যম্ || ১
বন্ধুঃ স্বয়ং রিপুর্মে কিং বর্ণয়ামি দৈবম্ !
বালী সুশীলজায়াং মেঽপাহরৎ চ রাজ্যম্
তং প্রেষয়স্ব বালীং হে রাম, রৌরবং তম্ || ২
রাহোরিবাস্মি গ্রহণে নিস্তেজসূর্যবিম্বম্
প্রাপ্তে হৃতস্বরাজ্যে সবলঃ পুনর্ভবেয়ম্
শৌর্যং ময়ৈব কিং মে স্বমুখেন তে নিবেদ্যম্ ?৩
সৈন্যং যদা লভেঽহং ভূয়ঃ প্লবঙ্গমানাম্
তদ্রাবণস্য ভবিতা লক্ষং তদা রিপূণাম্
লঙ্ঘিষ্যতে তদব্ধিং নির্ভেৎস্যতেঽদ্রিদুর্গম্ || ৪
তন্মার্গিতা প্রিয়াং তে, শঙ্কস্ব মা নৃপেন্দ্র
নিষ্ঠাং প্লবঙ্গমানাং প্রত্যক্ষমেব পশ্য
ভবিতা গণঃ স সিদ্ধোঽর্পয়িতুং নিজস্বমখিলম্ || ৫
সিদ্ধং সুসখ্যমধুনা হস্তে দদামি হস্তম্
ভেতব্যমদ্য কস্মাদ্ ভয়কারিণঃ কিমর্থম্ ?
অধুনা ক্ষমেন্দ্র সিদ্ধো ভব বালিনো বধার্থম্ || ৬
বিচিনোমি বিশ্বমখিলং বচনং সখে মমেদম্
ধ্রুবমানয়ামি সীতামন্তে চ তে সমীপম্
কুরুতেঽথ কোঽপি বিঘ্নং, তং প্রেষয়ামি স্বর্গম্ || ৭
সচিবৌ ন মে ভবন্তৌ নল, অঞ্জনেয় শ্রুণুতম্
সুগ্রীব একসচিবো নৃপতিশ্চ রাঘবোঽযম্
আজ্ঞাঽধুনা তদীয়া যুবয়োর্মম প্রমাণম্ || ৮
৩৫
BACK TO TOP
৩৬ বালিবধো ন চ খলনাশোঽযম্
’সুগ্রীব একমিত্রং রামস্য জায়তেঽযম্ঽ
এবং যদা সুগ্রীবেণ রামেণ সহ সখ্যং ঘোষিতং, তদা
রামঃ অপি তস্মৈ সাহায়্যং প্রত্যশৃণোৎ | তদনুসারং সুগ্রীবেণ
বালী দ্বন্দ্বয়ুদ্ধার্থম্ আহূতঃ | তয়োঃ দারুণং যুদ্ধম্ অজায়ত |
তত্র সুগ্রীবে হতপ্রায়ে জাতে রামঃ বৃক্ষস্য পৃষ্ঠতঃ নিশিতেন
বাণেন বালিং বিব্যাধ | তেন বালী ভূমিং পতিতঃ |
যদা ’কেনাপি অপরাধেন বিনৈব রামেণ অহং ব্যাপাদিতঃঽ
ইতি বালী অজানাৎ, তদা সঃ রামম্ অপৃচ্ছৎ, পরোক্ষস্থং
মাং হৎবা কো নাম পুরুষার্থঃ পরাক্রমঃ বা ভবতা প্রদর্শিতঃ ?
তদা প্রভুঃ রামচন্দ্রঃ উবাচ -
শ্রীরামঃ -
এতৎ খলু মে ধর্মাচরণম্,
বালিবধো ন চ খলনাশোঽযম্ ||
অখিলধরেয়ং ভরতশাসিতা
ন্যায়নীতয়োরসৌ সুবেত্তা
তস্যৈবাহং তাবদ্ ভ্রাতা
যথৈব রাজা তথা প্রজেয়ম্ || ১
শিষ্যো, দাসোঽথ বাঽনুজোঽযম্
ধর্মেণাসৌ তনয়ো নূনম্
ভ্রাতুর্জায়ামপাহরস্ত্বম্
নিধায়ান্তরে পাপমিঙ্গিতম্ || ২
দর্পপ্রতিমা সবিগ্রহা ৎবম্
যোগ্যঃ খলু তে বধদণ্ডোঽযম্
বিষয়ান্ধানামন্তোঽপ্যেবম্
মৃগয়াবিধিনা শ্বাপদমরণম্ || ৩
দত্তং বচনং সুগ্রীবার্থম্
’দাস্যে প্রাণাংস্ত্বৎপ্রাণার্থম্ঽ
হতোঽনুজার্থে ময়াঽগ্রজস্ত্বম্
প্রদত্তবচনং ময়া পালিতম্ || ৪
ক্রীডন্তি বনে নৃপা মৃগয়য়া
নিঘ্নন্তি পশূন্ প্রচ্ছন্নতয়া
অপি সা ক্রীডা কিং দোষময়া ?
কপিঃ পশুভ্যোঽহৃদয়তরস্ত্বম্ || ৫
অন্ত্যঘটী তে ভবতু মোক্ষদা
পালয়ামি তেঽঙ্গদং সর্বথা
রাজ্যমিদং তে, তব কিষ্কিন্ধা
সমর্প্যতে সুগ্রীবায়েয়ম্ || ৬
৩৬
BACK TO TOP
৩৭ স একো বীরঃ শ্রীহনুমান্
’বালিবধো ন চ খলনাশোঽযম্ঽ
ইতি বচনৈঃ শ্রীরামঃ বালিনঃ প্রতীতিং কারয়ামাস |
বালিনাশস্য পশ্চাৎ সুগ্রীবঃ কিষ্কিন্ধায়াঃ রাজ্যং পুনঃ
অবাপ | রুমাসুগ্রীবয়োঃ মধুরং মিলনম্ অজায়ত | তথাপি
রাজবিলাসেষু নিমগ্নঃ সুগ্রীবঃ রামকার্যং ব্যস্মরৎ | তদা
সংক্রুদ্ধঃ লক্ষ্মণঃ তস্মৈ স্বকর্তব্যম্ অস্মারয়ৎ |
অচিরাদেব সুগ্রীবঃ সর্বান্ বানরগণান্ আহূয় তান্ সর্বান্
সীতান্বেষণার্থং সর্বাঃ দিশঃ প্রেষয়াঞ্চকার |
মহাবীরস্য হনুমতঃ নেতৃৎবে বানরদলমেকং
দক্ষিণদিশম্ অগচ্ছৎ | কথংচিৎ শ্রীরামঃ অমন্যত
যৎ ’হনুমান্ এব সীতাম্ অন্বেষ্টুং প্রভবেৎঽ ইতি |
অতঃ সীতাং প্রত্যায়য়িতুং সঃ তস্মৈ আত্মনঃ অঙ্গুলীয়কং প্রাদাৎ |
মাসাবধিং বিচিত্য অপি সীতায়াঃ বিষয়ে কাঽপি উপলব্ধিঃ
ন অবগতা | তেন নির্বিণ্ণাঃ, হতাশাঃ কপিশ্রেষ্ঠাঃ কস্মিন্নপি
পর্বতশিখরে উপবিষ্টাঃ আসন্ | তদা সংপাতিঃ নাম গৃধ্ররাজঃ
তান্ প্রতি আগত্য অবদৎ, ’হং জটায়োঃ বন্ধুঃ, মহারাজস্য
দশরথস্য চ বয়স্যঃ | চক্ষুষ্মতী নাম বিদ্যা মম অবগতা |
তয়া অত্রস্মাদেব অহং জানকীং চ রাবণং চ দ্রষ্টুং শক্নোমি |
সাংপ্রতং সা লঙ্কানাম্নি সুবর্ণদ্বীপে রাবণস্য অন্তঃপুরে বন্দিনী
ভবতি | ভবদ্ভিঃ ক্ষীরোদস্য পারং গন্তুং কশ্চিদ্ উপায়ঃ
চিন্তিতব্যঃঽ ইতি |
তদা অঙ্গদাদয়ঃ কপিবর্যাঃ সমুদ্রোল্লঙ্ঘনবিষয়ে সুচিরং
বিমর্শং চক্রুঃ | অন্তে জাম্বুবান্ সনিশ্চয়মাহ -
জাম্ববান্ -
তীর্যতে সিন্ধুর্যেন মহান্
স একো বীরঃ শ্রীহনুমান্ ||
দৃঢং গৃহীৎবা পদ্ভ্যামুরগম্
উড্ডাণেনাক্রম্য সমুদ্রম্
গরুডস্তরসাঽঽক্রমতে গগনম্
গরুডাদপি বলবান্ || ১
অঞ্জনীসুতঃ সুবলাঢ্যোঽযম্
ক্ষেত্রজপুত্রঃ পবনস্যায়ম্
কর্তুমলং দিগ্গজসংচূর্ণম্
বলশালী ধীমান্ || ২
বীরো জাতো রব্যুদয়েঽযম্
নভস্যুদপতৎ ত্রিশতয়োজনম্
মৎবা পক্বফলং রবিবিম্বম্
ধর্তুময়াদ্ ভাস্বান্ || ৩
বালেনার্কে বীরেণ ধৃতে
ত্রৈলোক্যে সতি তদা কম্পিতে
অস্য শিশোর্বিপ্রতিকারার্থে
পবিমিন্দ্রো ধৃতবান্ || ৪
বজ্রাঘাতেনেন্দ্রস্য তদা
ক্ষতিরণুমাত্রা চিবুকে জাতা
জাতামর্ষস্তেনাস্য পিতা
স্তব্ধোঽভূৎ গতিমান্ || ৫
স্তব্ধে পবনে বিশ্বমচেষ্টম্
তদাঽঽশ্বাসয়ন্ দেবা পবনম্
মারুতয়েঽস্মৈ দত্ত্বাঽভিবরম্
প্রাশংসদ্ ভগবান্ || ৬
ছেৎস্যতি নৈনং সমরে শস্ত্রম্
বিষ্ণুবরেণেচ্ছামরণোঽযম্
অতিশয়িতাঽসৌ প্রভয়া সূর্যম্
চিরতরমায়ুষ্মান্ || ৭
হে হনুমন্, কুরু মনসা সর্গম্
কপিজনবন্ন চ সামান্যস্তবম্
উত্থাপয় বামবচ্চরণম্
কুরু বিজয়োৎপতনম্ || ৮
৩৭
BACK TO TOP
৩৮ ইয়মসৌ শ্রীরামস্বামিনী
’তীর্যতে সিন্ধুর্যেন মহান্, স একো বীরঃ শ্রীহনুমান্ঽ
ইতি জাম্ববতঃ স্বসামর্থস্য বর্ণনং শ্রুৎবা হনুমতঃ
শরীরেঽপি স্ফুরণং জাতম্ | যাবৎ সর্বে কপয়ঃ পশ্যন্তি তাবৎ
সঃ অতিবিশালম্ আকারং ধৃতবান্ | কপয়ঃ অপি তস্য স্তুতিপরাণি
গীতানি অগায়ন্ | তদনু পবনপুত্রঃ হনুমান্ মহেন্দ্রপর্বতস্য
শিখরমারুহ্য আকাশমার্গেণ উড্ডাণম্ অকরোৎ | কালেন সঃ
ত্রিকুটাচলং প্রাপ্নোৎ | অমরপুরীবৎ দৃশ্যমানা লঙ্কা তেন
দূরতঃ নিরীক্ষিতা | সর্বতঃ রাক্ষসাঃ দক্ষতয়া তাং নগরীং
রক্ষন্তি স্ম | তত্র প্রবেশোঽপি সুলভঃ নাসীৎ | হনুমান্
সূক্ষ্মদেহেন তাং নগরীং প্রবিবেশ | নিশাসময়ে তেন সীতার্থং
সর্বং পুরম্ অবেক্ষিতম্ | রাবণস্য অন্তঃপুরমপি তেন নিপুণং
নিরীক্ষিতম্ | তথাপি সীতা সদৃশী নারী তেন ন কুত্রাপি আসাদিতা |
নিরাশঃ সঃ অশোকবনং প্রাপ্তঃ | নিতান্তরমণীয়ং তদ্ বনং
বিলোকয়ন্ সঃ কস্মিন্নপি শিংশপাবৃক্ষে উপাবিশৎ | ততঃ সহসা
সহস্ররাক্ষসীভিঃ পরিবেষ্টিতা মলিনবসনা কাঽপি স্ত্রী তস্য
দৃষ্টিপথমায়াতা | তেন পূর্বং কদাপি সীতা ন দৃষ্টা আসীৎ |
তথাপি তথাভূতয়া তয়া সীতয়া এব ভাব্যম্ ইতি চিন্তয়ন্ সঃ
স্বগতমেব অচিন্তয়ৎ -
হনুমান্ -
ইয়মসৌ শ্রীরামস্বামিনী ||
চন্দ্রবিরহিণী যথা রোহিণী
ব্যাঘ্রীষ্বিব ব্যামুগ্ধা হরিণী
শ্যেনকোটরে ব্যস্তা শকুনী
হিমস্থলে সংহতা বাহিনী || ১
মলিনা ক্ষামা তদপি সুরেখা
ধূমপরিবৃতা জ্বলনশলাকা
শিশিরে ম্লানা চম্পকশাখা
ধৃতব্রতেয়ং মহায়োগিনী || ২
রুদনেনার্ক্ষ্ণোর্দৃষ্টিবিকলতা
কপোলয়োরার্দ্রা চ শুষ্কতা
উন্নিদ্রেয়ং চিন্তাক্রান্তা
ভর্তৃচিন্তনে রতা বিরহিণী || ৩
পঙ্কিলেব ভাসতে পদ্মজা
নিয়তমিয়ং স্যাৎ সতী ভূমিজা
পরমদারুণা দশা দৈবজা
বিমানিতেয়ং বনে মানিনী || ৪
সুবর্ণাঽপি সা শ্যামলমলিনা
অধোমুখীয়ং শশাঙ্কবদনা
গ্রহণাবসরে বা দিগ্ললনা
স্থিতা হতাশা দুঃখভাগিনী || ৫
সন্দিগ্ধার্থা ননু স্মৃতিরিয়ম্
অন্যায়েনার্জিতা শ্রীরিয়ম্
কাচিদমূর্তা চিত্রকৃতিরিয়ম্
কীর্তির্বিজিতা বনে বাসিনী || ৬
রামবর্ণিতা প্রতিমা, মুদ্রা
বাহুভূষণে প্রবালমুদ্রা
অসংশয়মসৌ সৈব সুভদ্রা
ইয়ং জানকী জনকনন্দিনী || ৭
বলয়মীদৃশং কর্ণভূষণম্
ঋষ্যপর্বতে দৃষ্টং পতিতম্
রাঘবেণ খলু তদভিজ্ঞাতম্
সুধাঘটীয়ং যশোদায়িনী || ৮
৩৮
BACK TO TOP
৩৯ রামকীর্তিরস্ম্যহম্
’িয়মসৌ শ্রীরামস্বামিনীঽ
ইতি প্রতীতিং গতঃ অপি হনুমান্ সহসা তস্যাঃ পুরতঃ
গন্তুং ন অধৃষ্ণোৎ | যতঃ যথা তেন সীতা পূর্বং বিলোকিতা
নাসীৎ তথা তয়া অপি সঃ ন দৃষ্টপূর্বঃ | অতঃ অকস্মাৎ
দৃষ্টং তং সা রাবণস্যৈব সহকারিণং মন্যেত ইত্যেব
সংভবনীয়ম্ আসীৎ | অথ কিং করণীয়ম্ ইতি বিচারগ্রস্তে
হনুমতি সতি অকস্মাদ্ রাবণঃ এব সসেবকঃ তত্র আগত্য
সীতাং বশমানেতুং প্রায়তত | তদা সন্তপ্তা সর্পিণীব
ফূৎকুর্বন্তী রাবণং তর্জয়ন্তী সীতা ব্যাজহার -
সীতা -
পুলস্ত্যপুত্র রাক্ষসেশ মা কুরুষ্ব বল্গনম্
জানতে সুরাসুরা রামকীর্তিরস্ম্যহম্ ||
পরাঙ্গনা পতিব্রতা বন্দনাস্পদঽস্ম্যহম্
মুঞ্চ শীঘ্রমেব মাং পুণ্যমাপ্নুহি স্বয়ম্
বীরতা তবাস্তি চেৎ কুরু সতীৎবরক্ষণম্ || ১
নৃপতিপাপমীক্ষতে বাঽনয়ং তিতিক্ষতে
রাষ্ট্রমীদৃশং ক্ষিতৌ নামতোঽবশিষ্যতে
আত্মনঃ করেণ কিং দহসি বাঽঽত্মনঃ পুরম্ ?২
যত্র তত্র রাঘবো মাঽভিতঃ স দৃশ্যতে
বামপাণিরস্য মে সংস্তরে শিরস্তলে
চিন্তনেঽপি পূজয়ে সদৈব তং ধনুর্ধরম্ || ৩
কস্যচিন্ন যোগ্যতা রাঘবেতরস্য মে
প্রেষয়স্ব মামিতশ্চাদ্য রাঘবান্তিকে
ত্রায়তে হি রাঘবো শরণমাগতং জনম্ || ৪
নয় কৃতার্থজীবনং বিধায় তেন মিত্রতাম্
অর্পয়স্ব জানকীং রাঘবায় নির্মলাম্
মৃত্যুরন্যথা গৃহং তবাগতঃ সুনিশ্চিতম্ || ৫
ইন্দ্রবজ্রমপি ভবেৎ ক্বচিন্নিহননেঽক্ষমম্
প্রকুপিতে তু রাঘবে, ৎবং ন জীবসি ক্ষণম্
রামবাণবর্ষণং প্রলবদ্ ভয়ঙ্করম্ || ৬
এষ তেঽগ্রতো যদা সঙ্গরেঽবতিষ্ঠতে
তদা সবংশমেব ৎবাং নঙ্ক্ষ্যতি ধ্রুবং রণে
অধম, কামমূঢ রে চিন্তয়স্ব তৎ ক্ষণম্ || ৭
কঙ্কপক্ষসংযুতো রামনামচিহ্নিতো
উরসি দ্রক্ষ্যতে ময়া তব তু রামসায়কো
ভারমুক্তমেকদা ভবতু মেদিনীতলম্ || ৮
৩৯
BACK TO TOP
৪০ মুদ্রিকা তদীয়া নূনমভিজ্ঞাতেয়ম্
’পুলস্ত্যপুত্র রাক্ষসেন্দ্র, মা কুরুষ্ব বল্গনম্ঽ
ইতি সীতায়াঃ উদগ্রবচঃ শ্রুৎবা রাবণোঽপি ক্ষণমাত্রং
ভয়ভীতঃ | শূর্পণখায়াঃ, মারীচাৎ চ তেন রামস্য
দণ্ডকারণ্যে আবিষ্কৃতঃ পরাক্রমঃ শ্রুতঃ আসীৎ | অতঃ
সীতায়ৈ মাসৈকস্য অবধিং প্রদায় সঃ অশোকবনাৎ নিষ্ক্রান্তঃ |
অনেন প্রসঙ্গেন ’িয়ং স্ত্রী সীতা এব অস্তিঽ ইতি হনুমান্ অজানাৎ |
তস্যাঃ পরিতঃ উপবিষ্টাঃ রাক্ষসস্ত্রিয়ঃ প্রায়েণ নিদ্রায়াঃ বশং
গতাঃ ইতি নিরূপ্য শিংশপাবৃক্ষস্থিতেন হনুমতা মধুরস্বরেণ
রামচরিতগায়নং সমারব্ধম্ | তেন চকিতচকিতা সীতা যাবৎ
গায়নস্য স্বরস্য দিশা উপরি পশ্যতি তাবৎ হনুমতা তস্যাঃ
সমীপম্ আগত্য শ্রীরামেণ প্রদত্তম্ অঙ্গুলীয়কং তস্যাঃ হস্তয়োঃ
নিক্ষিপ্তম্ | তাং মুদ্রিকাং বিলোক্য জানকী হর্ষস্য পরাং কাষ্ঠাং
গতা | ’নেন কপিনা রামদূতেন এব ভাব্যম্ঽ ইতি বিজ্ঞায়
সা তং প্রষ্টুং প্রারভত . |
সীতা -
মুদ্রিকা তদীয়া নূনমভিজ্ঞাতেয়ম্
হে দূত কথয় মে, স্বামিগতং বৃত্তান্তম্ ||
ধারয়ন্ কার্মুকং তথাঽক্ষয়ং তূণীরম্
বিরহেণ রাঘবো ভজতে কিং পরিতাপম্ ?
নয়নয়োস্তলে কিং শ্যামলচিন্তাবলয়ম্ ?১
কিং কর্ম দূষয়ন্নাস্তে নির্বিণ্ণোঽসৌ ?
দুঃখেন ব্যস্মরৎ নিজধর্মং কিং বাঽসৌ ?
পালয়ত্যসৌ ননু কচ্চিন্নৃপকর্তব্যম্ ?২
বর্ততে নিশ্চলং তস্যাদ্যাপি নু ধৈর্যম্ ?
কিং পুনস্তস্য বা শৌর্যস্য হি বিস্মরণম্ ?
সাহ্যায় বর্ততে কচ্চিৎ সন্মিত্রবলম্ ?৩
কচ্চিদিচ্ছন্তি তদ্বিজয়ং ভূপাঃ সর্বে ?
বঞ্চিতঃ প্রভুর্বা লোকপ্রিয়তায়া মে ?
বিস্মৃতং কিমথ বা প্রভুণা যত্নমহৎবম্ ?৪
কিং মম স্বামিনৌ মমৈব বা বিস্মরণম্ ?
দৈবেন যদা মে পরসদনে পরিসদনম্
কিমথ বা স্মৃতির্মে পীডয়তে মম নাথম্ ?৫
কিং স্বয়ং রঘুপতির্মোচয়িতা মাং নূনম্ ?
প্রেষয়িষ্যতে কিং ভরতশ্চতুরঙ্গবলম্ ?
অবগতং তস্য কিং সকলময়োধ্যাবৃত্তম্ ?৬
অপি মতিস্তদীয়া মলিনা বা বিপদায়াম্ ?
কচ্চিন্ন দুর্বলা তৎপ্রীতিঃ সীতায়াম্ ?
মোচয়েন্মৈথিলীং কদা রঘুবরো নূনম্ ?৭
তাং সুবর্ণঘটিকাং কচ্চিদহং পশ্যেয়ম্ ?
অপি রামসায়কো ভিদ্যাদ্ রাবণহৃদয়ম্ ?
বর্তেত কদা ননু প্রভুপদয়োরিহ যুগলম্ ?৮
যাবদাকর্ণয়ে দূরাদপি তৎকুশলম্
জীবামি কথংচিদ্ যত্র ভবামি যথাঽহম্
দ্রক্ষ্যামি কদা ননু জন্মনি ভূয়ো নাথম্ ?৯
৪০
BACK TO TOP
৪১ হনুমতা দগ্ধা লঙ্কেয়ম্
’হে দূত কথয় মে রামগতং বৃত্তান্তম্ঽ
ইতি সীতায়াঃ আদেশানুসারং হনুমান্ তস্যৈ ’শ্রীরামঃ ভবতীং
মোচয়িতুম্ অচিরাদেব আগমিষ্যতিঽ ইতি নিবেদ্য তাং
সমাশ্বাসয়ৎ | শ্রীরামস্য প্রত্যয়ার্থং সীতয়া অপি মণিরেকঃ
হনুমতে প্রদত্তঃ | বস্তুতঃ হনুমান্ স্বয়মেব তাং রামং
প্রত্যানেতুং সমর্থঃ আসীৎ | তথাপি ’পরপুরুষস্কন্ধম্
উপবিশ্য প্রয়াণম্ অনুচিতম্ | রামেণ এব অহং মোক্তব্যাঽ
ইতি সীতা সনির্বন্ধমাহ | হনুমানপি তস্যাঃ নির্বন্ধম্ উচিতম্
অমন্যত | তাম্ আমন্ত্র্য সঃ অশোকবনাৎ প্রস্থিতঃ | তথাপি
লঙ্কায়াঃ নির্গমনাৎ পূর্বম্ ’েতেষাং রাক্ষসানাং
বলাবলং তাবৎ অনুমেয়ম্ঽ ইতি মনসি কৃৎবা তেন অশোকবনং
প্রধ্বস্তম্, জম্বুমালী হতঃ, রাবণপুত্রঃ অক্ষঃ চ
নিষূদিতঃ | লঙ্কায়াঃ কুলদেবতা অপি তেন উচ্ছিন্না | তদা
রাবণস্য পুত্রেণ ইন্দ্রজিতা সঃ ব্রহ্মাস্ত্রেণ নিবধ্য রাজসভাম্
আনীতঃ | রাবণঃ তস্য মৃত্যুদণ্ডম্ আজ্ঞাপয়ত | তথাপি
রাবণানুজেন বিভীষণেন ’দূতবধঃ রাজনীতিসংমতঃ নাস্তিঽ
ইতি প্রতিপাদিতম্ | অন্তে রাবণস্য আদেশেন রাক্ষসৈঃ তস্য পুচ্ছং
চীবরৈঃ আচ্ছাদ্য প্রদীপ্তম্ | রাক্ষসস্ত্রিয়ঃ বৃত্তম্
এতং সীতায়ৈ ন্যবেদয়ন্ | তদা সা অগ্নিং প্রার্থয়ত, ’ভবত্তঃ
হনুমান্ পীডাং ন অনুভবতুঽ ইতি | হনুমাংস্তু প্রদীপ্তেন
লাঙ্গূলেন সহ রাজসভায়াঃ উড্ডীয় লঙ্কায়াঃ প্রাসাদ- মন্দির-
গোপুরাদিস্থলানি ভস্মসাৎ কর্তুং প্রারভত |
কুশলবৌ -
লীলয়োড্ডীয়াকাশপথম্
হনুমতা দগ্ধা লঙ্কেয়ম্ ||
নগাভ্রমিব কপিবরি দৃশ্যতে
তডিদিব পুচ্ছং তদনুদীপ্যতে
নগরেঽনলবর্ষাবং কুরুতে
প্রবাতো গর্জত্যতিমাত্রম্ ১
শিখরাদেকাদন্যদ্ গেহম্
কন্দুকবৎ কপিবীরোৎপতনম্
বিশতি গবাক্ষে চণ্ডং পুচ্ছম্
সন্দহন্ ভ্রমতি পুরং স্বৈরম্ || ২
জ্বলতি মন্দিরং জ্বলতি গোপুরম্
দীপ্তদ্বারং রণতি দারুণম্
ক্রন্দতি বিলপতি তদাবরোধম্
প্রকাশে স্ফুটং বস্তুজাতম্ || ৩
জ্বলতি শ্রেণী ক্ষণে গৃহাণাম্
নিপততি রক্ষা প্রাসাদানাম্
চিতেব দীপ্তা মহাপুরাণাম্
কুর্বতেঽসুর্যঃ পরিশোকম্ || ৪
কশ্চন দগ্ধঃ সুপ্তদশায়াম্
কোঽপি প্রদীপ্তো ধাবতি রথ্যাম্
ভয়েন লিপ্তা বাগন্যেষাম্
বিনষ্টং প্রলয়ে সৌহার্দম্ || ৫
ধাবতি মাতা বিহায় বৎসম্
লোকঃ স্মরতি ন নাম ন বন্ধম্
যদেবোন্নতং ভবতি সপাটম্
আপতৎ সহসা কালোঽযম্ || ৬
শস্ত্রা বিবিধা দগ্ধা বহুধা
শৌর্যশীলতা সদেহদগ্ধা
জ্বালাভির্নবজ্বালা মিলিতাঃ
সঘনতা ধরতি ভস্মরূপম্ || ৭
পবনো দহনো দহনঃ পবনো
নাস্তি নিবাসো নাপি চাশ্রয়ো
রক্ষাভূতো রক্ষাগারো
তাণ্ডবং বডবাগ্নের্মূর্তম্ || ৮
৪১
BACK TO TOP
৪২ সেতু রচয়ধ্বং সাগরে
’হনুমতা দগ্ধা লঙ্কেয়ম্ | ঽ
কৃৎস্নাং লঙ্কাং প্রদীপ্য প্রশান্তমনসা হনুমতা
স্বপুচ্ছং সাগরজলেন শামিতম্ | ততঃ স গগনপথা
শ্রীরামং প্রত্যাগচ্ছৎ, সীতয়া দত্তং ভাস্বরং মণিং
শ্রীরামায় অয়চ্ছৎ চ | তং মণিম্ অভিজ্ঞায়প্রকর্ষেণ
হৃষ্টঃ রামঃ হনুমন্তং গাঢম্ আলিলিঙ্গ |
সীতায়াঃ প্রবৃত্তিং জ্ঞাৎবা শ্রীরামঃ বিশালেন বানর-
সৈন্যেন সহ দক্ষিণদিশি সমুদ্রতীরং প্রাপ্তঃ | ’সমুদ্রঃ
তু কথং তরণীয়ঃ ?ঽ ইতি প্রশ্নঃ সমুপস্থিতঃ | দিনত্রয়ং
যাবৎ শ্রীরামেণ সাগরদেবতা প্রার্থিতা | অন্তে যদা তেন
সাগরমুদ্দিশ্য শস্ত্রম্ উদ্যতং তদা রামবাণভয়াৎ
সাগরঃ স্বয়ং সাকারঃ রামস্য পুরতঃ আবির্বভূব, তং
চ সবিনয়ং প্রাহ, ’ভবতঃ সেনায়াং নলঃ নাম অভিয়ন্তা
বর্ততে | সঃ বিশ্বকর্মণঃ পুত্রঃ. তেন সেতুং বন্ধয় | তং সেতুম্
অহং স্বশরীরে সানন্দং ধারয়িষ্যামিঽ ইতি | সাগরস্য
সূচনামনুসৃত্য রামঃ নলম্ আজ্ঞাপয়ৎ | নলস্য
আধিপত্যে সেতুবন্ধনে মগ্নাঃ বানরাঃ গাতুম্ আরভন্ত -
বানরগণঃ -
সেতুং রচয়ধ্বং সাগরে || ধৃ ||
বিদার্য শৈলান্ বিশালকায়ান্
আদায় মহাগজপ্রস্তরান্
ক্ষিপত সাগরে জবেন চৈতান্
নিবধ্য সেতুং কর্ষত লঙ্কামেতদ্বেলান্তিকে || ১
ক্ষিপ্যত বৃক্ষান্, ক্ষিপ্যত শৈলান্
বহেত পৃষ্ঠে বারিধিরেতান্
এতত্তীরং কর্ষত বসুধাম্
বহেত সেতুং বডবাগ্নিরসৌ শেষসমো মস্তকে || ২
রামে ভক্তিং দধতো হৃদয়ে
পৃষ্ঠং জলধেরাবর্জয়তে
সৎকার্যকৃতো লোকস্য কৃতে
শ্রীরঘুরাজো বানরৈস্তথা নিজপৃষ্ঠেনোহ্যতে || ৩
নল ইব নেতা যদা প্রাপ্যতে
করাঃ কোটিশো যদা যতন্তে
যশো নিশ্চিতং কার্যারম্ভে
অহো লীলয়া পাষাণা অপি তরন্তি জলধাবিমে || ৪
জলে প্রভুপদে প্রবিষ্টমাত্রে
নদী নদী তীর্থং হি জায়তে
সিদ্ধিরধীরা প্রারম্ভার্থে
লাটা ভূৎবা শিলা লাটয়া সিন্ধুজলে সজ্জতে || ৫
গর্জ গর্জ হে কপিপুঙ্গবগণ
রাম, রঘুপতে, পতিতোত্তারণ
জয় লঙ্কারে, সীতাজীবন
যুদ্ধস্যাদাবভিহন্যন্তাং স্ফূর্তেঃ পটহা রণে || ৬
নায়ং সেতুঃ শ্রময়জ্ঞোঽযম্
প্রয়োজনং রঘুপতেরুদাত্তম্
মহিমা তচ্ছুভনাম্নশ্চায়ম্
অবরুধ্য গতিং কর্ম সাংঘিকং দিগ্ভিরিদং দৃশ্যতে || ৭
ভুভুঃকৃত্য কার্যতাং ঘোষণা
বিজয়ী রামো, বিজিতা লঙ্কা
সীতা মুক্তা, কিমত্র শঙ্কা
সেতুরূপকঃ প্রকাশপুঞ্জঃ প্রবিশতি তিমিরে ঘনে || ৮
৪২
BACK TO TOP
৪৩ রঘুপতে, বদসি ন কিমপি কথম্ ?
’সেতুং রচয়ধ্বং সাগরেঽ
ইতি উচ্চৈঃ গায়ন্তঃ গর্জন্তঃ বানরবীরাঃ সাগরে
ত্রয়োবিংশতি যোজনপর্যন্তং সেতুম্ অবধ্নন্ | সেতুনা অনেন
শ্রীরামস্য অপারং সৈন্যংলঙ্কায়াং প্রবিষ্টম্ | শ্রীরামস্য
সেনায়াঃ বলাবলং বিজ্ঞাতুং রাবণেন স্বদূতাঃ বিসৃষ্টাঃ |
তৈঃ দূতৈঃ রাবণায় তদ্বিষয়ে যথার্থং বৃত্তং প্রদত্তম্ |
রাবণঃ স্বয়মপি শ্বেতপ্রাসাদস্য সৌধাৎ সৈন্যস্য নিরীক্ষণম্
অকরোৎ | রামসেনায়াঃ প্রমুখবীরাণাং বিশেষান্ অপি সঃ
জ্ঞাতবান্ | সঃ স্বসচিবান্ যুদ্ধায় সজ্জীভবিতুম্ আদিদেশ |
তস্য অনুজঃ বিভীষণঃ তু পূর্বমেব রামস্য পক্ষং প্রবিষ্টঃ
আসীৎ |
অত্রান্তরে মায়াবিনা রাবণেন সীতাং বশমানেতুং কপটপ্রয়োগঃ
কৃতঃ | সঃ বিদ্যুজ্জিহ্বেন নাম্না রাক্ষসেন কৃত্রিমং রামমস্তকং
কারিতবান্ | তন্মস্তকং সীতায়াঃ পুরতঃ নিক্ষিপ্য, বিকটং বিহস্য সঃ
তামুবাচ, ’হে সীতে, যদর্থং ৎবং মম প্রণয়ং বিজহাসি, তস্যৈব
তব প্রিয়রামস্য ইদং মস্তকম্ | রামস্য সুপ্তাবস্থায়াং মম
সেনাপতিঃ প্রহস্তঃ তদ্ অচ্ছিনৎ | সর্বাঽপি বানরসেনা অধুনা
ভয়গ্রস্তা বর্ততে | পশ্যেদং তস্য ধনুঃ শিরঃ চঽ ইতি |
রামস্য শিরসা সদৃশং তৎ শিরঃ বিলোক্য সীতা শোকস্য পরাং
কাষ্ঠাম্ অবাপ | করুণকরুণং বিলপন্তী সা অব্রবীৎ -
সীতা -
কিমাকর্ণয়ে ?কিমালোকয়ে ?দুরবস্থা কেয়ম্ ?
রঘুপতে, বদসি ন কিমপি কথম্ ?
জায়াপূর্বং কথমাপতিতং পত্যুর্মরণমিদম্ ?
দৈবমেব মে চ্যুতমিব খড্গং শিরসি কুতঃ পতিতম্ ?
পুণ্যবিহীনা মাতা দেবী কৌসল্যাঽপি কথম্ ?১
জ্যোতির্বিদুষাং সকলং গণিতং মিথ্যা ভবতি কথম্
দুর্ভাগিন্যাঃ সর্বস্বং মে সহসা কিং লুপ্তম্ ?
মূঢতয়া মে ধূলিনিপতিতঃ পুরুষোত্তম এবম্ !২
কমললোচনে শ্রবণে চ তথা ধ্রুবমভিজানেঽহম্
রুদনেনাপি চ দীনায়াস্তে নিদ্রান্তো ন কথম্ ?
গতিহীনা কিং জাতা সৃষ্টির্দিশো গতাঃ শূন্যম্ ?৩
হেমচাপমভিজানে ক্বাসৌ মহাবাহুরাস্তে ?
অপি তাং মূর্তিং শ্যামলবর্ণাং কুত্র কদা প্রেক্ষে ?
শুষ্কে জাতে রুদনান্নয়নে প্রদীপ্তমঙ্গাঙ্গম্ || ৪
কথং বিস্মৃতং সখে পরিণয়ে দত্তং নিজবচনম্
জায়ায়াস্তে সংমতিং বিনা প্রতিষ্ঠসে স্বর্গম্ !
অপি শ্রূয়তে ভার্যায়াস্তে ব্যথার্তমাহ্বানম্ || ৫
রঘুকুলশেখর ৎবয়া সমেতাঃ পিতরস্তে স্বর্গে
অর্ধাঙ্গী তে ৎবিহাবশিষ্টা পরহস্তে মার্গে
শোভতেঽথ বা রীতিরীদৃশী রঘুকুলজস্য কথম্ ?৬
কুতো মদর্থে সিন্ধুমপারং তীর্ত্বাঽঽযাতস্ত্বম্ ?
কিং ননু জাতা কুলধ্বংসিনী জঠরান্মাতুরহম্ ?
জনককৃতানাং শতয়জ্ঞানামেতৎ কিং নু ফলম্ ?৭
হে লঙ্কাধিপ, আয়ুধেন মে যেনাহন্ নাথম্
কুরু প্রহারং শিরসি মদীয়ে তেন ৎবং তূর্ণম্
অন্তে তাবৎ সীতা রাঘবমনুগচ্ছতু ক্ষিপ্রম্ || ৮
৪৩
BACK TO TOP
৪৪ সুগ্রীব, সখে, সাহসমেবম্
’রঘুপতে, বদসি ন কিমপি কথম্ ?ঽ
ইতি শ্রীরামস্য নির্জীবেণ শিরসা সংবদন্তী জানকী তত্রৈব মোহং গতা |
পশ্চাৎ সরমা নাম রাক্ষসী তস্যৈ সত্যম্ অকথয়ৎ, ’রামঃ
ন কেবলং জীবিতঃ, প্রত্যুত তস্য সৈন্যেন সর্বাঽপি লঙ্কা পরিবেষ্টিতাঽ ইতি |
তদা লোচনয়োঃ প্রাণান্ সমানীয় সা শ্রীরামং প্রতীক্ষমাণা স্থিতা |
একদা লক্ষ্মণসুগ্রীবাদিপ্রবীরৈঃ সহ রামঃ সুবেলপর্বতাগ্রে স্থিৎবা
লঙ্কাং নিরীক্ষতে স্ম, বিভীষণঃ অপি তস্মৈ লঙ্কায়াঃ বৈশিষ্ট্যানি
নিবেদয়তি স্ম | তদনু সুগ্রীবঃ তথৈব প্রতিনিরীক্ষণং কুর্বন্তং রাবণং
দৃষ্ট্বা আবেগেন উড্ডীয় রাবণম্ অভ্যধাবৎ | তয়োঃ তুমুলং দ্বন্দ্বয়ুদ্ধং
জাতম্ | যদা রাবণঃ মায়াবলং প্রদর্শয়িতুং প্রারভত, তদা সুগ্রীবঃ তস্য
হস্তাৎ আত্মানং বিমোচ্য রামং প্রতি আগচ্ছৎ | তস্য শরীরে স্থানে স্থানে
ব্রণাঃ সঞ্জাতাঃ | শ্রীরামঃ প্রথমং তস্মৈ গাঢমালিঙ্গনং দৎবা
পশ্চাৎ তং সৌম্যস্বরেণ প্রাহ . |
শ্রীরামঃ -
সুগ্রীব, সখে, সাহসমেবম্
ভূপতেস্তু তে নৈব সমুচিতম্ ||
নিতান্তকণ্ঠিনা মিত্র, ঘটীয়ম্
অতিমায়াবী পৌলস্ত্যোঽযম্
সহসাঽভিমুখং তস্য গতস্ত্বম্
কিমভবদেতন্নৈবাবগতম্ || ১
অপৃষ্ট্বৈব মাং বিভীষণং বা
অনুক্ত্বা নলং মমানুজং বা
কস্মায়পি কল্পনামদৎবা
সিদ্ধঃ সহসোৎপতনায় ৎবম্ || ২
শক্তিরপারা তব মেঽবগতা
ভক্তিরসীমা ময়ি তে চ যথা
তদপি ন যুক্তমধুনা সর্বথা
যচ্চাকল্পিতমেতদ্ ঘটিতম্ || ৩
দ্বন্দ্বেনেচ্ছসি রাবণহননম্
বৃথা তদেদং বলসংঘটনম্
যূথপৈস্তথা কপিগণেন কিম্
ঋক্ষাবচয়ো ননু ব্যর্থোঽযম্ !৪
শত্রু মদন, তে কিং কথনীয়ম্ ?
নৃপা জানতে রণে ন রাগম্
সুনীতিরাদৌ, ততঃ পৌরুষম্
অবিচারেণাঽপতশো নিয়তম্ !৫
রাবণেন সহ যদি তে দ্বন্দ্বে
একপলেঽপি ক্ষীণে জাতে
সুহৃদ্বিয়োগাপদা রাঘবে
সৈন্যমপি স্যাৎ তব পরিখিন্নম্ || ৬
কো লাভঃ স্যাদ্ দ্বন্দ্বাদস্মাৎ ?
দৃপ্তোঽরিঃ স্যাদীষদ্বিজয়াৎ
যুয়ুৎসবো দৈত্যা উন্মাদাৎ
বিনিবৃত্তাঃ স্যুঃ কপয়ো নূনম্ || ৭
স্যাচ্চ রাবণস্তদা বিজেতা
সীতায়াঃ স্যাৎ কুতো মুক্ততা ?
বৃথৈব শপথো বৃথা প্রতিজ্ঞা
কেন হতং স্যাদ্ রাক্ষসসৈন্যম্ ?৮
গচ্ছ সৎবরং, সমানয় বলম্
রণজ্ঞ বিরচয় সুয়োগ্যব্যূহম্
নাশয়াম রাবণং সসৈন্যম্
মাঽপব্যয়তাং নিজসামর্থ্যম্ || ৯
৪৪
BACK TO TOP
৪৫ গচ্ছাঙ্গদ রাবণায় কথয় সৎবরম্
’সুগ্রীব, সখে, সাহসমেবং, ভূপতেস্তু তে নৈব সমুচিতম্ঽ
ইতি শব্দৈঃ রণনীতিনিপুণঃ শ্রীরামঃ সুগ্রীবম্ উপাদিশৎ |
উচিতসময়ং দৃষ্ট্বা রামঃ স্বসৈন্যায় আক্রমণস্য আজ্ঞাং
দদৌ | কল্লোলমালাভিঃ অতিক্রামন্ সাগরঃ ইব সা সেনা উচ্চৈঃ
গর্জন্তী লঙ্কাং প্রতি অভিদুদ্রাব | তদা সমুত্থিতেন মহানাদেন
দুর্গ- প্রাসাদ- মন্দির- বনৈঃ সহিতা সমস্তা লঙ্কানগরী আকুলা
ইব জাতা | তদানীং প্রবৃত্তে শস্ত্রসংপাতে রাজধর্মম্ অনুস্মরন্
রামঃ অঙ্গদমাহ -
শ্রীরামঃ -
গচ্ছাঙ্গদ রাবণায় কথয় সৎবরম্
ভূয়স্ত্বং কুরু বিমর্শমেকদান্তিমম্ ||
তীর্ত্বোদধিমভিয়াতস্তেঽন্তকঃ পুরম্
রণয়োগে কপিয়ূথং সর্বথা রতম্
শরণমেহি রাঘবস্য সন্ত্যজন্ মদম্ || ১
চতুরাননলব্ধবরাদ্ বিস্মরন্ বলম্
হে পাপিন্, পীডয়সে সকলভূতলম্
সুরসর্পাংশ্চাপ্সরসো বাধসেঽনিশম্ || ২
অপনেতুং তব দর্পং তিষ্ঠতি স্বয়ম্
রামোঽযং শৌর্যরবিস্তৎপ্রভা বলম্
ধক্ষ্যতি তব বংশমখিলরাজ্যসম্পদম্ || ৩
শৃণু শঙ্খং, শৃণু ধরণীকম্পনিঃস্বনম্
তব হেতোর্নশ্যতি বত রক্ষসাং কুলম্
মুঞ্চ তর্ষমধুনাঽপি হি তব ঘৃণাস্পদম্ || ৪
অন্তেঽপি তু মুঞ্চ মূঢমাগ্রহং স্বকম্
প্রত্যর্পয় রাঘবায় জনকদুহিতরম্
শরণমেহি তস্য বর্জয়স্ব চাপদম্ || ৫
সমরভুবি স্মর সময়ং তিষ্ঠ সুস্থিরম্
নেষ্যন্তে রামশরাস্ত্বামিতো দিবম্
তেঽবশিষ্টমেকমিদং মোক্ষসাধনম্ || ৬
সমরে বা দর্শয় তে শক্তিমাসুরীম্
যদ্বলেন হৃতবানসি রামসহচরীম্
যোজয় কুলিশেন গদাং মেরুণা শরম্ || ৭
নামাপি ন শিষ্টং স্যাৎ তব মহীতলে
সম্প্রাপ্তা রামকৃপা বন্ধুনা তু তে
লঙ্কেশো ভবিতাঽযং নাঽপরো ধ্রুবম্ || ৮
৪৫
BACK TO TOP
৪৬ সঙ্গরং রামরাবণীয়ম্
’গচ্ছাঙ্গদ, রাবণায় কথয় সৎবরং,
ভূয়স্ত্বং কুরু বিমর্শমেকদান্তিমম্ঽ
ইতি সন্দেশঃ শব্দশঃ অঙ্গদেন রাবণায় কথিতঃ | তথাপি তং
কঠোরং সন্দেশং শ্রুৎবা রাবণস্য ক্রোধঃ অতীব সংবৃদ্ধঃ | সঃ
স্বসচিবান্ আজ্ঞাপয়ৎ, ’েনং দুষ্টং মর্কটম্ আমরণং
তাডয়তঽ ইতি | তদা শতশঃ রাক্ষসাঃ অঙ্গদং তাডয়িতুং
প্রারভন্ত | তথাপি মহাবলাঢ্যঃ স অঙ্গদঃ তান্ সর্বান্
সংগৃহ্য রাবণস্য প্রাসাদস্য শিখরম্ উদপতৎ | তদা তে
সর্বেঽপি রাক্ষসাঃ ভূমৌ অবসন্নাঃ |
অঙ্গদস্য অঙ্গভারেণ সঃ প্রাসাদঃ অপি বজ্রপাতেন হিমাচলঃ
ইব উপহতঃ | তস্য শিখরং বিদীর্ণম্ অভবৎ | তদা ক্রোধাবিষ্টঃ রাবণঃ
স্বসৈন্যং রামসৈন্যে অভিপতিতুম্ আদিদেশ | তদানীংতনং সংমর্দং
লবকুশৌ বর্ণয়তঃ -
কুশলবৌ -
ভিনত্তি গগনং তুমুলং রণিতং শঙ্খদুন্দুভেয়ম্
সমারব্ধমনুপমং সঙ্গরং রামরাবণীয়ম্ ||
সশঙ্খরাক্ষসসেনা দৃষ্টা
নীলঘনেষ্বিব বলাকমালা
শতাননৈরিব গর্জতি চপলা
শরধারাবর্ষাবো জাতো রণাঙ্গণে নূনম্ || ১
সংহেষন্তে বল্গন্তেঽশ্বাঃ
তৈঃ সহ চৈতে নদন্তি নাগাঃ
রবময়েব সা ননু ভীষণতা
তদ্রবমিলিতং প্লবগরক্ষসাং চরণপাতরণিতম্ || ২
দন্তৈরধরান্ পীডয়মানাঃ
হরীন্ রাক্ষসাস্তাডয়মানাঃ
নভসি বানরা উড্ডয়মানাঃ
অগনগশস্ত্রপ্রহারৈশ্চ তে তাডয়ন্তি শত্রুম্ || ৩
জয়তু রাঘবো, জয়ৎবঙ্গদো
গর্জন্ প্রহরত্যসৌ কপিগণো
দীয়তে চ সহ্যতে প্রহারো
সাগরয়োরিব দ্বন্দ্বমপূর্বং সংপ্রতি সংরব্ধম্ || ৪
আঘাতেন হি শস্ত্রাস্ত্রাণাম্
জগতো মুক্তির্হর্যসুরাণাম্
রুধিরে শয়নং রণবীরাণাম্
মুদা রাক্ষসা রণে কুর্বতে রাবণজয়ঘোষম্ || ৫
তুরগঃ পতিতো, গজোঽবসন্নো
নভসো জিহ্মঃ শরবর্ষাবো
ভিন্দ্ধি, ছিন্দ্ধি, বা জহীতি শব্দো
রণে শ্রূয়তে সর্বভাষিতং সংহারার্থপরম্ || ৬
রণে হতানাং প্রফুল্লিতানি
মাংসকর্দমাবৃতবদনানি
তান্যপি সমরে পদাহতানি
বহন্তি তরসা রণে প্রবাহাঃ শোণিতস্য স্বৈরম্ || ৭
শবোপরি শবং নিপতত্যপরম্
কস্য প্রাণিনো নাভিজ্ঞাতম্
শৌর্যং মরণাদ্ ভীমোগ্রতরম্
অবয়বখণ্ডা দিশি দিশি কীর্ণা যোজনপর্যন্তম্ || ৮
চক্রং, চরণং, করো লাঙ্গুলম্
শুণ্ডা, গ্রীবা, শিরো বা পদম্
যদ্যৎ পতিতং খণ্ডখণ্ডিতম্
প্রলয়াবসরে চেব কম্পিতং ধরণীগগনাঙ্গম্ || ৯
কস্য দ্বন্দ্বং কেন জায়তে
কালমুখাদ্ বা কোঽবশিষ্যতে
কস্য কবন্ধং কুত্র বল্গতে
রণসংমর্দে জানীতে ন চ কোঽপি কমপ্যন্যম্ || ১০
৪৬
BACK TO TOP
৪৭ অদ্য বিপদি শ্রীলঙ্কা সর্বদা স্থিতা
’সমারব্ধমনুপমং সঙ্গরং রামরাবণীয়ম্ঽ
ইতি লবকুশাভ্যাং বর্ণিতে রণসংগ্রামে শ্রীরামেণ রাবণস্য
সারথিঃ হতঃ, রথঃ ভঞ্জিতঃ, মুকুটঃ সচ্ছত্রম্ উৎক্ষেপিতঃ,
শরবর্ষাবেণ চ রাবণঃ নিতরাং সন্ত্রাসিতঃ | হতবীর্যং, হতবুদ্ধং
রাবণং বীক্ষ্য শ্রীরামঃ উদারমনসা তম্ অবদৎ, ’ভোঃ পৌলস্ত্য,
অতীব ক্লান্তঃ অসি | শ্বঃ পুনরাগচ্ছ | ঽ ইতি | এবং ন্যক্কৃতঃ রাবণঃ
স্বমন্দিরং প্রত্যাগত্য আত্মনঃ বন্ধুং কুম্ভকর্ণং প্রবোধয়িতুং
সেবকান্ আজ্ঞাপয়ামাস | কুম্ভকর্ণঃ অষ্ট মাসান্ স্বপিতি স্ম |
তং প্রবোধয়িতুং রাক্ষসাঃ তস্য কর্ণয়োঃ দুন্দুভি- পণব- আনকাদি-
বাদ্যানাং কল্লোলং কৃতবন্তঃ | তস্য মহতি শরীরে মাতঙ্গাঃ
চালিতাঃ | তদা প্রবুদ্ধং কুম্ভকর্ণং রাবণঃ স্বাং দুর্দশাং
ন্যবেদয়ৎ, তস্য সাহায়্যং চ প্রার্থয়ত |
তদা প্রহসন্নিব কুম্ভকর্ণঃ তমুবাচ -
কুম্ভকর্ণঃ -
কালেঽহং, হে বন্ধো, বোধিতস্ত্বয়া
অদ্য বিপদি শ্রীলঙ্কা সর্বথা স্থিতা ||
নিজঘাতঃ পাপকৃতে
নিরয় এব দুর্মতয়ে
অনিবার্যা নীতিরিয়ং নিয়তিনিশ্চিতা || ১
চিত্তং তে গর্বময়ম্
আয়ুস্তে বিষলিপ্তম্
হিতবোধো বান্ধব তে চাপ্রিয়ঃ সদা || ২
যচ্চ বিভীষণকথনম্
অপ্রিয়মপি হিতবচনম্
তদবমত্য বন্ধুস্তে হাপিতস্ত্বয়া || ৩
মন্দোদর্যা বচনম্
হিতমপি তে ভাত্যহিতম্
তদ্ভাবশ্চরণতলে মর্দিতস্ত্বয়া || ৪
স্থলকালং পরিনিরীক্ষ্য
ন্যায়ানয়মাসমীক্ষ্য
আরব্ধং ন চ কদাপি কর্ম রে ৎবয়া || ৫
মনসি গতং নির্ণীতম্
ন বিমর্শো ন হি মননম্
ন চ পরীক্ষিতা নিপুণং মন্ত্রিণস্ত্বয়া || ৬
যত্তু প্রিয়ং তদনুমতম্
যন্ন প্রিয়ং নির্ধূতম্
আত্মনাশ এব তেন সাধিতস্ত্বয়া || ৭
বোধায় ন সময়োঽযম্
বন্ধো, ত্যজ সর্বভয়ম্
আত্মনো ন কর্তব্যং বিস্মৃতং ময়া || ৮
সৌভ্রাত্রং ভাষয়তে,
তস্য ফলং পশ্য রণে
রিপুরুধিরেণাদ্য ধরা ক্লেদ্যতে ময়া || ৯
দেবেন্দ্রং হন্মি সুখম্
কো জন্তূ রামোঽযম্
অর্ণবানলৌ গরিতুং শক্যতে ময়া || ১০
মদ্বচনং গণয় জয়ম্
আরভস্ব মধুপানম্
শিরসি সর্বভারস্তে ধারিতো ময়া || ১১
৪৭
BACK TO TOP
৪৮ নিষ্ফলা বাণা অদ্য কথম্ ?
’দ্য বিপদি শ্রীলঙ্কা সর্বথা স্থিতাঽ
ইতি কুম্ভকর্ণস্য অবলোকনং সার্থমেব আসীৎ | তেন অতুলঃ
পরাক্রমঃ রণে প্রদর্শিতঃ | সঃ বানরাণাং সহস্রাণি
ভক্ষয়ামাস, সুগ্রীবমিব যোদ্ধারং চ মূর্চ্ছয়ামাস |
তথাপি শ্রীরামেণ তস্য করচরণাঃ ছিন্নাঃ, তস্য
পর্বতমিব বিশালং মস্তকম্ অন্তরিক্ষে উৎক্ষিপ্তম্ | তৎপশ্চাৎ
মেঘনাদাদয়ঃ বিক্রান্তাঃ রাবণপুত্রাঃ অপি রণে নিষূদিতাঃ |
অন্তে সঙ্ক্রুদ্ধঃ রাবণঃ শ্রীরামং নিহন্তুং কৃতনিশ্চয়ঃ
তস্য পুরতঃ প্রতিষ্ঠিতঃ | রাবণঃ রথস্থঃ, রামস্তু পদাতিঃ |
অতঃ রাবণেন রামস্য সমৎবং প্রাপয়িতুং সুরেন্দ্রঃ স্বরথং
সারথিনা সহ রামার্থং প্রেষিতবান্ | উভৌ অপি রামরাবণৌ
নানাশত্রপ্রহরণানাং বর্ষাবং পরস্পরয়োঃ কৃতবন্তৌ |
তেন সাগরাঃ ক্ষুব্ধাঃ, সূর্যঃ নিস্তেজঃ, বায়ুঃ স্তব্ধঃ,
পৃথিবী চ অস্থিরা অভবৎ | ননু চরাচরা সৃষ্টিঃ তয়োঃ
যুদ্ধং বিলোকয়িতুং গতিশূন্যা ইব জাতা | অন্তে শ্রীরামেণ সর্পাকৃতিনা
নিশিতেন বাণেনৈকেন রাবণস্য মস্তকং ছিন্নম্ | তথাপি অহো
আশ্চর্যম্ !ছিন্নস্য মস্তকস্য স্থানে অপরং মস্তকমুপজাতম্ |
তদপি মস্তকং রামেণ ছিন্নম্ | পুনশ্চ নবং মস্তকমুপজাতম্ |
এবং শতং মস্তকানি রামেণ উৎক্ষিপ্তানি, তদপি রাবণস্য অন্তঃ
দুরাপাস্তঃ অলক্ষ্যত | তদা চিন্তাক্রান্তঃ রাঘবঃ স্বসারথিং
মাতলিমবদৎ -
শ্রীরামঃ -
নিষ্ফলা বাণা অদ্য কথম্ ?
কিং নু সমাপ্তং মম পুণ্যং বা তন্মম বাহুবলম্ ?
শরবর্ষাবে মহাদারুণে
তরুবদরির্মে পুনর্বর্ধতে
জীবতি শত্রূ রামস্যায়ং রামাগ্রেঽপি কথম্ ?১
চমৎকৃতিরিয়ং নাবগম্যতে
ছিন্নে শীর্ষেঽপরং জায়তে
রাবণাঙ্গমথ ভবতীদং বা শীর্ষখনির্নূনম্ ?২
শতমপি শিরসামেবং ছিন্নম্
নভসি বিধূতং পদ্ভ্যাং মথিতম্
পুনরারূঢো রথে রাবণো নবং পুনশ্চ বলম্ || ৩
ইন্দ্রসারথে, বীর, মাতলে,
কিং নু রহস্যং কথয়ৈতন্মে
অপমানান্মে বিদ্যাবজ্ঞাঽসহ্যতরা নূনম্ !৪
হতো দূষণো, বিরাধো ময়া
মারীচো বা খরো লীলয়া
তেঽমী বাণা নিহতো বালী, যৈর্নিমিষে তূর্ণম্ || ৫
ভয়েন যস্মাৎ সিন্ধুরপাস্তো
ভয়াদরার্হোঽযমসৌ তূণো
বিজয়িশরাণামদ্যাভাবস্তস্মিন্নেব কথম্ ?৬
পশ্য রাবণং রুধিরক্লিন্নম্
সিংহবদেনং তদপি নদন্তম্
অভিমানোঽযং মূর্তো জাতোঽবধ্যো মেঽপি কথম্ ?৭
সচিন্তা হি স্যুর্দেবদেবতাঃ
তপ্যন্তু কথং তপো মুনিবরাঃ ?
অপি মন্যেঽহং শরসন্ধানং সকলং মে বিফলম্ ?৮
৪৮
BACK TO TOP
৪৯ হে সুরাঃ, রাঘবলীলেয়ম্
’নিষ্ফলা বাণা অদ্য কথম্ ?ঽ
ইতি বিষাদবচনানি শ্রীরামস্য ইব মহাবীরস্য মুখাৎ
শ্রুৎবা ইন্দ্রসারথিঃ মাতলী কিঞ্চিদ্ বিহস্য প্রাহ, ’প্রভো,
কিমেবম্ অজ্ঞবদ্ ব্রবীষি ?যঃ রাবণান্তসময়ঃ দেবৈঃ
নিশ্চিতঃ সঃ অধুনা প্রাপ্তঃ | অতঃ তস্য বধার্থং পিতামহাস্ত্রং
প্রয়ুঙ্ক্ষ্বঽ ইতি |
মাতলেঃ শব্দৈঃ এতৈঃ শ্রীরামস্য স্মরণমিব জাতম্ |
অগস্তিমুনিবর্যৈঃ প্রদত্তঃ দেদীপ্যমানঃ শরঃ তেন ধনুষি প্রয়ুজ্য
প্রত্যঞ্চাম্ আকর্ণম্ আকৃষ্য রাবণস্য দিশা বিসৃষ্টঃ |
মূর্তিমান্ কালঃ ইব দুর্ধরঃ অমোঘঃ স শরঃ রাবণস্য হৃদয়ং
বিব্যাধ | তৎক্ষণমেব তস্য হস্তাৎ চাপবাণৌ অপি গলিতৌ | মদান্ধঃ,
মায়াবী, লঙ্কাধিপতিঃ রাক্ষসরাজঃ স রাবণঃ প্রাণেভ্যঃ বিয়ুক্তঃ
ধরণীম্ অবসন্নঃ | তস্য সৈন্যং শতধা বিকীর্ণং দিশি দিশি পলায়িতম্ |
রামস্য ঋক্ষবানরসৈনিকাঃ রামস্য জয়ম্ উদীরয়ামাসুঃ | দেবাঃ
রামস্য উপরি পুষ্পবৃষ্টিমকুর্বন্ | গন্ধর্বাপ্সরসঃ মহতা
কণ্ঠেন গাতুং প্রারভন্ত -
গন্ধর্বাপ্সরসঃ -
হে সুরাঃ, রাঘবলীলেয়ম্
রাবণো যাতো যমসদনম্ ||
প্রসন্নবদনা দিশঃ সর্বথা
কম্পবিমুক্তা ধরণী জাতা
রবিপ্রভা সা পুনরবিচলিতা
আগতা মঙ্গলবেলেয়ম্ || ১
’সাধু, সাধুঽ ইতি মুনিজনবচনম্
বাদ্যবাদনং কিন্নররব্ধম্
হর্ষোল্লসিতং সকলং ভুবনম্
সুরাণাং রিপুর্গতো নিধনম্ || ২
রণে প্রচলিতং বিজয়নর্তনম্
কপয়ো জয়িনো ভূপতিসহিতম্
এতে বিদধতি রামপূজনম্
দদানাঃ সুমনপত্রহারম্ || ৩
উচ্চৈর্গর্জত জয়জয়কারম্
অস্যত কল্পতরোঃ সুমহারম্
ক্ষিপ্যত মণিভূষণসম্ভারম্
বিজয়তে ত্রৈলোক্যে সত্যম্ || ৪
শ্যামরাঘবো ধর্মপরোঽযম্
স্বয়ং শ্রীহরিশ্চক্রধরোঽযম্
বিশ্ববিধাতা বিশ্বাসুরয়ম্
মানবং ধরতি রামরূপম্ || ৫
অয়মুৎপত্তিস্থিতিলয়কর্তা
পঙ্কজনাভস্ত্রিভুবনগোপ্তা
শরণ্য একঃ খলসংহর্তা
আশ্রয়ো ব্রহ্মাণ্ডস্যায়ম্ || ৬
নিধায় হৃদয়ে বৎসলাঞ্ছনম্
রক্ষতি সততং সাধুসজ্জনম্
পালয়তে সততং সৎপক্ষম্
কেবলো বেত্তি স আত্মানম্ || ৭
কমলা সীতা, শ্রীবিষ্ণুরয়ম্
সর্বজ্ঞোঽপি স অজ্ঞ ইবায়ম্
লোকহিতার্থং কুরুতে যুদ্ধম্
দর্শয়ত্যতুলরামচরিতম্ || ৮
৪৯
BACK TO TOP
৫০ লীনতে, চারুতে, সীতে
’রাবণো যাতো যমসদনম্ঽ
শ্রীরামঃ বিভীষণং রাবণস্য ঔর্ধ্বদেহিকং সংস্কারং
বিধাতুমাদিশৎ | স আহ, ’মরণান্তানি বৈরাণি | অস্মাকং
কার্যমপি সমাপ্তম্ | অতঃ ভবান্ অগ্রজস্য অন্ত্যসংস্কারং
বিদধতু | যথা স তব সম্বন্ধী, তথা মমাপিঽ ইতি | রাবণস্য
নিধনেন তস্য অন্তঃপুরে কোলাহলঃ জাতঃ | শ্রীরামঃ আত্মনঃ
রণকর্কশং রূপং ত্যক্ত্বা অভিরামরূপং ধৃতবান্ | সঃ
হনুমন্তমবদৎ, ’হে বীর, ভবান্ জানকীং গৎবা তস্যৈ
বিজয়বার্তাম্ অস্মাকং কুশলং চ নিবেদয়ঽ ইতি | হনুমতঃ
রাবণবধাদিবৃত্তং নিশম্য সীতা হর্ষাতিশয়াৎ নিঃশব্দা
জাতা | সা কেবলমাহ, ’ভক্তবৎসলস্য ভর্তুঃ দর্শনম্
ইচ্ছামিঽ ইতি |
হনুমতঃ তস্যাঃ অবস্থায়াঃ বর্ণনং শ্রুৎবা প্রভোঃ অপি
নয়নে বাষ্পাকুলে জাতে | সঃ বিভীষণমাদিশৎ, ’ভবান্
জানকীং মম সমীপং ৎবরিতম্ আনয়তুঽ ইতি | সীতা রামসংমুখে
অবস্থিতা | উভৌ অপি পরস্পরম্ অনিমিষনেত্রাভ্যাম্ অপশ্যতঃ |
অনন্তরং রাজা রামচন্দ্রঃ জানকীং মৃদুবাণ্যা অব্রবীৎ -
শ্রীরামঃ -
বহুয়ত্নৈস্ত্বং পুনর্বীক্ষিতা কান্তে
লীনতে, চারুতে, সীতে ||
ভীষণং সমাপ্তং যুদ্ধম্
দণ্ডিতোঽপরাধোঽশেষম্
ক্রোধোঽপি চ যাতো বিলয়ম্
তন্ময়াঽঽচরিতং যদভূদুচিতং নৃপতেঃ || ১
সঙ্গরে কৃতং রিপুহননম্
প্রতিকৃতং রিপোরপকৃত্যম্
উন্নতং পুনর্মে শীর্ষম্
তব সৌভাগ্যাৎ কপয়ো জয়িনো যুদ্ধে || ২
সর্বথা রক্ষিতং বচনম্
মদ্যশো লাঞ্ছনান্মুক্তম্
বীক্ষিতা প্রিয়া প্রত্যক্ষম্
মম শৌর্যেণাঽনময়মহং দৈবং মে || ৩
তব কৃতে সাগরস্তীর্ণঃ
বানরঃ কৃতার্থো জাতঃ
সুগ্রীবো বিজয়ং প্রাপ্তঃ
সুরললনাস্তা গায়ন্তি শুভং ভদ্রে || ৪
ৎবন্নিমিত্তমেতদ্ বৃত্তম্
ন তু পুনস্ত্বদর্থং বিহিতম্
লাঞ্ছনং ময়া মে মৃষ্টম্
রঘুবংশোঽযং গতসন্মানং লভতে || ৫
দৃগ্ব্যথা যং হি পীডয়তে
দীপোৎসবমেষ ন তনুতে
অপঘাতাশঙ্কা চিত্তে
কথময়ি কান্তে, ৎবয়ি বিশ্বাসং কুর্বে || ৬
কপটিকো রাবণঃ কামী
সোঽবসৎ ৎবয়া সহ পাপী
নয়নোত্থা কুটিলা ভৃকুটী
ন চ সুস্পষ্টং বক্তুমতো শক্তির্মে || ৭
সাধিতং ময়া কর্তব্যম্
দশদিশো যাহি স্বচ্ছন্দম্
মা প্রার্থয় মম বাঽঽদেশম্
সখি, সম্বন্ধো নষ্টোঽদ্যাসৌ সীতে || ৮
৫০
BACK TO TOP
৫১ স্বামিনী সদা মে
’সখি, সম্বন্ধো নষ্টোঽদ্যাসৌ সীতেঽ
ইতি রামস্য বজ্রকঠোরৈঃ শব্দপ্রহারৈঃ জানকী
কামপ্যবস্থাং গতা | তস্যাঃ লোচনাভ্যাং নিরন্তরঃ
অশ্রুপ্রবাহঃ ইব সমজায়ত | সা রামচরণৌ স্পৃষ্ট্বা,
তাভ্যাং শপ্ত্বা পুনঃ পুনঃ স্বশুদ্ধতাং প্রত্যজানাৎ |
তথাপি কর্তব্যকঠোরঃ রামচন্দ্রঃ তূষ্ণীমেব অতিষ্ঠৎ |
অন্তে দেবতাতুল্যা সা জানকী লক্ষ্মণম্ অব্রবীৎ, ’
হে লক্ষ্মণ, অধুনা মদর্থে চিতাং রচয় | দেহত্যাগাৎ
উপায়ান্তরং ন বিদ্যতেঽ ইতি |
চিতা সিদ্ধা | শ্রীরামং প্রদক্ষিণীকৃত্য অগ্নিজ্বালা ইব
সা সীতা অগ্নিমেব প্রবিবেশ | ’হা, হাঽ ইতি করুণোদ্গারাঃ
সকলসৈন্যাৎ শ্রুতাঃ | কিন্তু ক্ষণান্তরেণ তাং চিতাং বিদার্য
সীতাং গৃহীৎবা স্বয়ম্ অগ্নিদেবঃ আবির্বভূব, শ্রীরামং
চ উবাচ, ’হে রাম, সীতা উৎপত্তিপরিপূতা | কিমস্যাঃ
পাবনান্তরৈঃ | তাং স্বীকুরুষ্ব ইতি অহং ৎবাম্ আজ্ঞাপয়েঽ ইতি |
শ্রীরামস্য নয়নাভ্যাং বাষ্পৌঘঃ ইব প্রাবহৎ |
সঃ তং হব্যবাহনংবিজ্ঞাপয়ামাস -
শ্রীরামঃ -
লোকসাক্ষ্যতঃ সংশুদ্ধা সতী জানকীয়ম্
স্বামিনী সদা মে সাক্ষাৎ ধরিত্রীসুতেয়ম্ ||
কিং ন জ্ঞাতমেতস্যা মে পরমশুদ্ধশীলম্ ?
কিং তথাপি জনয়তি লোকাধিপো লোকরোষম্ ?
লোকনায়কানাং শক্তির্লোকমান্যতেয়ম্ || ১
জানকীময়োধ্যানগরীমীদৃশীমনেষ্যম্
বিষয়লুব্ধমিতি মাং লোকা অমংস্যন্ত নূনম্
প্রজাস্নেহভাবমবশ্যং তদানীমহাস্যম্ || ২
প্রজা রঞ্জয়তি যঃ সসুখং স রাজা মতো মে
রাজধর্ম উপদিশতে মাং তত্ত্বমীদৃশং মে
প্রজা ঈশ্বরীয়ং রূপং কোটিশো মদর্থম্ || ৩
প্রাণদানমপি কর্তব্যং প্রজায়াঃ সুখার্থম্
মনসি বর্ততে মে শ্রদ্ধা দৃঢা সর্বদেয়ম্
মোচনং হি সীতাঽঽশ্লেষাদতো মে সুশক্যম্ || ৪
প্রবৃত্তে তু সীতারুদনে সংযমাবসানম্
কথং ক্লেদয়েঽহং নেত্রে ?স্থিতং সর্বসৈন্যম্
স্তম্ভিতো ময়া বাষ্পৌঘঃ পক্ষ্মণোর্নিগূঢম্ || ৫
এক এব সীতাহৃদয়ে নরো রাম আস্তে
জানকীতরা বা নারী রামমনসি নাস্তে
অগ্নিদেব, ৎবচ্চরণাভ্যাং শপে ভূয় এবম্ || ৬
বিষয়লম্পটো দুঃশীলো যদপি রাবণোঽসৌ
অনুল্লঙ্ঘ্যসীমাবদ্ধো বিকটসাগরোঽসৌ
ন হি স্পৃষ্ট্মস্যাশ্ছায়াগতং তেন গাত্রম্ || ৭
অগ্নিদেব, শিরসাবন্দ্যস্ত্বাদেশ আস্তে
রাঘবোঽপি সীতাদিব্যাদদ্য ধন্য আস্তে
পুনর্লোকজননীং লভতে হ্যয়োধ্যাপ্রজেয়ম্ || ৮
৫১
BACK TO TOP
৫২ ত্রিবারজয়কারং রাঘব
’স্বামিনী সদা মে সাক্ষাৎ ধরিত্রীসুতেয়ম্ঽ
ইত্যুক্ত্বা শ্রীরামঃ জানকীং স্বীচকার | সর্বাপি সেনা
প্রমুদিতা | অনন্তরং শ্রীরামঃ বিভীষণম্ আদিদেশ, ’হে
বিভীষণ, মদর্থে ত্যক্তজীবিতেভ্যঃ এতেভ্যঃ বীরেভ্যঃ রত্নভূষণানি
প্রদায় সন্তোষয়তু ভবান্ | পশ্চাদ্ ভবান্ স্বয়ং স্বরাজ্যম্
উপভুঙ্ক্তাম্ঽ ইতি | তদানীং রামঃ ভরতদর্শনায় সমুৎসুকঃ
আসীৎ | বিভীষণেন পুষ্পকবিমানম্ আনায়িতম্ | শ্রীরামঃ
সীতালক্ষ্মণাভ্যাং সহ অয়োধ্যাং প্রস্থিতঃ | গগনোৎপতিতে তেষাং
বিমানে সর্বে সৈনিকাঃ রামস্য জয়জয়কারম্ উদঘোষয়ন্ | মার্গে
বিবিধান্ ভূপ্রদেশান্ সীতায়ৈ দর্শয়ন্ রামঃ অল্পবিশ্রামার্থং
ভরদ্বাজস্য ঋষেঃ আশ্রমং প্রাপ | তস্মিন্নেব দিনে তেষাং
বনবাসস্য চতুর্দশ বর্ষাণি সমাপ্তানি | ভরতস্তু নগরাৎ বহিঃ
তাপসঃ ইব উষিৎবা অয়োধ্যায়াঃ শাসনং করোতি স্ম | শ্রীরামঃ
হনুমন্তং প্রহিত্য ভরতায় স্বাগমনস্য বার্তাং প্রাদাৎ | ভরতস্য
সন্তোষস্য সীমা এব নাসীৎ | শত্রুঘ্নেন সকলা নগরী পতাকাতোরণৈঃ
অলঙ্কারিতা | মহার্হাণি বিভূষণানি বসনানি চ পরিধায় সর্বে
নগরজনাঃ শ্রীরামসীতালক্ষ্মণানাং দর্শনার্থং, স্বাগতার্থং
চ সিদ্ধাঃ সমজায়ন্ত | শনৈঃ শনৈঃ পুষ্পকবিমানং ধরণীম্
অবততার | রামাদীনাং দর্শনমাত্রে এব তেষাং জয়জয়কারশব্দঃ
ধরণীং চ গগনং চ ব্যাপ্নোৎ | ভরতঃ পুরঃসৃত্য শ্রীরামস্য
চরণৌ জগ্রাহ, তস্য সুপূজিতে পাদুকে পুনঃ তস্য চরণয়োঃ ন্যবেশয়ৎ
চ | আনন্দাশ্রুভিঃ ক্লিন্নাভ্যাং লোচনাভ্যাং শ্রীরামং পশ্যন্
অসৌ তং স্বরাজ্যং প্রতিগ্রহীতুং বিজ্ঞাপয়ামাস | শ্রীরামঃ ভরতং
দৃঢম্ আশ্লিষ্যৎ | অনন্তরং সীতারামলক্ষ্মণাঃ তিস্রঃ অপি জননীঃ
অবন্দন্ত | এতেষাং সর্বেষাং মিলনমহোৎসবঃ সর্বেষাম্ এব হর্ষায়
অজায়ত | সর্বাঃ প্রজাঃ সমেত্য এব শ্রীরামস্য জয়জয়কারং কর্তুম্
আরভন্ত -
অয়োধ্যাবাসিনো জনাঃ -
ত্রিবারজয়কারং রাঘব, ত্রিবারজয়কারম্
পুষ্পকয়ানাদিহাবতীর্ণং স্বর্গসুখং মূর্তম্ ||
তবাঽঽশংসতে চিরং জীবনম্
সরয়ূসরিতঃ পুণ্যং সলিলম্
পুলকিতপবনঃ পুলকিতভুবনম্
অহল্যেব চোদ্ধৃতা সাম্প্রতং নগরীয়ং নূনম্ || ১
ভগ্নো বিরহো যথা পিনাকম্
মহোঽনুষ্ঠিতঃ স্বয়ংবরসমম্
মঙ্গলোৎসুকং ৎবয়োধ্যাপুরম্
অর্পয়তে তে সাশ্রুলোচনম্ প্রীতিপুষ্পহারম্ || ২
পাবনাচ্চ তব দৃষ্টিস্পর্শাৎ
উৎসবোঽযমারব্ধো হর্ষাৎ
চতুর্দশাব্দা বিগতাঃ স্মরণাৎ
স্বীকুরুষ্ব সিংহাসনমেতৎ তব প্রভো, সিদ্ধম্ || ৩
শিরসি জলং তে সপ্তনদীনাম্
অভিষেকান্তে যাতু তীর্থতাম্
অনুশাসন্তস্তে ধর্মাজ্ঞাম্
পঠন্তু মুনয়ো বৈদিকমন্ত্রান্ পুনরপি তে সার্থম্ || ৪
পিতুর্বাঞ্ছিতং যাতু পূর্ততাম্
রামশাসনং পুরে বর্ততাম্
তৎ কৌসল্যা স্বয়ং বীক্ষতাম্
দেব্যা সহ ৎবং সপুত্রপৌত্রং ভুঙ্ক্ষ্ব স্বাধিকারম্ | ৫
যদ্ যদ্ রচিতং স্বপ্নে প্রজয়া
অনুভূতং তদ্ প্রত্যক্ষতয়া
রাজা রামো রাজ্ঞী সীতা
চতুর্বেদবৎ রাঘববন্ধূনর্চতি লোকোঽযম্ || ৬
রামশাসনে সতি বসুধায়াম্
অঙ্কঃ কেবলমিন্দুকলায়াম্
স্ত্রীনয়নে কজ্জলরেখায়াম্
কৃতৌ পরিণমেদয়োধ্যাপুরে বচনস্থং সত্যম্ || ৭
বর্ষতু কালে মেঘো বিপুলম্
সস্যশালিনী ধরাঽনবরতম্
চরতু সসেবং জনঃ স্বধর্মম্
শান্তিঃ শান্তির্মুনিভিরভীষ্টা দধতামাকারম্ || ৮
৫২
BACK TO TOP
৫৩ যচ্ছতু বরমেকং প্রভুর্মে
’রাঘবস্য জয়জয়কারম্ঽ
উদ্ঘোষয়ন্তঃ এব প্রজাজনাঃ তং রাজমন্দিরম্ অনয়ন্ | একস্মিন্
সুমুহূর্তে সীতারামৌ রাজ্যে অভিষিক্তৌ | এবং রামরাজ্যস্য শুভারম্ভঃ
জাতঃ | রাজ্যাভিষেকার্থম্ আগতাঃ সর্বে জনাঃ শ্রীরামেণ যথোচিতৈঃ
পারিতোষিকৈঃ সৎকৃতাঃ | অনন্তরং শ্রীরামেণ সুগ্রীবাঙ্গদাদয়ঃ সর্বে
বানরবীরাঃ মহার্হৈঃ অলঙ্কারবস্ত্রৈঃ সংমানিতাঃ | সুগ্রীবং তাবৎ
রামঃ আত্মনঃ পঞ্চমং বন্ধুমেব অমন্যত | তে সর্বে বানরবীরাঃ
দ্বিত্রাণি মাসানি যাবৎ অয়োধ্যায়াম্ অবসন্ | তদনন্তরং শ্রীরামঃ
সুগ্রীবং কিষ্কিন্ধাং প্রতিগন্তুম্ অন্বজানাৎ | তথা চ বিভীষণায়
অগণিতানি ভূষণানি প্রদায় তমপি লঙ্কাগমনায় অনুজজ্ঞে |
সমারোহেঽস্মিন্ বর্তমানে হনুমান্ সসংভ্রমম্ এত্য শ্রীরামস্য
চরণৌ গৃহীৎবা ভাবস্নিগ্ধেন স্বরেণ তং ব্যজ্ঞাপয়ত -
শ্রীহনুমান্ -
যচ্ছতু বরমেকং প্রভুর্মে
পদয়োরনয়োর্ভক্তিরবিচলা শুদ্ধা ভবতু সদা মে||
বিচলতু ন কদা চরণাভ্যাং তে
চঞ্চলমেতন্মনো রঘুপতে,
যাবদ্ রামকথা ভুবি তাবদ্, আয়ুর্ভবতু বিভো মে || ১
বদনে নিত্যং রাঘবচরিতম্
অস্তু শ্রবণে রামকীর্তনম্
হে রঘুনন্দন, রামাদিতরশ্ছন্দো নাস্তু বিভো মে || ২
বীরোত্তম, তে পাবনচরিতম্
গায়ন্ত্বপ্সরসো হি মদর্থম্
বিতরতু দেবস্তচ্ছ্রবণার্থমমরৎবং চিরদাসে || ৩
কৃৎবা রাঘবচরিতনিপানম্
স্থানে স্থানে মেঘ ইবাহম্
শতধারাভির্বর্ষেয়মহং রামকথামিহ লোকে || ৪
রামকথায়া গানং মননম্
তদ্রামস্যামূর্তদর্শনম্
স্বামী রূপং স্বং দর্শয়তাম্ যত্র যদা কাঙ্ক্ষে || ৫
যাবদ্ ভুবনং যাবদ্ বচনম্
তাবদ্ রামায়ণং নূতনম্
সপ্তসুস্বরৈ রামকথায়াঃ স্বাদো দেয়ো মে || ৬
অগণিতবদনান্যগণিতভাষাঃ
এতেভ্যো মে নাঽন্যাঽপেক্ষা
শ্রীরঘুনন্দনচরিতগুরুৎবং তৈরভিধেয়ং মে || ৭
সূক্ষ্মতমমহং ধৃৎবা দেহম্
কুর্বীয় ত্রিভুবনসঞ্চারম্
তথাপি লাভো রামকথায়া ভবতু স্থানে স্থানে || ৮
৫৩
BACK TO TOP
৫৪ হে নাথ, দোহদং পরিপূরয় মে ৎবরিতম্
’যচ্ছতু বরমেকং প্রভুর্মেঽ
ইতি শ্রীহনুমতঃ প্রার্থনা শ্রীরামেণ অনুজ্ঞাতা |
রামকথয়া সহ হনুমান্ অপি অজরামরঃ অজায়ত | তথাপি
শ্রীরামলীলাচরিতম্ অদ্যাপি ন সমাপ্তম্ |
শ্রীরামে সিংহাসনাধিষ্ঠিতে সর্বত্র আনন্দঃ এব বিরাজতে
স্ম | ননু পৃথিবীতলে মূর্তঃ স্বর্গঃ অবতীর্ণঃ আসীৎ |
শ্রীরামচন্দ্রস্য সহবাসে দেবতাসমানয়াঃ সীতায়াঃ অপি
দিনানি সুখেন সহ এব উদয়ন্তি স্ম, সুখেন সহ এব অস্তং যান্তি
স্ম | একদা জানকীরামৌ অশোকবনে উপবিষ্টৌ আস্তাম্ | তদা
তস্যাঃ পাণ্ডুরচ্ছায়াং দেহকান্তিং মন্দমন্থরাং
দেহলতিকাং চ বিলোক্য শ্রীরামঃ মন্দস্মিতং কৃৎবা তাং
পপ্রচ্ছ, সীতে, অপি ৎবং কিমপি বাঞ্ছসি ?ঽ ইতি |
ভর্তুঃ প্রশ্নস্য অভিপ্রায়ং বিজ্ঞায় সাপি ভর্তারং সলজ্জং
সস্মিতং প্রাহ -
সীতা -
রদনয়োর্বর্ততে সলজ্জমাশা সার্থম্
হে নাথ, দোহদং পরিপূরয় মে সকলম্ ||
কাময়ে কাননং যাতুং সুবিহারার্থম্
কাময়ে শকুনিবদ্ গাতুমহং স্বচ্ছন্দম্
গুঞ্জতি শ্রবণয়োর্বংশী মধুরালাপম্ || ১
কাময়ে ললয়িতুং মৃগশাবং নিষ্পাপম্
মৎপ্রিয়ং তদমলং নয়নয়ুগং সুবিশালম্
পরিচুম্ব্য তং তৃণং ভোজয়ামি সানন্দম্ || ২
বল্কলং ভবতু মে জলেন সর্বং ক্লিন্নম্
গর্গরী কটিতলে করে চ সিঞ্চনপাত্রম্
অস্তু মে মস্তকে তথা ঘটান্তরভারম্ || ৩
কাময়ে নিখাতুং কন্দফলানি সমূলম্
তত্ত্বচং লীলয়া নিপুণতয়া ব্যপনেতুম্
স্বাদিতুং সমীহে তদমৃতবৎ সরসান্নম্ || ৪
বিশ্রমং সমীহে সহকারতলে সায়ম্
মঞ্জরী তদীয়া নিপততু ভালে স্বৈরম্
দূরতঃ করিষ্যতি বনরাজো নির্ঘোষম্ || ৫
কার্মুকং গৃহীৎবা বদ্ধ্বা পৃষ্ঠে তূণম্
ইচ্ছামি বনান্তে পর্যটিতুং মৃগয়ার্থম্
বিশসতী চরেয়ং শ্বাপদমীক্ষিতমাত্রম্ || ৬
কাময়ে প্রভাতে স্থিৎবা বেদিসমীপম্
হোতৃভির্বিদগ্ধৈঃ সাধয়িতুং বেদান্তম্
হুতভুজস্তেজসা ভবতু বদনমারক্তম্ || ৭
হে নাথ, হসসি কিং মূঢামিব মামেবম্
পূরয় প্রভো, মে তাবদিদং নির্বন্ধম্
যুজ্যতে প্রভো, কিম্ অকালপরিহাসোঽযম্ ?|| ৮
৫৪
BACK TO TOP
৫৫ বদ যামি লক্ষ্মণ ক্ব নু কিমহম্
’হে নাথ, দোহদং পরিপূরয় মে ৎবরিতম্ঽ
ইতি জানকী স্বদোহদং রামচন্দ্রায় ন্যবেদয়ৎ | সঃ অপি ’তব
ইপ্সিতম্ অচিরেণ এব পূরয়িষ্যামিঽ ইতি তাং প্রত্যজানাৎ | তয়োঃ
এতস্য সুখসংবাদস্য পরেদ্যুঃ এব ভদ্রঃ নাম গুপ্তচরঃ
রামচন্দ্রায় রাজ্যবৃতং নিবেদয়ন্ আহ, ’হে রাজন্,
সেতুবন্ধনং রাবণবধং চ অধিকৃত্য প্রজাজনাঃ তুভ্যং
ধন্যবাদান্ প্রয়চ্ছন্তি, তথাপি - ’
তথাপি কিম্ ?যৎ সত্যং তৎ নিঃশঙ্কং বদঽ ইতি
আজ্ঞপ্তঃ স আহ, ’েকম্ এব তবাচরণং প্রজাজনেভ্যঃ ন
রোচতে | রাবণস্য গৃহে কতিপয়মাসান্ স্থিতা জানকী ৎবয়া
পত্নী ইতি কথং স্বীকৃতা ইতি তে ন অবগচ্ছন্তি | কীদৃশঃ নাম
আনন্দঃ তাদৃশয়া তয়া সহ প্রণয়লীলয়া ভবান্ লভতে ’
ইতি তে পৃচ্ছন্তিঽ ইতি | রামচন্দ্রস্য মস্তকে বজ্রস্য প্রহারঃ
জাতঃ ইব | তথাপি স্বপ্রাণৈঃ শপ্ত্বা সঃ লক্ষ্মণম্
আজ্ঞাপয়ামাস, ’হে লক্ষ্মণ, জানকীং বাল্মীকিমুনেঃ
আশ্রমস্য সমীপং বিসর্জয় | ঽ ইতি | ন বা লক্ষ্মণঃ, ন বা
রামচন্দ্রস্য কোঽপি অন্যঃ ভ্রাতা রামাজ্ঞায়াঃ উল্লঙ্ঘনং
কর্তুং প্রবভূব | রামস্য আদেশানুসারং লক্ষ্মণঃ জানকীং
রথেন বনং নিনায় | ’মম দোহদাঃ এব রামেণ পূর্যন্তেঽ
ইত্যেব সীতা অমন্যত | যদা তু লক্ষ্মণঃ তস্যৈ সত্যম্ অকথয়ৎ
তদা সীতা পুনঃ একবারং দুঃখসাগরে নিমগ্না | গদ্গদস্বরেণ সা
লক্ষ্মণমাহ -
সীতা -
বদ যামি লক্ষ্মণ, ক্ব নু কিমহম্ ?
পতিচরণৌ ক্বেক্ষে ভূয়োঽহম্ ?
ভবতি কঠোরা করুণা হি যদা
অরুণং গ্রসতে তমিস্রা যদা
জয়তে বরুণং পাবকো যদা
বৃন্ততো হি চ্যবতে শাশ্বতিকম্ || ১
পীডিতৌ ময়া পিতরৌ ব্যর্থম্
নাহং কন্যা ন বা কলত্রম্
কাশং গণয়তি কনকং হীনম্
তপসি বিরক্তা সিদ্ধিরিয়ম্ || ২
অসত্যমগ্নের্বচনং জাতম্
নাস্তিকমীশো গণয়তি ভক্তম্
ত্যক্ত্বা যদ্যপি পতিব্রতাঽহম্
পদতলে কম্পতে ভূমিতলম্ || ৩
উজ্ঝিতুকামাঃ প্রাণা দেহম্
তদাঙ্গানি কিং বহন্তি ভারম্ ?
আহ্বয়তে মাং গঙ্গাসলিলম্
চিরয়তে কুত্র তচ্চরমপলম্ ?৪
সমাপ্তমায়ুঃ সীতোপরতা
অদ্য পুনরহং মাতা জাতা
রঘুকুলদীপককৃতে জীবিতা
ফলধরৎ শীর্যতে কুসুমমিদম্ || ৫
মরুভূমৌ বা বিজনে বিপিনে
বংশাঙ্কুরমিদমহং বর্ধয়ে
সুখং বর্ততাং রামো নগরে
জানকী জনেভ্যো ধ্বস্তেয়ম্ || ৬
গচ্ছ পুরং প্রতি সৌমিত্র ৎবম্
বিধ্যতি শরবৎ মাং মে বচনম্
রামো নৃপতির্ন পতির্মেঽযম্
স্খলতি বদন্তী রসনেয়ম্ || ৭
মম মাৎৠণামিতো বন্দনম্
ইতোঽভিবন্দে শ্রীরঘুনাথম্
দদামি তুভ্যং চাশীর্বচনম্
ন ক্ষমে ভাষিতুং ৎবধিকতরম্ || ৮
৫৫
BACK TO TOP
৫৬ রঘুবরনগরী বালৌ যাতম্ রামাখ্যানং গায়তমেবম্ ||
’বদ যামি লক্ষ্মণ ক্ব নু কিমহম্ঽ
অস্য সীতায়াঃ প্রশ্নস্য সমাধানং লক্ষ্মণঃ কর্তুং ন
শশাক | গর্ভবতীং জানকীং তত্রৈব বিহায় লক্ষ্মণঃ বিদীর্ণেন
অন্তঃকরণেন সহ অয়োধ্যাং প্রত্যবর্তত | কর্তব্যকঠোরঃ
শ্রীরামঃ কর্তব্যমিতি রাজ্যম্ অশাৎ |
সীতা তু সৌভাগ্যবশাৎ বাল্মীকিমুনিনা আসাদিতা | সঃ
তস্যাঃ স্বকন্যায়াঃ ইব পালনং কৃতবান্ | যথাসময়ং সীতা
পুত্রয়ুগ্মং প্রাসূত | ভূতপিশাচাদীনাং প্রভাবাৎ তৌ
রক্ষিতুং বাল্মীকিঃ তয়োঃ দেহয়োঃ পরিতম্ অভিমন্ত্রিতৌ কুশলবৌ
পর্যবর্তয়ত | তথা চ কুশলবৌ ইত্যেব তয়োঃ অভিধানে চকার |
বাল্মীকিমুনেঃ নিপুণেঽবেক্ষণে তৌ বালকৌ ববৃধাতে | শনৈঃ
শনৈঃ শিশুবয়ঃ অতীত্য তৌ দ্বাদশবর্ষীয়ৌ কুমারৌ সঞ্জাতৌ |
তত্র অয়োধ্যায়াং শ্রীরামেণ সর্বশ্রেষ্ঠঃ রাজসূয়ঃ
নাম যজ্ঞঃ সমারব্ধঃ | যজ্ঞসমারোহং তং বীক্ষিতুং
সহস্রশঃ নৃপাঃ, মুনয়ঃ প্রজাজনাশ্চ অয়োধ্যায়াং
সমুপস্থিতাঃ | মুনিশ্রেষ্ঠঃ বাল্মীকিঃ অপি কুশলবাভ্যাং নাম
স্বশিষ্যাভ্যাং সহ তত্র আয়য়ৌ | ত্রিকালদর্শিনা বাল্মীকিনা
কুশলবৌ আজ্ঞাপিতৌ -
বাল্মীকিঃ -
রঘুবরনগরী বালৌ যাতম্
রামাখ্যানং গায়তমেবম্ ||
মুনিজনপূজিতসদনে সদনে
মহাজনানাং ভবনে ভবনে
মার্গে মার্গে রাজপত্তনে
যুবয়োর্গীতং বিহরতু স্বৈরম্ || ১
বিধায় নবফলমূলাহারম্
স্বরং চাত্মনো রসেন পিপৃতম্
সমানয়েথাং স্বরেণ স্বরম্
পালয়তং লয়তালবিধানম্ || ২
লভেথে যদা লোকমান্যতাম্
লভেত শ্রীরঘুনাথো বার্তাম্
শ্রোতুমুৎসুকোঽসাবত্মকথাম্
প্রেষয়িষ্যতে বাং নিমন্ত্রণম্ || ৩
সর্গানুক্রমমবধারয়তম্
ভাবরসময়ং ভবতু গায়নম্
গায়ন্তৌ ভাগশঃ প্রতিদিনম্
সমাপয়েথামিদমাখ্যানম্ || ৪
মা কথয়েথাং নামগ্রামম্
আত্মানৌ মে শিষ্যৌ ব্রূতম্
স্বরে বিধত্তং স্মিতং সুমধুরম্
যদেবোচিতং তদেব বদতম্ || ৫
শৃণুতে ভূপো যদা স্বয়মিদম্
ভবতু সংযতং মুদ্রাভিনয়ম্
নেদং কাব্যং সুধানিধিরয়ম্
আদরিষ্যতে রঘুনাথস্তম্ || ৬
মা স্বীকুরুতং ধনং কাঞ্চনম্
ন বা দক্ষিণাং ন চ বা দানম্
কিং মুনের্ধনেন প্রয়োজনম্
সকলমীপ্সিতং রঘুবরার্পণম্ || ৭
|| শ্রীরামচন্দ্রার্পণমস্তু ||
৫৬
BACK TO TOP
%[at][at]1
% File name : giitaraamaayaNa.itx
%--------------------------------------------
% Text title : Samskrit giitaraamaayaNa
% Author : Prof. Sitaram B. Datar, Andheri, Mumbai, India
% Language : Sanskrit
% Subject : philosophy/hinduism/religion
% Description/comments : Based on G. D. Madgulkarঽs composition of Marathi Geetaramayan
% Transliterated by : Sunder Hattangadi, sunderh[at]hotmail.com
% Proofread by : Sunder Hattangadi, sunderh[at]hotmail.com
% Latest update : November 20, 2011
% Send corrections to : sanskrit[at]cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access :
% https://sanskritdocuments.org
% https://sanskritdocuments.org/
%-----------------------------------------------------
% The text is to be used for personal studies and research only.
% Any use for commercial purpose is prohibited as a ঽgentlemanঽsঽ
% agreement.
% [at][at]2
%
% Commands upto engtitle are
% needed for devanaagarii output and formatting.
%--------------------------------------------------------
This page uses Unicode utf-8 encoding for devanagari. Please set the fonts and
languages setting in your web browser to display the correct Unicode font.
Some help is available at Notes
on Viewing and Creating Devanagari Documents with Unicode Support.
Some of the Unicode fonts for Devanagari are linked at http://devanaagarii.net and for
Sanskrit Transliteration/Diacritics are available at IndUni
Fonts.
Questions, comments? Write to sanskrit[at]cheerful.com .