गोपयसोर् यत् ४।३।१६०

गोपयस्शब्दाभ्यां यत् प्रत्ययो भवति विकारावयवयोरर्थयोः। गव्यम्। पयस्यम्। सर्वत्र गोरजादिप्रसङ्गे यदस्त्येव, मय्ड्विषये तु विधीयते।

गोपयसोर्यत् १११८, ४।३।१५८

गव्यम्। पयस्यम्॥

इति विकारार्थाः। (प्राग्दीव्यतीयाः) ६ १११८, ४।३।१५८

अथ ठगधिकारः १११८, ४।३।१५८

गोपयसोर्यत्। , ४।३।१५८

"मयड्विषये तु विधीयते" इति। अजादिप्रसङ्ग इति वचनात्। मयटोऽनजादित्वात् तद्विषये न प्राप्नोतीत्यतस्तत्र गोशब्दाद्विधीयते। पयःशब्दस्तु पिबतेरित्यसुन्प्रत्ययान्तो नित्स्वरेणाद्युदात्तः, तस्मात् प्राग्दीव्यतोऽण्" ४।१।८३ इत्यण् प्राप्नोति। अतस्तदपवादोऽयं यद्विधीयते॥

गोपयसोर्यत् १५१७, ४।३।१५८

गोपयसोर्यत्। गव्यमिति। गोर्विकारोऽवयवो वेत्यर्थः। "वान्तो यी"त्यवादेशः। पयस्यमिति। पयसो विकार इत्यर्थः। "सर्वत्र गोरजादिप्रसङ्गे य"दित्येव सिद्धे यद्विधानं "मयड्वैतयो"रिति पाक्षिकमयटो बाधनार्थम्।

गोपयसोर्यत् ११८०, ४।३।१५८

गोपयसोः। यद्यपि सर्वत्र गोरजादिप्रसङ्गे यदुक्तस्तथापि "मयड्वैतयो"रिति पक्षे प्राप्तं मयटं बाधितुं पुनरयं यद्विधिः।