पूर्वम्: ५।४।२९
अनन्तरम्: ५।४।३१
सूत्रम्
लोहितान्मणौ॥
५।४।३०
काशिका-वृत्तिः
लोहितान् मणौ
५।४।३०
लोहितशब्दात् मणौ वर्तमानात् स्वार्थे कन्प्रत्ययो भवति। लोहितो मणिः लोहितकः।
मणौ इति किम्?
लोहितः।
बाल-मनोरमा
लोहितान्मणौ
, ५।४।३०
लोहितान्मणौ। मणौ वर्तमानाल्लोहितशब्दात्स्वार्थे कन्स्यादित्यर्थः। माणिक्य मयो मणिरेवेह मणिर्विवक्षितः। यस्तु जपाकुसुमादिनिमित्तलौहित्यवान्स्फटिकमणिस्तस्य तु "रक्ते" इत्युत्तरसूत्रेण सिद्धम्।