ऋणनाशकदत्तमन्त्रविधानम्
विनियोगः -
ॐ अस्य श्रीऋणनाशकदत्तमन्त्रस्य भगवान् सदाशिव ऋषिः ।
अनुष्टुप्छन्दः । श्रीदत्तो देवता ।
मम ऋणनाशनार्थे श्रीदत्तमन्त्रजपे विनियोगः ॥
ऋष्यादिन्यासः ।
श्रीसदाशिवऋषये नमः शिरसि ।
अनुष्टुप्छन्दसे नमः मुखे ।
श्रीदत्तदेवतायै नमः हृदये ।
मम ऋणनाशनार्थे श्रीदत्तमन्त्रजपे विनियोगाय नमः सर्वाङ्गे ॥
करन्यासः ।
ॐ अङ्गुष्ठाभ्यां नमः ।
द्रां तर्जनीभ्यां नमः ।
हां मध्यमाभ्यां नमः ।
क्लीं अनामिकाभ्यां नमः ।
दत्तात्रेयाय कनिष्ठिकाभ्यां नमः ।
स्वाहा करतलकरपृष्ठाभ्यां नमः ॥
हृदयादिषडङ्गन्यासः ।
ॐ हृदयाय नमः ।
द्रां शिरसे स्वाहा ।
हां शिखायै वषट् ।
क्लीं कवचाय हुम् ।
दत्तात्रेयाय नेत्रत्रयाय वौषट् ।
स्वाहा अस्त्राय फट् ॥
ध्यानम् -
रविमण्डलमध्यस्थं रक्तं रक्ताब्जसंस्थितम् ।
योगारूढं ज्ञानघनं दत्तात्रेयं नमाम्यहम् ॥
जटाधरं त्रिनयनं वराभयकरं विभुम् ।
भस्मोद्धूलितसर्वाङ्गं योगिनां हृदि संस्थितम् ॥
अत्रिनन्दनमीशानं भक्ताभीष्टप्रदायकम् ।
ऋणदुःखविनाशाय दत्तात्रेयं नमाम्यहम् ॥
मूलमन्त्रजपः ।
ॐ अत्रेरात्मप्रदानेन यो मुक्तो भगवान् ऋणात् ।
दत्तात्रेयं तमीशानं नमामि ऋणमुक्तये ॥
॥ इति श्रीऋणनाशकदत्तमन्त्रविधानं सम्पूर्णम् ॥
Those who do not have a physical guru should practice Dattatreya Upasana.
Encoded and proofread by Durga Sharma