जिनसहस्रनामस्तोत्रम्
(भट्टारकसकल कीर्त्ति-विरचितम्)
स्वामादौ देव चानम्य स्तोष्ये त्वन्नाम लब्धये ।
अष्टोत्तरसहस्रेण नाम्ना सार्थेन भक्तिभिः ॥ १॥
ॐ जिनेन्द्रो जिनधौरेयो जिनस्वामी जिनाप्रणीः ।
जिनेशो जिनशार्दूलो जिनाधीशो जिनोत्तमः ॥ २॥
जिनराजो जिनज्येष्ठो जिनेशी जिनपालकः ।
जिननाथो जिनश्रेष्ठो जिनमल्लो जिनोन्नतः ॥ ३॥
जिननेता जिनस्रष्टा जिनेट् जिनपतिर्जिनः ।
जिनदेवो जिनादित्यो जिनेशिता जिनेश्वरः ॥ ४॥
जिनवर्यो जिनाराध्यो जिनार्च्यो जिनपुङ्गवः ।
जिनाधिपो जिनध्येयो जिनमुख्यो जिनेडितः ॥ ५॥
जिनसिंहो जिनप्रेक्षो जिनवृद्धो जिनोत्तरः ।
जिनमान्यो जिनस्तुत्यो जिनप्रभुर्जिनोद्वहः ॥ ६॥
जिनपूज्यो जिनाकाङ्क्षी जिनेन्दुर्जिनसत्तमः ।
जिनाकारो जिनोत्तुङ्गो जिनपो जिनकुञ्जरः ॥ ७॥
जिनभर्त्ता जिनाप्रस्थो जिनभृज्जिनचक्रभाक् ।
जिनचक्री जिनाद्याद्यो जिनसेव्यो जिनाधिपः ॥ ८॥
जिनकान्तो जिनप्रीतो जिनाधिराट् जिनप्रियः ।
जिनधुर्यो जिनार्चाह्रिर्जिनाग्रिमो जिनस्तुतः ॥ ९॥
जिनहंसो जिनत्राता जिनर्षभो जिनाग्रगः ।
जिनधृज्जिनचक्रेशो जिनदाता जिनात्मकः ॥ १०॥
जिनाधिको जिनालतो जिनशान्क्षो जिनोत्कृटः ।
जिनाश्रितो जिनाल्हादी जिनातर्क्यो जिनान्वितः ॥ ११॥
जैनो जैनवरो जैनस्वामी जैनपितामहः ।
जैनेड्यो जैनसङ्घार्च्य जैनभृज्जैनपालकः ॥ १२॥
जैनकृज्जैनधौरेयो जैनेशो जैनभूपतिः ।
जैनेड् जैनाग्रिमो जैनपिता जैनहितङ्करः ॥ १३॥
जैननेताऽथ जैनाढ्यो जैनधृज्जैनदेवराट् ।
जैनाधिपो हि जैनात्मा जैनेचयो जैनचक्रभृत् ॥ १४॥
जिताक्षो जितकन्दर्पो जितकामो जिताशयः ।
जितैना जितकर्मारिर्जितेन्द्रियो जिताखिलः ॥ १५॥
जितशत्रुर्जिताशौधो जितजेयो जितात्मभाक् ।
जितलोभो जितक्रोधो जितमानो जितान्तकः ॥ १६॥
जितरागो जितद्वषो जितमोहो जिनेश्वरः ।
जिताऽजय्यो जिताशेषो जितेशो जितदुर्मतः ॥ १७॥
जितवादी जितक्लेशो जितमुण्डो जिताव्रतः ।
जितदेवो जिनशान्तिर्जितखेदो जितारतिः ॥ १८॥
यतीडितो यतीशार्च्यो यतीशो यतिनायकः ।
यतिमुखो यतिप्रेक्ष्यो यतिस्वामी यतीश्वरः ॥ १९॥
यतिर्यतिवरो यत्याराध्यो यतिगुणस्तुतः ।
यतिश्रेष्ठो यतिज्येष्ठो यतिभर्त्ता यतोहितः ॥ २०॥
यतिधुर्यो यतिसृष्टा यतिनाथो यतिप्रभुः ।
यत्याकरो यतित्राता यतिबन्धुर्यतिप्रियः ॥ २१॥
योगीन्द्रो योगराड् योगिपतिर्योगिविनायकः ।
योगीश्वरोऽथ योगीशो योगी योगपरायणः ॥ २२॥
योगपूज्यो हि योगाङ्गो योगवान् योगपारगः ।
योगष्टद्योगरूपात्मा योगभाग्योगभूषितः ॥ २३॥
योग्यान्तो योगिकल्पाङ्गो योगिकृद्योगिवेष्टितः ।
योगिभृद्योगिमुख्यार्च्यो योगिभूर्योगिभूपतिः ॥ २४॥
सर्वज्ञः सर्वलोकज्ञः सर्वदृक् सर्वतत्त्ववित् ।
सर्वक्रेशसहः सार्वः सर्वचक्षुश्च सर्वराट् ॥ २५॥
सर्वाग्रिमोऽथ सर्वात्मा सर्वेशः सर्वदर्शनः ।
सर्वेज्यः सर्वधर्माङ्गः सर्वजीवदयावहः ॥ २६॥
सर्वज्येष्ठो हि सर्वाधिकः सर्वत्रिजगद्धितः ।
सर्वधर्ममयः सर्वस्वामी सर्वगुणाश्रितः ॥ २७॥
विश्वविद्विश्वनाथार्च्यो विश्वेड्यो विश्वबान्धवः ।
विश्वनाथोऽथ विश्वार्हो विश्वात्मा विश्वकारकः ॥ २८॥
विश्वेड् विश्वपिता विश्वधरो विश्वाभयङ्करः ।
विश्वव्यापी हि विश्वेशी विश्वधृद्विश्व भूमिपः ॥ २९॥
विश्वधीर्विश्वकल्याणो विश्वकृद्विश्वपारगः ।
विश्ववृद्धोऽपि विश्वाङ्गिराक्षको विश्वपोषकः ॥ ३०॥
जगकर्त्ता जगद्भर्त्ता जगत्राता जगजयी ।
जगन्मान्यो जगज्ज्येष्ठो जगच्छ्रेष्ठो जगत्पतिः ॥ ३१॥
जगद्घृतो जगन्नाथो जगद्ध्येयो जगत्स्तुतः ।
जगत्पाता जगद्धाता जगत्सेव्यो जगछ्रितिः ॥ ३२॥
जगत्स्वामी जगत्पूज्यो जगत्सार्थो जगद्धितः ।
जगद्वेत्ता जगच्चक्षुर्जगद्दर्शी जगत्पिता ॥ ३३॥
जगत्कान्तो जगद्दान्तो जगद्ज्ञाता जगज्जितः ।
जगद्वीरो जगद्वीरो जगत्प्रान्तो जगत्प्रियः ॥ ३४॥
महाज्ञानी महाध्यानी महाकृती महाव्रती ।
महाराजो महार्थज्ञो महातेजो महातपाः ॥ ३५॥
महाजेता महाजय्यो महाक्षान्तो महादमः ।
महादान्तो महाशान्तो महाकान्तो महाबली ॥ ३६॥
महादेवो महापूतो महायोगी महाधनी ।
महाकामी महाशूरो महाभटो महायशः ॥ ३७॥
महानादो महास्तुत्यो महामहपतिर्महान् ।
महाधीरो महावीरो महाबन्धुर्महाश्रमः ॥ ३८॥
महाधारो महाकारो महाशर्मा महाश्रयः ।
महायोगी महाभोगी महाब्रह्मा महीधरः ॥ ३९॥
महाधुर्यो महावीर्यो महादर्शी महार्थवित् ।
महाभर्त्ता महाकर्त्ता महाशीलो महागुणी ॥ ४०॥
महाधर्मा महामौनी महाभरो महाग्रिमः ।
महास्रष्टा महातीर्थो महाख्यातो महाहितः ॥ ४१॥
महाधन्यो महाधीशो महारूपी महामुनिः ।
महाविभुर्महाकीर्त्तिर्महादाता महारतः ॥ ४२॥
महाकृपो महाराध्यो महाश्रेष्ठो महायतिः ।
महाक्षान्तिर्महालोको महानेत्रो महार्घकृत् ॥ ४३॥
महाश्रमी महायोग्यो महाशमी महादमी ।
महेशेशो महेशात्मा महेशार्च्यो महेशराट् ॥ ४४॥
महानन्तो महातृप्तो महाहरो महावरः ।
महर्षीशो महाभागो महास्थानो महान्तकः ॥ ४५॥
महोदर्यो महाकार्यो महाकेवललब्धिभाक् ।
महाशिष्टो महानिष्टो महादसो महाबलः ॥ ४६॥
महालक्षो महार्थज्ञो महाविद्वान् महात्मकः ।
महेज्यार्हो महानाथो महानेता महापिता ॥ ४७॥
महामना महाचिन्त्यो महासारो महायमी ।
महेन्द्रार्च्यो महावन्द्यो महावादी महानुतः ॥ ४८॥
परमात्मा परात्मज्ञः परञ्ज्योतिः परार्थकृत् ।
परब्रह्म परब्रह्मरूपो परतरः परः ॥ ४९॥
परमेशः परेज्याः परार्थी परकार्यष्टत् ।
परस्वामी परज्ञानी पराधीशः परेहकः ॥ ५०॥
सत्यवादी हि सत्यात्मा सत्याङ्गः सत्यशासनः ।
सत्यार्थः सत्यवागीशः सत्याधारोऽतिसत्यवाक् ॥ ५१॥
सत्यायः सत्यविद्येशः सत्यधर्मी हि सत्यभाक् ।
सत्याशयोऽतिसत्योक्तमतः सत्यहितङ्करः ॥ ५२॥
सत्यतिर्थोऽतिसत्याढ्यः सत्यात्तः सत्यतीर्थकृत् ।
सत्य सीमाधरः सत्यधर्मतीर्थप्रवत्तकः ॥ ५३॥
लोकेशो लोकनाथार्च्यो लोकालोकविलोकनः ।
लोकविल्लोकमूर्द्धस्थो लोकनाथो ह्यलोकवित् ॥ ५४॥
लोकदृक् लोककार्यार्थी लोकज्ञो लोकपालकः ।
लोकेड्यो लोकमाङ्गल्यो लोकोत्तमो हि लोकराट् ॥ ५५॥
तीर्थकृत्तीर्थभूतात्मा तीर्थेशस्तीर्थकारकः ।
तीर्थभृत्तीर्थकर्त्ता तीर्थप्रणेता सुतीर्थभाक् ॥ ५६॥
तीर्थाधीशो हि तीर्थामा तीर्थज्ञस्तीर्थनायकः ।
तीर्थाढ्यस्तीर्थसद्राजा तीर्थधृत्तीर्थवर्त्तकः ॥ ५७॥
तीर्थङ्करो हि तीर्थेशतीर्थोद्यस्तीर्थपालकः ।
तीर्थसृष्टाऽऽतीर्थद्धिस्तीर्थाग्रस्तीर्थदेशकः ॥ ५८॥
निःकर्मा निर्मलो नित्यो निराबाधो निरामयः ।
निस्तमस्को निरौपम्यो निष्कलङ्को निरायुधः ॥ ५९॥
निर्लेपो निष्कलोऽत्यन्तनिर्दोषो निर्जराग्रणीः ।
निस्वप्नो निर्भयोऽतीवनिःप्रमादो निराश्रयः ॥ ६०॥
निरम्बरो निरातङ्को निर्भूषो निर्मलाशयः ।
निर्मदो निरतोचारो निर्मोहो निरुपद्रवः ॥ ६१॥
निर्विकारो निराधारो निरीहो निर्मलाङ्गभाक् ।
निर्जरो निरजस्कोऽथ निराशो निर्विशेषवित् ॥ ६२॥
निर्निमेषो निराकारो निरतो निरतिक्रमः ।
निर्वेदो निष्कषायात्मा निर्बन्न्धो निस्पृहाप्रगः ॥ ६३॥
विरजा विमलात्मज्ञो विमलो विमलान्तरः ।
विरतोर्विरताधीशो विरागो वीतमत्सरः ॥ ६४॥
विभवो विभवान्तस्थो वीतरागो विचारकृत् ।
विश्वासी विगताबाधो विचारज्ञो विशारदः ॥ ६५॥
विवेकी विगतग्रन्थो विविक्तोऽव्यक्तसंस्थितिः ।
विजयी विजितारातिर्विनष्टारिर्वियच्छ्रितः ॥ ६६॥
त्रिरत्नेशस्त्रिपीठस्थस्त्रिलोकज्ञस्त्रिकालवित् ।
त्रिदण्डघ्नस्त्रिलोकेशस्त्रिछत्राङ्कस्त्रिभूमिपः ॥ ६७॥
त्रिशल्यारिस्त्रिलोर्च्यस्त्रिलोकपतिसेवितः ।
त्रियोगी त्रिकसंवेगस्त्रैलोक्याड्यस्त्रिलोकराट् ॥ ६८॥
अनन्तोऽनन्तसौख्याक्षिरनन्तकेवलेक्षणः ।
अनन्तविक्रमोऽनन्तवीर्योऽनन्तगुणाकरः ॥ ६९॥
अनन्त विक्रमोऽनन्तस्ववेत्ताऽनन्तशक्तिमान् ।
अनन्तमहिमारुढोऽनन्तज्ञोऽनन्तशर्मदः ॥ ७०॥
सिद्धो बुद्धः प्रसिद्धात्मा स्वयम्बुद्धोऽतिबुद्धिमान् ।
सिद्धिदः सिद्धमार्गस्थः सिद्धार्थः सिद्धसाधनः ॥ ७१॥
सिद्धसाध्योऽतिशुद्धात्मा सिद्धिकृत्सिद्धिशासनः ।
सुसिद्धान्तविशुद्धाढ्यः सिद्धगामी बुधाधिपः ॥ ७२॥
अच्युतोऽच्युतनाथेशोऽचलचित्तोऽचलस्थितिः ।
अतिप्रभोऽतिसौम्यात्मा सोमरूपोऽतिकान्तिमान् ॥ ७३॥
वरिष्ठः स्थविरो ज्येष्ठो गरिष्ठोऽनिष्टदूरगः ।
द्रष्टा पुष्टो विशिष्टात्मा स्रष्टा धाता प्रजापतिः ॥ ७४॥
पद्मासनः सपद्माङ्कः पद्मयानश्चतुर्मुखः ।
श्रीपतिः श्रीनिवासो हि विजेता पुरुषोत्तमः ॥ ७५॥
धर्मचक्रधरो धर्मी धर्मतीर्थप्रवर्त्तकः ।
धर्मराजोऽतिधर्मात्मा धर्माधारः सुधर्मदः ॥ ७६॥
धर्ममूर्त्तिरधर्मघ्नो धर्मचक्री सुधर्मधीः ।
धर्मकृद्धर्मभृधर्मशीलो धमधिनायकः ॥ ७७॥
मन्त्रमूर्त्तिः सुमन्त्रज्ञो मन्त्री मन्त्रमयोऽद्भुतः ।
तेजस्वी विक्रमी स्वामी तपस्वी संयमी यमी ॥ ७८॥
कृती व्रती कृतार्थात्मा कृतकृतः कृताविधिः ।
प्रभुर्विभुर्गुरुर्योगी गरीयान् गुरुकार्यकृत् ॥ ७९॥
वृषभो वृषभाधीशो वृषचिन्हो वृषाश्रयः ।
वृषकेतुर्वृषाधारो वृषभेन्द्रो वृषप्रदः ॥ ८०॥
ब्रह्मात्मा ब्रह्मनिष्ठात्मा ब्रह्मा ब्रह्मपदेश्वरः ।
ब्रह्मज्ञो ब्रह्मभूतात्मा ब्रह्मा च ब्रह्मपालकः ॥ ८१॥
पूज्योऽर्हन् भगवान् स्तुत्यः स्तवनार्हः स्तुतीश्वरः ।
वन्द्यो नमस्कृतोऽत्यन्तप्रणामयोग्य ऊर्जितः ॥ ८२॥
गुणी गुणाकरोऽनन्तगुणाब्धिः गुणभूषणः ।
गुणादरी गुणग्रामो गुणार्थी गुणपारगः ॥ ८३॥
गुणरूपो गुणातीतो गुणदो गुणवेष्टितः ।
गुणाश्रयो गुणात्माक्तो गुणसक्तोऽगुणान्तकृत् ॥ ८४॥
गुणाधिपो गुणान्तःस्थो गुणभृद्गुणपोषकः ।
गुणाराध्यो गुणज्येष्ठो गुणाधारो गुणाग्रगः ॥ ८५॥
पवित्रः पूतसर्वाङ्गः पूतवाक् पूतशासनः ।
पूतकमाऽतिपूतात्मा शुचिः शौचात्मकोऽमलः ॥ ८६॥
कर्मारिः कर्मशत्रुघ्नः कमांराति निकन्दनः ।
कर्मविध्वंसकः कर्मोच्छेदी कर्मागनाशकः ॥ ८७॥
सुसंवृत्तस्त्रिगुप्तात्मा निराश्रवस्त्रिगुप्तिवान् ।
विद्यामयोऽतिविद्यात्मा सर्वविद्येश आत्मवान् ॥ ८८॥
मुनिर्यतिरनागारः पुराणपुरुषोऽव्ययः ।
पिता पितामहो भर्त्ता कर्त्ता दान्तः क्षमः शिवः ॥ ८९॥
ईश्वरः शङ्करो धीमान् भृत्युञ्जयः सनातनः ।
दक्षो ज्ञानो शमी ध्यानी सुशीलः शीलसागरः ॥ ९०॥
ऋषिः कविः कवीन्द्राद्यः ऋषीन्द्रः ऋषिनायकः ।
वेदाङ्गो वेदविद्वेद्यः स्वसंवेद्योऽमलस्थितिः ॥ ९१॥
दिगम्बरो हि दिग्वासा जातरूपो विदांवरः ।
निर्ग्रन्थो ग्रन्थदूरस्थो निःसङ्गो निःपरिग्रहः ॥ ९२॥
धीरो वीरः प्रशान्तात्मा धैर्यशाली सुलक्षणः ।
शान्तो गम्भीर आत्मज्ञः कलमूर्त्तिः कलाधरः ॥ ९३॥
युगादिपुरुषोऽव्यक्तो व्यक्तवाग् व्यक्तशासनः ।
अनादिनिधनो दिव्यो दिव्याङ्गो दिव्यधीधनः ॥ ९४॥
तपोधनो वियद्गामी जागरूकोऽप्यतीन्द्रियः ।
अनन्तर्द्धिरचिन्त्यर्द्धिरमेयर्द्धिः परार्द्ध्यभाक् ॥ ९५॥
मौनी धुर्यो भटः शूरः सार्थवाहः शिवाध्वगः ।
साधुर्गणी सुताधारः पाठकोऽतीन्द्रियार्थदृक् ॥ ९६॥
आदीश अदिभूभर्त्ता आदिम आदिजिनेश्वरः ।
आदितीर्थङ्करश्चादिसृष्टिकृच्चादिदेशकः ॥ ९७॥
आदिब्रह्माऽऽदिनाथोऽर्च्य आदिषट्कर्मदेशकः ।
अदिधर्मविधाताऽऽदिधर्मराजोऽग्रजोऽग्रिमः ॥ ९८॥
श्रेयान् श्रेयस्करः श्रेयोऽप्रणीः श्रेयः सुखावहः ।
श्रेयोदः श्रेयवाराशिः श्रेयवान् श्रेयसम्भवः ॥ ९९॥
अजितो जितसंसारः सन्मतिः सन्मतिप्रियः ।
संस्कृतः प्राकृतः प्राज्ञो ज्ञानमूर्त्तिश्च्युतोपमः ॥ १००॥
नाभेय आदियोगीन्द्र उत्तमः सुव्रतो मनुः ।
शत्रुञ्जयः सुमेधावी नाथोऽप्याद्योऽखिलार्थवित् ॥ १०१॥
क्षेमी कुलकरः कामो देवदेवो निरुत्सुकः ।
क्षेमः क्षेमङ्करोऽग्रह्यो ज्ञानगम्यो निरुत्तरः ॥ १०२॥
स्थेयांस्तृप्तः सदाचारी सुघोषः सन्मुखः सुखी ।
वाग्मी वागीश्वरो वाचस्पतिः सद्बुद्धिरुन्नतः ॥ १०३॥
उदारो मोक्षगामी च मुक्तो मुक्तिप्ररूपकः ।
भव्यसार्थाधिपो देवो मनीषी सुहितः सुहृत् ॥ १०४॥
मुक्तिभर्त्ताऽप्रतर्क्यात्मा दिव्यदेहः प्रभास्वरः ।
मनःप्रियो मनोहारी मनोज्ञाङ्गो मनोहरः ॥ १०५॥
स्वस्थो भूतपतिः पूर्वः पुराणपुरुषोऽक्षयः ।
शरण्यः पञ्चकल्याणपूजार्होऽबन्धुबान्धवः ॥ १०६॥
कल्याणात्मा सुकल्याणः कल्याणः प्रकृतिः प्रियः ।
सुभगः कान्तिमान् दीप्रो गूढात्मा गूढगोचरः ॥ १०७॥
जगच्चूडामणिस्तुङ्गो दिव्यभामण्डलः सुधीः ।
महौजाऽतिस्फुरत्कान्तिः सूर्यकोट्यधिकप्रभः ॥ १०८॥
निष्टप्तकनकच्छायो हेमवर्णः स्फुरद्युतिः ।
प्रतापी प्रबलः पूर्णस्तेजोराशिर्गतोपमः ॥ १०९॥
शान्तेशः शान्तकर्मारिः शान्तिकृच्छान्तिकारकः ।
भुक्तिदो मुक्तिदो दाता ज्ञानाब्धिः शीलसागरः ॥ ११०॥
स्पष्टवाक् पुष्टिदः पुष्टः शिष्टेष्टः शिष्टसेवितः ।
स्पष्टाक्षरो विशिष्टाङ्गः स्पष्टवृत्तो विशुद्वितः ॥ १११॥
निष्किञ्चनो निरालम्बो निपुणो निपुणाश्रितः ।
निर्ममो निरहङ्कारः प्रशस्तो जैनवत्सलः ॥ ११२॥
तेजोमयोऽमितज्योतिः शुभ्रमूर्त्तिस्तमोपहः ।
पुण्यदः पुण्यहेत्वात्मा पुण्यवान् पुण्यकर्मकृत् ॥ ११३॥
पुण्यमूर्त्तिर्महापुण्यः पुण्यवाक् पुण्यशासनः ।
पुण्यभोक्ताऽतिपुण्यात्मा पुण्यशाली शुभाशयः ॥ ११४॥
अनिद्रालुरतन्द्रालुर्मुमुक्षुर्मुक्तिवल्लभः ।
मुक्तिप्रियः प्रजाबन्धुः प्रजाकरः प्रजाहितः ॥ ११५॥
श्रीशः श्रीश्रितपादाब्जः श्रीविरागो विरक्तधीः ।
ज्ञानवान् बन्धमोक्षज्ञो बन्धघ्नो बन्धदूरगः ॥ ११६॥
वनवासी जटाधारी क्लेशातीतोऽतिसौख्यवान् ।
आप्तोऽमूर्तः कनत्कायः शक्तः शक्तिप्रदो बुधः ॥ ११७॥
हताक्षो हतकर्मारिर्हतमोहो हिताश्रितः ।
हतमिथ्यात्व आत्मस्थः सुरूपो हतदुर्नयः ॥ ११८॥
स्याद्वादी च नयप्रोक्ता हितवादी हितध्वनिः ।
भव्यचूडामणिर्भव्योऽसमोऽसमगुणाश्रयः ॥ ११९॥
निर्विघ्नो निश्चलो लोकवत्सलो लोकलोचनः ।
आदेयादिम आदेयो हेयादेयप्ररूपकः ॥ १२०॥
भद्रो भद्राशयो भद्रशासनो भद्रवाक् कृती ।
भद्रकृद्भद्रभव्याढ्यो भद्रबन्धुरनामयः ॥ १२१॥
केवली केवलः लोकः केवलज्ञानलोचनः ।
केवलेशो महर्द्धीशोऽच्छेद्योऽभेद्योऽतिसूक्ष्मवान् ॥ १२२॥
सूक्ष्मदर्शी कृपामूर्त्तिः कृपालुश्च कृपावहः ।
कृपाम्बुधिः कृपावाक्यः कृपोपदेशतत्परः ॥ १२३॥
दयानिधिर्दयादर्शीत्यमूनि सार्थकान्यपि ।
सहस्राष्टकनामान्यर्हतो ज्ञेयानि कोविदैः ॥ १२४॥
देवानेन महानामराशिस्तवफलेन मे ।
वन्द्यस्त्वं देहि सर्वाणि त्वन्नामानि गुणैः समम् ॥ १२५॥
इदं नामावलीदृब्धस्तोत्रं पुण्यं पठेत्सुधीः ।
नित्यं योऽर्हद्गुणान् प्राप्याचिरात्सोऽर्हन् भवेद् दृशाम् ॥ १२६॥
इति भट्टारकसकलकीर्त्ति-विरचितम् जिनसहस्रनामस्तोत्रं सम्पूर्णम् ।
Proofread by Gautam Vora