जिनसहस्रनामस्तोत्रम्
(आचार्य जिनसेनकृतम्)
प्रस्तावना पाठ ।
स्वयम्भुवे नमस्तुभ्यमुत्पाद्यात्मानमात्मनि ।
स्वात्मनैव तथोद्भूतवृत्तयेऽचिन्त्यवृत्तये ॥ १॥
नमस्ते जगतांपत्ये लक्ष्मीभर्त्रे नमोऽस्तु ते ।
विदांवर नमस्तुभ्यं नमस्ते वदतांवर ॥ २॥
कर्मशत्रुहनं देवमामनन्ति मनीषिणः ।
त्वमानमत्सुरेण्मौलि-भा-मालार्भ्यचिन्त-क्रसम् ॥ ३॥
ध्यान-दुर्घण-निभिन्न्-घन-घाति महातरूः ।
अनन्त-भव-सन्तान-जयादासीरनन्तजित् ॥ ४॥
त्रैलोक्य-निर्जयावास-दुर्दर्प्पमतिदुर्जयम् ।
मृत्युराजं विजित्यासीज्जिन मृत्युञ्जयो भवान् ॥ ५॥
विधूताशेष-संसार-ब्न्धनो भव्य-ब्न्धवः ।
त्रिपुरारिस्त्वमीशोऽसि जन्म-मृत्युजरान्तकृत् ॥ ६॥
त्रिकाल-विजयाशेष-तत्वभेदात् त्रिधोत्थितम् ।
केवलाख्यं दधच्चक्षुस्त्रिनेत्रोऽसि त्वमीशिता ॥ ७॥
त्वाम्न्धकान्तकं प्राहुर्मोह्न्धासुर-मर्द्दनात् ।
अर्द्ध ते नारयो यस्मादर्धनारीश्वरोऽस्यतः ॥ ८॥
शिवः शिव-पदाध्यासाद् दुरितारि-हरो हरः ।
शङ्करः कृतशं लोके शम्भवस्त्वं भवन्सुखे ॥ ९॥
वृषभोऽसि जगज्जेयेष्ठः पुरूः पुरू-गुणोदयै ।
नाभेयो नाभि-सम्भूतेरिक्ष्वाकु-कुल-न्न्दनः ॥ १०॥
त्वमेकः पुरूषस्कन्धस्त्वं द्वे लोकस्य लोचने ।
त्वं त्रिधा बुद्ध-सन्मार्गस्त्रिज्ञस्त्रिज्ञान-धारकः ॥ ११॥
चतुःशरण-माङ्गल्यूर्मूतिस्त्वं चतुरस्त्रधीः ।
पञ्च-ब्रह्ममयो देव पावनस्त्वं पुनिहि माम् ॥ १२॥
स्वर्गावतारिणे तुभ्यं सद्योजातात्मने नमः ।
जन्माभिषेक-वामाय वामदेव नमोऽस्तु ते ॥ १३॥
सन्न्ष्क्रिआन्तावद्योराय परं प्रशममीयुषे ।
केवलज्ञान-संसिद्धावीशानाय नमोऽस्तु ते ॥ १४॥
पुरस्तत्पुरूषत्वेन विमुक्त-पद-भाजिने ।
नमस्तत्पुरूषावस्थां भाविनीं तेऽद्य विभ्रते ॥ १५॥
ज्ञानावरणनिर्हासान्नमस्तेऽनन्तचक्षुषे ।
दर्शनावरणोच्छे दान्न्मस्ते विश्वद्दश्वने ॥ १६॥
नमो दर्शनमोहध्ने क्षायिकामलद्दष्टये ।
नमश्वारित्रमोहध्ने विरागाय महौजसे ॥ १७॥
नमस्तेऽनन्त-वीर्याय नमोऽनन्त-सुखात्मने ।
नमस्तेऽनन्त-लोकाय लोकालोकावलोकिने ॥ १८॥
नमस्तेऽनन्त-दानाय नमस्तेऽनन्त-लब्धये ।
नमस्तेऽनन्त-भोगाय नमोऽनन्तोपगोभिने ॥ १९॥
नमः परम-योगाय नमस्तुभ्यमयोनये ।
नमः परम-पूताय नमस्ते परमर्षये ॥ २०॥
नमः परम-विद्याय नमः पर-मत-च्छिदे ।
नमः परम-तत्वाय नमस्ते परमात्मने ॥ २१॥
नमः परमारूपाय नमः परम-तेजसे ।
नमः परम-मार्गाय नमस्ते परमेष्ठिने ॥ २२॥
परर्मद्धिजुषे धाम्ने परम-ज्योतिषे नमः ।
नमः पारतेमः प्राप्तधाम्ने परतरात्मने ॥ २३॥
नमः क्षीण-कलङ्काय क्षीण-ब्न्ध नमोऽस्तु ते ।
नमस्ते क्षीण-मोहाय क्षीण-दोषाय ते नमः ॥ २४॥
नमः सुगतये तुभ्यं शोभनां गतिमीयुषे ।
नमस्तेऽत्न्द्रिय-ज्ञान-सुखायान्न्द्रियात्मने ॥ २५॥
काय-ब्न्धननिर्मोक्षादकायाय नमोस्तु ते ।
नमस्तुम्यमयोगाय योगिनामधियोगिने ॥ २६॥
अवेदाय नमस्तुभ्यमकषायाय ते नमः ।
नमः परम-योग्न्द्र-व्न्दिताङ्घ्रि द्वयाय ते ॥ २७॥
नमः परम-विज्ञान नमः परम-संयम ।
नमः परद्दम्द्दष्ट-परमार्थाय तायिने ॥ २८॥
नमस्तुभ्यमलेश्याय शुक्ललेश्यांशक-स्पृशे ।
नमो भव्येतरावस्थाव्यतीताय विमोक्षिणे ॥ २९॥
सङ्ग्यसञ्ज्ञिद्वयावस्था व्यतिरिक्तामलात्मने ।
नमस्ते वीतसञ्ज्ञाय नमः क्षायिकद्दष्टये ॥ ३०॥
अनाहाराय तृप्ताय नमः परमभाजुपे ।
व्यतीताशेषदोषाय भवाब्धेः पारमीयुषे ॥ ३१॥
अजराय नमस्तुभ्यं नमस्ते स्तादजन्मिने ।
अमृत्येव नमस्तुभ्यमचलायाक्षरात्मने ॥ ३२॥
अलमास्तां गुणस्त्रोतमनन्तास्तावका गुणाः ।
त्वां नामस्मृतिमात्रेण पर्युपासिसिपामहे ॥ ३३॥
एवं स्तुत्वा जिनं देवं भक्त्या परमया सुधीः ।
पठेदष्टोतरं नाम्नां सहस्रं पापशान्तये ॥ ३४॥
॥ इति प्रस्तावना ॥ पुष्पाञ्जलिः ॥
१ अथ श्रीमदादिशतम् ।
प्रसिद्धाष्टसहस्रद्वेलक्षणं त्वां गिराम्पतिम् ।
नाम्नामष्टसहस्रेण तोष्टुमोऽभीष्टसिद्धये ॥ १॥
श्रीमान् स्वयम्भूर्वृषभः शम्भवः शम्भुरात्मभूः ।
स्वयम्प्रभः प्रभुर्भोक्ता विश्वभूरपुनर्भवः ॥ २॥
विश्वात्मा विश्वलोकेश विश्वतश्चक्षुरक्षरः ।
विश्वविद्विश्वविद्येशो विश्वयोनिरनश्वरः ॥ ३॥
विश्वदृश्वा विभुर्धाता विश्वेशो विश्वलोचनः ।
विश्वव्यापी विधिर्वेधाः शाश्वतो विश्वतोमुखः ॥ ४॥
विश्वकर्मा जगज्ज्येष्ठो विश्वमूर्तिर्जिनेश्वरः ।
विश्वदृक् विश्वभूतेशो विश्वज्योतिरनीश्वरः ॥ ५॥
जिनो जिष्णुरमेयात्मा विश्वरीशो जगत्पतिः ।
अनन्तजिदचिन्त्यात्मा भव्यबन्धुरबन्धनः ॥ ६॥
युगादिपुरुषो ब्रह्मा पञ्चब्रह्ममयः शिवः ।
परः परतरः सूक्ष्मः परमेष्ठी सनातनः ॥ ७॥
स्वयञ्ज्योतिरजोऽजन्मा ब्रह्मयोनिरयोनिजः ।
मोहारिविजयी जेता धर्मचक्री दयाध्वजः ॥ ८॥
प्रशान्तारिरनन्तात्मा योगी योगीश्वरार्चितः ।
ब्रह्मविद् ब्रह्मतत्त्वज्ञो ब्रह्मोद्याविद्यतीश्वरः ॥ ९॥
शुद्धो बुद्धः प्रबुद्धात्मा सिद्धार्थः सिद्धशासनः ।
सिद्धः सिद्धान्तविद् ध्येयः सिद्धसाध्यो जगद्धितः ॥ १०॥
सहिष्णुरच्युतोऽनन्तः प्रभविष्णुर्भवोद्भवः ।
प्रभूष्णुरजरोऽजर्यो भ्राजिष्णुर्धीश्वरोऽव्ययः ॥ ११॥
विभावसुरसम्भूष्णुः स्वयम्भूष्णुः पुरातनः ।
परमात्मा परञ्ज्योतिस्त्रिजगत्परमेश्वरः ॥ १२॥
॥ इति श्रीमदादिशतम् ॥ १ ॥ उदकचन्दनतन्दुल॥। आदि श्लोक ॥ अर्घ्यम् ।
२ अथ दिव्यादिशतम् ।
दिव्यभाषापतिर्दिव्यः पूतवाक् पूतशासनः ।
पूतात्मा परमज्योतिर्धर्माध्यक्षो दमीश्वरः ॥ १३॥
श्रीपतिर्भगवानर्हन्नरजा विरजाः शुचिः ।
तीर्थंकृत्केवलीशानः पूजार्हः स्नातकोऽमलः ॥ १४॥
अनन्तदीप्तिर्ज्ञानात्मा स्वयम्बुद्धः प्रजापतिः ।
मुक्तः शक्तो निराबाधो निष्कलो भुवनेश्वरः ॥ १५॥
निरञ्जनो जगज्ज्योतिर्निरुक्तोक्तिर्निरामयः ।
अचल स्थितिरक्षोभ्यः कूटस्थः स्थाणुरक्षयः ॥ १६॥
अग्रणीर्ग्रामणीर्नेता प्रणेता न्यायशास्त्रकृत् ।
शास्ता धर्मपतिर्धर्यो धर्मात्मा धर्मतीर्थङ्कृत् ॥ १७॥
वृषध्वजो वृपाधीशो वृषकेतुवृषायुधः ।
वृषो वृषपतिर्भर्त्ता वृषभाङ्को वृषोद्भवः ॥ १८॥
हिरण्यनाभिर्भूतात्मा भूतभृद्भूतभावनः ।
प्रभवो विभवो भास्वान् भवो भावो भवान्तकः ॥ १९॥
हिरण्यगर्भः श्रीगर्भः प्रभूतविभवोद्भवः ।
स्वयम्प्रभुः प्रभूतात्मा भूतनाथो जगत्प्रभुः ॥ २०॥
सर्वादिः सर्वदृक् सार्वः सर्वज्ञः सर्वदर्शनः ।
सर्वात्मा सर्वलोकेशः सर्ववित् सर्वलोकजित् ॥ २१॥
सुगतिः सुश्रुतः सुश्रुक् सुवाक् सूरिर्बहुश्रुतः ।
विश्रुतो विश्वतः पादो विश्वशीर्षः शुचिश्रवाः ॥ २२॥
सहस्रशीर्षः क्षेत्रज्ञः सहस्राक्षः सहस्रपात् ।
भूतभव्यभवद्भर्त्ता विश्वविद्यामहेश्वरः ॥ २३॥
॥ इति दिव्यादिशतम् ॥ २ ॥ अर्घ्यम् ॥
३ अथ स्थविष्ठादिशतम् ।
स्थविष्ठः स्थविशे ज्येष्ठः पृष्ठः प्रेष्टो वरिष्टधीः ।
स्थेष्ठो गरिष्ठो बंहिष्ठः श्रेष्टोऽणिष्ठो गरिष्ठगीः ॥ २४॥
विश्वभृद्विश्वसृड् विश्वेद् विश्वभुग्विश्वनायकः ।
विश्वाशीर्विश्वरूपात्मा विश्वजिद्विजितान्तकः ॥ २५॥
विभवो विभयो वीरो विशोको विरुजो जरन् ।
विरागो विरतोऽसङ्गो विविक्तो वीतमत्सरः ॥ २६॥
विनेयजनताबन्धुर्विलीनाशेषकल्मषः ।
वियोगो योगविद्विद्वान् विधाता सुविधिः सुधीः ॥ २७॥
क्षान्तिभाक् पृथिवीमूर्त्तिः शान्तिभाक् सलिलात्मकः ।
वायुमूर्तिरसङ्गात्मा वह्निमूर्तिरधर्मधक् ॥ २८॥
सुयज्वा यजमानात्मा सुत्वा सुत्रामपूजितः ।
ऋत्विग्यज्ञपतिर्याज्यो यज्ञाङ्गममृतं हविः ॥ २९॥
व्योममूर्तिरमूर्त्तात्मा निर्लेपो निर्मलोऽचलः ।
सोममूर्त्तिः सुसौम्यात्मा सूर्यमूर्तिर्महाप्रभः ॥ ३०॥
मन्त्रविन्मन्त्रकृन्मन्त्री मन्त्रमूर्तिरनन्तगः ।
स्वतन्त्रस्तन्त्रकृत्स्वान्तः कृतान्तान्तः कृतान्तकृत् ॥ ३१॥
कृती कृतार्थः सत्कृत्यः कृतकृत्यः कृतक्रतुः ।
नित्यो मृत्युञ्जयोऽमृत्युरमृतात्माऽमृतोद्भवः ॥ ३२॥
ब्रह्मनिष्ठः परम्ब्रह्म ब्रह्मात्मा ब्रह्मसम्भवः ।
महाब्रह्मपतिर्ब्रह्मेट् महाब्रह्मपदेश्वरः ॥ ३३॥
सुप्रसन्नः प्रसन्नात्मा ज्ञानधर्मदमप्रभुः ।
प्रशमात्मा प्रशान्तात्मा पुराणपुरुषोत्तमः ॥ ३४॥
॥ इति स्थविष्ठादिशतम् ॥ ३ ॥ अर्घ्यम् ॥
४ अथ महाशोकध्वजादिशतम् ।
महाशोकध्वजोऽशोकः कः स्रष्टा पद्मविष्टरः ।
पद्मेशः पद्मसम्भूतिः पद्मनाभिरनुत्तरः ॥ ३५॥
पद्मयोनिर्जगद्योनिरित्यः स्तुत्यः स्तुतीश्वरः ।
स्तवनार्हो हृषीकेशो जितजेयः कृतक्रियः ॥ ३६॥
गणाधिपो गणज्येष्ठो गण्यः पुण्यो गणाग्रणीः ।
गुणाकरो गुणाम्भोधिर्गुणज्ञो गुणनायकः ॥ ३७॥
गुणादरी गुणोच्छेदी निर्गुणः पुण्यगीर्गुणः ।
शरण्यः पुण्यवाक् पूतो वरेण्यः पुण्यनायकः ॥ ३८॥
अगण्यः पुण्यधीर्गुण्यः पुण्यकृत्पुण्यशासनः ।
धर्मारामो गुणग्रामः पुण्यापुण्यनिरोधकः ॥ ३९॥
पापापेतो विपापात्मा विपाप्मा वीतकल्मषः ।
निद्वन्द्वो निर्मदः शान्तो निर्मोहो निरुपप्लवः ॥ ४०॥
निर्निमेषो निराहारो निःक्रियो निरुपप्लवः ।
निष्कलङ्को निरस्तैना निर्धूताङ्गो निरास्रवः ॥ ४१॥
विशालो विपुलज्योतिरतुलोऽचिन्त्यवैभवः ।
सुसंवृतः सुगुत्मात्मा सुभृत्सुनयतस्त्ववित् ॥ ४२॥
एकविद्यो महाविद्यो मुनिःपरिवृढः पतिः ।
धीशो विद्यानिधिःसाती विनेता वितान्तकः ॥ ४३॥
पिता पितामहः पाता पवित्रः पावनो गतिः ।
त्राता भिषग्वरो वर्यो वरदः परमः पुमान् ॥ ४४॥
कविः पुराणपुरुषो वर्षीयान् वृषभः पुरुः ।
प्रतिष्ठाप्रसवो हेतुर्भुवनैकपितामहः ॥ ४५॥
॥ इति महाशोकध्वजादिशतम् ॥ ४ ॥ अर्घ्यम् ॥
५ अथ श्रीवृक्षलक्षणादिशतम् ।
श्रीवृक्षलक्षणः श्लक्ष्णो लक्षण्यः शुभलक्षणः ।
निरक्षः पुण्डरीकाक्षः पुष्कलः पुष्करेक्षणः ॥ ४६॥
सिद्धिदः सिद्धसङ्कल्पः सिद्धात्मा सिद्धसाधनः ।
बुद्धबोध्यो महाबोधिर्वर्धमानो महर्द्धिकः ॥ ४७॥
वेदाङ्गो वेदविद्वेद्यो जातरूपो विदांवरः ।
वेदवेद्यः स्वसंवेद्यो विवेदो वदतांवरः ॥ ४८॥
अनादिनिधनोऽव्यक्तो व्यक्तवाग्व्यक्तशासनः ।
युगादिकृद्युगाधारो युगादिर्जगदादिजः ॥ ४९॥
अतीन्द्रोऽतीन्द्रियो घीन्द्रो महेन्द्रोऽतीन्द्रियार्थदृक् ।
अनिन्द्रियोऽहमिन्द्रार्च्यो महेन्द्रमहितो महान् ॥ ५०॥
उद्भवः कारणं कर्त्ता पारगो भवतारकः ।
अगाह्यो गहनं गुह्यं परार्ध्यः परमेश्वरः ॥ ५१॥
अनन्तर्द्धिरमेयर्द्धिरचिन्त्यर्द्धिः समग्रधीः ।
प्राग्र्यः प्राग्रहरोऽभ्यग्र्यः प्रत्यग्रोऽम्योऽग्रिमोऽग्रजः ॥ ५२॥
महातपाः महातेजा महोदर्को महोदयः ।
महायशा महाधामा महासत्त्वो महाधृतिः ॥ ५३॥
महाधैर्यो महावीर्यो महासम्पन्महाबलः ।
महाशक्तिर्महाज्योतिर्महाभूतिर्महाद्युतिः ॥ ५४॥
महामतिर्महानीतिर्महाक्षान्तिर्महोदयः ।
महाप्राज्ञो महाभागो महानन्दो महाकविः ॥ ५५॥
महामहा महाकीर्त्तिर्महाकान्तिर्महावपुः ।
महादानो महाज्ञानो महायोगो महागुणः ॥ ५६॥
महामहपतिः प्राप्तमहाकल्याणपञ्चकः ।
महाप्रभुर्महाप्रातिहार्याधीशो महेश्वरः ॥ ५७॥
॥ इति श्रीवृक्षादिशतम् ॥ ५ ॥ अर्घ्यम् ॥
६ अथ महामुन्यादिशतम् ।
महामुनिर्महामौनी महाध्यानो महादमः ।
महाक्षमो महाशीलो महायज्ञो महामखः ॥ ५८॥
महाव्रतपतिर्मह्यो महाकान्तिधरोऽधिपः ।
महामैत्रीमयोऽमेयो महोपायो महोमयः ॥ ५९॥
महाकारुणिको मन्ता महामन्त्रो महामतिः ।
महानादो महाघोषो महेज्यो महसाम्पतिः ॥ ६०॥
महाध्वरधरो धुर्यो महौदार्यो महिष्ठवाक् ।
महात्मा महसान्धाम महर्षिर्महितोदयः ॥ ६१॥
महाक्लेशाङ्कुशः शूरो महाभूतपतिर्गुरुः ।
महापराक्रमोऽनन्तो महाक्रोधरिपुर्वशी ॥ ६२॥
महाभवाब्धिसन्तारी महामोहाद्रिसूदनः ।
महागुणाकरःक्षान्तो महायोगीश्वरः शमी ॥ ६३॥
महाध्यानपतिर्ध्याता महाधर्मा महाव्रतः ।
महाकर्मारिहात्मज्ञो महादेवो महेशिता ॥ ६४॥
सर्वक्लेशापह साधुः सर्वदोषहरो हरः ।
असङ्ख्येयोऽप्रमेयात्मा शमात्मा प्रशमाकरः ॥ ६५॥
सर्वयोगीश्वरोऽचिन्त्यः श्रुतात्मा विष्टरश्रवाः ।
दान्तात्मा दमतीर्थेशो योगात्मा ज्ञानसर्वगः ॥ ६६॥
प्रधानमात्मा प्रकृतिः परमः परमोदयः ।
प्रक्षीणबन्धः कामारिः क्षेमकृत् क्षेमशासनः ॥ ६७॥
प्रणवः प्रणयः प्राणः प्राणदः प्रणतेश्वरः ।
प्रमाणं प्रणिधिर्दक्षो दक्षिणोऽध्वर्युरध्वरः ॥ ६८॥
आनन्दो नन्दनो नन्दो वन्द्योऽनिन्योऽभिनन्दनः ।
कामहा कामदः काम्यः कामधेनुररिञ्जयः ॥ ६९॥
॥ इति महामुन्यादिशतम् ॥ ६ ॥ अर्घ्यम् ॥
७ अथ संस्कृतादिशतम् ।
असंस्कृतः सुसंस्कारः प्राकृतो वैकृतान्तकृत् ।
अन्तकृत्कान्तिगुः कान्तश्चिन्तामणिरभीष्टदः ॥ ७०॥
अजितो जितकामारिरमितोऽमितशासनः ।
जितक्रोधो जितामित्रो जितक्रेशो जितान्तकः ॥ ७१॥
जिनेन्द्रः परमानन्दो मुनीन्द्रो दुन्दुभिस्वनः ।
महेन्द्रवन्यो योगीन्द्रो यतीन्द्रो नाभिनन्दनः ॥ ७२॥
नाभेयो नाभिजोऽजातः सुव्रतो मनुरुत्तमः ।
अभेद्योऽनत्ययोऽनाश्वानधिकोऽधिगुरुः सुधीः ॥ ७३॥
सुमेधा विक्रमी स्वामी दुराधर्षो निरुत्सुकः ।
विशिष्टः शिष्टभुक् शिष्टः प्रत्ययः कामनोऽनघः ॥ ७४॥
क्षेमी क्षेमङ्करोऽक्षय्यः क्षेमधर्मपतिः क्षमी ।
अग्राह्यो ज्ञाननिग्राह्यो ध्यानगम्यो निरुत्तरः ॥ ७५॥
सुकृती धातुरिज्यार्हः सुनयश्चतुराननः ।
श्रीनिवासश्चतुर्वक्त्रश्चतुरास्यश्चतुर्मुखः ॥ ७६॥
सत्यात्मा सत्यविज्ञानः सत्यवाक् सत्यशासनः ।
सत्याशीः सत्यसन्धानः सत्यः सत्यपरायणः ॥ ७७॥
स्थेयान् स्थवीयान् नेदीयान् दवीयान् दूरदर्शनः ।
अणोरणीयाननणुर्गुरुरायो गरीयसाम् ॥ ७८॥
सदायोगः सदाभोगः सदातृप्तः सदाशिवः ।
सदागतिः सदासौख्यः सदाविद्यः सदोदयः ॥ ७९॥
सुघोषः सुमुखः सौम्यः सुखदः सुहितः सुहृत् ।
सुगुप्तो गुप्तिभृद् गोप्ता लोकाध्यक्षो दमीश्वरः ॥ ८०।
॥ इति असंस्कृतादिशतम् ॥ ७ ॥ अर्घ्यम् ॥
८ अथ बृहदादिशतम् ।
बृहन् बृहस्पतिर्वाग्मी वाचस्पतिरुदारधीः ।
मनीषी धिषणो धीमाञ्छेमुषीशो गिराम्पतिः ॥ ८१॥
नैकरूपो नयोत्तङ्गो नैकात्मा नैकधर्मकृत् ।
अविज्ञेयोऽप्रतर्क्यात्मा कृतज्ञः कृतलक्षणः ॥ ८२॥
ज्ञानगर्भो दयागर्भो रत्नगर्भः प्रभास्वरः ।
पद्मगर्भो जगद्गर्भो हेमगर्भः सुदर्शनः ॥ ८३॥
लक्ष्मीवांस्त्रिदशाध्यक्षो दृढीयानिन ईशिता ।
मनोहरो मनोज्ञाङ्गो धीरो गम्भीरशासनः ॥ ८४॥
धर्मयूपो दयायागो धर्मनेमिर्मुनीश्वरः ।
धर्मचक्रायुधो देवः कर्महा धर्मघोषणः ॥ ८५॥
अमोघवागमोघाज्ञो निर्मलोऽमोघशासनः ।
सुरूपः सुभगस्त्यागी समयज्ञः समाहितः ॥ ८६॥
सुस्थितः स्वास्थ्यभाक् स्वस्थो नीरजस्को निरुद्ववः ।
अलेपो निष्कलङ्कात्मा वीतरागो गतस्पृहः ॥ ८७॥
वश्येन्द्रियो विमुक्तात्मा निःसपत्नो जितेन्द्रियः ।
प्रशान्तोऽनन्तधामर्षिमङ्गलं मलहानघः ॥ ८८॥
अनीदृगुपमाभूतो दिष्टिर्दैवमगोचरः ।
अमूर्तो मूर्त्तिमानेको नैकी नानैकतत्त्वदृक् ॥ ८९॥
अध्यात्मगम्यो गम्यात्मा योगविद्योगिवन्दितः ।
सर्वत्रगः सदाभावो त्रिकाल विषायर्थदृक् ॥ ९०॥
शङ्करः शंवदो दान्तो दमी क्षान्तिपरायणः ।
अधिपः परमानन्दः परात्मज्ञः परात्परः ॥ ९१॥
त्रिजगद्वल्लभोऽभ्यर्च्य स्त्रि जगन्मङ्गलोदयः ।
त्रिजगत्पतिपूज्याङ्घ्रिस्त्रिलोकाग्रशिखामणिः ॥ ९२॥
॥ इति बृहदादिशतम् ॥ ८ ॥ अर्घ्यम् ॥
९ अथ त्रिकालदर्श्यादिशतम् ।
त्रिकालदर्शी लोकेशो लोकधाता दृढव्रतः ।
सर्वलोकातिगः पूज्यः सर्वलोकैकसारथिः ॥ ९३॥
पुराणः पुरुषः पूर्वः कृतपूर्वागविस्तरः ।
आदिदेवः पुराणाद्यः पुरुदेवोऽधिदेवता ॥ ९४॥
युगमुखो युगज्येष्ठो युगादिस्थितिदेशकः ।
कल्याणवर्णः कल्याणः कल्यः कल्याणलक्षणः ॥ ९५॥
कल्याणप्रकृतिर्दीप्तकल्याणात्मा विकल्मषः ।
विकलङ्कः कलातीतः कलिलघ्नः कलाधरः ॥ ९६॥
देवदेवो जगन्नाथो जगद्वन्धुर्जगद्विभुः ।
जगद्वितैषी लोकज्ञः सर्वगो जगदग्रगः ॥ ९७॥
चराचरगुरुर्गोप्यो गूढात्मा गूढगोचरः ।
सद्योजातः प्रकाशात्मा ज्वलज्ज्वलनसप्रभः ॥ ९८॥
आदित्यवर्णो भर्माभः सुप्रभः कनकप्रभः ।
सुवर्णवर्णो रुक्माभः सूर्यकोटिसमप्रभः ॥ ९९॥
तपनीयनिभस्तुङ्गो बालार्काभोऽनलप्रभः ।
सन्ध्याभ्रबभ्रुहेमाभस्तप्तचामीकरच्छविः ॥ १००॥
निष्टप्तकनकच्छ्रायः कनत्काञ्चनसन्निभः ।
हिरण्यवर्णः स्वर्णाभः शातकुम्भनिभप्रभः ॥ १०१॥
द्युन्नभो जातरूपाभो दीप्तजाम्बूनदद्युतिः ।
सुधौतकलधौतश्रीः प्रदीप्तो हाटकद्युतिः ॥ १०२॥
शिष्टेष्टः पुष्टिदः पुष्टः स्पष्टः स्पष्टाक्षरः क्षमः ।
शत्रुघ्नोऽप्रतिघोऽमोघः प्रशास्ता शासिता स्वभूः ॥ १०३॥
शान्तिनिष्ठो मुनिज्येष्ठः शिवतातिः शिवप्रदः ।
शान्तिदः शान्तिकृच्छान्तिः कान्तिमान् कामितप्रदः ॥ १०४॥
श्रेयोनिधिरधिष्ठानमप्रतिष्ठः प्रतिष्ठितः ।
सुस्थिरः स्थावरः स्थाणुः प्रथीयान् प्रथितः पृथुः ॥ १०५॥
॥ इति त्रिकालदर्श्यादिशतम् ॥ ९ ॥ अर्घ्यम् ॥
१० अथ दिग्वासादिशतम् ।
दिग्वासा वातरशनो निर्ग्रन्थेशो निरम्बरः ।
निष्किञ्चनो निराशंसो ज्ञानचक्षुरमोमुहः ॥ १०६॥
तेजोराशिरनन्तौजा ज्ञानान्धिः शीलसागरः ।
तेजोमयोऽमितज्योतिर्ज्योतिमूर्त्तिस्तमोपहः ॥ १०७॥
जगच्चूडामणिर्दीप्तः शंवान् विघ्नविनायकः ।
कलिघ्नः कर्मशत्रुघ्नो लोकालोकप्रकाशकः ॥ १०८॥
अनिद्रालुरतन्द्रालुर्जागरूकः प्रमामयः ।
लक्ष्मीपतिर्जगज्ज्योतिर्धर्मराजः प्रजाहितः ॥ १०९॥
मुमुक्षुर्बन्धमोक्षज्ञो जिताक्षो जितमन्मथः ।
प्रशान्तरसशैलूषो भव्यपेटकनायकः ॥ ११०॥
मूल कर्त्ताऽखिलज्योतिर्मलघ्नो मूलकारणम् ।
आप्तो वागीश्वरः श्रेयान्ड्रायसोक्तिर्निरुक्तवाक् ॥ १११॥
प्रवक्ता वचसामीशो मारजिद्विश्वभाववित् ।
सुतनुस्तनुर्निर्मुक्तः सुगतो हतदुर्णयः ॥ ११२॥
श्रीशः श्रीश्रितपादाब्जो वीतभीरभयङ्करः ।
उत्सन्नदोषो निर्विघ्नो निश्चलो लोकवत्सलः ॥ ११३॥
लोकोत्तरो लोकपतिर्लोकवक्षुरपारधीः ।
धीरधीर्बुद्धसन्मार्गः शुद्धः सूनृतपूतवाक् ॥ ११४॥
प्रज्ञापारमितः प्राज्ञो यतिर्नियमितेन्द्रियः ।
भदन्तो भद्रकृद् भद्रः कल्पवृक्षो वरप्रदः ॥ ११५॥
समुन्मूलितकर्मारिः कर्मकाष्ठाशुशुणिः ।
कर्मण्यः कर्मठः प्रांशुर्हेयादेयविचक्षणः ॥ ११६॥
अनन्तशक्तिरच्छेद्यस्त्रिपुरारिस्त्रिलोचनः ।
त्रिनेत्रस्त्रयम्बकस्त्र्यक्षः केवलज्ञानवीक्षणः ॥ ११७॥
समन्तभद्रः शान्तारिर्धर्माचार्यो दयानिधिः ।
सूक्ष्मदर्शी जितानङ्गः कृपालुर्धर्मदेशकः ॥ ११८॥
शुभंयुः सुखसाद्भूतः पुण्यराशिरनामयः ।
धर्मपालो जगत्पालो धर्मसाम्राज्यनायकः ॥ ११९॥
॥ इति दिग्वासाद्यष्टोत्तरशतम् ॥ १० ॥ अर्घ्यम् ॥
उत्तरपीठिका ।
धाम्नां पते तवामूनि नामान्यागमकोविदैः ।
समुच्चितान्यनुध्यायन्पुमान्पूतस्मृतिर्भवेत् ॥ १२०॥
गोचरोऽपि गिरामासान्त्वमवाग्गोचरो मतः ।
स्तोता तथा प्यसन्दिग्धं त्वत्तोऽभीष्टफलं भजेत् ॥ १२१॥
त्वमतोऽसि जगद्ब्न्धुस्त्वमतोऽसि जगद्विषक् ।
त्वमतोऽसि जगद्धाता त्वमतोऽसि जगद्धितः ॥ १२२॥
त्वमेकं जगतां ज्योतिस्त्वं द्विरूपोपयोगभाक् ।
त्वं त्रिरूपैकमुक्त्यङ्गः स्वोत्थानन्तचतुष्टयः ॥ १२३॥
त्वं पञ्चब्रह्मतत्त्वात्मा पञ्चकल्याणनायकः ।
षड्भेदभावतत्त्वज्ञस्त्वं सप्तनयसङ्ग्रहः ॥ १२४॥
दिव्याष्टगुणर्मूतिस्त्वं नवकेवललब्धिकः ।
दशावतारनिर्धार्यो माँ पाहि परमेश्वर ॥ १२५॥
युष्मन्नामावली दृब्धविलसत्स्तोत्रमालया ।
भवन्तं परिवस्यामः प्रसीदानुगृहाण नः ॥ १२६॥
इदं स्तोत्रमनुः मृत्य पूतो भवति भाक्तिकः ।
यः संपाठं पठत्येनं स स्यात्कल्याणभाजनम् ॥ १२७॥
ततः सदेदं पुण्यार्थी पुमान्पठति पुण्यधीः ।
पौरूहूतीं श्रियं प्राप्तुं परमामभिलाषुकः ॥ १२८॥
स्तुत्वेति मघवा देवं चराचरजगद्गुरूम् ।
ततस्तीर्थविहारस्य व्यधात्प्रस्तावनामिमाम् ॥ १२९॥
स्तुतिः पुण्यगुणोर्त्कीतिः स्तोता भव्यः प्रसन्नधीः ।
निष्ठितार्थो भवांस्तुत्यः फलं नैश्रेयसं सुखम् ॥ १३०॥
यः स्तुत्यो जगतां त्रयस्य न पुनः स्तोता स्वयं कस्यचित् ।
ध्येयोयोगिजनस्य यश्च नितरां ध्याता स्वयं कस्यचित् ॥
यो नेतृन् नयते नमस्कृतिमलं नन्तव्यपक्षेक्षणः
स श्रीमान् जगतां त्रयस्य च गुरूर्देवः पुरूः पावनः ॥ १३१॥
तं देवं त्रिदशाधिर्पाचितपदं र्धातिक्षयानन्तर-
प्रोत्थानन्तचतुष्टयं जिनमिनं भव्याब्जिनीनामिनम् ।
मानस्तम्भविलोकनानतजगन्मान्यं त्रिलोकीपतिं
प्राप्त चिन्त्यबर्हिविभूतिमनघं भक्त्या प्रव्न्दामहे ॥ १३२॥
इति आचार्यजिनसेनकृतं जिनसहस्रनामस्तोत्रं सम्पूर्णम् ।
Proofread by Gautam Vora