सद्गुरुश्रीत्यागब्रह्मशरणागतिगद्यम्
ॐ
। श्रीरामजयम् ।
। ॐ सद्गुरुश्रीत्यागराजस्वामिने नमो नमः ।
॥ सद्गुरुश्रीत्यागब्रह्मशरणागतिगद्यम् ॥
ॐ त्यागराजाय विद्महे शुभचरणाय धीमहि ।
तन्नस्सद्गुरुः प्रचोदयात् ॥
अथ शरणागतिगद्यम् ।
ॐ
ॐ जय जय श्रीरामनामगरुतैव-स्पर्शनीय-गुरुचरण !
हरिनामपुष्पाकर-पूजित-भद्रपाद !
भङ्गापनय-भव्य-पदयुगल !
भग्नमानस-दृंहण-भक्तानुराग-हृद्-
धिषण-धिष्ण्य-शुभचरण !
भक्तार्थ-पावन-चरण !
भक्ताघ-नाशन-सर्वार्थ-साधन-सङ्गीतज्ञानद-सच्चरण !
प्रपन्नोद्धारण-पवित्र-पदयुग्म !
प्रसक्त-भक्तानाभिन्न-भगवत्पाद !
भक्तैकश्राय-पूज्य-गुरुचरण !
भक्ताश्लिष्ट-मङ्गल-पदकोकनद !
नादासक्ताभिवन्दित-सुपद-हल्लक !
नैःश्रेयस-सद्गुरु-चरणयुगल !
शरणमहं प्रपद्ये !
श्रीरामभक्तार्चितराम-रामभजक-भविक-भावुक-शुभोषक-रमणीय !
श्रीरामदास-सङ्गीतराम-रामगेय-नुतरामतारकनाम-नामस्वरूप !
श्रीरामशेव्य-सेवितराम-रामनाममद्वन्-नुतरामसुचरित-
सन्नुतश्रीरामचन्द्र !
श्रीरामार्चि-रामतनु-निरामयद-राममयजीवन-
रामनामध्वनन-मधुस्वन !
श्रीरामरम-रामाराम-रामरमरागालापनरम-रामनामाराम !
श्रीरामकृष्ण-लीलाजाल-ग्रहक-गृहीतश्रीरामकृष्ण-सुकीर्तनजाल !
नारायणहरिरामकृष्णगोविन्दनामभजनघोष !
हूतहरिभक्त-भजनोत्सवानन्द !
शूर-रघुरामाभिरमित-तारक-शतरागरत्नमालिक !
जगदानन्दकारकानन्दगान-जगदानन्दकारक !
भरितभगवन्नामसमूह-भव्यमानस-भागवततिलक !
भव्यदायक !
अभिविनीतभक्तिसङ्गीत-ज्ञानाचार्यदेव !
दिव्यनामसङ्कीर्तनातिरिक्त !
रागलय-ललितपद-लास्यानन्द !
रघूत्तम-मधुतम-गानोत्तम !
रघुवर-रङ्गण-रङ्गितसुस्वर-सुस्वरसुखवृत-कृत्ययुत !
योगिवर-रागलय-रोगहर-मोदमय-तीर्थतमनाम-रघुवरगायक !
पूजितहरि-गीर्जितहरि-बोधसहरि-कृतपुण्य-
विनयविनुतगणपति-वन्दितमुरलीधर !
श्रितक्षम-जितश्रम-शैक्ष्यगुणक्रम-
धृतात्माविकृताविक्लमद-दान्तवर-
वरेण्यक्रतु-क्रतुस्पृक्-सत्सङ्ग-निश्शङ्क !
निष्काम-निर्मोह-निजदासरक्षक !
जितश्वासानश्वर-सुस्वर-रभोद-बोधक-
कमनीयभूरिधामराम-तारकनामरामक !
प्रणाय्याद्वितीयाप्रतिमावर्णनीयाव्ययात्मन् !
अदीनवृत्त्युदारसत्त्वासङ्ग्यक्षोभ-जिताक्षर-वाक्चण !
हर्यत-तपोमय-चायनीय-दीप्तप्रज्ञ-ज्ञानगुरो !
भक्तानुरागरूप !
भक्तान्तरात्मन् !
अश्रुगङ्गास्नातानन्यभक्तान्तरङ्गानुराग-कीर्तनवार्यभिषिक्त !
रागबाष्पपुष्पार्चित !
भाव-घन-निवेदित !
एकाग्रचित्तपूजित !
प्रागुष-उपवीणित !
प्रपन्नानन्यशिष्याशोचानुग्राह्याचार्यदेव !
अनुरागाविर्भाव !
मङ्गल-दृष्टिपात-परिवेष्टितभक्त-भक्तानुराग-बालालाप-
परिवेष्टित-पादादिकेश !
वर-मृदुस्वर-भूष-भूषित-शिष्यहृत्कञ्ज-कञ्जस्वर !
रघुनन्दन-नन्दन-मधुस्वर-स्वरमधुलषण-हृत्स्यन्दन-
मधुस्यन्दन-सुस्वन !
राजितराम-सुगानभूष-पूषवंशभूष-भूषण-रामराम-
सुस्वर-रामनाम-मुक्तावलिभूषित !
शान्तिभूषभूषण-शान्तमानस-प्रशान्त-सुस्वरविद्याभूषण !
सुगुणाकर-श्रीरामाम्बर-सुवाक्-सुस्वराकार !
रागनुत-रागरूप-राम-रामानुरागरूप !
श्रीराम-मन्त्राधारश्रुति-सुनादमय-दिव्यरूप !
विराजित-श्रीराममन्त्र-जिह्वाग्र !
श्रीराममन्त्र-पुष्पोपासित-सुस्वरदेव !
सुस्वरार्चित-देवदेवार्चित-सुस्वर-गानोल्लसित-देव !
श्रुतिनिकरसदन-श्रुतिमधुरवदन-कृतिनिकररचन-
श्रुतिलयलय-द्युतिमयवदन !
इन्दु-दिननाथ-नयन-गानानन्दोद्बाष्प-नयनप्रसून !
राकाशशिवदन-राग-रागवदन-राग-राकाशशिकिरण !
रिप्रवाह-रागप्रवाह-नित्यरूप-तारकनामनित्य-मधुरगाननित्य !
श्लोकप्रियविष्णु-श्लोक-पुण्यश्लोक !
चञ्चुर-कविश्रेष्ठ !
श्रीरामराग-रागराजित-श्रीराग-रागरजतार्णव !
जलधरशोभ-स्वरजाल-जलधर-धर-शौभ-
जलधि-गम्भीर-गम्भीरगानजलद-
जलजारुण-चरणार्चन-हृज्जलज !
आशारैषि-हृत्तटाक-जलज !
कायज-जनक-गाय-जनक-भव-जलनिधि-पोत-
भाव-जनक-भावजनक-भावज-जनक-
-भावज-गानजनक !
भवमानसभावन-भावन-भवसन्नुति-भवसन्नुतसन्नुतिभावन-
भवभय-घन-घनघन-प्रभञ्जन-
प्रपञ्चनाथ-प्रन्पञ्चगाथ !
भावार्चित-पापाभाव-पद्मनाभ-पवित्रनामाभ !
हरिहरिनेत्र-हरिप्रिय-कलिहर-हरि-हरि-हरिहारि-हरिस्वर !
मङ्गलकर-मञ्जुलवेष-माधव-माधवनाम-
मञ्जुघोषार्चित-कमलाकलत्र-
-कल-कमनीयस्वर !
कमनीय-स्वररूपि-कवीन !
कल्याणसुन्दरराम-कल्याणनाम-कल्याणगानवृन्दार !
श्रीरामोपसन्नोपसन्नराम-रामरामनाम-गानोपसन्नोपसन्नभक्त-
भक्तिभाव-पुष्पोपसन्न !
पुष्पविमान-विहरण-विलसत्-सप्तस्वरविमान !
पूजितामरपूजितामरगानवरेण्य-वेदितवेदवेद्य-गान्धर्ववेदवरेण्य-
-कौसलेयगेय !
कौसल्यापुत्रमित्र-कौशिकमित्रमित्र-मित्रकुलेशमित्राश्रितमित्रमित्र-
-मित्रीकृतश्रीरामचन्द्र !
वारिजमित्रकुलजाप्त-पवमानसुताप्ताप्त-परिचरित-परिचरकीश-वागीश !
अरिगणारात्याराधि-स्वरगण-गुणित-कमनीयवदन-श्रीरामगुणगण-
-गुणशीलश्रीराम-गानपर-ज्ञानशील !
अविराम-रामरामराम-गान-रामाभिराम-राम-
निर्वाणफलद-श्रीराम-गीर्वाण !
अमरेन्द्रविनुत-विनुति-स्वरेन्द्र !
आगमचराह्लादकगुणचर-करुणाकरकीर्तनाकार !
इनकुलोत्तमगानोत्तम-रघुराम-राम-रामरामरामनाम-गानसीमन् !
इनवंशराज-नुतिराज-स्तुत-रघुवीर-धीर-वरधीरधीर-स्वरवीर !
इन्दिराभाग्य-मन्दिर-हृद्भाग्य !
जनाधार-झरासार-रागसार-धार-धर-
धरणीधरधर-धर-सुस्वरधार !
स्तुतान्तकस्तुताघान्तक-खगत-नामगान-पुष्पामोद !
वरलील-नररूप-परमात्म-वरिवस्या-वरस्वरानन्द !
मधुरस्वरोपगीत-वरानन्दश्रीरामचन्द्र !
सन्नुत-तुम्बुरुसन्नुत-तुम्बरसहित-सुस्वरगान !
सुमशरतात-सुस्वरगाथ-स्यूमकध-रघुनायक-युक्त-मदगायक !
चापालङ्कृत-सुन्दरालङ्करण-सुन्दर-सुरचाप-
सप्तस्वर-सुस्वरगीत-यागपालन !
संततनुत-सततयानसुत-धृत-सुपदसारस-सरसगीत-सारसवदन !
नुताच्युताच्युतायुतगीत-गीतप्रिय-
गीतप्रियगीताचार्यप्रियगीत-गीतललितातुल !
कपटनाटकसूत्रधारिश्रीकृष्ण-लीलानाटकगेय-गीतगोत्रकारिन् !
रागतूल-रागतूल-चित्रित-विश्वरूपश्रीकृष्ण-मञ्जुलाकार-तौलिक !
शिष्यानुराग-चित्ततूल-रागतूल-चित्रीकृत-रागाकार !
माधव-माध्वनामगुणघन-घनगान-माधवस्वन-नाममाध्विक !
मापित-मापतिस्वरमाधुरी-माधुरीस्वर !
मालोल-नामगांलोल !
मामुखाब्ज-दिनरमणानुदिन-गानरमण-सुनादाब्ज-दिनरमण !
मामनोरमण-मनोरमण-रमणीयनाम-सुग-गातुतल्लज !
सागरगुप्त-गुप्त-सुनादसागर-सारसार-रामनाम-स्वरानन्दसार !
धोरण-नामावलि-समुक्षण-गानघन-पेयूष-
घनद्युमन्नादवर्षण-सर्वच्छन्दक-
-श्रीरामनाम-पीयूषाब्भ्र !
पिन्वित-नामामृत-गानगगनसिन्धो !
सङ्गीत-सुधासिन्धो !
भक्तानुरागसिन्धु-खसिन्धो !
गानबन्धो !
गान्धर्वविद्यावरद-गीर्वरद-वरदराजस्तव-स्वरराज !
नागाचलनिलय-नामनिलय-नामामृत-पानामृत-गानपरानन्दनिलय !
दामोदरमोदन-मोदन-नामगान-रागामोद !
मधुसूदन-सूदन-नादमधुसूदन !
सीतारमणी-रमणीयहृत्सदन-सदनहृद्रमणीय-
रमणीयनामगान-रमणीय-रमितराम !
शर्म-रामनाम-मर्मज्ञान-नामतारक-महिम-सुगान !
नाममधुर-नादार्चिताप्राकृततेजोमय-रूपलावण्यराम-
राममयाकलङ्कस्वान्त !
नामरूपरहितदैव-नामरूपमहिम-दिव्यगानानन्द !
निर्गुण-श्रीरामागणितगुणगण-गणनानुपम-निगमसारतर-
सारतरगान-निरुपम !
निर्गुणब्रह्मज्ञानिन् !
निर्गुणब्रह्मन् !
नादब्रह्मन् !
भक्तानुराग-रागावतार !
भक्तातिस्पृहित-नादमोदरूप !
सत्यैतद्वाक्सत्यसत्य-सत्यरूप-श्रीरामासक्त-सङ्गीतरूप !
सङ्गीतशास्त्रनिष्णात-नामकीर्तननदीष्ण-सृत्य-
नामानन्द-नद-नामगानामृत-नद-
-नामनदज्ज्ञाननद-रामकृष्णनामनद !
प्लक्षारित-नामामृत-नाददेव !
उदग्र-रामानुरागाचल-कूट !
उद्गाढ-नामकुसुम-सुगन्ध !
सुस्वरपुष्प-सुवासित-नादारण्य-ध्रेकित-सुस्वरानन्द-
पिक-सुस्वर-कदम्बानिल !
सुस्वररसभरित-सुस्वररसमधुर-सुस्वरसमूहवृत-
सुस्वरशरीर-सुस्वरसार-
-हृदयहारिसुस्वर !
सुस्वरलोल-सुस्वरलोलहृल्लोल !
सुस्वरराज-सुस्वरसमाज-सेवितसुस्वर-सुस्वरनिन्दितमधुमधुर !
सुस्वरोपासित-शुभ्रभोगीन्द्रशय्य-सङ्गीतानन्दशय्य-सुस्वरयोगीन्द्र !
सुस्वरगानगम्य-सुधामयभाष-सुनादवरद-सङ्गीतानन्दकर-
कृतिनिकर-सत्सङ्गीतरसिक !
शोभकर-शोभमय-सप्तस्वरदेवता-दर्शक !
अपश्रुतिवरूथ-सुस्वर-कवचाचार्य !
वरसप्तस्वर-सुश्रुतिलीन-प्रशान्तोंकार !
अनन्यभागनवरतध्यातानन्यभाक्कृपाविष्टानुलीनानुयाय्यनुरागगुरो !
भक्तृमनोवरुण-मनोवरुण-तरुणवरुण-मनोविषादवरुण-
-मन्य्वनलवरुण-गानरसवरुण-दिव्यज्ञानफलवरुण !
भक्तदुरितमिहिरमिहिर-मिहिरकुलजभक्त-भक्तश्वसितमिहिर-
-भक्तहृदयमीरमिहिर !
रागरङ्गित-रागमानस-पुष्पावासित-मानसच्छत्वर-
मत्तमधुकर-मुक्तझङ्कृत-
-सुश्रुतिमिलित-कोकिलालाप-मञ्जुसुनाद-नामकीर्तन-
रागनर्तन-वर्तन-गुरुवर !
रामकृष्णनामानन्द-कलालाप-नादपुष्पवल्ली-नामपुष्पाकीर्ण-रागमद-
-सङ्कीर्ण-रागवल्लुर-रागवल्लुर !
रागवल्लुरीकृत-रागमानस-पुष्पोल्लास-पूर्णचन्द्र !
राजितराग-भक्तहृद्-ह्रद-राजतराजि-रागराज !
शिष्यानुराग-हृद्-ह्रद-रागकुमुद-शीतकर-कुमुदकिरण !
प्रकृतिक्षोभ-निस्तार-निर्वात-गानगोत्र-गह्वरीभूत !
हिमालय-हिमकूमतट-हिमविलापन-सुरागालापन-विलीन-लेल्यमानस !
लेल्यहृल्-लेलायमान-नादलालसाग्नि-विलायितहृन्-नादगुरो !
ब्राह्ममुहूर्त-प्रबोधनोपगापन-गानघटाघटन-नादाचार्य !
धैवत्यधोद्धूतानन्दलहरि-प्रार्थिकात्मदर्शक !
मनोवाचामगोचरात्मानन्दद-नडहगान-नंहसैकहंस !
नादानन्दनिधे !
नादलुब्ध-मानसाब्धि-नादसुधाकराम्बरलेखि-नादावभास-
-नभोलिण्णादश्रेयन् !
नादाम्बर-नादाम्बरमणिश्च्योतयन्-नादमयूख !
नादशक्तिप्रदायक-नादसात्मताभावक !
नादसदन-नादनाद-नादनाथ-नादाधार-नादागार !
प्रणवनादाकार !
नादब्रह्मानन्द !
नादरूपब्रह्मज्ञानद !
नादासक्त-चेतस्स्थ-नादज्योतिरनन्त-नादज्योतिर्मण्डल !
ज्योतिर्मयाखण्डनादरूप !
सेवितस्तुतिमण्डल !
स्फूर्तिबीज-स्तिमितमनःप्रशम !
स्फुरितमानसपुष्पासेवित-नादगुरो !
न कापि स्तुतिरत्युक्तिस्तव !
उच्चरितमात्र-रोमाञ्चनकर-दिव्यनामन् !
सद्गुरुस्वामिन् !
प्राणात्मन् !
दर्शनं प्रदेहि मे !
मङ्गलमानसपुष्पार्पितपुष्पपदयुगल !
भवतः शुभचरणौ शरणं प्रपद्ये !
ममाज्ञातापराधान् क्षमस्व !
मम सञ्चितकर्म भस्मसात् कुरु !
मां आत्मसात् कुरु !
अस्तु ते !
मङ्गलं ते !
ॐ
इति सद्गुरुश्रीत्यागब्रह्मशरणागतिगद्यं गुरुचरणपुष्पे
गुरुचरणाश्रितपुष्पया समर्पितम् ।
ॐ
शुभमस्तु ।
Encoded and proofread by N V Vathsan nvvathsan at gmail.com
Copyright Pushpa Srivatsan