श्रीज्ञानलक्ष्मीस्तोत्रम् 

                 । ॐ ।
            श्रीरामजयम् ।
ॐ सद्गुरुश्रीत्यागराजस्वामिने नमो नमः ।

श्रीरूपा श्रीमहालक्ष्मीश्श्रीकर्या शुभगीतिका ।
विद्यासंपत्प्रसादा मा सुज्ञानशुभलक्षिता ॥ १॥
नित्या नित्यसुगेया मा नित्यानन्दप्रभासिनी ।
नित्यैकवस्तुसद्रूपा नित्यत्ववरदायिनी ॥ २॥
सर्वसंपृणसुप्राणा सर्वजीवनजीवनी ।
सर्वमङ्गलसंदात्री सर्वा सुमङ्गला जनी ॥ ३॥
सुज्ञानरससंभासा सत्त्वसुज्ञानरूपिणी ।
प्रज्ञानवसुदात्री श्रीर्ज्ञानश्वेतसरस्वती ॥ ४॥
भक्तिपुष्पार्चिता माता हृन्नालीकसुवासिनी ।
भक्तिदीपस्फुरद्रूपा मनोनैर्मल्यपूजिता ॥ ५॥
त्यागराजगुरुस्वामिशिष्यापुष्पानमस्कृता ।
गुरुदेवकृपास्फोटामोदश्लोकसुमार्चिता ॥ ६॥
मङ्गलं मोक्षरूपायै श्रीदेव्यै शुभमङ्गलम् ।
मङ्गलं मनआभायै महालक्ष्म्यै सुमङ्गलम् ॥ ७॥
बालालापमिदं स्तोत्रं ज्ञानलक्ष्मीप्रियं भगम् ।
पठनं गायनं भक्त्या ज्ञानलक्ष्मीकृपावहं ॥ ८॥

इति श्रीज्ञानलक्ष्मीस्तोत्रं सम्पूर्णम् ।
ॐ
शुभमस्तु



Encoded and proofread by Radhika Vathsan
Copyright Pushpa Srivatsan



% Text title            : Jnanalakshmi Stotram
% File name             : jnAnalakShmIstotram.itx
% itxtitle              : jnAnalakShmIstotram (puShpA shrIvatsena virachitam)
% engtitle              : jnAnalakShmIstotram
% Category              : devii, devI, puShpAshrIvatsan, lakShmI, aShTaka
% Location              : doc_devii
% Sublocation           : devii
% SubDeity              : lakShmI
% Author                : Pushpa Srivatsan
% Language              : Sanskrit
% Subject               : philosophy/hinduism/religion
% Transliterated by     : Radhika Vathsan
% Proofread by          : Radhika Vathsan
% Indexextra            : (Formatted, Collection))
% Latest update         : September 28, 2026
% Send corrections to   : Sanskrit@cheerful.com
% Site access           : http://sanskritdocuments.org

This text is entirely original composition of Smt. Pushpa Srivatsan, and copyright Smt. Pushpa Srivatsan. All rights reserved by the author. 1) Under no conditions can either the whole or any part of this composition be translated, adapted, or used for commercial purposes. 2) Neither the whole nor any part of this composition can be reproduced, recorded, used in public perfomances, or distributed in any other way without prior written permission from the copyright holder, the author Smt. Pushpa Srivatsan (contact N V Vathsan nvvathsan@gmail.com).

BACK TO TOP