श्रीगणेशाष्टकम्
शिवपुत्रविनायकयोगकरं
सुखशान्तिधरं भवभीतिहरम् ।
शरणागतपालकशूरवरं
भज मंगलश्रीगणराजवरम् ॥ १॥
सुरवृन्दसुपूजितदेववरं
श्रुतिगुन्थितगौरवसिद्धिकरम् ।
शुभलाभविनोदितयोगिवरं
भज मंगलकारकविघ्नहरम् ॥ २॥
करुणाकरसुन्दरमूर्तिधरं
मुनिमुग्धकरं गणबन्धुवरम् ।
हिमलोहितचन्दनदेहधरं
भज मंगलश्रीगणराजवरम् ॥ ३॥
शिशुचन्द्रविभूषितभालतलं
गजवक्त्रसुकोमललास्यकरम् ।
गुणनेत्रधरं रणमोदकरं
भज मंगलश्रीगणराजवरम् ॥ ४॥
मुनिमानसमज्जितमोहकरं
प्रभुतुन्दिलमूषकपत्रधरम् ।
सृणिपाशविशोभितरंगकरं
भज मंगलश्रीगणराजवरम् ॥ ५॥
धनमानमहासुखदानकरं
भवसागरतारकपोतवरम् ।
मतिदानकरं पतिराजवरं
भज मंगलश्रीगणराजवरम् ॥ ६॥
वदनामृतसुन्दरमुग्धझरं
रणनिर्जितदानवहानकरम् ।
शुभभाद्रवजन्मितपूज्यवरं
भज मंगलश्रीगणराजवरम् ॥ ७॥
सुरमानवमोहनमूर्तिचिरं
बुधवन्दितनिन्दितकामसुरम् ।
वरदानकरं गरहानकरं
भज मंगलश्रीगणराजवरम् ॥ ८॥
प्रियतोटकगुन्थितशर्मधरं
कविनन्दविलोभितवृत्तकरम् ।
मधु देहि गणेश सुविज्ञपरं
भज मंगलश्रीगणराजवरम् ॥ ९॥
इति प्रदीप्तकुमारनन्दविरचितं श्रीगणेशाष्टकं सम्पूर्णम् ।
Composed, encoded and proofread by Dr. Pradipta Kumar Nanda