शिवजयस्तुतिः
(शिवरहस्यान्तर्गते ईशाख्ये)
(सुब्रह्मण्यप्रोक्तम्)
जय जय विश्वविधान दक्षशिक्ष
जय जय कारण कारणेन्दुमौले ।
जय जय सर्वसुरानुरागसिन्धो
जय जय भक्तजनावनैकबन्धो ॥ १०७॥
जय जय पुण्यविचित्र चारुकीर्ते
जय जय भक्तकदम्बदारितार्ते ।
जय जय निगमान्त घोषिताऽऽद्य (?)
जय जय संसृतिरुग्विनाशवैद्य ॥ १०८॥
जय जय सर्वसुरोरुसर्वनाथ
जय जय श्रीपर्वतेन्द्रजासनाथ ।
जय जय चारुशशाङ्कशोभिमौले
जय जय पापगिरीन्द्रपक्षवज्र ॥ १०९॥
जय जय कालभुजङ्गनाशशील
जय जय कुण्डलकुण्डलीशमाल ।
जय जय भस्मविभूषणाङ्गसङ्ग
जय जय भक्तहृदब्जपापभङ्ग ॥ ११०॥
जय जय कृत्तिवसान विश्वमूर्ते
जय जय सर्वजनावनैकतान ।
जय जय हेमसमानदाम शोभिन्
जय जय दूरविनाशिचारुकाम ॥ १११॥
जय जय देहवरार्धशोभिकान्त
जय जय भक्तजनैकभूषितान्त ।
जय जय देव वरैहि हृतारिजाड्य (?)
जय जय भक्तहृदब्जमौढ्यनाथ ॥ ११२॥
जय जय पङ्कजमित्रचारुनेत्र
जय जय पर्वतराजजाकलत्र ।
जय जय भस्मविभूष भक्तपोष
जय जय कण्ठविचित्रहारशेष ॥ ११३॥
जय जय गाङ्गतरङ्गशोभिमौले
जय जय विश्रुतवेदजालघोष । ११४.१
॥ इति शिवरहस्यान्तर्गते सुब्रह्मण्यप्रोक्तं शिवजयस्तुतिः सम्पूर्णा ॥
- ॥ श्रीशिवरहस्यम् । ईशाख्यः द्वादशमांशः । ३४ जयस्तुतिः । १०७-११४.१ ॥
- .. shrIshivarahasyam . IshAkhyaH dvAdashamAMshaH . 34 jayastutiH . 107-114.1 ..
Notes:
Subrahmaṇya सुब्रह्मण्य spells out (for Jaigīṣavya जैगीषव्य) the ŚivaJayaStutiḥ शिवजयस्तुतिः for eulogizing Śiva शिव.
The composition adheres to Mṛgendramukha Candaḥ मृगेन्द्रमुख छन्दः for most parts, and some edits have been made to that effect.
ŚivaJayaStotram शिवजयस्तोत्रम् can be accessed from one of the links given below.
Proofread by Ruma Dewan