दशावतारस्तोत्रम्
मग्ना यदाज्या प्रलये पयोधा बुद्धारितो येन तदा हि वेदः ।
मीनावताराय गदाधराय तस्मै नमः श्रीमधुसूदनाय ॥ १॥
कल्पान्तकाले पृथिवीं दधार,पृष्ठेऽच्युतो यः सलिले निमग्नाम् ।
कूर्मावताराय नमोऽस्तु तस्मै पीताम्बराय प्रियदर्शनाय ॥ २॥
रसातलस्था धरणी किलैषा दंष्ट्राग्रभागेन धृता हि येन ।
वराहरूपाय जनार्दनाय तस्मै नमः कैटभनाशनाय ॥ ३॥
स्तम्भं विदार्य प्रणतं हि भक्तं रक्ष प्रह्लादमथो विनाश्य ।
दैत्यं नमो यो नरसिंहमूर्तिर्दीप्तानलार्कद्युतये तु तस्मै ॥ ४॥
छलेन योऽजश्च बलिं निनाय पातालदेशं ह्यतिदानशीलम् ।
अनन्तरूपश्च नमस्कृतः स मया हरिर्वामनरूपधारी ॥ ५॥
पितुर्वधामर्षरर्येण येन त्रिःसप्तवारान्समरे हताश्च ।
क्षत्राः पितुस्तर्पणमाहितञ्च तस्मै नमो भार्गवरूपिणे ते ॥ ६॥
दशाननं यः समरे निहत्य,बद्धा पयोधिं हरिसैन्यचारी ।
अयोनिजां सत्वरमुद्दधार सीतापतिं तं प्रणमामि रामम् ॥ ७॥
विलोलनेनं मधुसिक्तवक्त्रं प्रसन्नमूर्तिं ज्वलदर्कभासम् ।
कृष्णाग्रजं तं बलभद्ररूपं नीलाम्बरं सीरकरं नमामि ॥ ८॥
पद्मासनस्थः स्थिरबद्धदृष्टिर्जितेन्द्रियो निन्दितजीवघातः ।
नमोऽस्तु ते मोहविनाशकाय जिनाय बुद्धाय च केशवाय ॥ ९॥
म्लेच्छान् निहन्तुं लभते तु जन्म कलौ च कल्की दशमावतारः ।
नमोऽस्तु तस्मै नरकान्तकाय देवादिदेवाय महात्मने च ॥ १०॥
इति दशावतारस्तोत्रं सम्पूर्णम् ।
Encoded and proofread by Vanbi V.