धर्मदेवकृता श्रीहरिस्तुतिः २
धाम्न्यक्षरे परतरे स्वतनुप्रकाशे
सिंहासने वरतरे च विराजमानः ।
जुष्टोऽसि नाथ निजमुक्तवरैः सदैव
तुभ्यं नमोऽस्तु भगवन् परमेश्वराय ॥ १॥
आत्यन्तिकीं भुवि विधातुमिहैव मुक्ति
नैकात्मनां प्रकटितोऽस्यधुना कृपाब्धे ।
नानावतारनिकरैकनिदानमूर्ते
तुभ्यं नमोऽस्तु भगवन् परमेश्वराय ॥ २॥
यस्माद् भवन्ति निखिलानि जगन्ति भूम्न-
स्तिष्ठन्ति चैव परमात्मनि तानि यस्मिन् ।
लीनीभवन्ति प्रलयेऽपि च तानि यस्मिं-
तुभ्यं नमोऽस्तु भगवन् परमेश्वराय ॥ ३॥
मायापराय विभवे परतः पराय
ब्रह्माक्षरादिपतयेऽखिलकारणाय ।
सर्वेश्वराय सुखदाय सुमङ्गलाय
तुभ्यं नमोऽस्तु भगवन् परमेश्वराय ॥ ४॥
हे भगवान, भायाथी पर, परथी पए पर, सर्वमां व्याप,
ऐश्वर्यशक्तिसुखवैभवसौष्ठवाद्यै-
रप्राकृतैर्गुणगणैरभिसेवितोऽसि ।
मुक्तीभिश्च नितरां परिसेवनार्ह-
तुभ्यं नमोऽस्तु भगवन् परमेश्वराय ॥ ५॥
धर्मस्य पोषणकृतेऽप्यवृषस्य नाशं
कर्तुं स्वकीयमहसा धृतमर्त्यनाट्यः ।
वर्वर्त्सि साम्प्रतमिहेव निदाघसूर्य-
स्तुभ्यं नमोऽस्तु भगवन् परमेश्वराय ॥ ६॥
स्वीयाश्रयं कृतवतां भवरोगहर्ता
त्वं प्राणिनां च निजमूर्तिसुखप्रदाता ।
स्वामिन् सदैव करुणैकमहाम्बुराशे
तुभ्यं नमोऽस्तु भगवन् परमेश्वराय ॥ ७॥
कल्याणवर्त्म भवतैव यथागमोक्तं
यादृक् प्रवर्तितमिह क्वचिदेव नान्यैः ।
शुद्धस्वसिद्धसदगाधविबोधवार्द्धे
तुभ्यं नमोऽस्तु भगवन् परमेश्वराय ॥ ८॥
दैत्या हता ननु पुरावतरैः प्रभो ते
तेभ्योऽपि भूरिबलवीर्ययुजः स्मराद्याः ।
ध्वस्तास्त्वया स्वमहसैव निजाश्रितानां
तुभ्यं नमोऽस्तु भगवन् परमेश्वराय ॥ ९॥
इति श्रीस्वामिनारायणबापाचरित्रामृतसागरे प्रथमप्रवाहे
एकपञ्चाशत्तमे तरङ्गे धर्मदेवकृता श्रीहरिस्तुतिः सम्पूर्णा ।