श्रीलक्ष्मीनृसिंह एकाक्षरी मन्त्रः
श्रीगणेशाय नमः ।
श्रीलक्ष्मीनृसिंहाय नमः ।
अद्यपूर्वोच्चरित एवं गुणविशेषणविशिष्टायां शुभतिथौ मम
चतुर्विधपुरुषार्थसिद्ध्यर्थं श्री
लक्ष्मीनृसिंहचरणप्रसादसिद्ध्यर्थं मन्त्राराधनं करिष्ये ।
ब्रह्मानन्दं परमसुखदं केवलं ज्ञानमूर्तिम् ।
द्वन्द्वातीतं गगनसदृशं तत्वमस्यादि लक्ष्यम् ॥
एकं नित्यं विमलमचलं सर्वधीसाक्षिभूतम् ।
भावातीतं त्रिगुणरहितं सद्गुरुं तन्नमामि । इति ध्यात्वा ।
आसन्नाथः षड्चक्रं यन्त्रं निधाय ।
तदुपरि कम्बलासनं विस्तीर्य ।
गन्धाक्षतैः सम्पूज्य । तर्जन्यां भूमिं स्पृष्ट्वा ।
पृथ्वीति मन्त्रस्य मेरुपृष्ठऋषिः कूर्मो देवता सुतलं छन्दः आसने विनियोगः ।
ॐ पृथ्वि त्वया धृता लोका देवि त्वं विष्णुना धृता ।
त्वं च धारय मां देवि पवित्रं कुरु चासनम् ॥
विश्वशक्तये नमः । मायाशक्त्यै नमः । चित्शक्त्यै नमः ।
अनन्तासनाय नमः । विमलासनाय नमः । पद्मासनाय नमः । योगासनाय नमः ।
पृथ्व्यासनाय नमः । कूर्मासनाय नमः । आधारशक्तये नमः ।
दुष्टविद्रावणनृसिंहाय नमः । मध्ये परमसुखासनाय नमः । इत्यासने उपविश्य-
अपसर्पतु ते भूता ये भूता भूमिसंस्थिता ।
ये भूता विघ्नकर्तारस्ते गच्छन्तु शिवाज्ञया ॥
अपक्रामन्तु भूतानि पिशाचाः सर्वतो दिशम् ।
सर्वेषामविरोधेन ब्रह्मकर्म समारभे ॥
तीक्ष्णदंष्ट्र महाकाय कल्पान्तदहनोपम ।
भैरवाय नमस्तुभ्यमनुज्ञां दातुमर्हसि ॥
(वामपादेन भूमि त्रिस्ताडयेत् ।)
समुद्रवसने देवि पर्वतस्तनमण्डले ।
विष्णुपत्नि नमस्तुभ्यं पादस्पर्शं क्षमस्व मे ॥
सर्वभूतनिवारणाय शार्ङ्गाय सवर्णाय सुदर्शनायास्त्रराजाय हुं फट् ।
इति दिग्बन्धः ।
ॐ ऐन्द्रीं दिशं सुदर्शनेन बध्नामि नमश्चक्राय स्वाहा ।
ॐ आग्नेयीं दिशं सुदर्शनेन बध्नामि नमश्चक्राय स्वाहा ।
ॐ याम्यां दिशं सुदर्शनेन बध्नामि नमश्चक्राय स्वाहा ।
ॐ नैरृतिं दिशं सुदर्शनेन बध्नामि नमश्चक्राय स्वाहा ।
ॐ वारूणीं दिशं सुदर्शनेन बध्नामि नमश्चक्राय स्वाहा ।
ॐ वायवीं दिशं सुदर्शनेन बध्नामि नमश्चक्राय स्वाहा ।
ॐ कौबेरी दिशं सुदर्शनेन बध्नामि नमश्चक्राय स्वाहा ।
ॐ ईशानी दिशं सुदर्शनेन बध्नामि नमश्चक्राय स्वाहा ।
ॐ ऊर्ध्वां दिशं सुदर्शनेन बध्नामि नमश्चक्राय स्वाहा ।
ॐ अधस्तां दिशं सुदर्शनेन बध्नामि नमश्चक्राय स्वाहा ।
ॐ अन्तरिक्षां दिशं सुदर्शनेन बध्नामि नमश्चक्राय स्वाहा ।
(शिरसि चक्रमुद्रां त्रिपरिभ्रम्य ।)
(गन्धाक्षतैः सम्पूज्य सङ्घटविमुद्रां बध्वा ।)
(अथ गुरुपादुका लिख्यते ।)
ॐ ऐं ह्रीं श्रीं त्ज्ञौः श्रीशम्भू गुरुहंसोः स्वरूपनिरूपमहेतवे
शुभानन्दनाथकलाशक्ति स्वगुरुपादुकां पूजयामि ।
ॐ ऐं ह्रीं श्रीं त्ज्ञौः श्रीशम्भू गुरु रौम् ।
स्वच्छप्रकाशविमर्शहतवे आनन्दानन्दनाथ भरूण्डाशक्तिपरमगुरु
श्रीपादुकां पूजयामि ।
ॐ ऐं ह्रीं श्रीं हंसौः श्रीशम्भूगुरु हंसौः स्वात्मारामपञ्जरविलीनतेजसे ।
गोविन्दानन्दनाथ चिदम्बाशक्तिपरमेष्टिगुरु श्रीपादुकां पूजयामि ।
ॐ ऐं ह्रीं श्रीं हंसौः श्रीशम्भूगुरु हंसौः स्वरूपनिरूपणहेतवे स्वच्छप्रकाशविमृश्यहेतवे ।
स्वात्मारामपञ्जरविलीनतेजसे लक्ष्मीनिवासानन्दनाथ सुन्दराम्बाशक्ति
परात्परगुरु श्रीपादुकां पूजयामि ।
अङ्गुष्ठाग्रे तु गोविन्दं तर्जन्यां तु महीधरम् ।
मध्यमायां हृषीकेशं अनामिकायां त्रिविक्रमम् ॥
कनिष्ठिकायां न्यसेद्विष्णुं करमध्ये तु माधवम् ।
एवं च करविन्यासं सर्वपापप्रणाशनम् ।
भूः पादाभ्यां नमः । भुवः जानुभ्यां नमः ।
स्वः कटिभ्यां नमः । महः नाभ्यै नमः ।
जनः हृदयाय नमः । तपः कण्ठाय नमः ।
सत्यं ललाटाय नमः । परब्रह्म शिरसे स्वाहा ।
ऊर्ध्वकेशि विरूपाक्ष मांसशोणितभोजने ।
तिष्ठ देवि शिखाबन्धे चामुण्डे अपराजिते ॥
स्वशिरसि गुं गुरुभ्यो नमः ।
पं परमगुरुभ्यो नमः ।
पं परमेष्टिगुरुभ्यो नमः ।
पं परात्परगुरुभ्यो नमः ।
दक्षिणबाहुमूले गणानां त्वा इति ।
गं गणपतये । वामबाहुमूले दुं दुर्गायै नमः ।
दक्षिणपादमूले क्षं क्षेत्रपालाय नमः । अं आत्मने नमः ।
पं परमात्मने नमः । सं सत्त्वात्मने नमः ।
रं रजात्मने नमः । तं तमात्मने नमः ।
ह्रीं ज्ञानात्मने नमः । मोक्षार्थं जपे विनियोगः ।
इति भूमिशुद्धिः । गुरुपादुकामन्त्रजपः ।
अहोरात्रिभ्यां निश्वासो स्वा स्वरूपेण षट्शताधिकमेकविंशती ।
सहस्रं जपानां विवेद्ययित्वा । अजपामन्त्रः ।
ॐ ह्रीं हंसः सो हम् । अजपागायत्री ।
हंस हंसाय विद्महे सोऽहंसाय धीमहि तन्नो हंसः प्रचोदयात् ।
अतो एकाक्षर गणपतिमन्त्रः । ॐ श्रीं गं ॐ ।
अस्य श्रीनृसिंह एकाक्षरी मन्त्रस्य अत्रिऋषिः गायत्री छन्दः ।
श्रीनृसिंहो देवता । क्ष्रौं बीजम् । ह्रीं शक्तिः । फट् कीलकम् ।
मम चतुर्विधपुरुषार्थसिद्ध्यर्थं जपे विनियोगः ।
अथ न्यासः । अत्रिऋषये नमः शिरसि । गायत्री छन्दः मुखे ।
श्रीलक्ष्मीनृसिंहदेवता हृदये । रौं बीजाय नमः गुह्ययोः ।
क्ष्रौं शन्यय नमः पादयोः । रं कीलकाय नमः सर्वाङ्गे ॥
अथ करन्यासः ।
क्ष्रां अङ्गुष्ठाभ्यां नमः ।
क्ष्रीं तर्जनीभ्यां नमः ।
क्ष्रूं मध्यमाभ्यां नमः ।
क्ष्रैं अनामिकाभ्यां नमः ।
क्ष्रौं कनिष्ठिकाभ्यां नमः ।
क्ष्रः करतलकरपृष्ठाभ्यां नमः ॥
अथ हृदयादिन्यासः ।
क्ष्रां हृदयाय नमः ।
क्ष्रीं शिरसे स्वाहा ।
क्ष्रूं शिखाय वषट् ।
क्ष्रैं नेत्रत्रयाय वौषट् ।
क्ष्रौं कवचाय हुम् ।
क्ष्रः अस्त्राय फट् ॥
ॐ भूर्भुवस्वरोमिति दिग्बन्धः ।
अथ ध्यानम् ।
सत्यज्ञान सुखस्वरूपममलं क्षीराब्धिमध्यस्थलम् ।
योगारूढमतिप्रसन्नवदनं भूषा सहस्रोज्वलम् ॥
त्र्यक्षं चक्रपिनाकसाभयवरं बिभ्राणमर्कच्छवि ।
छत्रीभूत फणीन्द्रमिन्दुधवलं लक्ष्मीनृसिंह भजे ॥
(इति ध्यात्वा मानसोपचारे सम्पूज्य जपं कुर्यात् ।)
मां माले महामाये सर्वशक्तिस्वरूपिणी ।
चतुर्वर्गस्त्वयि देवि तस्मान्मे सिद्धिदा भव ॥
(पुनः जपान्ते मालां शिरसि निधाय ।)
गुह्यातिगुह्यगोऽसि त्वं गृहाणं त्वत्कृतं जपम् ।
सिद्धिर्भवतु मे देवि त्वत्प्रसादान्मयि स्थिरे ॥
(इति जपं समर्प्य गुरुं ध्यात्वा पूर्वन्यासादिकं कुर्यात् ।)
मूलमन्त्र । ॐ श्रीं क्ष्रौं ॐ ।
(वत्सगुल्म-वाशीम-हे सुमारे १४०० वर्षापूर्वी ``वाकाटक'' नावाच्या राजघराण्याच्या राजधानीचे नगर व विद्येचे व संस्कृतीचे केन्द्र होते. ``वत्सगुल्म माहात्म्य'' पद्मपुराणान्तर्गत आहे. या महात्म्यान्त वर्णिलेल्या १०८ तीर्थस्थानाम्मध्ये ``श्रीकरुणेश्वर देवता'' व ``पद्मतीर्थ'' ही दोन प्रमुख होत. पद्मपुराणाचा रचनाकाल सुमारे २ हजार वर्षापूर्वीचा असावा असे मानतात. या गावाञ्च्या उत्तरेस समुद्रस्पर्धी असे ``चन्द्रसरोवर'' नामक सरोवर होते. आज मात्र त्याचा मागमूसही नाही । भारतीय ज्योतिषशास्त्रान्त भूमध्यरेषा वत्सगुल्मान्तून गेल्याचे वर्णन आहे. या स्थानातील मध्यमेश्वर देवतेचे वर्णन या महात्म्यान्त आहे. हे माहात्म्य पूस नदीच्या उगमस्थानी, शिवलिङ्ग-स्थानी, वसिष्ठ आश्रमान्त कर्नाटक देशान्तील कनकपूरचा राजा वासुकि याला आणि त्याच्या पत्नीला वसिष्ठऋषीने सांगितले. या वत्सगुल्मास वासुकीपुरी म्हणतात. शिवब्रह्महत्येच्या कथेच्या अनुषंगाने वत्सुगुल्मक्षेत्राचे नाममात्र निवेदन आले आहे आणि त्याच्या आधारावर हा ``वत्सगुल्म'' माहात्म्याञ्चा ``पद्मपुराणे'' असा सम्बन्ध दर्शविला आहे. प्रत्यक्ष हे माहात्म्य पद्मपुराणात नाही ।)
इति श्रीलक्ष्मीनृसिंह एकाक्षरी मन्त्रः सम्पूर्णः ।
Proofread by M K Barman