प्रथमावृत्तिः
सूत्रम्॥
प्राद्वहः॥ १।३।८१
पदच्छेदः॥
प्रात् ५।१ वहः ५।१ परस्मैपदम् १।१ ७८
काशिका-वृत्तिः
प्राद्वहः १।३।८१
वह प्राप्ने स्वरितेत्। तत्र कर्त्रभिप्रायक्रियाफलविवक्षायाम् आत्मनेपदे प्राप्ते परस्मैपदं विधीयते। प्रपूर्वाद् वहतेः प्रस्मैपदम् भवति। प्रवहति, प्रवहतः, प्रवहन्ति। प्रातिति किम्? आवहते।
लघु-सिद्धान्त-कौमुदी
प्राद्वहः ७५०, १।३।८१
प्रवहति॥
न्यासः
प्राद्वहः। , १।३।८१
बाल-मनोरमा
प्राद्वहः ५७२, १।३।८१
प्रद्वहः। प्रपूर्वाद्वहेः परस्मैपदमित्यर्थः। वहेः स्वरितेत्त्वात्कर्तृगामिन्यात्मनेपदे प्राप्ते तत्राप्यनेन परस्मैपदम्।