पुष्यसिद्ध्यौ नक्षत्रे ३।१।११६

पुषेः सिधेश्च अधिकरणे क्यप् निपात्यते नक्षत्रे अभिधेये। पुष्यन्ति अस्मिन्नर्थाः इति पुष्यः। सिध्यन्ति अस्मिन्निति सिद्ध्यः। नक्षत्रे इति किम्? पोषणम्। सेधनम्।

पुष्यसिद्ध्यौ नक्षत्रे। , ३।१।११६

"पुषेः सिद्धेश्च" इति। "पुष पुष्टौ" (धा।पा।११८२) "{षिधु धा।पा।}सिधु संराद्धौ (धा।पा।११९२)। "अधिकरणे क्यब् निपात्यते" इति। ल्युटोऽपवादः।

पुष्यसिद्ध्यौ नक्षत्रे ६८७, ३।१।११६

पुष्यसिध्यौ। "निपात्येते" इति शएषः। नक्षत्रविशेषे गम्ये इत्यर्थः।

पुष्यसिद्ध्यौ नक्षत्रे ५७१, ३।१।११६

पुष्यसिद्ध्यौ। नक्षत्रे किम्?। पोषणं, सेधनम्। अधिकरणे ल्युट्। पुष्यसिध्ययोः पर्यायत्वेऽपि स्वरूपपरत्वात्सूत्रे द्वन्द्वः। "पुष्ये तु सिध्यतीष्यौ" इत्यमरः।