पाण्डुकम्बलादिनिः ४।२।११

पाण्डुकम्बलशब्दात् तृतीयासमर्थात् परिवृतो रथः इत्येतस्मिन्नर्थे इनिः प्रत्ययो भवति। अणो ऽपवादः। पाण्डुकम्बली, पाण्डुकम्बलिनौ, पाण्डुकम्बलिनः। पाण्डुकम्बलशब्दो राजास्तरणस्य वर्णकम्बलस्य वाचकः। मत्वर्थीयेन एव सिद्धे वचनमणो निवृत्त्यर्थम्।

पाण्डुकम्बलादिनिः। , ४।२।१०

"पाण्डुकम्बली" इति। "सौ च" ६।४।१३ इति दीर्घः। "मत्वर्थीयेनैव सिद्धे" इति। यद्धि येन सम्न्ताद्वेष्टितं तत् तस्यास्ति। तस्मात् "अत इनिठनौ" ५।२।११४ इति म्तवर्थीयेनेनिना सिद्धे यत्तद्वचनं तदणो निवृत्त्यर्थम्। यदि लभ्येत, तन्नारभ्येत। यदि ह्रेतद्वचनं न स्यात्, तदा "परिवृतो रथः"४।२।९ इत्यण्प्रसज्येत्, ततश्च पाण्डुकम्बल इति स्यात्, पाण्डुकम्बलीति चेष्यते। तस्मादण्निनृत्त्यर्थमुच्यते॥

पाण्डुकम्बलादिनिः ११९४, ४।२।१०

पाण्डुकम्बलादिनिः। तेनेति, परिवृतो रथ इति चानुवर्तते। इनिप्रत्यये नकारादिकार उच्चारणार्थः। ननु "अत इनिठनौ" इति मत्वर्थीयेन इनैव सिद्धे किमर्थमिदमित्यत आह--अणो निवृत्त्यर्थमिति।