ऋषिकश्यपप्रोक्तं शाङ्करलक्षणम्
(शिवरहस्यान्तर्गते भीमाख्ये)
काश्यप उवाच ।
स्तुवन्ति महादेवं ते वै हाराः प्रकीर्तिताः ।
येऽर्चयन्ति महादेवं ते वै शाम्भवसत्तमाः ॥ १॥
ये ध्यायन्ति महेशानचरणाम्बुजमुत्तमम् ।
ये वै क्षेत्रेषु निरता विरताश्चन्यवस्तुषु ॥ २॥
आनन्दवनवासेन सर्वदानन्दमेदुराः ।
शिवलिङ्गार्चका एव ते वै साङ्गाः प्रकीर्तिताः ॥ ३॥
ये वै नैवेद्यभोक्तारस्ते वै भावाः प्रकीर्तिताः ।
ये नामनिरताः शम्भोरन्यनामपराङ्मुखाः ॥ ४॥
ते वै माहेश्वराः प्रोक्ताः पात्रभूताघहारिणः ।
शिवभक्तार्चका ये वै धनधान्यादिभिर्मुदा ॥ ५॥
शाङ्करास्ते सदाज्ञेया दृष्टास्स्पृष्टाः प्रकादिनः ।
ये भस्मोद्धूलोद्युक्तास्ते वै शैवाः प्रकीर्तिताः ॥ ६॥
अग्निरित्यादिभिर्मन्त्रैः सर्वदा येऽनिशं मुदा ।
दग्धपापास्त एवेति विज्ञेयाः शाम्भवोत्तमाः ॥ ७॥
त्र्यायुषं त्रिपुण्ड्रैश्च तथा च त्र्यम्बकैरपि ।
त्रिपुण्ड्रधारिणः सर्वे ते रुद्रा (रौद्रा) नात्र संशयः ॥ ८॥
अघोरमन्त्रतो ये वै सदा रुद्राक्षधारिणः ।
कण्ठकर्णगलाद्यङ्गबाहुमस्तककेष्वपि ॥ ९॥
॥ इति शिवरहस्यान्तर्गते ऋषिकश्यपप्रोक्तं शाङ्करलक्षणं सम्पूर्णम् ॥
- ॥ श्रीशिवरहस्यम् । भीमाख्यः अष्टमांशः । अध्यायः १६ । १-९॥
- .. shrIshivarahasyam . bhImAkhyaH aShTamAMshaH . adhyAyaH 16 . 1-9..
Notes:
Ṛṣi Kaśyapa ऋषि कश्यप speaks about indicators and significations of Śāṅkarāḥ शाङ्कराः a.k.a Hāraḥ हाराः, Śāmbhavāḥ शाम्भवाः, Sāṅgāḥ साङ्गाः, Māheśvarāḥ माहेश्वराः, Śaivāḥ शैवाः, Raudrāḥ रौद्राः - the various forms of worshippers of Śiva शिव.
Proofread by Ruma Dewan