ऋषिकश्यपप्रोक्तं शाम्भवलक्षणम्
(शिवरहस्यान्तर्गते भीमाख्ये)
काश्यप उवाच ।
ते शाम्भवाः सदा ज्ञेयाः शिवस्यैव प्रसादिनः ।
नैवेद्यं ये शिवे दद्युर्भुञ्ज्युर्वा शङ्करार्पितम् ॥ १०॥
ते शाम्भवाः सदा ज्ञेयाः शिवस्यैव प्रसादिनः ।
ये धारयन्ति चिह्नानि देवदेवस्य शूलिनः ॥ ११॥
ते शाम्भवाः सदा ज्ञेयाः शिवस्यैव प्रसादिनः ।
ये धारयन्ति रुद्राक्षान्त्सदा वै शाङ्करोत्तमाः ॥ १२॥
ते शाम्भवाः सदा ज्ञेयाः शिवस्यैव प्रसादिनः ।
ये रुद्राध्यायजप्येन जपन्ति शिवतुष्टये ॥ १३॥
ते शाम्भवाः सदा ज्ञेयाः शिवस्यैव प्रसादिनः ।
ये रुद्रैः स्वात्मकैर्नित्यमभिषेक्ष्यन्ति शङ्करम् ॥ १४॥
ते शाम्भवाः सदा ज्ञेयाः शिवस्यैव प्रसादिनः ।
ये पञ्चाक्षरासक्ता तेन ये पूजयन्ति ते ॥ १५॥
ते शाम्भवाः सदा ज्ञेयाः शिवस्यैव प्रसादिनः ।
ये वै बिल्वार्चनप्रीता ये वै बिल्वार्चनप्रियाः ॥ १६॥
ते शाम्भवाः सदा ज्ञेयाः शिवस्यैव प्रसादिनः ।
बिल्वपत्रार्चका ये वै त्रिकालं लिङ्गमस्तके ॥ १७॥
ते शाम्भवाः सदा ज्ञेयाः शिवस्यैव प्रसादिनः ।
ये लिङ्गार्चनव्यग्रा अग्रा उग्रार्चने रताः ॥ १८॥
ते शाम्भवाः सदा ज्ञेयाः शिवस्यैव प्रसादिनः ।
ये पञ्चगव्यैर्नियतास्त्रिकालमभिषेचकाः ॥ १९॥
ते शाम्भवाः सदा ज्ञेयाः शिवस्यैव प्रसादिनः ।
फलजालरसैः शम्भोरभिषेककराः सदा ॥ २०॥
ते शाम्भवाः सदा ज्ञेयाः शिवस्यैव प्रसादिनः ।
पाटीरागरुकस्तूरीचन्द्रचन्दनलेपकाः ॥ २१॥
शम्भोर्लिङ्गे सदा तुङ्गे ह्यसङ्गाः सङ्गतत्पराः ।
ते शाम्भवाः महादेवप्रिया नास्त्यत्र संशयः ॥ २२॥
बिल्वपत्राम्बुजवरैः करवीरार्कचम्पकैः ।
मन्दार पारिजातादिमालापुष्पप्रदा हि ये ॥ २३॥
शम्भोर्लिङ्गे विशेषेण त्रिकालं च प्रदोषके ।
ते शाम्भवाः महादेवप्रिया नास्त्यत्र संशयः ॥ २४॥
दिव्यवस्त्रप्रदातारो महेशाय समुत्सदा ।
ते शाम्भवाः महादेवप्रिया नास्त्यत्र संशयः ॥ २५॥
ये शम्भो रत्नपुष्पप्रदातारो विशेषतः ।
शाम्भवाः महादेवप्रिया नास्त्यत्र संशयः ॥ २६॥
सुवर्णरत्नपुष्पाद्यैर्बिल्वपत्रार्चका हि ये ।
ते शाम्भवाः महादेवप्रिया नास्त्यत्र संशयः ॥ २७॥
ये कृष्णागरुसाम्राणिगुग्गुलैर्धूपदायिनः ।
ते शाम्भवाः महादेवप्रिया नास्त्यत्र संशयः ॥ २८॥
घृततैलमहादीपं ये दद्युः श्रीशिवालये ।
ते शाम्भवाः महादेवप्रिया नास्त्यत्र संशयः ॥ २९॥
ये नैवेद्यप्रदातारो भक्ष्यभोज्यादिभिर्मुने ।
ये ताम्बूलप्रदातारो ह्यहर्निशमुमापतेः ॥ ३०॥
ते शाम्भवाः महादेवप्रिया नास्त्यत्र संशयः ।
ये छत्रवृन्ददातारः सर्वदा शिवमस्तके ॥ ३१॥
ते शाम्भवाः महादेवप्रिया नास्त्यत्र संशयः ।
ये वै चामरदातारो हंस पाण्डरमुत्तमम् ॥ ३२॥
ये पताकाप्रदातारः सर्वदा ये शिवाग्रतः ।
ते शाम्भवाः महादेवप्रिया नास्त्यत्र संशयः ॥ ३३॥
ये चादर्शप्रदातारो महादेवाग्रतः सदा ।
ते शाम्भवाः महादेवप्रिया नास्त्यत्र संशयः ॥ ३४॥
ये मृदङ्गमहावीणादुन्दुभीवादने रताः ।
ते शाम्भवाः महादेवप्रिया नास्त्यत्र संशयः ॥ ३५॥
तौर्यत्रिकादिकर्तारो नृत्तं स्त्रीणां प्रदायकाः ।
ते शाम्भवाः महादेवप्रिया नास्त्यत्र संशयः ॥ ३६॥
ये शिवालयकर्तारः प्रकारवरगोपुरम् ।
ते शाम्भवाः महादेवप्रिया नास्त्यत्र संशयः ॥ ३७॥
ये शिवारामकर्तारः सर्वपुष्पोपशोभितम् ।
ते शाम्भवाः महादेवप्रिया नास्त्यत्र संशयः ॥ ३८॥
ये रथोत्सवकर्तारो वृषवाहनमुत्तमम् ।
ते शाम्भवाः महादेवप्रिया नास्त्यत्र संशयः ॥ ३९॥
ये शाम्भवान्नदातारो यतीनामपि वा पुनः ।
ते शाम्भवाः महादेवप्रिया नास्त्यत्र संशयः ॥ ४०॥
ये प्रदोषार्चनरताः सर्वपूजाभरैः शिवे ।
ते शाम्भवाः महादेवप्रिया नास्त्यत्र संशयः ॥ ४१॥
ये सोमवासरे सायं शिवलिङ्गार्चने रताः ।
ते शाम्भवाः महादेवप्रिया नास्त्यत्र संशयः ॥ ४२॥
अष्टम्यामष्टमूर्तिं ये पूजयिष्यन्ति भक्तितः ।
ते शाम्भवाः महादेवप्रिया नास्त्यत्र संशयः ॥ ४३॥
ये भूतायां भूतनाथमर्चयन्ति दृढव्रताः ।
ये पर्वण्यपि वाभ्यर्च्य शर्वरीनाथधारिणम् ॥ ४४॥
ते शाम्भवाः महादेवप्रिया नास्त्यत्र संशयः ।
ये नामनिरताः शम्भोः सर्वदा रसनोज्ज्वलाः ॥ ४५॥
ते शाम्भवाः महादेवप्रिया नास्त्यत्र संशयः ।
ये भक्तार्चनतस्तुष्टाः सर्ववर्णेष्वपि ध्रुवम् ॥ ४६॥
महेशस्य विशेषेण शाम्भवाग्रेसरा हि ते ।
येऽर्चयन्ति महादेवं त्रिवारं भस्मधारिणः ॥ ४७॥
ते शाम्भवाः महादेवप्रिया नास्त्यत्र संशयः ।
ये क्षेत्रनिरताः शम्भोर्विरक्ता विषयेष्वपि ॥ ४८॥
ते शाम्भवाः महादेवप्रिया नास्त्यत्र संशयः ।
ये रुद्राध्यायनिरताः सदा पञ्चाक्षरादराः ॥ ४९॥
शाम्भवाः महादेवप्रिया नास्त्यत्र संशयः
येऽथर्वणशिखाजाप्यनिरता वेदपारगाः ॥ ५०॥
ये शाम्भवाः शशिकलाशकलोत्तमाङ्ग-
लिङ्गोत्तमाङ्गमनवद्यसुचन्दनाद्यैः ।
सम्पूजयन्ति किल पापमतङ्गभङ्गाः
शान्तास्त्वसङ्गहृदयाः शिवलिङ्गसङ्गाः ॥ ५३॥
॥ इति शिवरहस्यान्तर्गते ऋषिकश्यपप्रोक्तं शाम्भवलक्षणं सम्पूर्णम् ॥
- ॥ श्रीशिवरहस्यम् । भीमाख्यः अष्टमांशः । अध्यायः १६ । १०-५०,५३॥
- .. shrIshivarahasyam . bhImAkhyaH aShTamAMshaH . adhyAyaH 16 . 10-50,53..
Notes:
Ṛṣi Kaśyapa ऋषि कश्यप speaks about indicators and significations of Śāmbhavāḥ शाम्भवाः - the of worshippers of Śambhu शम्भु. Further description of the same is continued in Chapter 17.
Proofread by Ruma Dewan