श्रीशरभेश्वरमन्त्रविधान
मन्त्र-विधान-
विनियोगः - अस्य श्रीशरभेश्वर-मन्त्रस्य वामदेवऋषिः
अतिजगतीछन्दः श्रीशरभो देवता ॐ खं बीजं स्वाहा शक्तिः मम
कार्यसिद्ध्यर्थे जपे विनियोगः ।
ऋष्यादिन्यास-
ॐ वामदेवऋषये नमः (शिरसि) ,
ॐ अतिजगतीछन्दसे नमः (मुखे),
ॐ श्रीशरभेश्वरदेवतायै नमः (हृदये),
ॐ खं बीजाय नमः (गुह्ये),
स्वाहा शक्तये नमः (पादयोः),
विनियोगाय नमः (सर्वाङ्गे) ॥
करन्यासः-
ॐ खें खां खं फट् अङ्गुष्ठाभ्यां नमः ।
प्राणग्रहसि प्राणग्रहसिहुं फट् तर्जनीभ्यां नमः ।
सर्वशत्रुसंहारकाय मध्यमाभ्यां नमः ।
शरभसालुवाय अनामिकाभ्यां नमः ।
पक्षिराजाय कनिष्ठिकाभ्यां नमः ।
हुं फट् स्वाहा करतलकरपृष्ठाभ्यां नमः ॥
हृदयादिन्यासः-
ॐ खें खां खं फट् हृदयाय नमः ।
प्राणग्रहसि शिरसे स्वाहा ।
सर्वशत्रुसंहारकाय शिखायै वषट् ।
शरभसालुवाय कवचाय हुम् ।
पक्षिराजाय नेत्रत्रयाय वौषट् ।
हुं फट् स्वाहा अस्त्राय फट् ॥
ध्यानम्-
मृगस्त्वर्धशरीरेण पक्षाभ्यां चञ्चुना द्विजः ।
घोरवक्त्रश्चतुष्पाद ऊर्ध्वनेत्रश्चतुर्भुजः ॥
कालान्तदहनः पुण्यो नीलजीमूतनिस्वनः ।
अरिस्तद्दर्शनादेव विनष्टबलविक्रमः ॥
सटाछटोग्ररूपाय पक्षविक्षिप्तभूभृते ।
अष्टपादाय रुद्राय नमः शरभमूर्तये ॥
अथवा-
चन्द्रार्काग्निस्त्रिदृष्टिः कुलिशवरनखश्चञ्चलोत्युग्रजिह्वः,
काली दुर्गा च पक्षौ हृदयजठरगौ भैरवो जठराग्निः ।
ऊरुस्थौ व्याधिमृत्यू शरभवरखगश्चण्डवातातिवेगः,
संहर्त्ता सर्वशत्रून् स जयति शरभः सालुवः पक्षिराजः ॥
इस प्रकार ध्यान करके निम्नलिखित मन्त्र का जप करें-
ॐ खें खां खं फट् प्राणग्रहसि प्राणग्रहसि हुं फट्
सर्वशत्रुसंहारकाय शरभसालुवाय पक्षिराजाय हुं फट् स्वाहा ।
एक अन्य मन्त्र इस प्रकार भी है-
ॐ नमोऽष्टपादाय सहस्रबाहवे द्विशिरसे त्रिनेत्राय
द्विपक्षायाग्निवर्णाय मृगविहङ्गरूपाय वीरशरभेश्वराय ॐ ।
स्तोत्र-पाठ निम्नलिखित है-जप के पश्चात् अथवा केवल स्तोत्र
का पाठ भी किया जा सकता है । रात्रि में तीन पाठ नित्य करने से
विशेष लाभ होता है ।
निग्रह-दारुण-सप्तकं \-
कोपोद्रेकाति-निर्यन् निखिलपरिचरत् ताम्रभारप्रभूतं,
ज्वालामालाग्रदग्धस्मरतनुसकलं त्वामहं शालुवेश ! ।
याचे त्वत्पादपद्मप्रणिहितमनसं द्वेष्टि मां यः क्रियाभि-
स्तस्य प्राणप्रयाणं परशिव भवतः शूलभिन्नस्य तूर्णम् ॥ १॥
शम्भो ! त्वद्धस्तकान्तक्षतरिपुहृदयान्निःस्रवल्लोहितौघं,
पीत्वा पीत्वातिदीर्घा दिशि-दिशि विचरास्त्वद्गणाश्चण्डमुख्याः ।
गर्जन्तु क्षिप्रवेगा निखिलजयकरा भीकराः खेललोलाः,
सन्त्रस्ता ब्रह्मदेवाः शरभ खगपते ! त्राहि नः शालुवेश ॥ २॥
सर्वाद्यं सर्वनिष्ठं सकलभयहरं त्वत्स्वरूपं हिरण्यं,
याचेऽहं त्वाममोघं परिकरसहितं द्वेष्टि मां यः क्रियाभिः ।
श्रीशम्भो त्वत्कराब्जस्थितकुलिशवराघातवक्षःस्थलस्य,
प्राणाः प्रेतेशदूत ग्रहगणपरिखाः क्रोशपूर्वं प्रयान्तु ॥ ३॥
द्विष्मः क्षोण्यां वयं यांस्तव पदकमलध्याननिर्धूततापाः,
कृत्याकृत्यैर्विमुक्ता विहगकुलपते ! खेलया बद्धमूर्तेः ।
तूर्णं त्वत्पादपद्मप्रधृतपरशुना तुण्डखण्डी-कृताङ्ग-
स्तद्द्वेषी यातु याम्यं पुरमतिकलुषं कालपाशाग्रबद्धः ॥ ४॥
भीमश्रीशालुवेश ! प्रणतभयहर प्राणजिद् दुर्मदानां,
याचेऽहं चास्य वर्गप्रशमनमिह ते स्वेच्छया बद्धमूर्तेः ।
त्वामेवाशु त्वदङ्घ्र्यष्टकनखविलसद्ग्रीवजिह्वोदरस्य,
प्राणा यान्तु प्रयाणं प्रकटितहृदयस्यायुरल्पायतेश ॥ ५॥
श्रीशूलं ते कराग्रस्थितमुसलगदावृत्तवात्याभिघाताद्,
यातायातारियूथं त्रिदशरविघनोद्धूतरक्तच्छटार्द्रम् ।
सद्दृष्ट्वाऽऽयोधने ज्यामखिलसुरगणाश्चाशु नन्दन्तु नाना-
भूता वेतालपूगः पिबतु तदखिलं प्रीतचित्तः प्रमत्तः ॥ ६॥
अल्पं दोर्दण्डबाहुप्रकटितविनमच्चण्डकोदण्डमुक्तै-
र्बाणैर्दिव्यैरनेकैः शिथिलितवपुषः क्षीणकोलाहलस्य ।
तस्यप्राणावसानं परशरभ विभोऽहं त्वदिज्या-प्रभावै-
स्तूर्णं पश्यामि यो मां परिहसति सदा त्यादिमध्यान्तहेतो ॥ ७॥
इति निशि प्रयतस्तु निरासनो मममुखः शिवभावमनुस्मरन् ।
प्रतिदिनं दशवारदिनत्रयं जपति निग्रह-दारुणसप्तकम् ॥ ८॥
इति गुह्यं महाबीजं परमं रिपुनाशनम् ।
भानुवारं समारभ्य मङ्गलान्तं जपेत् सुधीः ॥ ९॥
इत्याकाशभैरव-कल्पे प्रत्यक्षसिद्धिप्रदे नरसिंहकृता
शरभस्तुतिः समाप्ता ।
श्रीशरभेश्वरप्रार्थना
रुद्रः पिङ्गल-कुन्तलस्त्रिनयनोऽत्युग्रः सपक्षो हरिः,
सर्पालङ्करणस्तथाऽष्टचरणस्तुर्यः शुकः सालुवः ।
क्षोभं श्रीनरसिंहजं शमयितुं नीतावतारो हरः,
पायाद् श्रीशरभेश्वरो विहगराट् सर्वार्थदः शङ्कर ॥
काली दुर्गा पक्षयोर्यस्य संस्थे, स्वान्ते साक्षात् सुन्दरीराजमाना ।
क्षोभं यातः श्रीनृसिंहो यतस्तं, देवं भीम सालुवाख्यं नमामः ॥
इति श्रीरुद्रयामले तन्त्रे श्रीशरभेश्वरस्तुतिः एवं प्रार्थना समाप्ता ।
Proofread by Aruna Narayanan