श्रीहनुमदष्टोत्तरशतनामनामावलिः ९
श्रीपराशर उवाच ।
अन्यस्तोत्रं प्रवक्ष्यामि रामप्रोक्तं महामुने ।
अष्टोत्तरशतं नाम्नां हनुमत्प्रतिपादकम् ॥
ॐ अस्य श्रीहनुमदष्टोत्तरशतदिव्यनामस्तोत्रमन्त्रस्य
श्रीरामचन्द्र ऋषिः ।
अनुष्टुप्छन्दः । श्रीहनुमान् देवता । मारुतात्मज इति बीजम् ।
अञ्जनासूनुरिति शक्तिः । वायुपुत्रेति कीलकम् ।
मम श्रीहनुमत्प्रसादसिद्ध्यर्थे जपे विनियोगः ॥
नमस्तस्मै हनुमते येन तीर्णो महार्णवः ।
रामलक्ष्मणसीताप्युत्तीर्णशोकमहार्णवः ॥
सप्तषष्टिर्हितां कोटि वानराणां तरस्विनाम् ।
यस्समुज्जीवयामास तं वन्दे मारुतात्मजम् ॥
यो दक्षिणां दिशं गत्वा वैदेहीं राममुद्रया ।
अजीवयत्तममृतं प्रपद्ये पवनात्मजम् ॥
इतिहासपुराणेषु प्रकीर्णानामितस्ततः ।
शतमष्टोत्तरं नाम्नां सङ्ग्रहिष्ये हनूमतः ॥
श्रीरामचन्द्र उवाच ।
ॐ आयुष्मते नमः ।
ॐ अप्रमेयात्मने नमः ।
ॐ हनुमते नमः ।
ॐ मारुतात्मजाय नमः ।
ॐ अञ्जनातनयाय नमः ।
ॐ श्रीमते नमः ।
ॐ बालार्कफलभुक्धिये नमः ।
ॐ सूर्यपृष्ठगमनाय नमः ।
ॐ पुण्याय नमः ।
ॐ सर्वशास्त्रार्थतत्त्वविदे नमः । १०
ॐ बहुश्रुतव्याकरणाय नमः ।
ॐ रामसुग्रीवसख्यकृते नमः ।
ॐ रामदासाय नमः ।
ॐ रामदूताय नमः ।
ॐ रामात्मने नमः ।
ॐ रामदैवताय नमः ।
ॐ रामभक्ताय नमः ।
ॐ रामसखाय नमः ।
ॐ रामनिधये नमः ।
ॐ रामहर्षणाय नमः । २०
ॐ महानुभावाय नमः ।
ॐ मेधाविने नमः ।
ॐ महेन्द्रगिरिमर्दनाय नमः ।
ॐ मैनाकमानिताय नमः ।
ॐ मान्याय नमः ।
ॐ महोत्साहाय नमः ।
ॐ महाबलाय नमः ।
ॐ देवमाताहृन्निवहाय नमः ।
ॐ गोष्पदीकृतवारिधये नमः ।
ॐ लङ्काद्वीपविचित्राङ्गाय नमः । ३०
ॐ सीतान्वेषणकोविदाय नमः ।
ॐ सीतादर्शनसन्तुष्टाय नमः ।
ॐ रामपत्नीप्रियंवदाय नमः ।
ॐ दशकण्ठशिरच्छेत्रे नमः ।
ॐ स्तुततार्क्ष्याय नमः ।
ॐ अभिदर्शनाय नमः ।
ॐ धीराय नमः ।
ॐ काञ्चनवर्णाङ्गाय नमः ।
ॐ तरुणार्कनिभाय नमः ।
ॐ दीप्तानलार्चिषे नमः । ४०
ॐ द्युतिमते नमः ।
ॐ वज्रदंष्ट्राय नमः ।
ॐ नखायुधाय नमः ।
ॐ मेरुमन्दरसङ्काशाय नमः ।
ॐ विद्रुमप्रतिमाननाय नमः ।
ॐ समर्थाय नमः ।
ॐ विश्रान्ताय नमः ।
ॐ दुर्धर्षाय नमः ।
ॐ शत्रुकम्पनाय नमः ।
ॐ अशोकवनिकाच्छेत्रे नमः । ५०
ॐ वीरकिङ्करसूदनाय नमः ।
ॐ चैत्यप्रासादविध्वंसिने नमः ।
ॐ जम्बुमालीनिषूदनाय नमः ।
ॐ सीताप्रसादकाय नमः ।
ॐ शौरये नमः ।
ॐ वस्त्रलाङ्गूलपावकाय नमः ।
ॐ दग्धलङ्काय नमः ।
ॐ अप्रमेयात्मने महाजीमूतनिस्वनाय नमः ।
ॐ संस्कारसम्पन्नवचसे नमः ।
ॐ विभीषणविशोककृते नमः । ६०
ॐ मुष्टिपिष्टदशास्याङ्गाय नमः ।
ॐ लक्ष्मणोद्वाहनप्रियाय नमः ।
ॐ धूम्राक्षघ्ने नमः ।
ॐ अकम्पनध्ने नमः ।
ॐ त्रिशिरध्ने नमः ।
ॐ निकुम्भध्ने नमः ।
ॐ पापराक्षससङ्घध्नाय नमः ।
ॐ पापनाशनकीर्तनाय नमः ।
ॐ मृतसञ्जीवनाय नमः ।
ॐ योगिने नमः । ७०
ॐ विष्णुचक्रपराक्रमाय नमः ।
ॐ हस्तन्यस्तौषधिगिरये नमः ।
ॐ चतुर्वर्गफलप्रदाय नमः ।
ॐ लक्ष्मणोज्जीवनाय नमः ।
ॐ श्लाध्याय नमः ।
ॐ लक्ष्मणार्थहृतौषधये नमः ।
ॐ दशग्रीववधोद्योगिने नमः ।
ॐ सीतानुग्रहभाजनाय नमः ।
ॐ रामं प्रत्यागताय नमः ।
ॐ दिव्याय नमः । ८०
ॐ वैदेहीदत्तभूषणाय नमः ।
ॐ रामाद्भुतयशस्तम्भाय नमः ।
ॐ यावद्रामकथास्थिताय नमः ।
ॐ निष्कल्मषाय नमः ।
ॐ ब्रह्मचारिणे नमः ।
ॐ विद्युत्सङ्घातपिङ्गलाय नमः ।
ॐ कदलीवनमध्यस्थाय नमः ।
ॐ महालक्ष्मीसमाश्रयाय नमः ।
ॐ भीमनिष्कम्पनाय नमः ।
ॐ भीमाय नमः । ९०
ॐ अव्यग्राय नमः ।
ॐ भीमसेनाग्रजाय नमः ।
ॐ युगाय नमः ।
ॐ धनञ्जयरथारूढाय नमः ।
ॐ शिवभक्ताय नमः ।
ॐ शिवप्रियाय नमः ।
ॐ चूर्णीकृताक्षदेहाय नमः ।
ॐ ज्वलिताग्निनिभाननाय नमः ।
ॐ पिङ्गाक्षाय नमः ।
ॐ विभवे नमः । १००
ॐ आक्लान्ताय नमः ।
ॐ लङ्किणीप्राणघातकाय नमः ।
ॐ पुच्छाग्निदग्धलङ्काय नमः ।
ॐ माल्यवत्प्राणहारिणे नमः ।
ॐ श्रीप्रदाय नमः ।
ॐ अनिलसूनवे नमः ।
ॐ वाग्मिने नमः ।
ॐ वानरनायकाय नमः । १०८
इत्येवं कीर्तनं यस्य नाम्नामष्टोत्तरं शतम् ।
पुण्यं पवनपुत्रस्य पावनं परिकीर्तनम् ॥
कीर्तयन् श्रावयन् शृण्वन् आयुष्मत्तामरोगताम् ।
विष्णुभक्तिं श्रियं दीप्तिं प्राप्नोत्येव परायणः ॥
महाभयेषु युद्धेषु चोरव्यालमृगेषु च ।
जपतां कुरुते नित्यं भगवान् पवनात्मजः ॥
॥ इति श्रीरामप्रोक्तं श्रीहनुमदष्टोत्तरशतनामावलिः सम्पूर्णा ॥
Encoded by Gopal Upadhyay gopal.j.upadhyay at gmail.com
Proofread by Gopal Upadhyay, PSA Easwaran