सख्योपनिषत्
ॐ पूर्णमदः पूर्णमिदं पूर्णात्पूर्णमुदच्यते ।
पूर्णस्य पूर्णमादाय पूर्णमेवावशिष्यते ॥ १॥
ॐ शान्तिः ।
ॐ क्वचित्समये सनकादयश्शेषं प्रति जग्मुः ।
कथं नु भगवन् पुरुषं वेदज्ञा भक्त्या पश्यन्ति
प्राप्नुवन्ति तेन सह क्रीडन्ति ।
सहोवाच ।
सख्यरसेनैव ॥ २॥
श्रुत्वा पुनरूचुः ।
भगवन् क्व स रसः प्राकृतोऽप्राकृतो वा ।
सहोवाच ।
अप्राकृतः प्रकृतिपरश्च सख्यस्यैव बहूनि पर्यायनामानि सन्ति ॥ ३॥
विश्वासः श्रद्धा श्रद्धाविश्वासः प्रकृतिः ।
सत्यंज्ञानमनन्तं ब्रह्म तद्ब्रह्म सख्यरसात्मकः ।
श्रीराम एव रसोवैसः ॥ ४॥
यस्यदासरसोवैपादः ॥ ५॥
यस्य शान्तरसो वै शिरः ॥ ६॥
वात्सल्यः प्राणः ॥ ७॥
शृङ्गारो बाहू ॥ ८॥
सख्यात्मा ॥ ९॥
सख्यरसाज्जायन्ते परव्यूहविभवान्तर्य्याम्यर्चावताराः ।
सख्यरसान्महाविष्णुर्जायते ।
सख्यरसान्महाब्रह्मा जायते ।
सख्यरसान्महारुद्रो जायते ।
सख्यरसात्परमात्मा जायते ।
सख्यरसान्महालक्ष्मीर्जायते ।
सख्यरसान्महामायाजायते ।
सख्यरसादाद्याशक्तिर्जायते ।
सख्यरसात्सखा जायते ।
सख्यरसाद्वासुदेवो जायते ।
सख्यरसात्क्षीरशायी जायते ।
सख्यरसात्सर्वेश्वराः जायन्ते ।
सध्यरसात्सर्वेऽवताराः जायन्ते ।
सख्यरसान्नृसिंहो जायते ।
सख्यरसाद्वराहो जायते ।
सख्यरसान्मत्स्यकच्छपौ जायेते ।
सख्यरसात्कल्किबौद्धौ जायेते ।
सख्यरसाद्वामनो जायते ।
सख्यरसात्परशुरामो जायते ।
सख्यरसाच्छ्रीकृष्णो जायते ।
सख्यरसाद्बलरामो जायते ।
सख्यरसाद्विष्णुर्जायते ।
सख्यरसान्महादेवो जायते ।
सख्यरसाद्ब्रह्मा जायते ।
सख्यरसान्महेन्द्रो जायते ।
सख्यरसादिन्द्रो जायते ।
सख्यरसात्सर्वेदेवाः जायन्ते ।
सख्यरसात्सर्वाः शक्तयो जायन्ते ।
सख्यरसाच्छेषो जायते ।
सख्यरसाद्गणेशो जायते ।
सख्यरसाद्वरुणो जायते ।
सख्यरसात्सोमो जायते ।
सख्यरसादग्निर्जायते ।
सख्यरसात्सूर्यो जायते ।
सख्यरसाद्यमो जायते ।
सख्यरसात्कल्पवृक्षो जायते ।
सख्यरसात्कामो जायते सख्यरसात्कामधेनुर्जायते ।
सख्यरसाद्धनदो जायते ।
सख्यरसात्सर्वेमरूताः जायन्ते ।
सख्यरसात्सर्वे गन्धर्वाः जायन्ते ।
सख्यरसात्सर्वेविद्याधराः जायन्ते ।
सख्यरसात्सर्वेवेदाः जायन्ते ।
सख्यरसात्सर्वोपनिषदो जायन्ते ।
सख्यरसात्सर्वेमन्त्राः जायन्ते ।
सख्यरसात्सर्वेसिद्धाः जायन्ते ।
सख्यरसात्पञ्च महाभूतानि जायन्ते ।
सख्यरसात्सर्वे जडचेतनाःजायन्ते ।
अतो ब्रह्मवित्सर्वं स्त्रीपुन्नपुंसकात्मकं विश्वं सख्यात्मकं पश्यति ।
यस्मादितरन्नकिञ्चिदिति ।
नित्यभेदम् । नित्योऽभेदो । नित्योऽभेदो ।
नित्योऽभेदो विवेचनीयोब्रह्मविद्भिः ।
ॐ पूर्णमदः पूर्णमिदं पूर्णात्पूर्णमुदच्यते ।
पूर्णस्य पूर्णमादाय पूर्णमेवावशिष्यते ॥
इत्यथर्वणवेदीय पिप्पलीय शाखायां सख्योपनिषत् समाप्ता ।
From Atharva Shruti (Pippaladeeya Shakha)
It explains supremacy of Sakhya Bhava
between Paramatma Sri Ramachandra and
Jivatma who is Ramasakhaa.
Encoded and proofread by Mrityunjay Rajkumar Pandey