आत्मनेपदेष्वन्यतरस्याम् २।४।४४

पूर्वेण नित्ये प्राप्ते विकल्प उच्यते। आत्मनेपदेषु परतो हनो लुङ्यन्यतरस्यां वध इत्ययमादेशो भवति। आवधिष्ट, आवधिषाताम्, आवधिषत। न च भवति। आहत, आहसाताम्, आहसत।

आत्मनेपदेष्वन्यतरस्याम्। , २।४।४४

"आवधिष्ट" इति। "आङो यमहनः" १।३।२८ इत्यात्मनेपदम्। "आफधिषत" इति। "आत्मनेपदेष्वनतः" ७।१।५ इत्यवादेशः। "आहत" इति। "हनः सिच्" १।२।१४ इति कित्त्वम्, "अनुदात्तोपदेश" ६।४।३७ इत्यादिनाऽनुनासिकलोपः, "ह्यस्वादङ्गात्" ८।२।२७ इति सिचो लोपः॥

आत्मनेपदेष्वन्यतस्याम् ४४५, २।४।४४

आत्मनेपदेष्विति। "तङी"त्येव सुवचम्। "समो गम्यृच्छिस्वरत्यर्तिविदिभ्यः" इति वृत्तिस्थं पाठमुपेक्ष्य भाष्यर्थं पाठमनुसरति--समोगम्यृच्छिभ्यामिति।