हनुमत्पञ्जरस्तोत्रम्
श्रीपराशरसंहितान्तर्गते चतुस्सप्ततितमः पटलः
हनुमत्पञ्जरकथनं -
पराशरः -
पञ्जरन्तु प्रवक्ष्यामि शृणु मैत्रेय ! आदरात् ॥ १॥
अस्य पञ्जरस्य ऋषिः श्रीरामचन्द्र भगवानिति च
छन्दोऽनुष्टुप् । श्रीपञ्चवक्त्रहनुमान देवतेति च । ह्रां बीजम् ।
स्वाहा शक्तिः । प्रणवो कीलकं स्मृतः । मन्त्रोक्त
देवताप्रसादसिध्यर्थे विनियोगः ।
दीर्घयामाययायुक्तैः षडङ्गैः परिकीर्तितः ।
रामदूत, वानरमुख, वायुनन्दन तथा नृसिंहमुखपूर्वकं
अञ्जनासूनुः परञ्च । गरुडमुख च तथा हरिमर्कट पदं परम् ।
क्रोडमुखं पदञ्चान्तं रामकार्यधुरन्धरः ।
ततो अश्वमुखञ्चान्तम् । सर्वराक्षसनाशनः ।
सर्वेमुखशब्दान्ताः सर्वं चतुर्घ्यं तं गताः ।
षडङ्गे कराङ्गादयो ह्रां षट्कादिभिस्संयुतम् । न्यसेत्सर्व मनन्यधीः ।
ततो ध्यानं पठित्वातु पूर्वोक्तमार्गतो वापि पञ्जरमारभेत्ततः ॥ २॥
आदौ प्रणवमुच्चार्यं वन्दे हरिपदं ततः ।
उच्चार्य मर्कटपदं मर्कटायेति चोच्चरेत् ॥ ३॥
अग्निजायां समुच्चार्य द्वादशार्णो महामनुः ॥ ४॥
शिरः पातु मम सदा सर्वसौख्यप्रदायकः ॥ ५॥
आदौ प्रणवमुच्चार्य कपिबीजं ततोच्चरेत् ।
नृसिंहबीजमुच्चार्य गारुडञ्च समुच्चरेत् ॥ ६॥
वराहबीजमुच्चार्य हयग्रीवं ततोच्चरेन् ।
नमः पदं ततोच्चार्य स पञ्चास्य महाकपेः ।
चतुर्दशार्णमन्त्रोऽयं मुखं पायात्सदा मम ॥ ७॥
आदौ प्रणवमुच्चार्य नमो भगवते पदं ।
पञ्चवदनाय चोच्चार्य पूर्वमुखेति चोच्चरेत् ॥ ८॥
वानरं बीजमुच्चार्य कपिमुखाय चोच्चरेत् ।
सर्वशत्रुहरायेति महाबलाय चोच्चरेत् ॥ ९॥
अग्निजायां ततोच्चार्य सप्तत्रिंशाक्षराभिधः ।
कण्ठं मम सदा पातु सर्वशत्रुविनाशकः ॥ १०॥
उच्चार्यं प्रणवं चादौ नमो भगवतेतिच ।
नारसिंह महाबीज करालपदमुच्चरेत् ॥ ११॥
नृसिंहाय पदं चोक्त्या सकलभूतप्रेतच ।
पिशाच्चब्रह्मराक्षस प्रमथनाय पदं वदेत् ॥ १२॥
अग्निजायां ततोच्चार्य वसु वेदार्णको मनुः ।
हृदयं मे सदा पातु सर्वशत्रुविनाशकः ॥ १३॥
ॐ नमो भगवतेति पञ्चवदनाय ततः ।
पश्चिममुखेति चोच्चार्य गारुडं बीजमुच्चरेत् ॥ १४॥
वीरगरुडाय महाबलायेति पदं ततः ।
सर्वनाग प्रमथना यान्ते सकलविषेति ॥ १५॥
हराय स्वाहा त्वं ततः वेदाभ्यक्षरसंयुतः ।
हनुमन्ममोदरं पातु सर्वरोगनिबर्हणः ॥ १६॥
ॐ नमो भगवतेति पञ्चवदनाय ततः ।
उत्तरमुखे चोज्चार्यं क्रोडवाग्बीजमुच्चरेत् ॥ १७॥
आदिवाराह सर्वसम्पत्प्रदाय निधि भूमिच ।
प्रदाय पश्चाज्ज्वरेति रोग निकृन्तन स्वाहा ॥ १८॥
नाभिं पातु मम सदा सुखसौभाग्य हेतुकः ।
नेत्र बाणार्णको मनोः पश्चात्प्रणवमुच्चरेत् ॥ १९॥
ॐ नमो भगवते पञ्चवदनाय पदं ततः ।
ऊर्ध्वमुखेत्यन्ते हयबीजं ततः परम् ॥ २०॥
हयग्रीवाय सकलप्रदाय सकलेतिच ।
जनवशीकरणाय सकल दानवान्तकाय ॥ २१॥
पश्चात्प्राज्ञाय स्वाहेति षट्पञ्चाशद्वर्णको मनुः ।
मम जानुद्वयं पातु सर्व राक्षसनाशकः ॥ २२॥
ॐ च ह्रीमित्ययं चोक्त्वा नमो भगवते ततः ।
ब्रह्मास्त्रसंहारकाय राक्षसकुलनाशयेति ॥ २३॥
पताक हनुमतेति मायाबीजत्रयं ततः ।
क्रोडास्त्र वह्निजायां तं मनुः पादद्वयं मम ॥ २४॥
ह्रां नमः पञ्चवक्त्राय नाभिदेशं सदा मम ।
ह्रीं नमः पञ्चवक्त्राय पातु जङ्घद्वयं मम ।
ह्रूं नमः पञ्चवक्त्राय पातु जानुद्वयं मम ।
ह्रैं नमः पञ्चवक्त्राय पादद्वन्द्वं सदावतु ।
ह्रौं नमः पञ्चवक्त्राय कटिदेशं सदावतु ।
ह्रः नमः पञ्चवक्त्राय चोदरं पातु सर्वदा ।
ऐ नमः पञ्चवक्त्राय हृदयं पातु सर्वदा ।
क्लां नमः पञ्चवक्त्राय बाहुयुग्मं सदावतु ।
क्लीं नमः पञ्चवक्त्राय करयुग्मं सदा मम ।
क्लूं नमः पञ्चवक्त्राय कण्ठदेशं सदावतु ।
क्लैं नमः पञ्चवक्त्राय चुबुकं मे सदावतु ।
क्लौं नमः पञ्चवक्त्राय पातु चोष्ठद्वयं मम ।
क्लः नमः पञ्चवक्त्राय नेत्रयुग्मं सदावतु ।
रां नमः पञ्चवक्त्राय शोत्रयुग्मं सदावतु ।
रीं नमः पञ्चवक्त्राय फालं पातु महाबलः ।
रूं नमः पञ्चवक्त्राय शिरः पायात्सदा मम ।
रैं नमः पञ्चवक्त्राय शिखां मम सदावतु ।
रौं नमः पञ्चवक्त्राय मूर्धानं पातु सर्वदा ।
रः नमः पञ्चवक्त्राय मुखं पातु सदा मम ।
क्ष्रां नमः पञ्चवक्त्राय श्रोत्रयुग्मं सदावतु ।
क्ष्रीं नमः पञ्चवक्त्राय नेत्रयुग्मं सदा मम ।
क्ष्रूं नमः पञ्चवक्त्राय पातु चोष्ठद्वयं मम ।
क्ष्रैं नमः पञ्चवक्त्राय भॄयुग्मं पातु सर्वदा ।
क्ष्रौं नमः पञ्चवक्त्राय नासिकां पातु सर्वदा ।
क्षः नमः पञ्चवक्त्राय कण्ठं पातु कपीश्वरः ।
ग्लां नमः पञ्चवक्त्राय पातु वक्षस्थलं मम ।
ग्लीं नमः पञ्चवक्त्राय बाहुयुग्मं सदा मम ।
ग्लूं नमः पञ्चवक्त्राय करयुग्मं सदावतु ।
ग्लैं नमः पञ्चवक्त्राय मम पातु वलित्रय ।
ग्लौं नमः पञ्चवक्त्राय चोरदं पातु सर्वदा ।
ग्लः नमः पञ्चवक्त्राय नाभिं पातु सदा मम ।
आं नमः पञ्चवक्त्राय वानराय कटिं मम ।
ईं नमः पञ्चवक्त्राय ऊरुयुग्मं सदावतु ।
ऊं नमः पञ्चवक्त्राय जानुद्वन्द्वं सदा मम ।
ऐं नमः पञ्चवक्त्राय गुल्फद्वन्द्वं सदावतु ।
औं नमः पञ्चवक्त्राय पादद्वन्द्वं सदावतु ।
अः नमः पञ्चवक्त्राय सर्वाङ्गानि सदावतु ॥ २५॥
वानरः पूर्वतः पातु दक्षिणे नरकेसरिः ।
प्रतीच्यां पातु गरुड उत्तरे पातु सूकरः ।
ऊर्ध्वं हयाननः पातु सर्वतः पातु मृत्युहा ॥ २६॥
वानरः पूर्वतः पातु आग्नेय्यां वायुनन्दनः ।
दक्षिणे पातु हनुमान् निरृते केसरीप्रियः ॥ २७॥
प्रतीच्यां पातु दैत्यारिः वायव्यां पातु मङ्गलः ।
उत्तरे रामदासस्तु निम्नं युद्धविशारदः ॥ २८॥
ऊर्ध्वे रामसखः पातु पाताले च कपीश्वरः ।
सर्वतः पातु पञ्चास्यः सर्वरोगविकृन्तनः ॥ २९॥
हनुमान पूर्वतः पातु दक्षिणे पवनात्मजः ।
पातु प्रतीचि मक्षघ्नो उदीच्यां सागरतारकः ॥ ३०॥
ऊर्ध्वं केसरीनन्दनः पात्वधस्ताद्विष्णुभक्तः ।
पातु मध्यप्रदेशेतु सर्वलङ्का विदाहकः ॥ ३१॥
एवं सर्वतो मां पातु पञ्चवक्त्रः सदा कपिः ॥ ३२॥
सुग्रीवसचिवः पातु मस्तकं मम सर्वदा ।
वायुनन्दनः फालं मे महावीरः भ्रूमध्यमम् ॥ ३३॥
नेत्रे छायापहारीच पातु श्रोत्रे प्लवङ्गमः ।
कपोलौ कर्णमूलेच पातु श्रीरामकिङ्करः ॥ ३४॥
नासाग्रमञ्जनासूनुः पातु वक्त्रः हरीश्वरः ।
पातु कण्ठच दैत्यारिः स्कन्धौ पातुसुरार्चितः ॥ ३५॥
जानौ पातु महातेजः कूर्परौ चरणायुधः ।
नखान् नखायुधः पातु कक्षं पातु कपीश्वरः ॥ ३६॥
सीताशोकापहारीतु स्तनौ पातु निरन्तरम् ।
लक्ष्मणप्राणदाताऽसौ कुक्षि पात्वनिशं मम ॥ ३७॥
वक्षौ मुद्रापहारीच पातु भुजायुधः ।
लखिणीभञ्जनः पातु पृष्ठदेशे निरन्तरम् ॥ ३८॥
नाभिञ्च रामदासस्तु कटिं पात्वनिलात्मजः ।
गुह्यं पातु महाप्राज्ञः सन्धौ पातु शिवप्रियः ॥ ३९॥
ऊरूच जानुनी पातु लङ्काप्रासादभञ्जनः ।
जङ्घौ पातु कपिश्रेष्ठः गुल्को पातु महाबलः ॥ ४०॥
अचलोद्धारकः पातु पादौ भास्करसन्निभः ।
अङ्गान्यमितसत्वाढ्यः पातु पादाङ्गुलिस्सदा ॥ ४१॥
सर्वाङ्गानि महाशूरः पातु मां रोमवान् सदा ।
भार्यां पातु महातेजः पुत्रान् पातु नखायुधः ॥ ४२॥
पशून् पञ्चाननः पातु क्षेत्रं पातु कपीश्वरः ।
बन्धून् पातु रघुश्रेष्ठः दासः पवनसम्भवः ॥ ४३॥
सीता शोकापहारी सः गृहान् मम सदावतु ॥ ४४॥
हनूमत्पञ्जरं यस्तु पठेद्विद्वान् विचक्षणः ।
स एष पुरुषश्रेष्ठो भक्ति मुक्तिञ्च विन्दति ॥ ४५॥
कालत्रयेऽप्येककाले पठेन्मासत्रयं नरः ।
सर्वशत्रून् क्षणे जित्वा स्वयञ्च विजयी भवेत् ॥ ४६॥
अर्धरात्रौ जले स्थित्वा सप्तवारं पठेद्यदि ।
क्षयापस्मारकुष्ठादि तापज्वरनिवारणम् ॥ ४७॥
अर्कवारेऽश्वत्थमूले स्थित्वा पठति यः पुमान् ।
स पुमान् श्रियमाप्नोति सङ्ग्रामे विजयी भवेत् ॥ ४८॥
अनेन मन्त्रितं चापि यः पिबेत् रोगपीडितः ।
स नरो रोगनिर्मुक्तः सुखी भवति निश्चयः ॥ ४९॥
यो नित्यं ध्यायेद्यस्तु सर्वमन्त्रविनिर्मितम् ।
तं दृष्ट्वा देवतास्सर्वे नमस्यन्ति कपीश्वरम् ॥ ५०॥
राक्षसास्तु पलायन्ते भूता धावन्ति सर्वतः ॥ ५१॥
इदं पञ्जरमज्ञात्वा यो जपन्मन्त्रनायकम् ।
न शीघ्रं फलमाप्नोति सत्यं सत्यं मयोदितम् ॥ ५२॥
त्रिकालमेककालं वा पञ्जरं धारयेच्छुभम् ।
पञ्जरं विधिवज्जप्त्वा स्तोत्रैः वेदान्तसम्मितैः ।
तोषयेदञ्जनासूनुं सर्वराक्षसमर्दनम् ॥ ५३॥
इतीदं पञ्जरं यस्तु पञ्चवक्त्रहनूमतः ।
धारयेत् श्रावयेद्वापि कृतकृत्यो भवेन्नरः ॥ ५४॥
इति श्रीपराशरसंहितायां श्रीपराशरमैत्रेयसंवादे
श्रीपञ्चमुखहनुमत्पञ्जरं नाम चतुस्सप्ततितमः पटलः ।