Ribhu Gita - Siva Rahasya Purana Amsha 6

ருʼபு⁴கீ³தா ௧௩ ॥ ஸர்வம்-ஆத்ம-ப்ரகரணம் ॥

ருʼபு⁴ஃ -

ஶணுஷ்வ து³ர்லப⁴ம்’ லோகே ஸாராத் ஸாரதரம்’ பரம் ।
ஆத்மரூபமித³ம்’ ஸர்வமாத்மநோऽந்யந்ந கிஞ்சந ॥ ௧॥
ஸர்வமாத்மாஸ்தி பரமா பரமாத்மா பராத்மகஃ ।
நித்யாநந்த³ஸ்வரூபாத்மா ஹ்யாத்மநோऽந்யந்ந கிஞ்சந ॥ ௨॥
பூர்ணரூபோ மஹாநாத்மா பூதாத்மா ஶாஶ்வதாத்மகஃ ।
நிர்விகாரஸ்வரூபாத்மா நிர்மலாத்மா நிராத்மகஃ ॥ ௩॥
ஶாந்தாஶாந்தஸ்வரூபாத்மா ஹ்யாத்மநோऽந்யந்ந கிஞ்சந ।
ஜீவாத்மா பரமாத்மா ஹி சித்தாசித்தாத்மசிந்மயஃ ।
ஏகாத்மா ஏகரூபாத்மா நைகாத்மாத்மவிவர்ஜிதஃ ॥ ௪॥
முக்தாமுக்தஸ்வரூபாத்மா முக்தாமுக்தவிவர்ஜிதஃ ।
மோக்ஷரூபஸ்வரூபாத்மா ஹ்யாத்மநோऽந்யந்ந கிஞ்சந ॥ ௫॥
த்³வைதாத்³வைதஸ்வரூபாத்மா த்³வைதாத்³வைதவிவர்ஜிதஃ ।
ஸர்வவர்ஜிதஸர்வாத்மா ஹ்யாத்மநோऽந்யந்ந கிஞ்சந ॥ ௬॥
முதா³முத³ஸ்வரூபாத்மா மோக்ஷாத்மா தே³வதாத்மகஃ ।
ஸங்கல்பஹீநஸாராத்மா ஹ்யாத்மநோऽந்யந்ந கிஞ்சந ॥ ௭॥
நிஷ்கலாத்மா நிர்மலாத்மா பு³த்³த்⁴யாத்மா புருஷாத்மகஃ ।
ஆநந்தா³த்மா ஹ்யஜாத்மா ச ஹ்யாத்மநோऽந்யந்ந கிஞ்சந ॥ ௮॥
அக³ண்யாத்மா க³ணாத்மா ச அமதாத்மாமதாந்தரஃ ।
பூ⁴தப⁴வ்யப⁴விஷ்யாத்மா ஹ்யாத்மநோऽந்யந்ந கிஞ்சந ॥ ௯॥
அகி²லாத்மாऽநுமந்யாத்மா மாநாத்மா பா⁴வபா⁴வநஃ ।
துர்யரூபப்ரஸந்நாத்மா ஆத்மநோऽந்யந்ந கிஞ்சந ॥ ௧௦॥
நித்யம்’ ப்ரத்யக்ஷரூபாத்மா நித்யப்ரத்யக்ஷநிர்ணயஃ ।
அந்யஹீநஸ்வபா⁴வாத்மா ஆத்மநோऽந்யந்ந கிஞ்சந ॥ ௧௧॥
அஸத்³தீ⁴நஸ்வபா⁴வாத்மா அந்யஹீநஃ ஸ்வயம்’ ப்ரபு⁴ஃ ।
வித்³யாவித்³யாந்யஶுத்³தா⁴த்மா மாநாமாநவிஹீநகஃ ॥ ௧௨॥
நித்யாநித்யவிஹீநாத்மா இஹாமுத்ரப²லாந்தரஃ ।
ஶமாதி³ஷட்கஶூந்யாத்மா ஹ்யாத்மநோऽந்யந்ந கிஞ்சந ॥ ௧௩॥
முமுக்ஷுத்வம்’ ச ஹீநாத்மா ஶப்³தா³த்மா த³மநாத்மகஃ ।
நித்யோபரதரூபாத்மா ஹ்யாத்மநோऽந்யந்ந கிஞ்சந ॥ ௧௪॥
ஸர்வகாலதிதிக்ஷாத்மா ஸமாதா⁴நாத்மநி ஸ்தி²தஃ ।
ஶுத்³தா⁴த்மா ஸ்வாத்மநி ஸ்வாத்மா ஹ்யாத்மநோऽந்யந்ந கிஞ்சந ॥ ௧௫॥
அந்நகோஶவிஹீநாத்மா ப்ராணகோஶவிவர்ஜிதஃ ।
மநஃகோஶவிஹீநாத்மா ஹ்யாத்மநோऽந்யந்ந கிஞ்சந ॥ ௧௬॥
விஜ்ஞாநகோஶஹீநாத்மா ஆநந்தா³தி³விவர்ஜிதஃ ।
பஞ்சகோஶவிஹீநாத்மா ஹ்யாத்மநோऽந்யந்ந கிஞ்சந ॥ ௧௭॥
நிர்விகல்பஸ்வரூபாத்மா ஸவிகல்பவிவர்ஜிதஃ ।
ஶப்³தா³நுவித்³த⁴ஹீநாத்மா ஹ்யாத்மநோऽந்யந்ந கிஞ்சந ॥ ௧௮॥var was ஶப்³தா³நுவித்⁴யஹீநாத்மா
ஸ்தூ²லதே³ஹவிஹீநாத்மா ஸூக்ஷ்மதே³ஹவிவர்ஜிதஃ ।
காரணாதி³விஹீநாத்மா ஹ்யாத்மநோऽந்யந்ந கிஞ்சந ॥ ௧௯॥
த³ஶ்யாநுவித்³த⁴ஶூந்யாத்மா ஹ்யாதி³மத்⁴யாந்தவர்ஜிதஃ ।
ஶாந்தா ஸமாதி⁴ஶூந்யாத்மா ஹ்யாத்மநோऽந்யந்ந கிஞ்சந ॥ ௨௦॥
ப்ரஜ்ஞாநவாக்யஹீநாத்மா அஹம்’ ப்³ரஹ்மாஸ்மிவர்ஜிதஃ ।
தத்த்வமஸ்யாதி³வாக்யாத்மா ஹ்யாத்மநோऽந்யந்ந கிஞ்சந ॥ ௨௧॥
அயமாத்மேத்யபா⁴வாத்மா ஸர்வாத்மா வாக்யவர்ஜிதஃ ।
ஓம்’காராத்மா கு³ணாத்மா ச ஹ்யாத்மநோऽந்யந்ந கிஞ்சந ॥ ௨௨॥
ஜாக்³ரத்³தீ⁴நஸ்வரூபாத்மா ஸ்வப்நாவஸ்தா²விவர்ஜிதஃ ।
ஆநந்த³ரூபபூர்ணாத்மா ஹ்யாத்மநோऽந்யந்ந கிஞ்சந ॥ ௨௩॥
பூ⁴தாத்மா ச ப⁴விஷ்யாத்மா ஹ்யக்ஷராத்மா சிதா³த்மகஃ ।
அநாதி³மத்⁴யரூபாத்மா ஹ்யாத்மநோऽந்யந்ந கிஞ்சந ॥ ௨௪॥
ஸர்வஸங்கல்பஹீநாத்மா ஸ்வச்ச²சிந்மாத்ரமக்ஷயஃ ।
ஜ்ஞாதஜ்ஞேயாதி³ஹீநாத்மா ஹ்யாத்மநோऽந்யந்ந கிஞ்சந ॥ ௨௫॥
ஏகாத்மா ஏகஹீநாத்மா த்³வைதாத்³வைதவிவர்ஜிதஃ ।
ஸ்வயமாத்மா ஸ்வபா⁴வாத்மா ஹ்யாத்மநோऽந்யந்ந கிஞ்சந ॥ ௨௬॥
துர்யாத்மா நித்யமாத்மா ச யத்கிஞ்சிதி³த³மாத்மகஃ ।
பா⁴நாத்மா மாநஹீநாத்மா ஹ்யாத்மநோऽந்யந்ந கிஞ்சந ॥ ௨௭॥var was மாநாத்மா
வாசாவதி⁴ரநேகாத்மா வாச்யாநந்தா³த்மநந்த³கஃ ।
ஸர்வஹீநாத்மஸர்வாத்மா ஹ்யாத்மநோऽந்யந்ந கிஞ்சந ॥ ௨௮॥
ஆத்மாநமேவ வீக்ஷஸ்வ ஆத்மாநம்’ பா⁴வய ஸ்வகம் ।
ஸ்வஸ்வாத்மாநம்’ ஸ்வயம்’ பு⁴ம்’க்ஷ்வ ஹ்யாத்மநோऽந்யந்ந கிஞ்சந ॥ ௨௯॥
ஸ்வாத்மாநமேவ ஸந்துஷ்ய ஆத்மாநம்’ ஸ்வயமேவ ஹி ।
ஸ்வஸ்வாத்மாநம்’ ஸ்வயம்’ பஶ்யேத் ஸ்வமாத்மாநம்’ ஸ்வயம்’ ஶ்ருதம் ॥ ௩௦॥
ஸ்வமாத்மநி ஸ்வயம்’ தப்தஃ ஸ்வமாத்மாநம்’ ஸ்வயம்’ப⁴ரஃ ।
ஸ்வமாத்மாநம்’ ஸ்வயம்’ ப⁴ஸ்ம ஹ்யாத்மநோऽந்யந்ந கிஞ்சந ॥ ௩௧॥
ஸ்வமாத்மாநம்’ ஸ்வயம்’ மோத³ம்’ ஸ்வமாத்மாநம்’ ஸ்வயம்’ ப்ரியம் ।
ஸ்வமாத்மாநமேவ மந்தவ்யம்’ ஹ்யாத்மநோऽந்யந்ந கிஞ்சந ॥ ௩௨॥
ஆத்மாநமேவ ஶ்ரோதவ்யம்’ ஆத்மாநம்’ ஶ்ரவணம்’ ப⁴வ ।
ஆத்மாநம்’ காமயேந்நித்யம் ஆத்மாநம்’ நித்யமர்சய ॥ ௩௩॥
ஆத்மாநம்’ ஶ்லாக⁴யேந்நித்யமாத்மாநம்’ பரிபாலய ।
ஆத்மாநம்’ காமயேந்நித்யம் ஆத்மநோऽந்யந்ந கிஞ்சந ॥ ௩௪॥
ஆத்மைவேயமியம்’ பூ⁴மிஃ ஆத்மைவேத³மித³ம்’ ஜலம் ।
ஆத்மைவேத³மித³ம்’ ஜ்யோதிராத்மநோऽந்யந்ந கிஞ்சந ॥ ௩௫॥
ஆத்மைவாயமயம்’ வாயுராத்மைவேத³மித³ம் வியத் ।
ஆத்மைவாயமஹங்காரஃ ஆத்மநோऽந்யந்ந கிஞ்சந ॥ ௩௬॥
ஆத்மைவேத³மித³ம்’ சித்தம்’ ஆத்மைவேத³மித³ம்’ மநஃ ।
ஆத்மைவேயமியம்’ பு³த்³தி⁴ராத்மநோऽந்யந்ந கிஞ்சந ॥ ௩௭॥
ஆத்மைவாயமயம்’ தே³ஹஃ ஆத்மைவாயமயம்’ கு³ணஃ ।
ஆத்மைவேத³மித³ம்’ தத்த்வம் ஆத்மநோऽந்யந்ந கிஞ்சந ॥ ௩௮॥
ஆத்மைவாயமயம்’ மந்த்ரஃ ஆத்மைவாயமயம்’ ஜபஃ ।
ஆத்மைவாயமயம்’ லோகஃ ஆத்மநோऽந்யந்ந கிஞ்சந ॥ ௩௯॥
ஆத்மைவாயமயம்’ ஶப்³த³ஃ ஆத்மைவாயமயம்’ ரஸஃ ।
ஆத்மைவாயமயம்’ ஸ்பர்ஶஃ ஆத்மநோऽந்யந்ந கிஞ்சந ॥ ௪௦॥
ஆத்மைவாயமயம்’ க³ந்த⁴ஃ ஆத்மைவாயமயம்’ ஶமஃ ।
ஆத்மைவேத³மித³ம்’ து³ஃக²ம்’ ஆத்மைவேத³மித³ம்’ ஸுக²ம் ॥ ௪௧॥
ஆத்மீயமேவேத³ம்’ ஜக³த் ஆத்மீயஃ ஸ்வப்ந ஏவ ஹி ।
ஸுஷுப்தம்’ சாப்யதா²த்மீயம்’ ஆத்மநோऽந்யந்ந கிஞ்சந ॥ ௪௨॥
ஆத்மைவ கார்யமாத்மைவ ப்ராயோ ஹ்யாத்மைவமத்³வயம் ।
ஆத்மீயமேவமத்³வைதம்’ ஆத்மநோऽந்யந்ந கிஞ்சந ॥ ௪௩॥
ஆத்மீயமேவாயம்’ கோऽபி ஆத்மைவேத³மித³ம்’ க்வசித் ।
ஆத்மைவாயமயம்’ லோகஃ ஆத்மநோऽந்யந்ந கிஞ்சந ॥ ௪௪॥
ஆத்மைவேத³மித³ம்’ த³ஶ்யம்’ ஆத்மைவாயமயம்’ ஜநஃ ।
ஆத்மைவேத³மித³ம்’ ஸர்வம்’ ஆத்மநோऽந்யந்ந கிஞ்சந ॥ ௪௫॥
ஆத்மைவாயமயம்’ ஶம்’பு⁴ஃ ஆத்மைவேத³மித³ம்’ ஜக³த் ।
ஆத்மைவாயமயம்’ ப்³ரஹ்மா ஆத்மநோऽந்யந்ந கிஞ்சந ॥ ௪௬॥
ஆத்மைவாயமயம்’ ஸூர்ய ஆத்மைவேத³மித³ம்’ ஜட³ம் ।
ஆத்மைவேத³மித³ம்’ த்⁴யாநம் ஆத்மைவேத³மித³ம் ப²லம் ॥ ௪௭॥
ஆத்மைவாயமயம்’ யோக³ஃ ஸர்வமாத்மமயம்’ ஜக³த் ।
ஸர்வமாத்மமயம்’ பூ⁴தம்’ ஆத்மநோऽந்யந்ந கிஞ்சந ॥ ௪௮॥
ஸர்வமாத்மமயம்’ பா⁴வி ஸர்வமாத்மமயம்’ கு³ருஃ ।
ஸர்வமாத்மமயம்’ ஶிஷ்ய ஆத்மநோऽந்யந்ந கிஞ்சந ॥ ௪௯॥
ஸர்வமாத்மமயம்’ தே³வஃ ஸர்வமாத்மமயம்’ ப²லம் ।
ஸர்வமாத்மமயம்’ லக்ஷ்யம்’ ஆத்மநோऽந்யந்ந கிஞ்சந ॥ ௫௦॥
ஸர்வமாத்மமயம்’ தீர்த²ம்’ ஸர்வமாத்மமயம்’ ஸ்வயம் ।
ஸர்வமாத்மமயம்’ மோக்ஷம்’ ஆத்மநோऽந்யந்ந கிஞ்சந ॥ ௫௧॥
ஸர்வமாத்மமயம்’ காமம்’ ஸர்வமாத்மமயம்’ க்ரியா ।
ஸர்வமாத்மமயம்’ க்ரோத⁴ஃ ஆத்மநோऽந்யந்ந கிஞ்சந ॥ ௫௨॥
ஸர்வமாத்மமயம்’ வித்³யா ஸர்வமாத்மமயம்’ தி³ஶஃ ।
ஸர்வமாத்மமயம்’ லோப⁴ஃ ஆத்மநோऽந்யந்ந கிஞ்சந ॥ ௫௩॥
ஸர்வமாத்மமயம்’ மோஹஃ ஸர்வமாத்மமயம்’ ப⁴யம் ।
ஸர்வமாத்மமயம்’ சிந்தா ஆத்மநோऽந்யந்ந கிஞ்சந ॥ ௫௪॥
ஸர்வமாத்மமயம்’ தை⁴ர்யம்’ ஸர்வமாத்மமயம்’ த்⁴ருவம் ।
ஸர்வமாத்மமயம்’ ஸத்யம்’ ஆத்மநோऽந்யந்ந கிஞ்சந ॥ ௫௫॥
ஸர்வமாத்மமயம்’ போ³த⁴ம்’ ஸர்வமாத்மமயம்’ த³ட⁴ம் ।
ஸர்வமாத்மமயம்’ மேயம்’ ஆத்மநோऽந்யந்ந கிஞ்சந ॥ ௫௬॥
ஸர்வமாத்மமயம்’ கு³ஹ்யம்’ ஸர்வமாத்மமயம்’ ஶுப⁴ம் ।
ஸர்வமாத்மமயம்’ ஶுத்³த⁴ம்’ ஆத்மநோऽந்யந்ந கிஞ்சந ॥ ௫௭॥
ஸர்வமாத்மமயம்’ ஸர்வம்’ ஸத்யமாத்மா ஸதா³த்மகஃ ।
பூர்ணமாத்மா க்ஷயம்’ சாத்மா பரமாத்மா பராத்பரஃ ॥ ௫௮॥
இதோऽப்யாத்மா ததோऽப்யாத்மா ஹ்யாத்மைவாத்மா ததஸ்ததஃ ।
ஸர்வமாத்மமயம்’ ஸத்யம்’ ஆத்மநோऽந்யந்ந கிஞ்சந ॥ ௫௯॥
ஸர்வமாத்மஸ்வரூபம்’ ஹி த³ஶ்யாத³ஶ்யம்’ சராசரம் ।
ஸர்வமாத்மமயம்’ ஶ்ருத்வா முக்திமாப்நோதி மாநவஃ ॥ ௬௦॥
ஸ்வதந்த்ரஶக்திர்ப⁴க³வாநுமாத⁴வோ
விசித்ரகாயாத்மகஜாக்³ரதஸ்ய ।
ஸுகாரணம்’ கார்யபரம்’பராபி⁴ஃ
ஸ ஏவ மாயாவிததோऽவ்யயாத்மா ॥ ௬௧॥

॥ இதி ஶ்ரீஶிவரஹஸ்யே ஶங்கராக்²யே ஷஷ்டா²ம்’ஶே ருʼபு⁴நிதா³க⁴ஸம்’வாதே³ ஸர்வமாத்மப்ரகரணம்’ நாம த்ரயோத³ஶோऽத்⁴யாயஃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com