Ribhu Gita - Siva Rahasya Purana Amsha 6

ருʼபு⁴கீ³தா ௧௭ ॥ ஸர்வ ஸித்³தா⁴ந்த ஸம்’க்³ரஹ ப்ரகரணம் ॥

ருʼபு⁴ஃ -

நிதா³க⁴ ஶணு கு³ஹ்யம்’ மே ஸர்வஸித்³தா⁴ந்தஸங்க்³ரஹம் ।
த்³வைதாத்³வைதமித³ம்’ ஶூந்யம்’ ஶாந்தம்’ ப்³ரஹ்மைவ ஸர்வதா³ ॥ ௧॥
அஹமேவ பரம்’ ப்³ரஹ்ம அஹமேவ பராத் பரம் ।
த்³வைதாத்³வைதமித³ம்’ ஶூந்யம்’ ஶாந்தம்’ ப்³ரஹ்மைவ கேவலம் ॥ ௨॥
அஹமேவ ஹி ஶாந்தாத்மா அஹமேவ ஹி ஸர்வக³ஃ ।
அஹமேவ ஹி ஶுத்³தா⁴த்மா அஹமேவ ஹி நித்யஶஃ ॥ ௩॥
அஹமேவ ஹி நாநாத்மா அஹமேவ ஹி நிர்கு³ணஃ ।
அஹமேவ ஹி நித்யாத்மா அஹமேவ ஹி காரணம் ॥ ௪॥
அஹமேவ ஹி ஜக³த் ஸர்வம்’ இத³ம்’ சைவாஹமேவ ஹி ।
அஹமேவ ஹி மோதா³த்மா அஹமேவ ஹி முக்தித³ஃ ॥ ௫॥
அஹமேவ ஹி சைதந்யம்’ அஹமேவ ஹி சிந்மயஃ ।
அஹமேவ ஹி சைதந்யமஹம்’ ஸர்வாந்தரஃ ஸதா³ ॥ ௬॥
அஹமேவ ஹி பூ⁴தாத்மா பௌ⁴திகம்’ த்வஹமேவ ஹி ।
அஹமேவ த்வமேவாஹமஹமேவாஹமேவ ஹி ॥ ௭॥
ஜீவாத்மா த்வஹமேவாஹமஹமேவ பரேஶ்வரஃ ।
அஹமேவ விபு⁴ர்நித்யமஹமேவ ஸ்வயம்’ ஸதா³ ॥ ௮॥
அஹமேவாக்ஷரம்’ ஸாக்ஷாத் அஹமேவ ஹி மே ப்ரியம் ।
அஹமேவ ஸதா³ ப்³ரஹ்ம அஹமேவ ஸதா³ऽவ்யயஃ ॥ ௯॥
அஹமேவாஹமேவாக்³ரே அஹமேவாந்தராந்தரஃ ।
அஹமேவ சிதா³காஶமஹமேவாவபா⁴ஸகஃ ॥ ௧௦॥
அஹமேவ ஸதா³ ஸ்ரஷ்டா அஹமேவ ஹி ரக்ஷகஃ ।
அஹமேவ ஹி லீலாத்மா அஹமேவ ஹி நிஶ்சயஃ ॥ ௧௧॥
அஹமேவ ஸதா³ ஸாக்ஷீ த்வமேவ த்வம்’ புராதநஃ ।
த்வமேவ ஹி பரம்’ ப்³ரஹ்ம த்வமேவ ஹி நிரந்தரம் ॥ ௧௨॥
அஹமேவாஹமேவாஹமஹமேவ த்வமேவ ஹி ।
அஹமேவாத்³வயாகாரஃ அஹமேவ விதே³ஹகஃ ॥ ௧௩॥
அஹமேவ மமாதா⁴ரஃ அஹமேவ ஸதா³த்மகஃ ।
அஹமேவோபஶாந்தாத்மா அஹமேவ திதிக்ஷகஃ ॥ ௧௪॥
அஹமேவ ஸமாதா⁴நம்’ ஶ்ரத்³தா⁴ சாப்யஹமேவ ஹி ।
அஹமேவ மஹாவ்யோம அஹமேவ கலாத்மகஃ ॥ ௧௫॥
அஹமேவ ஹி காமாந்தஃ அஹமேவ ஸதா³ந்தரஃ ।
அஹமேவ புரஸ்தாச்ச அஹம்’ பஶ்சாத³ஹம்’ ஸதா³ ॥ ௧௬॥
அஹமேவ ஹி விஶ்வாத்மா அஹமேவ ஹி கேவலம் ।
அஹமேவ பரம்’ ப்³ரஹ்ம அஹமேவ பராத்பரஃ ॥ ௧௭॥
அஹமேவ சிதா³நந்த³ஃ அஹமேவ ஸுகா²ஸுக²ம் ।
அஹமேவ கு³ருத்வம்’ ச அஹமேவாச்யுதஃ ஸதா³ ॥ ௧௮॥
அஹமேவ ஹி வேதா³ந்தஃ அஹமேவ ஹி சிந்தநஃ ।
தே³ஹோऽஹம்’ ஶுத்³த⁴சைதந்யஃ அஹம்’ ஸம்’ஶயவர்ஜிதஃ ॥ ௧௯॥
அஹமேவ பரம்’ ஜ்யோதிரஹமேவ பரம்’ பத³ம் ।
அஹமேவாவிநாஶ்யாத்மா அஹமேவ புராதநஃ ॥ ௨௦॥
அஹம்’ ப்³ரஹ்ம ந ஸந்தே³ஹஃ அஹமேவ ஹி நிஷ்கலஃ ।
அஹம்’ துர்யோ ந ஸந்தே³ஹஃ அஹமாத்மா ந ஸம்’ஶயஃ ॥ ௨௧॥
அஹமித்யபி ஹீநோऽஹமஹம்’ பா⁴வநவர்ஜிதஃ ।
அஹமேவ ஹி பா⁴வாந்தா அஹமேவ ஹி ஶோப⁴நம் ॥ ௨௨॥
அஹமேவ க்ஷணாதீதஃ அஹமேவ ஹி மங்க³லம் ।
அஹமேவாச்யுதாநந்த³ஃ அஹமேவ நிரந்தரம் ॥ ௨௩॥
அஹமேவாப்ரமேயாத்மா அஹம்’ ஸம்’கல்பவர்ஜிதஃ ।
அஹம்’ பு³த்³த⁴ஃ பரம்’தா⁴ம அஹம்’ பு³த்³தி⁴விவர்ஜிதஃ ॥ ௨௪॥
அஹமேவ ஸதா³ ஸத்யம்’ அஹமேவ ஸதா³ஸுக²ம் ।
அஹமேவ ஸதா³ லப்⁴யம்’ அஹம்’ ஸுலப⁴காரணம் ॥ ௨௫॥
அஹம்’ ஸுலப⁴விஜ்ஞாநம்’ து³ர்லபோ⁴ ஜ்ஞாநிநாம்’ ஸதா³ ।
அஹம்’ சிந்மாத்ர ஏவாத்மா அஹமேவ ஹி சித்³க⁴நஃ ॥ ௨௬॥
அஹமேவ த்வமேவாஹம்’ ப்³ரஹ்மைவாஹம்’ ந ஸம்’ஶயஃ ।
அஹமாத்மா ந ஸந்தே³ஹஃ ஸர்வவ்யாபீ ந ஸம்’ஶயஃ ॥ ௨௭॥
அஹமாத்மா ப்ரியம்’ ஸத்யம்’ ஸத்யம்’ ஸத்யம்’ புநஃ புநஃ ।
அஹமாத்மாऽஜரோ வ்யாபீ அஹமேவாத்மநோ கு³ருஃ ॥ ௨௮॥
அஹமேவாமதோ மோக்ஷோ அஹமேவ ஹி நிஶ்சலஃ ।
அஹமேவ ஹி நித்யாத்மா அஹம்’ முக்தோ ந ஸம்’ஶயஃ ॥ ௨௯॥
அஹமேவ ஸதா³ ஶுத்³த⁴ஃ அஹமேவ ஹி நிர்கு³ணஃ ।
அஹம்’ ப்ரபஞ்சஹீநோऽஹம்’ அஹம்’ தே³ஹவிவர்ஜிதஃ ॥ ௩௦॥
அஹம்’ காமவிஹீநாத்மா அஹம்’ மாயாவிவர்ஜிதஃ ।
அஹம்’ தோ³ஷப்ரவத்தாத்மா அஹம்’ ஸம்’ஸாரவர்ஜிதஃ ॥ ௩௧॥
அஹம்’ ஸங்கல்பரஹிதோ விகல்பரஹிதஃ ஶிவஃ ।
அஹமேவ ஹி துர்யாத்மா அஹமேவ ஹி நிர்மலஃ ॥ ௩௨॥
அஹமேவ ஸதா³ ஜ்யோதிரஹமேவ ஸதா³ ப்ரபு⁴ஃ ।
அஹமேவ ஸதா³ ப்³ரஹ்ம அஹமேவ ஸதா³ பரஃ ॥ ௩௩॥
அஹமேவ ஸதா³ ஜ்ஞாநமஹமேவ ஸதா³ மது³ஃ ।
அஹமேவ ஹி சித்தம்’ ச அஹம்’ மாநவிவர்ஜிதஃ ॥ ௩௪॥
அஹம்’காரஶ்ச ஸம்’ஸாரமஹங்காரமஸத்ஸதா³ ।
அஹமேவ ஹி சிந்மாத்ரம்’ மத்தோऽந்யந்நாஸ்தி நாஸ்தி ஹி ॥ ௩௫॥
அஹமேவ ஹி மே ஸத்யம்’ மத்தோऽந்யந்நாஸ்தி கிஞ்சந ।
மத்தோऽந்யத்தத்பத³ம்’ நாஸ்தி மத்தோऽந்யத் த்வத்பத³ம்’ நஹி ॥ ௩௬॥
புண்யமித்யபி ந க்வாபி பாபமித்யபி நாஸ்தி ஹி ।
இத³ம்’ பே⁴த³மயம்’ பே⁴த³ம்’ ஸத³ஸத்³பே⁴த³மித்யபி ॥ ௩௭॥
நாஸ்தி நாஸ்தி த்வயா ஸத்யம்’ ஸத்யம்’ ஸத்யம்’ புநஃ புநஃ ।
நாஸ்தி நாஸ்தி ஸதா³ நாஸ்தி ஸர்வம்’ நாஸ்தீதி நிஶ்சயஃ ॥ ௩௮॥
இத³மேவ பரம்’ ப்³ரஹ்ம அஹம்’ ப்³ரஹ்ம த்வமேவ ஹி ।
காலோ ப்³ரஹ்ம கலா ப்³ரஹ்ம கார்யம்’ ப்³ரஹ்ம க்ஷணம்’ ததா³ ॥ ௩௯॥
ஸர்வம்’ ப்³ரஹ்மாப்யஹம்’ ப்³ரஹ்ம ப்³ரஹ்மாஸ்மீதி ந ஸம்’ஶயஃ ।
சித்தம்’ ப்³ரஹ்ம மநோ ப்³ரஹ்ம ஸத்யம்’ ப்³ரஹ்ம ஸதா³ऽஸ்ம்யஹம் ॥ ௪௦॥
நிர்கு³ணம்’ ப்³ரஹ்ம நித்யம்’ ச நிரந்தரமஹம்’ பரஃ ।
ஆத்³யந்தம்’ ப்³ரஹ்ம ஏவாஹம்’ ஆத்³யந்தம்’ ச நஹி க்வசித் ॥ ௪௧॥
அஹமித்யபி வார்தாऽபி ஸ்மரணம்’ பா⁴ஷணம்’ ந ச ।
ஸர்வம்’ ப்³ரஹ்மைவ ஸந்தே³ஹஸ்த்வமித்யபி ந ஹி க்வசித் ॥ ௪௨॥
வக்தா நாஸ்தி ந ஸந்தே³ஹஃ ஏஷா கீ³தா ஸுது³ர்லப⁴ஃ ।
ஸத்³யோ மோக்ஷப்ரத³ம்’ ஹ்யேதத் ஸத்³யோ முக்திம்’ ப்ரயச்ச²தி ॥ ௪௩॥
ஸத்³ய ஏவ பரம்’ ப்³ரஹ்ம பத³ம்’ ப்ராப்நோதி நிஶ்சயஃ ।
ஸகச்ச்²ரவணமாத்ரேண ஸத்³யோ முக்திம்’ ப்ரயச்ச²தி ॥ ௪௪॥
ஏதத்து து³ர்லப⁴ம்’ லோகே த்ரைலோக்யேऽபி ச து³ர்லப⁴ம் ।
அஹம்’ ப்³ரஹ்ம ந ஸந்தே³ஹ இத்யேவம்’ பா⁴வயேத் த³ட⁴ம் ।
ததஃ ஸர்வம்’ பரித்யஜ்ய தூஷ்ணீம்’ திஷ்ட² யதா² ஸுக²ம் ॥ ௪௫॥

ஸூதஃ -

பு⁴வநக³க³நமத்⁴யத்⁴யாநயோகா³ங்க³ஸங்கே³
யமநியமவிஶேஷைர்ப⁴ஸ்மராகா³ங்க³ஸங்கை³ஃ ।
ஸுக²முக²ப⁴ரிதாஶாஃ கோஶபாஶாத்³விஹீநா
ஹதி³ முதி³தபராஶாஃ ஶாம்’ப⁴வாஃ ஶம்’பு⁴வச்ச ॥ ௪௬॥

॥ இதி ஶ்ரீஶிவரஹஸ்யே ஶங்கராக்²யே ஷஷ்டா²ம்’ஶே ருʼபு⁴நிதா³க⁴ஸம்’வாதே³ ஸர்வஸித்³தா⁴ந்தஸம்’க்³ரஹப்ரகரணம்’ நாம ஸப்தத³ஶோऽத்⁴யாயஃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com