Ribhu Gita - Siva Rahasya Purana Amsha 6

ருʼபு⁴கீ³தா ௨௩ ॥ ரஹஸ்யோபதே³ஶ ப்ரகரணம் ॥

ருʼபு⁴ஃ -

நிதா³க⁴ ஶணு வக்ஷ்யாமி ஸர்வலோகேஷு து³ர்லப⁴ம் ।
இத³ம்’ ப்³ரஹ்ம பரம்’ ப்³ரஹ்ம ஸச்சிதா³நந்த³ ஏவ ஹி ॥ ௧॥
நாநாவித⁴ஜநம்’ லோகம்’ நாநா காரணகார்யகம் ।
ப்³ரஹ்மைவாந்யத³ஸத் ஸர்வம்’ ஸச்சிதா³நந்த³ ஏவ ஹி ॥ ௨॥
அஹம்’ ப்³ரஹ்ம ஸதா³ ப்³ரஹ்ம அஸ்மி ப்³ரஹ்மாஹமேவ ஹி ।
காலோ ப்³ரஹ்ம க்ஷணோ ப்³ரஹ்ம அஹம்’ ப்³ரஹ்ம ந ஸம்’ஶயஃ ॥ ௩॥
வேதோ³ ப்³ரஹ்ம பரம்’ ப்³ரஹ்ம ஸத்யம்’ ப்³ரஹ்ம பராத் பரஃ ।
ஹம்’ஸோ ப்³ரஹ்ம ஹரிர்ப்³ரஹ்ம ஶிவோ ப்³ரஹ்ம சித³வ்யயஃ ॥ ௪॥
ஸர்வோபநிஷதோ³ ப்³ரஹ்ம ஸாம்யம்’ ப்³ரஹ்ம ஸமோऽஸ்ம்யஹம் ।
அஜோ ப்³ரஹ்ம ரஸோ ப்³ரஹ்ம வியத்³ப்³ரஹ்ம பராத்பரஃ ॥ ௫॥
த்ருடிர்ப்³ரஹ்ம மநோ ப்³ரஹ்ம வ்யஷ்டிர்ப்³ரஹ்ம ஸதா³முத³ஃ ।
இத³ம்’ ப்³ரஹ்ம பரம்’ ப்³ரஹ்ம தத்த்வம்’ ப்³ரஹ்ம ஸதா³ ஜபஃ ॥ ௬॥
அகாரோ ப்³ரஹ்ம ஏவாஹமுகாரோऽஹம்’ ந ஸம்’ஶயஃ ।
மகாரப்³ரஹ்மமாத்ரோऽஹம்’ மந்த்ரப்³ரஹ்மமநுஃ பரம் ॥ ௭॥
ஶிகாரப்³ரஹ்மமாத்ரோऽஹம்’ வாகாரம்’ ப்³ரஹ்ம கேவலம் ।
யகாரம்’ ப்³ரஹ்ம நித்யம்’ ச பஞ்சாக்ஷரமஹம்’ பரம் ॥ ௮॥
ரேசகம்’ ப்³ரஹ்ம ஸத்³ப்³ரஹ்ம பூரகம்’ ப்³ரஹ்ம ஸர்வதஃ ।
கும்’ப⁴கம்’ ப்³ரஹ்ம ஸர்வோऽஹம்’ தா⁴ரணம்’ ப்³ரஹ்ம ஸர்வதஃ ॥ ௯॥
ப்³ரஹ்மைவ நாந்யத் தத்ஸர்வம்’ ஸச்சிதா³நந்த³ ஏவ ஹி ।
ஏவம்’ ச நிஶ்சிதோ முக்தஃ ஸத்³ய ஏவ ந ஸம்’ஶயஃ ॥ ௧௦॥
கேசிதே³வ மஹாமூடா⁴ஃ த்³வைதமேவம்’ வத³ந்தி ஹி ।
ந ஸம்’பா⁴ஷ்யாஃ ஸதா³நர்ஹா நமஸ்காரே ந யோக்³யதா ॥ ௧௧॥
மூடா⁴ மூட⁴தராஸ்துச்சா²ஸ்ததா² மூட⁴தமாஃ பரே ।
ஏதே ந ஸந்தி மே நித்யம்’ அஹம்’விஜ்ஞாநமாத்ரதஃ ॥ ௧௨॥
ஸர்வம்’ சிந்மாத்ரரூபத்வாதா³நந்த³த்வாந்ந மே ப⁴யம் ।
அஹமித்யபி நாஸ்த்யேவ பரமித்யபி ந க்வசித் ॥ ௧௩॥
ப்³ரஹ்மைவ நாந்யத் தத்ஸர்வம்’ ஸச்சிதா³நந்த³ ஏவ ஹி ।
காலாதீதம்’ ஸுகா²தீதம்’ ஸர்வாதீதமதீதகம் ॥ ௧௪॥
நித்யாதீதமநித்யாநாமமிதம்’ ப்³ரஹ்ம கேவலம் ।
ப்³ரஹ்மைவ நாந்யத்³யத்ஸர்வம்’ ஸச்சிதா³நந்த³மாத்ரகம் ॥ ௧௫॥
த்³வைதஸத்யத்வபு³த்³தி⁴ஶ்ச த்³வைதபு³த்³த்⁴யா ந தத் ஸ்மர ।
ஸர்வம்’ ப்³ரஹ்மைவ நாந்யோऽஸ்தி ஸர்வம்’ ப்³ரஹ்மைவ கேவலம் ॥ ௧௬॥
பு³த்³த்⁴யாதீதம்’ மநோऽதீதம்’ வேதா³தீதமதஃ பரம் ।
ஆத்மாதீதம்’ ஜநாதீதம்’ ஜீவாதீதம்’ ச நிர்கு³ணம் ॥ ௧௭॥
காஷ்டா²தீதம்’ கலாதீதம்’ நாட்யாதீதம்’ பரம்’ ஸுக²ம் ।
ப்³ரஹ்மமாத்ரேண ஸம்’பஶ்யந் ப்³ரஹ்மமாத்ரபரோ ப⁴வ ॥ ௧௮॥
ப்³ரஹ்மமாத்ரபரோ நித்யம்’ சிந்மாத்ரோऽஹம்’ ந ஸம்’ஶயஃ ।
ஜ்யோதிராநந்த³மாத்ரோऽஹம்’ நிஜாநந்தா³த்மமாத்ரகஃ ॥ ௧௯॥
ஶூந்யாநந்தா³த்மமாத்ரோऽஹம்’ சிந்மாத்ரோऽஹமிதி ஸ்மர ।
ஸத்தாமாத்ரோऽஹமேவாத்ர ஸதா³ காலகு³ணாந்தரஃ ॥ ௨௦॥
நித்யஸந்மாத்ரரூபோऽஹம்’ ஶுத்³தா⁴நந்தா³த்மமாத்ரகம் ।
ப்ரபஞ்சஹீநரூபோऽஹம்’ ஸச்சிதா³நந்த³மாத்ரகஃ ॥ ௨௧॥
நிஶ்சயாநந்த³மாத்ரோऽஹம்’ கேவலாநந்த³மாத்ரகஃ ।
பரமாநந்த³மாத்ரோऽஹம்’ பூர்ணாநந்தோ³ऽஹமேவ ஹி ॥ ௨௨॥
த்³வைதஸ்யமாத்ரஸித்³தோ⁴ऽஹம்’ ஸாம்ராஜ்யபத³லக்ஷணம் ।
இத்யேவம்’ நிஶ்சயம்’ குர்வந் ஸதா³ த்ரிஷு யதா²ஸுக²ம் ॥ ௨௩॥
த³ட⁴நிஶ்சயரூபாத்மா த³ட⁴நிஶ்சயஸந்மயஃ ।
த³ட⁴நிஶ்சயஶாந்தாத்மா த³ட⁴நிஶ்சயமாநஸஃ ॥ ௨௪॥
த³ட⁴நிஶ்சயபூர்ணாத்மா த³ட⁴நிஶ்சயநிர்மலஃ ।
த³ட⁴நிஶ்சயஜீவாத்மா த³ட⁴நிஶ்சயமங்க³லஃ ॥ ௨௫॥
த³ட⁴நிஶ்சயஜீவாத்மா ஸம்’ஶயம்’ நாஶமேஷ்யதி ।
த³ட⁴நிஶ்சயமேவாத்ர ப்³ரஹ்மஜ்ஞாநஸ்ய லக்ஷணம் ॥ ௨௬॥
த³ட⁴நிஶ்சயமேவாத்ர வாக்யஜ்ஞாநஸ்ய லக்ஷணம் ।
த³ட⁴நிஶ்சயமேவாத்ர காரணம்’ மோக்ஷஸம்’பத³ஃ ॥ ௨௭॥
ஏவமேவ ஸதா³ கார்யம்’ ப்³ரஹ்மைவாஹமிதி ஸ்தி²ரம் ।
ப்³ரஹ்மைவாஹம்’ ந ஸந்தே³ஹஃ ஸச்சிதா³நந்த³ ஏவ ஹி ॥ ௨௮॥
ஆத்மாநந்த³ஸ்வரூபோऽஹம்’ நாந்யத³ஸ்தீதி பா⁴வய ।
ததஸ்தத³பி ஸந்த்யஜ்ய ஏக ஏவ ஸ்தி²ரோ ப⁴வ ॥ ௨௯॥
ததஸ்தத³பி ஸந்த்யஜ்ய நிர்கு³ணோ ப⁴வ ஸர்வதா³ ।
நிர்கு³ணத்வம்’ ச ஸந்த்யஜ்ய வாசாதீதோ ப⁴வேத் ததஃ ॥ ௩௦॥
வாசாதீதம்’ ச ஸந்த்யஜ்ய சிந்மாத்ரத்வபரோ ப⁴வ ।
ஆத்மாதீதம்’ ச ஸந்த்யஜ்ய ப்³ரஹ்மமாத்ரபரோ ப⁴வ ॥ ௩௧॥
சிந்மாத்ரத்வம்’ ச ஸந்த்யஜ்ய ஸர்வதூஷ்ணீம்’பரோ ப⁴வ ।
ஸர்வதூஷ்ணீம்’ ச ஸந்த்யஜ்ய மஹாதூஷ்ணீம்’பரோ ப⁴வ ॥ ௩௨॥
மஹாதூஷ்ணீம்’ ச ஸந்த்யஜ்ய சித்ததூஷ்ணீம்’ ஸமாஶ்ரய ।
சித்ததூஷ்ணீம்’ ச ஸந்த்யஜ்ய ஜீவதூஷ்ணீம்’ ஸமாஹர ॥ ௩௩॥
ஜீவதூஷ்ணீம்’ பரித்யஜ்ய ஜீவஶூந்யபரோ ப⁴வ ।
ஶூந்யத்யாக³ம்’ பரித்யஜ்ய யதா² திஷ்ட² ததா²ஸி போ⁴ ॥ ௩௪॥
திஷ்ட²த்வமபி ஸந்த்யஜ்ய அவாங்மாநஸகோ³சரஃ ।
ததஃ பரம்’ ந வக்தவ்யம்’ ததஃ பஶ்யேந்ந கிஞ்சந ॥ ௩௫॥
நோ சேத் ஸர்வபரித்யாகோ³ ப்³ரஹ்மைவாஹமிதீரய ।
ஸதா³ ஸ்மரந் ஸதா³ சிந்த்யம்’ ஸதா³ பா⁴வய நிர்கு³ணம் ॥ ௩௬॥
ஸதா³ திஷ்ட²ஸ்வ தத்த்வஜ்ஞ ஸதா³ ஜ்ஞாநீ ஸதா³ பரஃ ।
ஸதா³நந்த³ஃ ஸதா³தீதஃ ஸதா³தோ³ஷவிவர்ஜிதஃ ॥ ௩௭॥
ஸதா³ ஶாந்தஃ ஸதா³ தப்தஃ ஸதா³ ஜ்யோதிஃ ஸதா³ ரஸஃ ।
ஸதா³ நித்யஃ ஸதா³ ஶுத்³த⁴ஃ ஸதா³ பு³த்³த⁴ஃ ஸதா³ லயஃ ॥ ௩௮॥
ஸதா³ ப்³ரஹ்ம ஸதா³ மோத³ஃ ஸதா³நந்த³ஃ ஸதா³ பரஃ ।
ஸதா³ ஸ்வயம்’ ஸதா³ ஶூந்யஃ ஸதா³ மௌநீ ஸதா³ ஶிவஃ ॥ ௩௯॥
ஸதா³ ஸர்வம்’ ஸதா³ மித்ரஃ ஸதா³ ஸ்நாநம்’ ஸதா³ ஜபஃ ।
ஸதா³ ஸர்வம்’ ச விஸ்மத்ய ஸதா³ மௌநம்’ பரித்யஜ ॥ ௪௦॥
தே³ஹாபி⁴மாநம்’ ஸந்த்யஜ்ய சித்தஸத்தாம்’ பரித்யஜ ।
ஆத்மைவாஹம்’ ஸ்வயம்’ சாஹம்’ இத்யேவம்’ ஸர்வதா³ ப⁴வ ॥ ௪௧॥
ஏவம்’ ஸ்தி²தே த்வம்’ முக்தோऽஸி ந து கார்யா விசாரணா ।
ப்³ரஹ்மைவ ஸர்வம்’ யத்கிஞ்சித் ஸச்சிதா³நந்த³ ஏவ ஹி ॥ ௪௨॥
அஹம்’ ப்³ரஹ்ம இத³ம்’ ப்³ரஹ்ம த்வம்’ ப்³ரஹ்மாஸி நிரந்தரஃ ।
ப்ரஜ்ஞாநம்’ ப்³ரஹ்ம ஏவாஸி த்வம்’ ப்³ரஹ்மாஸி ந ஸம்’ஶயஃ ॥ ௪௩॥
த³ட⁴நிஶ்சயமேவ த்வம்’ குரு கல்யாணமாத்மநஃ ।
மநஸோ பூ⁴ஷணம்’ ப்³ரஹ்ம மநஸோ பூ⁴ஷணம்’ பரஃ ॥ ௪௪॥
மநஸோ பூ⁴ஷணம்’ கர்தா ப்³ரஹ்மைவாஹமவேக்ஷதஃ ।
ப்³ரஹ்மைவ ஸச்சிதா³நத³ஃ ஸச்சிதா³நந்த³விக்³ரஹஃ ॥ ௪௫॥
ஸச்சிதா³நந்த³மகி²லம்’ ஸச்சிதா³நந்த³ ஏவ ஹி ।
ஸச்சிதா³நந்த³ஜீவாத்மா ஸச்சிதா³நந்த³விக்³ரஹஃ ॥ ௪௬॥
ஸச்சிதா³நந்த³மத்³வைதம்’ ஸச்சிதா³நந்த³ஶங்கரஃ ।
ஸச்சிதா³நந்த³விஜ்ஞாநம்’ ஸச்சிதா³நந்த³போ⁴ஜநஃ ॥ ௪௭॥
ஸச்சிதா³நந்த³பூர்ணாத்மா ஸச்சிதா³நந்த³காரணஃ ।
ஸச்சிதா³நந்த³லீலாத்மா ஸச்சிதா³நந்த³ஶேவதி⁴ஃ ॥ ௪௮॥
ஸச்சிதா³நந்த³ஸர்வாங்க³ஃ ஸச்சிதா³நந்த³சந்த³நஃ ।
ஸச்சிதா³நந்த³ஸித்³தா⁴ந்தஃ ஸச்சிதா³நந்த³வேத³கஃ ॥ ௪௯॥
ஸச்சிதா³நந்த³ஶாஸ்த்ரார்த²ஃ ஸச்சிதா³நந்த³வாசகஃ ।
ஸச்சிதா³நந்த³ஹோமஶ்ச ஸச்சிதா³நந்த³ராஜ்யகஃ ॥ ௫௦॥
ஸச்சிதா³நந்த³பூர்ணாத்மா ஸச்சிதா³நந்த³பூர்ணகஃ ।
ஸச்சிதா³நந்த³ஸந்மாத்ரம்’ மூடே⁴ஷு படி²தம்’ ச யத் ॥ ௫௧॥
ஶுத்³த⁴ம்’ மூடே⁴ஷு யத்³த³த்தம்’ ஸுப³த்³த⁴ம்’ மார்க³சாரிணா ।
விஷயாஸக்தசித்தேஷு ந ஸம்’பா⁴ஷ்யம்’ விவேகிநா ॥ ௫௨॥
ஸகச்ச்²ரவணமாத்ரேண ப்³ரஹ்மைவ ப⁴வதி ஸ்வயம் ।
இச்சா² சேத்³யதி³ நாரீணாம்’ முக²ம்’ ப்³ராஹ்மண ஏவ ஹி ॥ ௫௩॥
ஸர்வம்’ சைதந்யமாத்ரத்வாத் ஸ்த்ரீபே⁴த³ம்’ ச ந வித்³யதே ।
வேத³ஶாஸ்த்ரேண யுக்தோऽபி ஜ்ஞாநாபா⁴வாத்³ த்³விஜோऽத்³விஜஃ ॥ ௫௪॥
ப்³ரஹ்மைவ தந்துநா தேந ப³த்³தா⁴ஸ்தே முக்திசிந்தகாஃ ।
ஸர்வமுக்தம்’ ப⁴க³வதா ரஹஸ்யம்’ ஶங்கரேண ஹி ॥ ௫௫॥
ஸோமாபீட³பதா³ம்’பு³ஜார்சநப²லைர்பு⁴க்த்யை ப⁴வாந் மாநஸம்’
நாந்யத்³யோக³பதா² ஶ்ருதிஶ்ரவணதஃ கிம்’ கர்மபி⁴ர்பூ⁴யதே ।
யுக்த்யா ஶிக்ஷிதமாநஸாநுப⁴வதோऽப்யஶ்மாப்யஸங்கோ³ வசாம்’
கிம்’ க்³ராஹ்யம்’ ப⁴வதீந்த்³ரியார்த²ரஹிதாநந்தை³கஸாந்த்³ரஃ ஶிவஃ ॥ ௫௬॥

॥ இதி ஶ்ரீஶிவரஹஸ்யே ஶங்கராக்²யே ஷஷ்டா²ம்’ஶே ருʼபு⁴நிதா³க⁴ஸம்’வாதே³ ரஹஸ்யோபதே³ஶப்ரகரணம்’ நாம த்ரயோவிம்’ஶோऽத்⁴யாயஃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com