Ribhu Gita - Siva Rahasya Purana Amsha 6

ருʼபு⁴கீ³தா ௪௬ ॥ ஜ்ஞாநோபாய-பூ⁴த ஶிவ-வ்ரத நிரூபணம் ॥

நிதா³க⁴ஃ -

ஏதத்³க்³ரந்த²ம்’ ஸதா³ ஶ்ருத்வா சித்தஜாட்³யமகுர்வதஃ ।
யாவத்³தே³ஹம்’ ஸதா³ வித்தைஃ ஶுஶ்ரூஷேத் பூஜயேத்³கு³ரும் ॥ ௧॥
தத்பூஜயைவ ஸததம்’ அஹம்’ ப்³ரஹ்மேதி நிஶ்சிநு ।
நித்யம்’ பூர்ணோऽஸ்மி நித்யோऽஸ்மி ஸர்வதா³ ஶாந்தவிக்³ரஹஃ ॥ ௨॥
ஏததே³வாத்மவிஜ்ஞாநம்’ அஹம்’ ப்³ரஹ்மேதி நிர்ணயஃ ।
நிரங்குஶஸ்வரூபோऽஸ்மி அதிவர்ணாஶ்ரமீ ப⁴வ ॥ ௩॥
அக்³நிரித்யாதி³பி⁴ர்மந்{}த்ரைஃ ஸர்வதா³ ப⁴ஸ்மதா⁴ரணம் ।
த்ரியாயுஷைஸ்த்ர்யம்’ப³கைஶ்ச குர்வந்தி ச த்ரிபுண்ட்³ரகம் ॥ ௪॥
த்ரிபுண்ட்³ரதா⁴ரிணாமேவ ஸர்வதா³ ப⁴ஸ்மதா⁴ரணம் ।
ஶிவப்ரஸாத³ஸம்’பத்திர்ப⁴விஷ்யதி ந ஸம்’ஶயஃ ॥ ௫॥
ஶிவப்ரஸாதா³தே³தத்³வை ஜ்ஞாநம்’ ஸம்’ப்ராப்யதே த்⁴ருவம் ।
ஶிரோவ்ரதமித³ம்’ ப்ரோக்தம்’ கேவலம்’ ப⁴ஸ்மதா⁴ரணம் ॥ ௬॥
ப⁴ஸ்மதா⁴ரணமாத்ரேண ஜ்ஞாநமேதத்³ப⁴விஷ்யதி ।
அஹம்’ வத்ஸரபர்யந்தம்’ கத்வா வை ப⁴ஸ்மதா⁴ரணம் ॥ ௭॥
த்வத்பாதா³ப்³ஜம்’ ப்ரபந்நோऽஸ்மி த்வத்தோ லப்³தா⁴த்ம நிர்வதிஃ ।
ஸர்வாதா⁴ரஸ்வரூபோऽஹம்’ ஸச்சிதா³நந்த³மாத்ரகம் ॥ ௮॥
ப்³ரஹ்மாத்மாஹம்’ ஸுலக்ஷண்யோ ப்³ரஹ்மலக்ஷணபூர்வகம் ।
ஆநந்தா³நுப⁴வம்’ ப்ராப்தஃ ஸச்சிதா³நந்த³விக்³ரஹஃ ॥ ௯॥
கு³ணரூபாதி³முக்தோऽஸ்மி ஜீவந்முக்தோ ந ஸம்’ஶயஃ ।
மைத்ர்யாதி³கு³ணஸம்’பந்நோ ப்³ரஹ்மைவாஹம்’ பரோ மஹாந் ॥ ௧௦॥
ஸமாதி⁴மாநஹம்’ நித்யம்’ ஜீவந்முக்தேஷு ஸத்தமஃ ।
அஹம்’ ப்³ரஹ்மாஸ்மி நித்யோऽஸ்மி ஸமாதி⁴ரிதி கத்²யதே ॥ ௧௧॥
ப்ராரப்³த⁴ப்ரதிப³ந்த⁴ஶ்ச ஜீவந்முக்தேஷு வித்³யதே ।
ப்ராரப்³த⁴வஶதோ யத்³யத் ப்ராப்யம்’ பு⁴ஞ்ஜே ஸுக²ம்’ வஸ ॥ ௧௨॥
தூ³ஷணம்’ பூ⁴ஷணம்’ சைவ ஸதா³ ஸர்வத்ர ஸம்’ப⁴வேத் ।
ஸ்வஸ்வநிஶ்சயதோ பு³த்³த்⁴யா முக்தோऽஹமிதி மந்யதே ॥ ௧௩॥
அஹமேவ பரம்’ ப்³ரஹ்ம அஹமேவ பரா க³திஃ ।
ஏவம்’ நிஶ்சயவாந் நித்யம்’ ஜீவந்முக்தேதி கத்²யதே ॥ ௧௪॥
ஏதத்³பே⁴த³ம்’ ச ஸந்த்யஜ்ய ஸ்வரூபே திஷ்ட²தி ப்ரபு⁴ஃ ।
இந்த்³ரியார்த²விஹீநோऽஹமிந்த்³ரியார்த²விவர்ஜிதஃ ॥ ௧௫॥
ஸர்வேந்த்³ரியகு³ணாதீதஃ ஸர்வேந்த்³ரியவிவர்ஜிதஃ ।
ஸர்வஸ்ய ப்ரபு⁴ரேவாஹம்’ ஸர்வம்’ மய்யேவ திஷ்ட²தி ॥ ௧௬॥
அஹம்’ சிந்மாத்ர ஏவாஸ்மி ஸச்சிதா³ந்த³விக்³ரஹஃ ।
ஸர்வம்’ பே⁴த³ம்’ ஸதா³ த்யக்த்வா ப்³ரஹ்மபே⁴த³மபி த்யஜேத் ॥ ௧௭॥
அஜஸ்ரம்’ பா⁴வயந் நித்யம்’ விதே³ஹோ முக்த ஏவ ஸஃ ।
அஹம்’ ப்³ரஹ்ம பரம்’ ப்³ரஹ்ம அஹம்’ ப்³ரஹ்ம ஜக³த்ப்ரபு⁴ஃ ॥ ௧௮॥
அஹமேவ கு³ணாதீதஃ அஹமேவ மநோமயஃ ।
அஹம்’ மய்யோ மநோமேயஃ ப்ராணமேயஃ ஸதா³மயஃ ॥ ௧௯॥
ஸத³ங்மயோ ப்³ரஹ்மமயோऽமதமயஃ ஸபூ⁴தோமதமேவ ஹி ।
அஹம்’ ஸதா³நந்த³த⁴நோऽவ்யயஃ ஸதா³ ।
ஸ வேத³மய்யோ ப்ரணவோऽஹமீஶஃ ॥ ௨௦॥
அபாணிபாதோ³ ஜவநோ க³ஹீதா
அபஶ்யஃ பஶ்யாம்யாத்மவத் ஸர்வமேவ ।
யத்தத்³பூ⁴தம்’ யச்ச ப⁴வ்யோऽஹமாத்மா
ஸர்வாதீதோ வர்தமாநோऽஹமேவ ॥ ௨௨॥

॥ இதி ஶ்ரீஶிவரஹஸ்யே ஶங்கராக்²யே ஷஷ்டா²ம்’ஶே ருʼபு⁴நிதா³க⁴ஸம்’வாதே³ ஜ்ஞாநோபாயபூ⁴தஶிவவ்ரதநிரூபணம்’ நாம ஷட்சத்வாரிம்’ஶோऽத்⁴யாயஃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com