Ribhu Gita - Siva Rahasya Purana Amsha 6

ருʼபு⁴கீ³தா ௨௫ ॥ ப்³ரஹ்மணஃ ஸர்வ-ரூபத்வ நிரூபண ப்ரகரணம் ॥

ருʼபு⁴ஃ -

வக்ஷ்யே ப்ரஸித்³த⁴மாத்மாநம்’ ஸர்வலோகப்ரகாஶகம் ।
ஸர்வாகாரம்’ ஸதா³ ஸித்³த⁴ம்’ ஸர்வத்ர நிபி³ட³ம்’ மஹத் ॥ ௧॥
தத்³ப்³ரஹ்மாஹம்’ ந ஸந்தே³ஹ இதி நிஶ்சித்ய திஷ்ட² போ⁴ஃ ।
சிதே³வாஹம்’ சிதே³வாஹம்’ சித்ரம்’ சேத³ஹமேவ ஹி ॥ ௨॥
வாசாவதி⁴ஶ்ச தே³வோऽஹம்’ சிதே³வ மநஸஃ பரஃ ।
சிதே³வாஹம்’ பரம்’ ப்³ரஹ்ம சிதே³வ ஸகலம்’ பத³ம் ॥ ௩॥
ஸ்தூ²லதே³ஹம்’ சிதே³வேத³ம்’ ஸூக்ஷ்மதே³ஹம்’ சிதே³வ ஹி ।
சிதே³வ கரணம்’ ஸோऽஹம்’ காயமேவ சிதே³வ ஹி ॥ ௪॥
அக²ண்டா³காரவத்திஶ்ச உத்தமாத⁴மமத்⁴யமாஃ ।
தே³ஹஹீநஶ்சிதே³வாஹம்’ ஸூக்ஷ்மதே³ஹஶ்சிதே³வ ஹி ॥ ௫॥
சிதே³வ காரணம்’ ஸோऽஹம்’ பு³த்³தி⁴ஹீநஶ்சிதே³வ ஹி ।
பா⁴வஹீநஶ்சிதே³வாஹம்’ தோ³ஷஹீநஶ்சிதே³வ ஹி ॥ ௬॥
அஸ்தித்வம்’ ப்³ரஹ்ம நாஸ்த்யேவ நாஸ்தி ப்³ரஹ்மேதி நாஸ்தி ஹி ।
அஸ்தி நாஸ்தீதி நாஸ்த்யேவ அஹமேவ சிதே³வ ஹி ॥ ௭॥
ஸர்வம்’ நாஸ்த்யேவ நாஸ்த்யேவ ஸாகாரம்’ நாஸ்தி நாஸ்தி ஹி ।
யத்கிஞ்சித³பி நாஸ்த்யேவ அஹமேவ சிதே³வ ஹி ॥ ௮॥
அந்வயவ்யதிரேகம்’ ச ஆதி³மத்⁴யாந்ததூ³ஷணம் ।
ஸர்வம்’ சிந்மாத்ரரூபத்வாத³ஹமேவ சிதே³வ ஹி ॥ ௯॥
ஸர்வாபரம்’ ச ஸத³ஸத் கார்யகாரணகர்தகம் ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௧௦॥
அஶுத்³த⁴ம்’ ஶுத்³த⁴மத்³வைதம்’ த்³வைதமேகமநேககம் ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௧௧॥
அஸத்யஸத்யமத்³வந்த்³வம்’ த்³வந்த்³வம்’ ச பரதஃ பரம் ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௧௨॥
பூ⁴தம்’ ப⁴விஷ்யம்’ வர்தம்’ ச மோஹாமோஹௌ ஸமாஸமௌ ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௧௩॥
க்ஷணம்’ லவம்’ த்ருடிர்ப்³ரஹ்ம த்வம்’பத³ம்’ தத்பத³ம்’ ததா² ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௧௪॥
த்வம்’பத³ம்’ தத்பத³ம்’ வாபி ஐக்யம்’ ச ஹ்யஹமேவ ஹி ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௧௫॥
ஆநந்த³ம்’ பரமாநந்த³ம்’ ஸர்வாநந்த³ம்’ நிஜம்’ மஹத் ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௧௬॥
அஹம்’ ப்³ரஹ்ம இத³ம்’ ப்³ரஹ்ம கம்’ ப்³ரஹ்ம ஹ்யக்ஷரம்’ பரம் ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௧௭॥
விஷ்ணுரேவ பரம்’ ப்³ரஹ்ம ஶிவோ ப்³ரஹ்மாஹமேவ ஹி ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௧௮॥
ஶ்ரோத்ரம்’ ப்³ரஹ்ம பரம்’ ப்³ரஹ்ம ஶப்³த³ம்’ ப்³ரஹ்ம பத³ம்’ ஶுப⁴ம் ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௧௯॥
ஸ்பர்ஶோ ப்³ரஹ்ம பத³ம்’ த்வக்ச த்வக்ச ப்³ரஹ்ம பரஸ்பரம் ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௨௦॥
பரம்’ ரூபம்’ சக்ஷுபி⁴ஃ ஏவ தத்ரைவ யோஜ்யதாம் ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௨௧॥
ப்³ரஹ்மைவ ஸர்வம்’ ஸததம்’ ஸச்சிதா³நந்த³மாத்ரகம் ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௨௨॥
சிந்மயாநந்த³மாத்ரோऽஹம்’ இத³ம்’ விஶ்வமித³ம்’ ஸதா³ ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௨௩॥
ப்³ரஹ்மைவ ஸர்வம்’ யத்கிஞ்சித் தத்³ப்³ரஹ்மாஹம்’ ந ஸம்’ஶயஃ ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௨௪॥
வாசா யத் ப்ரோச்யதே நாம மநஸா மநுதே து யத் ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௨௫॥
காரணே கல்பிதே யத்³யத் தூஷ்ணீம்’ வா ஸ்தீ²யதே ஸதா³ ।
ஶரீரேண து யத்³ பு⁴ங்க்தே இந்த்³ரியைர்யத்து பா⁴வ்யதே ।
ஸர்வம்’ நாஸ்த்யேவ நாஸ்த்யேவ அஹமேவ ஹி கேவலம் ॥ ௨௬॥
வேதே³ யத் கர்ம வேதோ³க்தம்’ ஶாஸ்த்ரம்’ ஶாஸ்த்ரோக்தநிர்ணயம் ।
கு³ரூபதே³ஶஸித்³தா⁴ந்தம்’ ஶுத்³தா⁴ஶுத்³த⁴விபா⁴ஸகம் ॥ ௨௭॥
காமாதி³கலநம்’ ப்³ரஹ்ம தே³வாதி³ கலநம்’ பத²க் ।
ஜீவயுக்தேதி கலநம்’ விதே³ஹோ முக்திகல்பநம் ॥ ௨௮॥
ப்³ரஹ்ம இத்யபி ஸங்கல்பம்’ ப்³ரஹ்மவித்³வரகல்பநம் ।
வரீயாநிதி ஸங்கல்பம்’ வரிஷ்ட² இதி கல்பநம் ॥ ௨௯॥
ப்³ரஹ்மாஹமிதி ஸங்கல்பம்’ சித³ஹம்’ சேதி கல்பநம் ।
மஹாவித்³யேதி ஸங்கல்பம்’ மஹாமாயேதி கல்பநம் ॥ ௩௦॥
மஹாஶூந்யேதி ஸங்கல்பம்’ மஹாசிந்தேதி கல்பநம் ।
மஹாலோகேதி ஸங்கல்பம்’ மஹாஸத்யேதி கல்பநம் ॥ ௩௧॥
மஹாரூபேதி ஸங்கல்பம்’ மஹாரூபம்’ ச கல்பநம் ।
ஸர்வஸங்கல்பகம்’ சித்தம்’ ஸர்வஸங்கல்பகம்’ மநஃ ॥ ௩௨॥
ஸர்வம்’ நாஸ்த்யேவ நாஸ்த்யேவ ஸர்வம்’ ப்³ரஹ்மைவ கேவலம் ।
ஸர்வம்’ த்³வைதம்’ மநோரூபம்’ ஸர்வம்’ து³ஃக²ம்’ மநோமயம் ॥ ௩௩॥
சிதே³வாஹம்’ ந ஸந்தே³ஹஃ சிதே³வேத³ம்’ ஜக³த்த்ரயம் ।
யத்கிஞ்சித்³பா⁴ஷணம்’ வாபி யத்கிஞ்சிந்மநஸோ ஜபம் ।
யத்கிஞ்சிந்மாநஸம்’ கர்ம ஸர்வம்’ ப்³ரஹ்மைவ கேவலம் ॥ ௩௪॥
ஸர்வம்’ நாஸ்தீதி ஸந்மந்த்ரம்’ ஜீவப்³ரஹ்மஸ்வரூபகம் ।
ப்³ரஹ்மைவ ஸர்வமித்யேவம்’ மந்த்ரஞ்சைவோத்தமோத்தமம் ॥ ௩௫॥
அநுக்தமந்த்ரம்’ ஸந்மந்த்ரம்’ வத்திஶூந்யம்’ பரம்’ மஹத் ।
ஸர்வம்’ ப்³ரஹ்மேதி ஸங்கல்பம்’ ததே³வ பரமம்’ பத³ம் ॥ ௩௬॥
ஸர்வம்’ ப்³ரஹ்மேதி ஸங்கல்பம்’ மஹாதே³வேதி கீர்தநம் ।
ஸர்வம்’ ப்³ரஹ்மேதி ஸங்கல்பம்’ ஶிவபூஜாஸமம்’ மஹத் ॥ ௩௭॥
ஸர்வம்’ ப்³ரஹ்மேத்யநுப⁴வஃ ஸர்வாகாரோ ந ஸம்’ஶயஃ ।
ஸர்வம்’ ப்³ரஹ்மேதி ஸங்கல்பம்’ ஸர்வத்யாக³மிதீரிதம் ॥ ௩௮॥
ஸர்வம்’ ப்³ரஹ்மேதி ஸங்கல்பம்’ பா⁴வாபா⁴வவிநாஶநம் ।
ஸர்வம்’ ப்³ரஹ்மேதி ஸங்கல்பம்’ மஹாதே³வேதி நிஶ்சயஃ ॥ ௩௯॥
ஸர்வம்’ ப்³ரஹ்மேதி ஸங்கல்பம்’ காலஸத்தாவிநிர்முக்தஃ ।
ஸர்வம்’ ப்³ரஹ்மேதி ஸங்கல்பஃ தே³ஹஸத்தா விமுக்திகஃ ॥ ௪௦॥
ஸர்வம்’ ப்³ரஹ்மேதி ஸங்கல்பஃ ஸச்சிதா³நந்த³ரூபகஃ ।
ஸர்வோऽஹம்’ ப்³ரஹ்மமாத்ரைவ ஸர்வம்’ ப்³ரஹ்மைவ கேவலம் ॥ ௪௧॥
இத³மித்யேவ யத்கிஞ்சித் தத்³ப்³ரஹ்மைவ ந ஸம்’ஶயஃ ।
ப்⁴ராந்திஶ்ச நரகம்’ து³ஃக²ம்’ ஸ்வர்க³ப்⁴ராந்திரிதீரிதா ॥ ௪௨॥
ப்³ரஹ்மா விஷ்ணுரிதி ப்⁴ராந்திர்ப்⁴ராந்திஶ்ச ஶிவரூபகம் ।
விராட் ஸ்வராட் ததா² ஸம்ராட் ஸூத்ராத்மா ப்⁴ராந்திரேவ ச ॥ ௪௩॥
தே³வாஶ்ச தே³வகார்யாணி ஸூர்யாசந்த்³ரமஸோர்க³திஃ ।
முநயோ மநவஃ ஸித்³தா⁴ ப்⁴ராந்திரேவ ந ஸம்’ஶயஃ ॥ ௪௪॥
ஸர்வதே³வாஸுரா ப்⁴ராந்திஸ்தேஷாம்’ யுத்³தா⁴தி³ ஜந்ம ச ।
விஷ்ணோர்ஜந்மாவதாராணி சரிதம்’ ஶாந்திரேவ ஹி ॥ ௪௫॥
ப்³ரஹ்மணஃ ஸஷ்டிகத்யாநி ருத்³ரஸ்ய சரிதாநி ச ।
ஸர்வப்⁴ராந்திஸமாயுக்தம்’ ப்⁴ராந்த்யா லோகாஶ்சதுர்த³ஶ ॥ ௪௬॥
வர்ணாஶ்ரமவிபா⁴க³ஶ்ச ப்⁴ராந்திரேவ ந ஸம்’ஶயஃ ।
ப்³ரஹ்மவிஷ்ண்வீஶருத்³ராணாமுபாஸா ப்⁴ராந்திரேவ ச ॥ ௪௭॥
தத்ராபி யந்த்ரமந்த்ராப்⁴யாம்’ ப்⁴ராந்திரேவ ந ஸம்’ஶயஃ ।
வாசாமகோ³சரம்’ ப்³ரஹ்ம ஸர்வம்’ ப்³ரஹ்மமயம்’ ச ஹி ॥ ௪௮॥
ஸர்வம்’ நாஸ்த்யேவ நாஸ்த்யேவ அஹமேவ சிதே³வ ஹி ।
ஏவம்’ வத³ த்வம்’ திஷ்ட² த்வம்’ ஸத்³யோ முக்தோ ப⁴விஷ்யஸி ॥ ௪௯॥
ஏதாவது³க்தம்’ யத்கிஞ்சித் தந்நாஸ்த்யேவ ந ஸம்’ஶயஃ ।
ஏவம்’ யதா³ந்தரம்’ க்ஷிப்ரம்’ ப்³ரஹ்மைவ த³ட⁴நிஶ்சயம் ॥ ௫௦॥
த³ட⁴நிஶ்சயமேவாத்ர ப்ரத²மம்’ காரணம்’ ப⁴வேத் ।
நிஶ்சயஃ க²ல்வயம்’ பஶ்சாத் ஸ்வயமேவ ப⁴விஷ்யதி ॥ ௫௧॥
ஆர்தம்’ யச்சி²வபாத³தோऽந்யதி³தரம்’ தஜ்ஜாதி³ஶப்³தா³த்மகம்’
சேதோவத்திபரம்’ பராப்ரமுதி³தம்’ ஷட்³பா⁴வஸித்³த⁴ம்’ ஜக³த் ।
பூ⁴தாக்ஷாதி³மநோவசோபி⁴ரநகே⁴ ஸாந்த்³ரே மஹேஶே க⁴நே
ஸிந்தௌ⁴ ஸைந்த⁴வக²ண்ட³வஜ்ஜக³தி³த³ம்’ லீயேத வத்த்யுஜ்சிதம் ॥ ௫௨॥

॥ இதி ஶ்ரீஶிவரஹஸ்யே ஶங்கராக்²யே ஷஷ்டா²ம்’ஶே ருʼபு⁴நிதா³க⁴ஸம்’வாதே³ ப்³ரஹ்மணஸ்ஸர்வரூபத்வநிரூபணப்ரகரணம்’ நாம பஞ்சவிம்’ஶோऽத்⁴யாயஃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com