ਭੁਗੀਤਾ ੨੫ ॥ ਬ੍ਰਹ੍ਮਣਃ ਸਰ੍ਵ-ਰੂਪਤ੍ਵ ਨਿਰੂਪਣ ਪ੍ਰਕਰਣਮ੍ ॥

ਭੁਃ -

• ਵਕ੍ਸ਼੍ਯੇ ਪ੍ਰਸਿਦ੍ਧਮਾਤ੍ਮਾਨਂ ਸਰ੍ਵਲੋਕਪ੍ਰਕਾਸ਼ਕਮ੍ ।
• ਸਰ੍ਵਾਕਾਰਂ ਸਦਾ ਸਿਦ੍ਧਂ ਸਰ੍ਵਤ੍ਰ ਨਿਬਿਡਂ ਮਹਤ੍ ॥ ੧॥
• ਤਦ੍ਬ੍ਰਹ੍ਮਾਹਂ ਨ ਸਨ੍ਦੇਹ ਇਤਿ ਨਿਸ਼੍ਚਿਤ੍ਯ ਤਿਸ਼੍ਠ ਭੋਃ ।
• ਚਿਦੇਵਾਹਂ ਚਿਦੇਵਾਹਂ ਚਿਤ੍ਰਂ ਚੇਦਹਮੇਵ ਹਿ ॥ ੨॥
• ਵਾਚਾਵਧਿਸ਼੍ਚ ਦੇਵੋऽਹਂ ਚਿਦੇਵ ਮਨਸਃ ਪਰਃ ।
• ਚਿਦੇਵਾਹਂ ਪਰਂ ਬ੍ਰਹ੍ਮ ਚਿਦੇਵ ਸਕਲਂ ਪਦਮ੍ ॥ ੩॥
• ਸ੍ਥੂਲਦੇਹਂ ਚਿਦੇਵੇਦਂ ਸੂਕ੍ਸ਼੍ਮਦੇਹਂ ਚਿਦੇਵ ਹਿ ।
• ਚਿਦੇਵ ਕਰਣਂ ਸੋऽਹਂ ਕਾਯਮੇਵ ਚਿਦੇਵ ਹਿ ॥ ੪॥
• ਅਖਣ੍ਡਾਕਾਰਵਤ੍ਤਿਸ਼੍ਚ ਉਤ੍ਤਮਾਧਮਮਧ੍ਯਮਾਃ ।
• ਦੇਹਹੀਨਸ਼੍ਚਿਦੇਵਾਹਂ ਸੂਕ੍ਸ਼੍ਮਦੇਹਸ਼੍ਚਿਦੇਵ ਹਿ ॥ ੫॥
• ਚਿਦੇਵ ਕਾਰਣਂ ਸੋऽਹਂ ਬੁਦ੍ਧਿਹੀਨਸ਼੍ਚਿਦੇਵ ਹਿ ।
• ਭਾਵਹੀਨਸ਼੍ਚਿਦੇਵਾਹਂ ਦੋਸ਼ਹੀਨਸ਼੍ਚਿਦੇਵ ਹਿ ॥ ੬॥
• ਅਸ੍ਤਿਤ੍ਵਂ ਬ੍ਰਹ੍ਮ ਨਾਸ੍ਤ੍ਯੇਵ ਨਾਸ੍ਤਿ ਬ੍ਰਹ੍ਮੇਤਿ ਨਾਸ੍ਤਿ ਹਿ ।
• ਅਸ੍ਤਿ ਨਾਸ੍ਤੀਤਿ ਨਾਸ੍ਤ੍ਯੇਵ ਅਹਮੇਵ ਚਿਦੇਵ ਹਿ ॥ ੭॥
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਸਾਕਾਰਂ ਨਾਸ੍ਤਿ ਨਾਸ੍ਤਿ ਹਿ ।
• ਯਤ੍ਕਿਞ੍ਚਿਦਪਿ ਨਾਸ੍ਤ੍ਯੇਵ ਅਹਮੇਵ ਚਿਦੇਵ ਹਿ ॥ ੮॥
• ਅਨ੍ਵਯਵ੍ਯਤਿਰੇਕਂ ਚ ਆਦਿਮਧ੍ਯਾਨ੍ਤਦੂਸ਼ਣਮ੍ ।
• ਸਰ੍ਵਂ ਚਿਨ੍ਮਾਤ੍ਰਰੂਪਤ੍ਵਾਦਹਮੇਵ ਚਿਦੇਵ ਹਿ ॥ ੯॥
• ਸਰ੍ਵਾਪਰਂ ਚ ਸਦਸਤ੍ ਕਾਰ੍ਯਕਾਰਣਕਰ੍ਤਕਮ੍ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੧੦॥
• ਅਸ਼ੁਦ੍ਧਂ ਸ਼ੁਦ੍ਧਮਦ੍ਵੈਤਂ ਦ੍ਵੈਤਮੇਕਮਨੇਕਕਮ੍ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੧੧॥
• ਅਸਤ੍ਯਸਤ੍ਯਮਦ੍ਵਨ੍ਦ੍ਵਂ ਦ੍ਵਨ੍ਦ੍ਵਂ ਚ ਪਰਤਃ ਪਰਮ੍ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੧੨॥
• ਭੂਤਂ ਭਵਿਸ਼੍ਯਂ ਵਰ੍ਤਂ ਚ ਮੋਹਾਮੋਹੌ ਸਮਾਸਮੌ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੧੩॥
• ਕ੍ਸ਼ਣਂ ਲਵਂ ਤ੍ਰੁਟਿਰ੍ਬ੍ਰਹ੍ਮ ਤ੍ਵਂਪਦਂ ਤਤ੍ਪਦਂ ਤਥਾ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੧੪॥
• ਤ੍ਵਂਪਦਂ ਤਤ੍ਪਦਂ ਵਾਪਿ ਐਕ੍ਯਂ ਚ ਹ੍ਯਹਮੇਵ ਹਿ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੧੫॥
• ਆਨਨ੍ਦਂ ਪਰਮਾਨਨ੍ਦਂ ਸਰ੍ਵਾਨਨ੍ਦਂ ਨਿਜਂ ਮਹਤ੍ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੧੬॥
• ਅਹਂ ਬ੍ਰਹ੍ਮ ਇਦਂ ਬ੍ਰਹ੍ਮ ਕਂ ਬ੍ਰਹ੍ਮ ਹ੍ਯਕ੍ਸ਼ਰਂ ਪਰਮ੍ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੧੭॥
• ਵਿਸ਼੍ਣੁਰੇਵ ਪਰਂ ਬ੍ਰਹ੍ਮ ਸ਼ਿਵੋ ਬ੍ਰਹ੍ਮਾਹਮੇਵ ਹਿ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੧੮॥
• ਸ਼੍ਰੋਤ੍ਰਂ ਬ੍ਰਹ੍ਮ ਪਰਂ ਬ੍ਰਹ੍ਮ ਸ਼ਬ੍ਦਂ ਬ੍ਰਹ੍ਮ ਪਦਂ ਸ਼ੁਭਮ੍ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੧੯॥
• ਸ੍ਪਰ੍ਸ਼ੋ ਬ੍ਰਹ੍ਮ ਪਦਂ ਤ੍ਵਕ੍ਚ ਤ੍ਵਕ੍ਚ ਬ੍ਰਹ੍ਮ ਪਰਸ੍ਪਰਮ੍ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੨੦॥
• ਪਰਂ ਰੂਪਂ ਚਕ੍ਸ਼ੁਭਿਃ ਏਵ ਤਤ੍ਰੈਵ ਯੋਜ੍ਯਤਾਮ੍ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੨੧॥
• ਬ੍ਰਹ੍ਮੈਵ ਸਰ੍ਵਂ ਸਤਤਂ ਸਚ੍ਚਿਦਾਨਨ੍ਦਮਾਤ੍ਰਕਮ੍ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੨੨॥
• ਚਿਨ੍ਮਯਾਨਨ੍ਦਮਾਤ੍ਰੋऽਹਂ ਇਦਂ ਵਿਸ਼੍ਵਮਿਦਂ ਸਦਾ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੨੩॥
• ਬ੍ਰਹ੍ਮੈਵ ਸਰ੍ਵਂ ਯਤ੍ਕਿਞ੍ਚਿਤ੍ ਤਦ੍ਬ੍ਰਹ੍ਮਾਹਂ ਨ ਸਂਸ਼ਯਃ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੨੪॥
• ਵਾਚਾ ਯਤ੍ ਪ੍ਰੋਚ੍ਯਤੇ ਨਾਮ ਮਨਸਾ ਮਨੁਤੇ ਤੁ ਯਤ੍ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੨੫॥
• ਕਾਰਣੇ ਕਲ੍ਪਿਤੇ ਯਦ੍ਯਤ੍ ਤੂਸ਼੍ਣੀਂ ਵਾ ਸ੍ਥੀਯਤੇ ਸਦਾ ।
• ਸ਼ਰੀਰੇਣ ਤੁ ਯਦ੍ ਭੁਙ੍ਕ੍ਤੇ ਇਨ੍ਦ੍ਰਿਯੈਰ੍ਯਤ੍ਤੁ ਭਾਵ੍ਯਤੇ ।
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਹਿ ਕੇਵਲਮ੍ ॥ ੨੬॥
• ਵੇਦੇ ਯਤ੍ ਕਰ੍ਮ ਵੇਦੋਕ੍ਤਂ ਸ਼ਾਸ੍ਤ੍ਰਂ ਸ਼ਾਸ੍ਤ੍ਰੋਕ੍ਤਨਿਰ੍ਣਯਮ੍ ।
• ਗੁਰੂਪਦੇਸ਼ਸਿਦ੍ਧਾਨ੍ਤਂ ਸ਼ੁਦ੍ਧਾਸ਼ੁਦ੍ਧਵਿਭਾਸਕਮ੍ ॥ ੨੭॥
• ਕਾਮਾਦਿਕਲਨਂ ਬ੍ਰਹ੍ਮ ਦੇਵਾਦਿ ਕਲਨਂ ਪਥਕ੍ ।
• ਜੀਵਯੁਕ੍ਤੇਤਿ ਕਲਨਂ ਵਿਦੇਹੋ ਮੁਕ੍ਤਿਕਲ੍ਪਨਮ੍ ॥ ੨੮॥
• ਬ੍ਰਹ੍ਮ ਇਤ੍ਯਪਿ ਸਙ੍ਕਲ੍ਪਂ ਬ੍ਰਹ੍ਮਵਿਦ੍ਵਰਕਲ੍ਪਨਮ੍ ।
• ਵਰੀਯਾਨਿਤਿ ਸਙ੍ਕਲ੍ਪਂ ਵਰਿਸ਼੍ਠ ਇਤਿ ਕਲ੍ਪਨਮ੍ ॥ ੨੯॥
• ਬ੍ਰਹ੍ਮਾਹਮਿਤਿ ਸਙ੍ਕਲ੍ਪਂ ਚਿਦਹਂ ਚੇਤਿ ਕਲ੍ਪਨਮ੍ ।
• ਮਹਾਵਿਦ੍ਯੇਤਿ ਸਙ੍ਕਲ੍ਪਂ ਮਹਾਮਾਯੇਤਿ ਕਲ੍ਪਨਮ੍ ॥ ੩੦॥
• ਮਹਾਸ਼ੂਨ੍ਯੇਤਿ ਸਙ੍ਕਲ੍ਪਂ ਮਹਾਚਿਨ੍ਤੇਤਿ ਕਲ੍ਪਨਮ੍ ।
• ਮਹਾਲੋਕੇਤਿ ਸਙ੍ਕਲ੍ਪਂ ਮਹਾਸਤ੍ਯੇਤਿ ਕਲ੍ਪਨਮ੍ ॥ ੩੧॥
• ਮਹਾਰੂਪੇਤਿ ਸਙ੍ਕਲ੍ਪਂ ਮਹਾਰੂਪਂ ਚ ਕਲ੍ਪਨਮ੍ ।
• ਸਰ੍ਵਸਙ੍ਕਲ੍ਪਕਂ ਚਿਤ੍ਤਂ ਸਰ੍ਵਸਙ੍ਕਲ੍ਪਕਂ ਮਨਃ ॥ ੩੨॥
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਸਰ੍ਵਂ ਬ੍ਰਹ੍ਮੈਵ ਕੇਵਲਮ੍ ।
• ਸਰ੍ਵਂ ਦ੍ਵੈਤਂ ਮਨੋਰੂਪਂ ਸਰ੍ਵਂ ਦੁਃਖਂ ਮਨੋਮਯਮ੍ ॥ ੩੩॥
• ਚਿਦੇਵਾਹਂ ਨ ਸਨ੍ਦੇਹਃ ਚਿਦੇਵੇਦਂ ਜਗਤ੍ਤ੍ਰਯਮ੍ ।
• ਯਤ੍ਕਿਞ੍ਚਿਦ੍ਭਾਸ਼ਣਂ ਵਾਪਿ ਯਤ੍ਕਿਞ੍ਚਿਨ੍ਮਨਸੋ ਜਪਮ੍ ।
• ਯਤ੍ਕਿਞ੍ਚਿਨ੍ਮਾਨਸਂ ਕਰ੍ਮ ਸਰ੍ਵਂ ਬ੍ਰਹ੍ਮੈਵ ਕੇਵਲਮ੍ ॥ ੩੪॥
• ਸਰ੍ਵਂ ਨਾਸ੍ਤੀਤਿ ਸਨ੍ਮਨ੍ਤ੍ਰਂ ਜੀਵਬ੍ਰਹ੍ਮਸ੍ਵਰੂਪਕਮ੍ ।
• ਬ੍ਰਹ੍ਮੈਵ ਸਰ੍ਵਮਿਤ੍ਯੇਵਂ ਮਨ੍ਤ੍ਰਞ੍ਚੈਵੋਤ੍ਤਮੋਤ੍ਤਮਮ੍ ॥ ੩੫॥
• ਅਨੁਕ੍ਤਮਨ੍ਤ੍ਰਂ ਸਨ੍ਮਨ੍ਤ੍ਰਂ ਵਤ੍ਤਿਸ਼ੂਨ੍ਯਂ ਪਰਂ ਮਹਤ੍ ।
• ਸਰ੍ਵਂ ਬ੍ਰਹ੍ਮੇਤਿ ਸਙ੍ਕਲ੍ਪਂ ਤਦੇਵ ਪਰਮਂ ਪਦਮ੍ ॥ ੩੬॥
• ਸਰ੍ਵਂ ਬ੍ਰਹ੍ਮੇਤਿ ਸਙ੍ਕਲ੍ਪਂ ਮਹਾਦੇਵੇਤਿ ਕੀਰ੍ਤਨਮ੍ ।
• ਸਰ੍ਵਂ ਬ੍ਰਹ੍ਮੇਤਿ ਸਙ੍ਕਲ੍ਪਂ ਸ਼ਿਵਪੂਜਾਸਮਂ ਮਹਤ੍ ॥ ੩੭॥
• ਸਰ੍ਵਂ ਬ੍ਰਹ੍ਮੇਤ੍ਯਨੁਭਵਃ ਸਰ੍ਵਾਕਾਰੋ ਨ ਸਂਸ਼ਯਃ ।
• ਸਰ੍ਵਂ ਬ੍ਰਹ੍ਮੇਤਿ ਸਙ੍ਕਲ੍ਪਂ ਸਰ੍ਵਤ੍ਯਾਗਮਿਤੀਰਿਤਮ੍ ॥ ੩੮॥
• ਸਰ੍ਵਂ ਬ੍ਰਹ੍ਮੇਤਿ ਸਙ੍ਕਲ੍ਪਂ ਭਾਵਾਭਾਵਵਿਨਾਸ਼ਨਮ੍ ।
• ਸਰ੍ਵਂ ਬ੍ਰਹ੍ਮੇਤਿ ਸਙ੍ਕਲ੍ਪਂ ਮਹਾਦੇਵੇਤਿ ਨਿਸ਼੍ਚਯਃ ॥ ੩੯॥
• ਸਰ੍ਵਂ ਬ੍ਰਹ੍ਮੇਤਿ ਸਙ੍ਕਲ੍ਪਂ ਕਾਲਸਤ੍ਤਾਵਿਨਿਰ੍ਮੁਕ੍ਤਃ ।
• ਸਰ੍ਵਂ ਬ੍ਰਹ੍ਮੇਤਿ ਸਙ੍ਕਲ੍ਪਃ ਦੇਹਸਤ੍ਤਾ ਵਿਮੁਕ੍ਤਿਕਃ ॥ ੪੦॥
• ਸਰ੍ਵਂ ਬ੍ਰਹ੍ਮੇਤਿ ਸਙ੍ਕਲ੍ਪਃ ਸਚ੍ਚਿਦਾਨਨ੍ਦਰੂਪਕਃ ।
• ਸਰ੍ਵੋऽਹਂ ਬ੍ਰਹ੍ਮਮਾਤ੍ਰੈਵ ਸਰ੍ਵਂ ਬ੍ਰਹ੍ਮੈਵ ਕੇਵਲਮ੍ ॥ ੪੧॥
• ਇਦਮਿਤ੍ਯੇਵ ਯਤ੍ਕਿਞ੍ਚਿਤ੍ ਤਦ੍ਬ੍ਰਹ੍ਮੈਵ ਨ ਸਂਸ਼ਯਃ ।
• ਭ੍ਰਾਨ੍ਤਿਸ਼੍ਚ ਨਰਕਂ ਦੁਃਖਂ ਸ੍ਵਰ੍ਗਭ੍ਰਾਨ੍ਤਿਰਿਤੀਰਿਤਾ ॥ ੪੨॥
• ਬ੍ਰਹ੍ਮਾ ਵਿਸ਼੍ਣੁਰਿਤਿ ਭ੍ਰਾਨ੍ਤਿਰ੍ਭ੍ਰਾਨ੍ਤਿਸ਼੍ਚ ਸ਼ਿਵਰੂਪਕਮ੍ ।
• ਵਿਰਾਟ੍ ਸ੍ਵਰਾਟ੍ ਤਥਾ ਸਮ੍ਰਾਟ੍ ਸੂਤ੍ਰਾਤ੍ਮਾ ਭ੍ਰਾਨ੍ਤਿਰੇਵ ਚ ॥ ੪੩॥
• ਦੇਵਾਸ਼੍ਚ ਦੇਵਕਾਰ੍ਯਾਣਿ ਸੂਰ੍ਯਾਚਨ੍ਦ੍ਰਮਸੋਰ੍ਗਤਿਃ ।
• ਮੁਨਯੋ ਮਨਵਃ ਸਿਦ੍ਧਾ ਭ੍ਰਾਨ੍ਤਿਰੇਵ ਨ ਸਂਸ਼ਯਃ ॥ ੪੪॥
• ਸਰ੍ਵਦੇਵਾਸੁਰਾ ਭ੍ਰਾਨ੍ਤਿਸ੍ਤੇਸ਼ਾਂ ਯੁਦ੍ਧਾਦਿ ਜਨ੍ਮ ਚ ।
• ਵਿਸ਼੍ਣੋਰ੍ਜਨ੍ਮਾਵਤਾਰਾਣਿ ਚਰਿਤਂ ਸ਼ਾਨ੍ਤਿਰੇਵ ਹਿ ॥ ੪੫॥
• ਬ੍ਰਹ੍ਮਣਃ ਸਸ਼੍ਟਿਕਤ੍ਯਾਨਿ ਰੁਦ੍ਰਸ੍ਯ ਚਰਿਤਾਨਿ ਚ ।
• ਸਰ੍ਵਭ੍ਰਾਨ੍ਤਿਸਮਾਯੁਕ੍ਤਂ ਭ੍ਰਾਨ੍ਤ੍ਯਾ ਲੋਕਾਸ਼੍ਚਤੁਰ੍ਦਸ਼ ॥ ੪੬॥
• ਵਰ੍ਣਾਸ਼੍ਰਮਵਿਭਾਗਸ਼੍ਚ ਭ੍ਰਾਨ੍ਤਿਰੇਵ ਨ ਸਂਸ਼ਯਃ ।
• ਬ੍ਰਹ੍ਮਵਿਸ਼੍ਣ੍ਵੀਸ਼ਰੁਦ੍ਰਾਣਾਮੁਪਾਸਾ ਭ੍ਰਾਨ੍ਤਿਰੇਵ ਚ ॥ ੪੭॥
• ਤਤ੍ਰਾਪਿ ਯਨ੍ਤ੍ਰਮਨ੍ਤ੍ਰਾਭ੍ਯਾਂ ਭ੍ਰਾਨ੍ਤਿਰੇਵ ਨ ਸਂਸ਼ਯਃ ।
• ਵਾਚਾਮਗੋਚਰਂ ਬ੍ਰਹ੍ਮ ਸਰ੍ਵਂ ਬ੍ਰਹ੍ਮਮਯਂ ਚ ਹਿ ॥ ੪੮॥
• ਸਰ੍ਵਂ ਨਾਸ੍ਤ੍ਯੇਵ ਨਾਸ੍ਤ੍ਯੇਵ ਅਹਮੇਵ ਚਿਦੇਵ ਹਿ ।
• ਏਵਂ ਵਦ ਤ੍ਵਂ ਤਿਸ਼੍ਠ ਤ੍ਵਂ ਸਦ੍ਯੋ ਮੁਕ੍ਤੋ ਭਵਿਸ਼੍ਯਸਿ ॥ ੪੯॥
• ਏਤਾਵਦੁਕ੍ਤਂ ਯਤ੍ਕਿਞ੍ਚਿਤ੍ ਤਨ੍ਨਾਸ੍ਤ੍ਯੇਵ ਨ ਸਂਸ਼ਯਃ ।
• ਏਵਂ ਯਦਾਨ੍ਤਰਂ ਕ੍ਸ਼ਿਪ੍ਰਂ ਬ੍ਰਹ੍ਮੈਵ ਦਢਨਿਸ਼੍ਚਯਮ੍ ॥ ੫੦॥
• ਦਢਨਿਸ਼੍ਚਯਮੇਵਾਤ੍ਰ ਪ੍ਰਥਮਂ ਕਾਰਣਂ ਭਵੇਤ੍ ।
• ਨਿਸ਼੍ਚਯਃ ਖਲ੍ਵਯਂ ਪਸ਼੍ਚਾਤ੍ ਸ੍ਵਯਮੇਵ ਭਵਿਸ਼੍ਯਤਿ ॥ ੫੧॥
• ਆਰ੍ਤਂ ਯਚ੍ਛਿਵਪਾਦਤੋऽਨ੍ਯਦਿਤਰਂ ਤਜ੍ਜਾਦਿਸ਼ਬ੍ਦਾਤ੍ਮਕਂ
• ਚੇਤੋਵਤ੍ਤਿਪਰਂ ਪਰਾਪ੍ਰਮੁਦਿਤਂ ਸ਼ਡ੍ਭਾਵਸਿਦ੍ਧਂ ਜਗਤ੍ ।
• ਭੂਤਾਕ੍ਸ਼ਾਦਿਮਨੋਵਚੋਭਿਰਨਘੇ ਸਾਨ੍ਦ੍ਰੇ ਮਹੇਸ਼ੇ ਘਨੇ
• ਸਿਨ੍ਧੌ ਸੈਨ੍ਧਵਖਣ੍ਡਵਜ੍ਜਗਦਿਦਂ ਲੀਯੇਤ ਵਤ੍ਤ੍ਯੁਜ੍ਝਿਤਮ੍ ॥ ੫੨॥

• ॥ ਇਤਿ ਸ਼੍ਰੀਸ਼ਿਵਰਹਸ੍ਯੇ ਸ਼ਙ੍ਕਰਾਖ੍ਯੇ ਸ਼ਸ਼੍ਠਾਂਸ਼ੇ ਭੁਨਿਦਾਘਸਂਵਾਦੇ ਬ੍ਰਹ੍ਮਣਸ੍ਸਰ੍ਵਰੂਪਤ੍ਵਨਿਰੂਪਣਪ੍ਰਕਰਣਂ ਨਾਮ ਪਞ੍ਚਵਿਂਸ਼ੋऽਧ੍ਯਾਯਃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com