Ribhu Gita - Siva Rahasya Purana Amsha 6

ঋভুগীতা ১৪ ॥ আত্মানন্দ প্রকরণ বর্ণনম্ ॥

ঋভুঃ -

শৃণুষ্ব সর্বং ব্রহ্মৈব সত্যং সত্যং শিবং শপে ।
নিশ্চযেনাত্মযোগীন্দ্র অন্যত্ কিঞ্চিন্ন কিঞ্চন ॥ ১॥
অণুমাত্রমসদ্রূপং অণুমাত্রমিদং ধ্রুবম্ ।
অণুমাত্রশরীরং চ অন্যত্ কিঞ্চিন্ন কিঞ্চন ॥ ২॥
সর্বমাত্মৈব শুদ্ধাত্মা সর্বং চিন্মাত্রমদ্বযম্ ।
নিত্যনির্মলশুদ্ধাত্মা অন্যত্ কিঞ্চিন্ন কিঞ্চন ॥ ৩॥
অণুমাত্রে বিচিন্ত্যাত্মা সর্বং ন হ্যণুমাত্রকম্ ।
অণুমাত্রমসংকল্পো অন্যত্ কিঞ্চিন্ন কিঞ্চন ॥ ৪॥
চৈতন্যমাত্রং সঙ্কল্পং চৈতন্যং পরমং পদম্ ।
আনন্দং পরমং মানং ইদং দৃশ্যং ন কিঞ্চন ॥ ৫॥
চৈতন্যমাত্রমোংকারঃ চৈতন্যং সকলং স্বযম্ ।
আনন্দং পরমং মানং ইদং দৃশ্যং ন কিঞ্চন ॥ ৬॥
আনন্দশ্চাহমেবাস্মি অহমেব চিদব্যযঃ ।
আনন্দং পরমং মানং ইদং দৃশ্যং ন কিঞ্চন ॥ ৭॥
অহমেব হি গুপ্তাত্মা অহমেব নিরন্তরম্ ।
আনন্দং পরমং মানং ইদং দৃশ্যং ন কিঞ্চন ॥ ৮॥
অহমেব পরং ব্রহ্ম অহমেব গুরোর্গুরুঃ ।
আনন্দং পরমং মানং ইদং দৃশ্যং ন কিঞ্চন ॥ ৯॥
অহমেবাখিলাধার অহমেব সুখাত্ সুখম্ ।
আনন্দং পরমং মানং ইদং দৃশ্যং ন কিঞ্চন ॥ ১০॥
অহমেব পরং জ্যোতিরহমেবাখিলাত্মকঃ ।
আনন্দং পরমং মানং ইদং দৃশ্যং ন কিঞ্চন ॥ ১১॥
অহমেব হি তৃপ্তাত্মা অহমেব হি নির্গুণঃ ।
আনন্দং পরমং মানং ইদং দৃশ্যং ন কিঞ্চন ॥ ১২॥
অহমেব হি পূর্ণাত্মা অহমেব পুরাতনঃ ।
আনন্দং পরমং মানং ইদং দৃশ্যং ন কিঞ্চন ॥ ১৩॥
অহমেব হি শান্তাত্মা অহমেব হি শাশ্বতঃ ।
আনন্দং পরমং মানং ইদং দৃশ্যং ন কিঞ্চন ॥ ১৪॥
অহমেব হি সর্বত্র অহমেব হি সুস্থিরঃ ।
আনন্দং পরমং মানং ইদং দৃশ্যং ন কিঞ্চন ॥ ১৫॥
অহমেব হি জীবাত্মা অহমেব পরাত্পরঃ ।
আনন্দং পরমং মানং ইদং দৃশ্যং ন কিঞ্চন ॥ ১৬॥
অহমেব হি বাক্যার্থো অহমেব হি শঙ্করঃ ।
আনন্দং পরমং মানং ইদং দৃশ্যং ন কিঞ্চন ॥ ১৭॥
অহমেব হি দুর্লক্ষ্য অহমেব প্রকাশকঃ ।
আনন্দং পরমং মানং ইদং দৃশ্যং ন কিঞ্চন ॥ ১৮॥
অহমেবাহমেবাহং অহমেব স্বযং স্বযম্ ।
অহমেব পরানন্দোঽহমেব হি চিন্মযঃ ॥ ১৯॥
অহমেব হি শুদ্ধাত্মা অহমেব হি সন্মযঃ ।
অহমেব হি শূন্যাত্মা অহমেব হি সর্বগঃ ॥ ২০॥
অহমেব হি বেদান্তঃ অহমেব হি চিত্পরঃ ॥ ২১॥
অহমেব হি চিন্মাত্রং অহমেব হি চিন্মযঃ ।
অন্যন্ন কিঞ্চিত্ চিদ্রূপাদহং বাহ্যবিবর্জিতঃ ॥ ২২॥
অহং ন কিঞ্চিদ্ ব্রহ্মাত্মা অহং নান্যদহং পরম্ ।
নিত্যশুদ্ধবিমুক্তোঽহং নিত্যতৃপ্তো নিরঞ্জনঃ ॥ ২৩॥
আনন্দং পরমানন্দমন্যত্ কিঞ্চিন্ন কিঞ্চন ।
নাস্তি কিঞ্চিন্নাস্তি কিঞ্চিত্ নাস্তি কিঞ্চিত্ পরাত্পরাত্ ॥ ২৪॥
আত্মৈবেদং জগত্ সর্বমাত্মৈবেদং মনোভবম্ ।
আত্মৈবেদং সুখং সর্বং আত্মৈবেদমিদং জগত্ ॥ ২৫॥
ব্রহ্মৈব সর্বং চিন্মাত্রং অহং ব্রহ্মৈব কেবলম্ ।
আনন্দং পরমং মানং ইদং দৃশ্যং ন কিঞ্চন ॥ ২৬॥
দৃশ্যং সর্বং পরং ব্রহ্ম দৃশ্যং নাস্ত্যেব সর্বদা ।
ব্রহ্মৈব সর্বসঙ্কল্পো ব্রহ্মৈব ন পরং ক্বচিত্ ।
আনন্দং পরমং মানং ইদং দৃশ্যং ন কিঞ্চন ॥ ২৭॥
ব্রহ্মৈব ব্রহ্ম চিদ্রূপং চিদেবং চিন্মযং জগত্ ।
অসদেব জগত্সর্বং অসদেব প্রপঞ্চকম্ ॥ ২৮॥
অসদেবাহমেবাস্মি অসদেব ত্বমেব হি ।
অসদেব মনোবৃত্তিরসদেব গুণাগুণৌ ॥ ২৯॥
অসদেব মহী সর্বা অসদেব জলং সদা ।
অসদেব জগত্খানি অসদেব চ তেজকম্ ॥ ৩০॥
অসদেব সদা বাযুরসদেবেদমিত্যপি ।
অহঙ্কারমসদ্বুদ্ধির্ব্রহ্মৈব জগতাং গণঃ ॥ ৩১॥
অসদেব সদা চিত্তমাত্মৈবেদং ন সংশযঃ ।
অসদেবাসুরাঃ সর্বে অসদেবেদশ্বরাকৃতিঃ ॥ ৩২॥
অসদেব সদা বিশ্বং অসদেব সদা হরিঃ ।
অসদেব সদা ব্রহ্মা তত্সৃষ্টিরসদেব হি ॥ ৩৩॥
অসদেব মহাদেবঃ অসদেব গণেশ্বরঃ ।
অসদেব সদা চোমা অসত্ স্কন্দো গণেশ্বরাঃ ॥ ৩৪॥
অসদেব সদা জীব অসদেব হি দেহকম্ ।
অসদেব সদা বেদা অসদ্দেহান্তমেব চ ॥ ৩৫॥
ধর্মশাস্ত্রং পুরাণং চ অসত্যে সত্যবিভ্রমঃ ।
অসদেব হি সর্বং চ অসদেব পরংপরা ॥ ৩৬॥
অসদেবেদমাদ্যন্তমসদেব মুনীশ্বরাঃ ।
অসদেব সদা লোকা লোক্যা অপ্যসদেব হি ॥ ৩৭॥
অসদেব সুখং দুঃখং অসদেব জযাজযৌ ।
অসদেব পরং বন্ধমসন্মুক্তিরপি ধ্রুবম্ ॥ ৩৮॥
অসদেব মৃতির্জন্ম অসদেব জডাজডম্ ।
অসদেব জগত্ সর্বমসদেবাত্মভাবনা ॥ ৩৯॥
অসদেব চ রূপাণি অসদেব পদং শুভম্ ।
অসদেব সদা চাহমসদেব ত্বমেব হি ॥ ৪০॥
অসদেব হি সর্বত্র অসদেব চলাচলম্ ।
অসচ্চ সকলং ভূতমসত্যং সকলং ফলম্ ॥ ৪১॥
অসত্যমখিলং বিশ্বমসত্যমখিলো গুণঃ ।
অসত্যমখিলং শেষমসত্যমখিলং জগত্ ॥ ৪২॥
অসত্যমখিলং পাপং অসত্যং শ্রবণত্রযম্ ।
অসত্যং চ সজাতীযবিজাতীযমসত্ সদা ॥ ৪৩॥
অসত্যমধিকারাশ্চ অনিত্যা বিষযাঃ সদা ।
অসদেব হি দেবাদ্যা অসদেব প্রযোজনম্ ॥ ৪৪॥
অসদেব শমং নিত্যং অসদেব শমোঽনিশম্ ।
অসদেব সসন্দেহং অসদ্যুদ্ধং সুরাসুরম্ ॥ ৪৫॥var was অসদেব চ সন্দেহং
অসদেবেশভাবং চাসদেবোপাস্যমেব হি ।
অসচ্চ কালদেশাদি অসত্ ক্ষেত্রাদিভাবনম্ ॥ ৪৬॥
তজ্জন্যধর্মাধর্মৌ চ অসদেব বিনির্ণযঃ ।
অসচ্চ সর্বকর্মাণি অসদস্বপরভ্রমঃ ॥ ৪৭॥
অসচ্চ চিত্তসদ্ভাব অসচ্চ স্থূলদেহকম্ ।
অসচ্চ লিঙ্গদেহং চ সত্যং সত্যং শিবং শপে ॥ ৪৮॥
অসত্যং স্বর্গনরকং অসত্যং তদ্ভবং সুখম্ ।
অসচ্চ গ্রাহকং সর্বং অসত্যং গ্রাহ্যরূপকম্ ॥ ৪৯॥
অসত্যং সত্যবদ্ভাবং অসত্যং তে শিবে শপে ।var was সত্যবদ্ভানং
অসত্যং বর্তমানাখ্যং অসত্যং ভূতরূপকম্ ॥ ৫০॥
অসত্যং হি ভবিষ্যাখ্যং সত্যং সত্যং শিবে শপে ।
অসত্ পূর্বমসন্মধ্যমসদন্তমিদং জগত্ ॥ ৫১॥
অসদেব সদা প্রাযং অসদেব ন সংশযঃ ।
অসদেব সদা জ্ঞানমজ্ঞানজ্ঞেযমেব চ ॥ ৫২॥
অসত্যং সর্বদা বিশ্বমসত্যং সর্বদা জডম্ ।
অসত্যং সর্বদা দৃশ্যং ভাতি তৌ রঙ্গশৃঙ্গবত্ ॥ ৫৩॥
অসত্যং সর্বদা ভাবঃ অসত্যং কোশসংভবম্ ।
অসত্যং সকলং মন্ত্রং সত্যং সত্যং ন সংশযঃ ॥ ৫৪॥
আত্মনোঽন্যজ্জগন্নাস্তি নাস্ত্যনাত্মমিদং সদা ।
আত্মনোঽন্যন্মৃষৈবেদং সত্যং সত্যং ন সংশযঃ ॥ ৫৫॥
আত্মনোঽন্যত্সুখং নাস্তি আত্মনোঽন্যন্ন কিঞ্চন ।
আত্মনোঽন্যা গতির্নাস্তি স্থিতমাত্মনি সর্বদা ॥ ৫৬॥
আত্মনোঽন্যন্ন হি ক্বাপি আত্মনোঽন্যত্ তৃণং ন হি ।
আত্মনোঽন্যন্ন কিঞ্চিচ্চ ক্বচিদপ্যাত্মনো ন হি ॥ ৫৭॥
আত্মানন্দপ্রকরণমেতত্তেঽভিহিতং মযা ।
যঃ শৃণোতি সকৃদ্বিদ্বান্ ব্রহ্মৈব ভবতি স্বযম্ ॥ ৫৮॥
সকৃচ্ছ্রবণমাত্রেণ সদ্যোবন্ধবিমুক্তিদম্ ।
এতদ্গ্রন্থার্থমাত্রং বৈ গৃণন্ সর্বৈর্বিমুচ্যতে ॥ ৫৯॥

সূতঃ -

পূর্ণং সত্যং মহেশং ভজ নিযতহৃদা যোঽন্তরাযৈর্বিহীনঃ
সো নিত্যো নির্বিকল্পো ভবতি ভুবি সদা ব্রহ্মভূতো ঋতাত্মা ।
বিচ্ছিন্নগ্রন্থিরীশে শিববিমলপদে বিদ্যতে ভাসতেঽন্তঃ
আরামোঽন্তর্ভবতি নিযতং বিশ্বভূতো মৃতশ্চ ॥ ৬০॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে আত্মানন্দপ্রকরণবর্ণনং নাম চতুর্দশোঽধ্যাযঃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com