Ribhu Gita - Siva Rahasya Purana Amsha 6

ঋভুগীতা ৩২ ॥ সর্ব-মিথ্যাত্ব নিরূপণ প্রকরণম্ ॥

ঋভুঃ -

বক্ষ্যে পুনরসত্ত্যাগং ব্রহ্মনিশ্চযমেব চ ।
যস্য শ্রবণমাত্রেণ সদ্যো মুক্তো ভবেন্নরঃ ॥ ১॥
চিত্তসত্তা মনঃসত্তা ব্রহ্মসত্তাঽন্যথা স্থিতা ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ২॥
দেহসত্তা লিঙ্গসত্তা ভাবসত্তাঽক্ষরা স্থিতা ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ৩॥
দৃশ্যং চ দর্শনং দৃষ্টা কর্তা কারযিতা ক্রিযা ।var was দ্রষ্টা
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ৪॥
একং দ্বিত্বং পৃথগ্ভাবং অস্তি নাস্তীতি নির্ণযঃ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ৫॥
শাস্ত্রভেদং বেদভেদং মুক্তীনাং ভেদভাবনম্ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ৬॥
জাতিভেদং বর্ণভেদং শুদ্ধাশুদ্ধবিনির্ণযঃ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ৭॥
অখণ্ডাকারবৃত্তিশ্চ অখণ্ডৈকরসং পরম্ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ৮॥
পরাপরবিকল্পশ্চ পুণ্যপাপবিকল্পনম্ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ৯॥
কল্পনাকল্পনাদ্বৈতং মনোকল্পনভাবনম্ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ১০॥
সিদ্ধং সাধ্যং সাধনং চ নাশনং ব্রহ্মভাবনম্ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ১১॥
আত্মজ্ঞানং মনোধর্মং মনোঽভাবে কুতো ভবেত্ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ১২॥
অজ্ঞানং চ মনোধর্মস্তদভাবে চ তত্কুতঃ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ১৩॥
শমো দমো মনোধর্মস্তদভাবে চ তত্কুতঃ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ১৪॥
বন্ধমোক্ষৌ মনোধর্মৌ তদভাবে কুতো ভবেত্ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ১৫॥
সর্বং মিথ্যা জগন্মিথ্যা দেহো মিথ্যা জডত্বতঃ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ১৬॥
ব্রহ্মলোকঃ সদা মিথ্যা বুদ্ধিরূপং তদেব হি ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ১৭॥
বিষ্ণুলোকঃ সদা মিথ্যা শিবমেব হি সর্বদা ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ১৮॥
রুদ্রলোকঃ সদা মিথ্যা অহংকারস্বরূপতঃ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ১৯॥
চন্দ্রলোকঃ সদা মিথ্যা মনোরূপবিকল্পনম্ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ২০॥
দিশো লোকঃ সদা মিথ্যা শ্রোত্রশব্দসমন্বিতঃ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ২১॥
সূর্যলোকঃ সদা মিথ্যা নেত্ররূপসমন্বিতঃ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ২২॥
বরুণস্য সদা লোকো জিহ্বারসসমন্বিতঃ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ২৩॥
ত্বচো লোকঃ সদা মিথ্যা বাযোঃ স্পর্শসমন্বিতঃ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ২৪॥
অশ্বিনোর্ঘ্রাণলোকশ্চ গন্ধদ্বৈতসমন্বিতঃ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ২৫॥
অগ্নের্লোকঃ সদা মিথ্যা বাগেব বচনেন তত্ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ২৬॥
ইন্দ্রলোকঃ সদা মিথ্যা পাণিপাদেন সংযুতঃ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ২৭॥
উপেন্দ্রস্য মহর্লোকো গমনেন পদং যুতম্ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ২৮॥
মৃত্যুরেব সদা নাস্তি পাযুরেব বিসর্গকম্ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ২৯॥
প্রজাপতের্মহর্লোকো গুহ্যমানন্দসংযুতম্ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ৩০॥
সর্বং মিথ্যা ন সন্দেহঃ সর্বমাত্মেতি নিশ্চিতম্ ।
তিতিক্ষোশ্চ সমাধানং শ্রদ্ধা চাচার্যভাষণে ॥ ৩১॥
মুমুক্ষুত্বং চ মোক্ষশ্চ মোক্ষার্থে মম জীবনে ।
চতুঃসাধনসংপন্নঃ সোঽধিকারীতি নিশ্চযঃ ॥ ৩২॥
জীবব্রহ্মৈক্যসদ্ভাবং বিযদ্ব্রহ্মেতি নিশ্চযঃ ।
বেদান্তব্রহ্মণো বোধ্যং বোধকং বন্ধমুচ্যতে ॥ ৩৩॥
সর্বজ্ঞাননির্বৃত্তিশ্চেদানন্দাবাপ্তিকং ফলম্ ।var was নিবৃত্তি
ইত্যেবমাদিভিঃ শব্দৈঃ প্রোক্তং সর্বমসত্ সদা ॥ ৩৪॥
সর্বশব্দার্থরূপং চ নিশ্চযং ভাবনং তথা ।
ব্রহ্মমাত্রং পরং সত্যমন্যত্ সর্বমসত্ সদা ॥ ৩৫॥
অনেকশব্দশ্রবণমনেকার্থবিচারণম্ ।
সর্বং মিথ্যা ন সন্দেহো ব্রহ্মৈবাহং ন সংশযঃ ॥ ৩৬॥
নানুধ্যাযাদ্ব্রহ্মশব্দান্ ইত্যুক্ত্বা হ মহানসি ।
ব্রহ্মোপদেশকালে তু সর্বং চোক্তং ন সংশযঃ ॥ ৩৭॥
ব্রহ্মৈবাহমিদং দ্বৈতং চিত্তসত্তাবিভাবনম্ ।
চিন্মাত্রোঽহমিদং দ্বৈতং জীবব্রহ্মেতি ভাবনম্ ॥ ৩৮॥
অহং চিন্মাত্রমন্ত্রং বা কার্যকারণচিন্তনম্ ।
অক্ষযানন্দবিজ্ঞানমখণ্ডৈকরসাদ্বযম্ ॥ ৩৯॥
পরং ব্রহ্ম ইদং ব্রহ্ম শান্তং ব্রহ্ম স্বযং জগত্ ।
অন্তরিন্দ্রিযবিজ্ঞানং বাহ্যেন্দ্রিযনিরোধনম্ ॥ ৪০॥
সর্বোপদেশকালং চ সাম্যং শেষং মহোদযম্ ।
ভূমিরাপোঽনলো বাযুঃ খং মনো বুদ্ধিরেব চ ॥ ৪১॥
কারণং কার্যভেদং চ শাস্ত্রমার্গৈককল্পনম্ ।
অহং ব্রহ্ম ইদং ব্রহ্ম সর্বং ব্রহ্মেতি শব্দতঃ ॥ ৪২॥
সত্যরূপং ক্বচিন্নাস্তি সত্যং নাম কদা নহি ।
সংশযং চ বিপর্যাসং সঙ্কল্পঃ কারণং ভ্রমঃ ॥ ৪৩॥
আত্মনোঽন্যত্ ক্বচিন্নাস্তি সর্বং মিথ্যা ন সংশযঃ ।
মহতাং হ্যদ্যতে মন্ত্রী মেধাশুদ্ধিশুভাশুভম্ ॥ ৪৪॥
দেশভেদং বস্তুভেদং ন চ চৈতন্যভেদকম্ ।
আত্মনোঽন্যত্ পৃথগ্ভাবমাত্মনোঽন্যন্নিরূপণম্ ॥ ৪৫॥
আত্মনোঽন্যন্নামরূপমাত্মনোঽন্যচ্ছুভাশুভম্ ।
আত্মনোঽন্যদ্বস্তুসত্তা আত্মনোঽন্যজ্জগত্ত্রযম্ ॥ ৪৬॥
আত্মনোঽন্যত্ সুঃখং দুঃখমাত্মনোঽন্যদ্বিচিন্তনম্ ।
আত্মনোঽন্যত্প্রপঞ্চং বা আত্মনোঽন্যজ্জযাজযৌ ॥ ৪৭॥
আত্মনোঽন্যদ্দেবপূজা আত্মনোঽন্যচ্ছিবার্চনম্ ।
আত্মনোঽন্যন্মহাধ্যানমাত্মনোঽন্যত্ কলাক্রমম্ ॥ ৪৮॥
সর্বং মিথ্যা ন সন্দেহো ব্রহ্ম সর্বং ন সংশযঃ ।
সর্বমুক্তং ভগবতা নিদিধ্যাসস্তু সর্বদা ॥ ৪৯॥
সকৃচ্ছ্রবণমাত্রেণ হৃদযগ্রন্থিরন্তিমম্ ।
কর্মনাশং চ মূঢানাং মহতাং মুক্তিরেব হি ॥ ৫০॥
অনেককোটিজননপাতকং ভস্মসাদ্ভবেত্ ।
সত্যং সত্যং পুনঃ সত্যং সত্যং সর্বং বিনশ্যতি ।
সদ্যো মুক্তির্ন সন্দেহো নাস্তি মঙ্গলমঙ্গলম্ ॥ ৫১॥
ক্ব ভেদভাবদর্শনং ন চৈব শোকমোহহৃত্
প্রপশ্যতাং শ্রুতে শিখাবিশেষমৈক্যভাবনাত্ ।
যতো ভবেজ্জগাদ তং মহেশ যেন জীবিতং
যদন্তরাঽবিশত্ সদা যথোর্ণনাভতন্তুবত্ ॥ ৫২॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে সর্বমিথ্যাত্বনিরূপণপ্রকরণং নাম দ্বাত্রিংশোঽধ্যাযঃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com