Ribhu Gita - Siva Rahasya Purana Amsha 6

ঋভুগীতা ৯ ॥ অহং-ব্রহ্মাস্মি প্রকরণ নিরূপণম্ ॥

নিদাঘঃ -

কুত্র বা ভবতা স্নানং ক্রিযতে নিতরাং গুরো ।
স্নানমন্ত্রং স্নানকালং তর্পণং চ বদস্ব মে ॥ ১॥

ঋভুঃ -

আত্মস্নানং মহাস্নানং নিত্যস্নানং ন চান্যতঃ ।
ইদমেব মহাস্নানং অহং ব্রহ্মাস্মি নিশ্চযঃ ॥ ২॥
পরব্রহ্মস্বরূপোঽহং পরমানন্দমস্ম্যহম্ ।
ইদমেব মহাস্নানং অহং ব্রহ্মেতি নিশ্চযঃ ॥ ৩॥
কেবলং জ্ঞানরূপোঽহং কেবলং পরমোঽস্ম্যহম্ ।
কেবলং শান্তরূপোঽহং কেবলং নির্মলোঽস্ম্যহম্ ॥ ৪॥
কেবলং নিত্যরূপোঽহং কেবলং শাশ্বতোঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৫॥
কেবলং সর্বরূপোঽহং অহংত্যক্তোঽহমস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৬॥
সর্বহীনস্বরূপোঽহং চিদাকাশোঽহমস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৭॥
কেবলং তুর্যরূপোঽস্মি তুর্যাতীতোঽস্মি কেবলম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৮॥
সদা চৈতন্যরূপোঽস্মি সচ্চিদানন্দমস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৯॥
কেবলাকাররূপোঽস্মি শুদ্ধরূপোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ১০॥
কেবলং জ্ঞানশুদ্ধোঽস্মি কেবলোঽস্মি প্রিযোঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ১১॥
কেবলং নির্বিকল্পোঽস্মি স্বস্বরূপোঽহমস্মি হ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ১২॥
সদা সত্সঙ্গরূপোঽস্মি সর্বদা পরমোঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ১৩॥
সদা হ্যেকস্বরূপোঽস্মি সদাঽনন্যোঽস্ম্যহং সুখম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ১৪॥
অপরিচ্ছিন্নরূপোঽহম্ অনন্তানন্দমস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ১৫॥
সত্যানন্দস্বরূপোঽহং চিত্পরানন্দমস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ১৬॥
অনন্তানন্দরূপোঽহমবাঙ্মানসগোচরঃ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ১৭॥
ব্রহ্মানদস্বরূপোঽহং সত্যানন্দোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ১৮॥
আত্মমাত্রস্বরূপোঽস্মি আত্মানন্দমযোঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ১৯॥
আত্মপ্রকাশরূপোঽস্মি আত্মজ্যোতিরসোঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ২০॥
আদিমধ্যান্তহীনোঽস্মি আকাশসদৃশোঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ২১॥
নিত্যসত্তাস্বরূপোঽস্মি নিত্যমুক্তোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ২২॥
নিত্যসংপূর্ণরূপোঽস্মি নিত্যং নির্মনসোঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ২৩॥
নিত্যসত্তাস্বরূপোঽস্মি নিত্যমুক্তোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ২৪॥
নিত্যশব্দস্বরূপোঽস্মি সর্বাতীতোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ২৫॥
রূপাতীতস্বরূপোঽস্মি ব্যোমরূপোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ২৬॥
ভূতানন্দস্বরূপোঽস্মি ভাষানন্দোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ২৭॥
সর্বাধিষ্ঠানরূপোঽস্মি সর্বদা চিদ্ঘনোঽস্ম্যহম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ২৮॥
দেহভাববিহীনোঽহং চিত্তহীনোঽহমেব হি ।
ইদমেব পরং ব্রহ্ম অহং ব্রহ্মাস্মি কেবলম্ ॥ ২৯॥
দেহবৃত্তিবিহীনোঽহং মন্ত্রৈবাহমহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৩০॥
সর্বদৃশ্যবিহীনোঽস্মি দৃশ্যরূপোঽহমেব হি ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৩১॥
সর্বদা পূর্ণরূপোঽস্মি নিত্যতৃপ্তোঽস্ম্যহং সদা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৩২॥
ইদং ব্রহ্মৈব সর্বস্য অহং চৈতন্যমেব হি ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৩৩॥
অহমেবাহমেবাস্মি নান্যত্ কিঞ্চিচ্চ বিদ্যতে ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৩৪॥
অহমেব মহানাত্মা অহমেব পরাযণম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৩৫॥
অহমেব মহাশূন্যমিত্যেবং মন্ত্রমুত্তমম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৩৬॥
অহমেবান্যবদ্ভামি অহমেব শরীরবত্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৩৭॥
অহং চ শিষ্যবদ্ভামি অহং লোকত্রযাদিবত্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৩৮॥
অহং কালত্রযাতীতঃ অহং বেদৈরুপাসিতঃ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৩৯॥
অহং শাস্ত্রেষু নির্ণীত অহং চিত্তে ব্যবস্থিতঃ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৪০॥
মত্ত্যক্তং নাস্তি কিঞ্চিদ্বা মত্ত্যক্তং পৃথিবী চ যা ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৪১॥
মযাতিরিক্তং তোযং বা ইত্যেবং মন্ত্রমুত্তমম্ ।
ইদমেব পরং ব্রহ্ম অহং ব্রহ্মাস্মি কেবলম্ ॥ ৪২॥
অহং ব্রহ্মাস্মি শুদ্ধোঽস্মি নিত্যশুদ্ধোঽস্ম্যহং সদা ।
নির্গুণোঽস্মি নিরীহোঽস্মি ইত্যেবং মন্ত্রমুত্তমম্ ॥ ৪৩॥
হরিব্রহ্মাদিরূপোঽস্মি এতদ্ভেদোঽপি নাস্ম্যহম্ ।
কেবলং ব্রহ্মমাত্রোঽস্মি কেবলোঽস্ম্যজযোঽস্ম্যহম্ ॥ ৪৪॥
স্বযমেব স্বযংভাস্যং স্বযমেব হি নান্যতঃ ।
স্বযমেবাত্মনি স্বস্থঃ ইত্যেবং মন্ত্রমুত্তমম্ ॥ ৪৫॥
স্বযমেব স্বযং ভুঙ্ক্ষ্ব স্বযমেব স্বযং রমে ।
স্বযমেব স্বযংজ্যোতিঃ স্বযমেব স্বযং রমে ॥ ৪৬॥
স্বস্যাত্মনি স্বযং রংস্যে স্বাত্মন্যেবাবলোকযে ।
স্বাত্মন্যেব সুখেনাসি ইত্যেবং মন্ত্রমুত্তমম্ ॥ ৪৭॥
স্বচৈতন্যে স্বযং স্থাস্যে স্বাত্মরাজ্যে সুখং রমে ।
স্বাত্মসিংহাসনে তিষ্ঠে ইত্যেবং মন্ত্রমুত্তমম্ ॥ ৪৮॥
স্বাত্মমন্ত্রং সদা পশ্যন্ স্বাত্মজ্ঞানং সদাঽভ্যসন্ ।
অহং ব্রহ্মাস্ম্যহং মন্ত্রঃ স্বাত্মপাপং বিনাশযেত্ ॥ ৪৯॥
অহং ব্রহ্মাস্ম্যহং মন্ত্রো দ্বৈতদোষং বিনাশযেত্ ।
অহং ব্রহ্মাস্ম্যহং মন্ত্রো ভেদদুঃখং বিনাশযেত্ ॥ ৫০॥
অহং ব্রহ্মাস্ম্যহং মন্ত্রশ্চিন্তারোগং বিনাশযেত্ ।
অহং ব্রহ্মাস্ম্যহং মন্ত্রো বুদ্ধিব্যাধিং বিনাশযেত্ ॥ ৫১॥
অহং ব্রহ্মাস্ম্যহং মন্ত্র আধিব্যাধিং বিনাশযেত্ ।
অহং ব্রহ্মাস্ম্যহং মন্ত্রঃ সর্বলোকং বিনাশযেত্ ॥ ৫২॥
অহং ব্রহ্মাস্ম্যহং মন্ত্রঃ কামদোষং বিনাশযেত্ ।
অহং ব্রহ্মাস্ম্যহং মন্ত্রঃ ক্রোধদোষং বিনাশযেত্ ॥ ৫৩॥
অহং ব্রহ্মাস্ম্যহং মন্ত্রশ্চিন্তাদোষং বিনাশযেত্ ।
অহং ব্রহ্মাস্ম্যহং মন্ত্রঃ সঙ্কল্পং চ বিনাশযেত্ ॥ ৫৪॥
অহং ব্রহ্মাস্ম্যহং মন্ত্রঃ ইদং দুঃখং বিনাশযেত্ ।
অহং ব্রহ্মাস্ম্যহং মন্ত্রঃ অবিবেকমলং দহেত্ ॥ ৫৫॥
অহং ব্রহ্মাস্ম্যহং মন্ত্রঃ অজ্ঞানধ্বংসমাচরেত্ ।
অহং ব্রহ্মাস্ম্যহং মন্ত্রঃ কোটিদোষং বিনাশযেত্ ॥ ৫৬॥
অহং ব্রহ্মাস্ম্যহং মন্ত্রঃ সর্বতন্ত্রং বিনাশযেত্ ।
অহং ব্রহ্মাস্ম্যহং মন্ত্রো দেহদোষং বিনাশযেত্ ॥ ৫৭॥
অহং ব্রহ্মাস্ম্যহং মন্ত্রঃ দৃষ্টাদৃষ্টং বিনাশযেত্ ।
অহং ব্রহ্মাস্ম্যহং মন্ত্র আত্মজ্ঞানপ্রকাশকম্ ॥ ৫৮॥
অহং ব্রহ্মাস্ম্যহং মন্ত্র আত্মলোকজযপ্রদম্ ।
অহং ব্রহ্মাস্ম্যহং মন্ত্র অসত্যাদি বিনাশকম্ ॥ ৫৯॥
অহং ব্রহ্মাস্ম্যহং মন্ত্রঃ অন্যত্ সর্বং বিনাশযেত্ ।
অহং ব্রহ্মাস্ম্যহং মন্ত্র অপ্রতর্ক্যসুখপ্রদম্ ॥ ৬০॥
অহং ব্রহ্মাস্ম্যহং মন্ত্রঃ অনাত্মজ্ঞানমাহরেত্ ।
অহং ব্রহ্মাস্ম্যহং মন্ত্রো জ্ঞানানন্দং প্রযচ্ছতি ॥ ৬১॥
সপ্তকোটি মহামন্ত্রা জন্মকোটিশতপ্রদাঃ ।
সর্বমন্ত্রান্ সমুত্সৃজ্য জপমেনং সমভ্যসেত্ ॥ ৬২॥
সদ্যো মোক্ষমবাপ্নোতি নাত্র সন্দেহমস্তি মে ।
মন্ত্রপ্রকরণে প্রোক্তং রহস্যং বেদকোটিষু ॥ ৬৩॥
যঃ শৃণোতি সকৃদ্বাপি ব্রহ্মৈব ভবতি স্বযম্ ।
নিত্যানন্দমযঃ স এব পরমানন্দোদযঃ শাশ্বতো
যস্মান্নান্যদতোঽন্যদার্তমখিলং তজ্জং জগত্ সর্বদঃ ।
যো বাচা মনসা তথেন্দ্রিযগণৈর্দেহোঽপি বেদ্যো ন চে-
দচ্ছেদ্যো ভববৈদ্য ঈশ ইতি যা সা ধীঃ পরং মুক্তযে ॥ ৬৪॥

॥ ইতি শ্রীশিবরহস্যে শঙ্করাখ্যে ষষ্ঠাংশে ঋভুনিদাঘসংবাদে অহংব্রহ্মাস্মিপ্রকরণনিরূপণং নাম নবমোঽধ্যাযঃ ॥

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com