RRibhugItA 1 || RRibhu stuti ||
- hemAdriM kila mAtulu~NgaphalamityAdAya modAdhiko
- mauDhyAnnAkanivAsinAM bhayaparairvAkyairiva prArthitaH |
- nIlIshAmbaranIlamambaratalaM jambUphalaM bhAvayan
- taM mu~nchan girimambaraM parimRRishan lambodaraH pAtu mAm || 1||
- vAmaM yasya vapuH samastajagatAM mAtA pitA chetarat
- yatpAdAmbujanUpurodbhavaravaH shabdArthavAkyAspadam |
- yannetratritayaM samastajagatAmAlokahetuH sadA
- pAyAddaivatasArvabhaumagirijAla~NkAramUrtiH shivaH || 2||
sUtaH -
- jaigIShavyaH punarnatvA ShaNmukhaM shivasaMbhavam |
- paprachCha hRRiShTastaM tatra munibhirgaNapu~NgavaiH || 3||
jaigIShavyaH -
- karuNAkara sarvaj~na sharaNAgatapAlaka |
- aruNAdhipanetrAbja charaNasmaraNonmukha || 4||
- karuNAvaruNAmbhodhe taraNidyutibhAskara |
- divyadvAdashali~NgAnAM mahimA saMshruto mayA || 5||
- tvatto.anyat shrotumichChAmi shivAkhyAnamanuttamam |
- tvadvAkyaka~njapIyUShadhArAbhiH pAvayAshu mAm || 6||
sUtaH -
- iti tasya girA tuShTaH ShaNmukhaH prAha taM munim || 7||
shrIShaNmukhaH -
- shRRiNu tvamagajAkAntenoktaM j~nAnamahArNavam |
- RRibhave yatpurA prAha kailAse sha~NkaraH svayam || 8||
- brahmasUnuH purA vipro gatvA natvA maheshvaram |
- RRibhurvibhuM tadA shaMbhuM tuShTAva praNato mudA || 9||
RRibhuH -
- divAmaNinishApatisphuTakRRipITayonisphura-
- llalATabhasitollasadvaratripuNDrabhAgojvalam |var was tripuNTra
- bhajAmi bhujagA~NgadaM vidhRRitasAmisomaprabhA-
- virAjitakapardakaM karaTikRRittibhUShyatkaTim || 10||
- phAlAkShAdhvaradakShashikShakavalakShokSheshavAhottama-
- tryakShAkShayya phalapradAvabhasitAla~NkArarudrAkShadhRRik |
- chakShuHshrotravarA~NgahArasumahAvakShaHsthalAdhyakSha mAM
- bhakShyIbhUtagaraprabhakSha bhagavan bhikShvarchyapAdAmbuja || 11||
- ga~NgAchandrakalAlalAma bhagavan bhUbhRRitkumArIsakha
- svAmiMste padapadmabhAvamatulaM kaShTApahaM dehi me |
- tuShTo.ahaM shipiviShTahRRiShTamanasA bhraShTAnna manye hari-
- brahmendrAnamarAn triviShTapagatAn niShThA hi me tAdRRishI || 12||
- nRRittADaMbarasajjaTApaTalikAbhrAmyanmahoDuchChaTA
- truTyatsomakalAlalAmakalikA shamyAkamaulInatam |
- ugrAnugrabhavogradurgajagaduddhArAgrapAdAmbujaM
- rakShovakShakuThArabhUtamumayA vIkShe sukAmapradam || 13||
- phAlaM me bhasitatripuNDrarachitaM tvatpAdapadmAnataM ??
- pAhIshAna dayAnidhAna bhagavan phAlAnalAkSha prabho |
- kaNTho me shitikaNThanAma bhavato rudrAkShadhRRik pAhi mAM
- karNau me bhujagAdhiporusumahAkarNa prabho pAhi mAm || 14||
- nityaM sha~NkaranAmabodhitakathAsArAdaraM sha~NkaraM
- vAchaM rudrajapAdarAM sumahatIM pa~nchAkSharImindudhRRik |
- bAhU me shashibhUShaNottama mahAli~NgArchanAyodyatau
- pAhi premarasArdrayA.adya sudRRishA shambho hiraNyaprabha || 15||
- bhAsvadbAhuchatuShTayojjvala sadA netre trinetre prabho
- tvalli~Ngottamadarshanena sutarAM tRRiptaiH sadA pAhi me |
- pAdau me harinetrapUjitapadadvandvAva nityaM prabho
- tvalli~NgAlayaprakramapraNatibhirmAnyau cha dhanyau vibho || 16||
- dhanyastvalli~Ngasa~NgepyanudinagalitAna~Ngasa~NgAntara~NgaH
- puMsAmarthaikashaktyA yamaniyamavarairvishvavandya prabho yaH |
- datvA bilvadalaM sadambujavaraM ki~nchijjalaM vA muhuH
- prApnotIshvarapAdapa~NkajamumAnAthAdya muktipradam || 17||
- umAramaNa sha~Nkara tridashavandya vedeDya hRRit
- tvadIyaparabhAvato mama sadaiva nirvANakRRit |
- bhavArNavanivAsinAM kimu bhavatpadAmbhoruha-
- prabhAvabhajanAdaraM bhavati mAnasaM muktidam || 18||
- saMsArArgalapAdabaddhajanatAsaMmochanaM bharga te
- pAdadvandvamumAsanAtha bhajatAM saMsArasaMbharjakam |
- tvannAmottamagarjanAdaghakulaM santarjitaM vai bhaved
- duHkhAnAM parimArjakaM tavakRRipAvIkShAvatAM jAyate || 19||
- vidhimuNDakarottamorumerukodaNDakhaNDitapurANDajavAhabANa
- pAhi kShamArathavikarShasuvedavAjiheShAntaharShitapadAmbuja vishvanAtha || 20||
- vibhUtInAmanto na hi khalu bhavAnIramaNa te
- bhave bhAvaM kashchit tvayi bhavaha bhAgyena labhate |
- abhAvaM chAj~nAnaM bhavati jananAdyaishcha rahitaH
- umAkAnta svAnte bhavadabhayapAdaM kalayataH || 21||
- varaM shaMbho bhAvairbhavabhajanabhAvena nitarAM
- bhavAmbhodhirnityaM bhavati vitataH pAMsubahulaH |
- vimuktiM bhuktiM cha shrutikathitabhasmAkShavaradhRRik
- bhave bhartuH sarvo bhavati cha sadAnandamadhuraH || 22||
- somasAmajasukRRittimaulidhRRik sAmasImashirasi stutapAda |
- sAmikAyagirijeshvara shambho pAhi mAmakhiladuHkhasamUhAt || 23||
- bhasmA~NgarAga bhujagA~Nga mahokShasa~Nga
- ga~NgAmbusa~Nga sujaTA niTila sphuli~Nga |
- li~NgA~Nga bha~Ngitamana~Nga viha~NgavAha-
- sampUjyapAda sadasa~Nga janAntara~Nga || 24||
- vAtsalyaM mayi tAdRRishaM tavanachechchandrArdha chUDAmaNe
- dhikkRRityApi vimuchya vA tvayi yato dhanyo dharaNyAmaham |
- sakShAraM lavaNArNavasya salilaM dhArA dhareNa kShaNAt
- AdAyojjhitamAkShitau hi jagatAM AsvAdanIyAM dRRishAm || 25||
- tvat kailAsavare vishokahRRidayAH krodhojjhitAchchANDajAH
- tasmAnmAmapi bhedabuddhirahitaM kurvIsha te.anugrahAt |
- tvadvaktrAmala nirjarojjhita mahAsaMsAra saMtApahaM
- vij~nAnaM karuNA.adishAdya bhagavan lokAvanAya prabho || 26||
- sAra~NgI siMhashAbaM spRRishati sutadhiyA nandinI vyAghrapotaM
- mArjArI haMsabAlaM praNayaparavashA kekikAntA bhuja~Ngam |
- vairANyAjanmajAtAnyapi galitamadA jantavo.anye tyajanti
- bhaktAstvatpAdapadme kimu bhajanavataH sarvasiddhiM labhante || 27||
skandaH -
- itthaM RRibhustutimumAvarajAnirIshaH
- shrutvA tamAha gaNanAthavaro maheshaH |
- j~nAnaM bhavAmayavinAshakaraM tadeva
- tasmai tadeva kathaye shRRiNu pAshamuktyai || 28||
- || iti shrIshivarahasye shaMkarAkhye ShaShThAMshe RRibhustutirnAma prathamo.adhyAyaH ||
Special Thanks
The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.
Credits
Encoded by Anil Sharma anilandvijaya at gmail.com
Proofread by Sunder Hattangadi and Anil Sharma
https://sanskritdocuments.org
Send corrections to sanskrit at cheerful.com