Ribhu Gita - Siva Rahasya Purana Amsha 6

RRibhugItA 12 || videhamukti prakaraNa varNanam ||

RRibhuH -

  • dehamuktiprakaraNaM nidAgha shRRiNu durlabham |
  • tyaktAtyaktaM na smarati videhAnmukta eva saH || 1||
  • brahmarUpaH prashAntAtmA nAnyarUpaH sadA sukhI |
  • svastharUpo mahAmaunI videhAnmukta eva saH || 2||
  • sarvAtmA sarvabhUtAtmA shAntAtmA muktivarjitaH |
  • ekAtmavarjitaH sAkShI videhAnmukta eva saH || 3||
  • lakShyAtmA lAlitAtmAhaM lIlAtmA svAtmamAtrakaH |
  • tUShNImAtmA svabhAvAtmA videhAnmukta eva saH || 4||
  • shubhrAtmA svayamAtmAhaM sarvAtmA svAtmamAtrakaH |
  • ajAtmA chAmRRitAtmA hi videhAnmukta eva saH || 5||
  • AnandAtmA priyaH svAtmA mokShAtmA ko.api nirNayaH |
  • ityevamiti nidhyAyI videhAnmukta eva saH || 6||
  • brahmaivAhaM chidevAhaM ekaM vApi na chintyate |
  • chinmAtreNaiva yastiShThedvidehAnmukta eva saH || 7||
  • nishchayaM cha parityajya ahaM brahmeti nishchayaH |
  • AnandabhUridehastu videhAnmukta eva saH || 8||
  • sarvamastIti nAstIti nishchayaM tyajya tiShThati |
  • ahaM brahmAsmi nAnyo.asmi videhAnmukta eva saH || 9||
  • ki~nchit kvachit kadAchichcha AtmAnaM na smaratyasau |
  • svasvabhAvena yastiShThet videhAnmukta eva saH || 10||
  • ahamAtmA paro hyAtmA chidAtmAhaM na chintyate |
  • sthAsyAmItyapi yo yukto videhAnmukta eva saH || 11||
  • tUShNImeva sthitastUShNIM sarvaM tUShNIM na ki~nchana |
  • ahamarthaparityakto videhAnmukta eva saH || 12||
  • paramAtmA guNAtItaH sarvAtmApi na saMmataH |
  • sarvabhAvAnmahAtmA yo videhAnmukta eva saH || 13||
  • kAlabhedaM deshabhedaM vastubhedaM svabhedakam |
  • ki~nchidbhedaM na yasyAsti videhAnmukta eva saH || 14||
  • ahaM tvaM tadidaM so.ayaM ki~nchidvApi na vidyate |
  • atyantasukhamAtro.ahaM videhAnmukta eva saH || 15||
  • nirguNAtmA nirAtmA hi nityAtmA nityanirNayaH |
  • shUnyAtmA sUkShmarUpo yo videhAnmukta eva saH || 16||
  • vishvAtmA vishvahInAtmA kAlAtmA kAlahetukaH |
  • devAtmA devahIno yo videhAnmukta eva saH || 17||
  • mAtrAtmA meyahInAtmA mUDhAtmA.anAtmavarjitaH |
  • kevalAtmA parAtmA cha videhAnmukta eva saH || 18||
  • sarvatra jaDahInAtmA sarveShAmantarAtmakaH |
  • sarveShAmiti yastUkto videhAnmukta eva saH || 19||
  • sarvasa~NkalpahIneti sachchidAnandamAtrakaH |
  • sthAsyAmIti na yasyAnto videhAnmukta eva saH || 20||
  • sarvaM nAsti tadastIti chinmAtro.astIti sarvadA |
  • prabuddho nAsti yasyAnto videhAnmukta eva saH || 21||
  • kevalaM paramAtmA yaH kevalaM j~nAnavigrahaH |
  • sattAmAtrasvarUpo yo videhAnmukta eva saH || 22||
  • jIveshvareti chaityeti vedashAstre tvahaM tviti |
  • brahmaiveti na yasyAnto videhAnmukta eva saH || 23||
  • brahmaiva sarvamevAhaM nAnyat ki~nchijjagadbhavet |
  • ityevaM nishchayo bhAvaH videhAnmukta eva saH || 24||
  • idaM chaitanyameveti ahaM chaitanyameva hi |
  • iti nishchayashUnyo yo videhAnmukta eva saH || 25||
  • chaitanyamAtraH saMsiddhaH svAtmArAmaH sukhAsanaH |
  • sukhamAtrAntara~Ngo yo videhAnmukta eva saH || 26||
  • aparichChinnarUpAtmA aNoraNuvinirmalaH |
  • turyAtItaH parAnando videhAnmukta eva saH || 27||
  • nAmApi nAsti sarvAtmA na rUpo na cha nAstikaH |
  • parabrahmasvarUpAtmA videhAnmukta eva saH || 28||
  • turyAtItaH svato.atItaH ato.atItaH sa sanmayaH |
  • ashubhAshubhashAntAtmA videhAnmukta eva saH || 29||
  • bandhamuktiprashAntAtmA sarvAtmA chAntarAtmakaH |
  • prapa~nchAtmA paro hyAtmA videhAnmukta eva saH || 30||
  • sarvatra paripUrNAtmA sarvadA cha parAtparaH |
  • antarAtmA hyanantAtmA videhAnmukta eva saH || 31||
  • abodhabodhahInAtmA ajaDo jaDavarjitaH |
  • atattvAtattvasarvAtmA videhAnmukta eva saH || 32||
  • asamAdhisamAdhyantaH alakShyAlakShyavarjitaH |
  • abhUto bhUta evAtmA videhAnmukta eva saH || 33||
  • chinmayAtmA chidAkAshashchidAnandashchidaMbaraH |
  • chinmAtrarUpa evAtmA videhAnmukta eva saH || 34||
  • sachchidAnandarUpAtmA sachchidAnandavigrahaH |
  • sachchidAnandapUrNAtmA videhAnmukta eva saH || 35||
  • sadA brahmamayo nityaM sadA svAtmani niShThitaH |
  • sadA.akhaNDaikarUpAtmA videhAnmukta eva saH || 36||
  • praj~nAnaghana evAtmA praj~nAnaghanavigrahaH |
  • nityaj~nAnaparAnando videhAnmukta eva saH || 37||
  • yasya dehaH kvachinnAsti yasya ki~nchit smRRitishcha na |
  • sadAtmA hyAtmani svastho videhAnmukta eva saH || 38||
  • yasya nirvAsanaM chittaM yasya brahmAtmanA sthitiH |
  • yogAtmA yogayuktAtmA videhAnmukta eva saH || 39||
  • chaitanyamAtra eveti tyaktaM sarvamatirna hi |
  • guNAguNavikArAnto videhAnmukta eva saH || 40||
  • kAladeshAdi nAstyanto na grAhyo nAsmRRitiH paraH |
  • nishchayaM cha parityakto videhAnmukta eva saH || 41||
  • bhUmAnandAparAnando bhogAnandavivarjitaH |
  • sAkShI cha sAkShihInashcha videhAnmukta eva saH || 42||
  • so.api ko.api na so ko.api ki~nchit ki~nchinna ki~nchana |
  • AtmAnAtmA chidAtmA cha chidachichchAhameva cha || 43||
  • yasya prapa~nchashchAnAtmA brahmAkAramapIha na |
  • svasvarUpaH svayaMjyotirvidehAnmukta eva saH || 44||
  • vAchAmagocharAnandaH sarvendriyavivarjitaH |
  • atItAtItabhAvo yo videhAnmukta eva saH || 45||
  • chittavRRitteratIto yashchittavRRittirna bhAsakaH |
  • sarvavRRittivihIno yo videhAnmukta eva saH || 46||
  • tasmin kAle videho yo dehasmaraNavarjitaH |
  • na sthUlo na kRRisho vApi videhAnmukta eva saH || 47||
  • IShaNmAtrasthito yo vai sadA sarvavivarjitaH |
  • brahmamAtreNa yastiShThet videhAnmukta eva saH || 48||
  • paraM brahma parAnandaH paramAtmA parAtparaH |
  • parairadRRiShTabAhyAnto videhAnmukta eva saH || 49||
  • shuddhavedAntasAro.ayaM shuddhasattvAtmani sthitaH |
  • tadbhedamapi yastyakto videhAnmukta eva saH || 50||
  • brahmAmRRitarasAsvAdo brahmAmRRitarasAyanam |
  • brahmAmRRitarase magno videhAnmukta eva saH || 51||
  • brahmAmRRitarasAdhAro brahmAmRRitarasaH svayam |
  • brahmAmRRitarase tRRipto videhAnmukta eva saH || 52||
  • brahmAnandaparAnando brahmAnandarasaprabhaH |
  • brahmAnandaparaMjyotirvidehAnmukta eva saH || 53||
  • brahmAnandarasAnando brahmAmRRitanirantaram |
  • brahmAnandaH sadAnando videhAnmukta eva saH || 54||
  • brahmAnandAnubhAvo yo brahmAmRRitashivArchanam |
  • brahmAnandarasaprIto videhAnmukta eva saH || 55||
  • brahmAnandarasodvAho brahmAmRRitakuTumbakaH |
  • brahmAnandajanairyukto videhAnmukta eva saH || 56||
  • brahmAmRRitavare vAso brahmAnandAlaye sthitaH |
  • brahmAmRRitajapo yasya videhAnmukta eva saH || 57||
  • brahmAnandasharIrAnto brahmAnandendriyaH kvachit |
  • brahmAmRRitamayI vidyA videhAnmukta eva saH || 58||
  • brahmAnadamadonmatto brahmAmRRitarasaMbharaH |
  • brahmAtmani sadA svastho videhAnmukta eva saH || 59||
  • dehamuktiprakaraNaM sarvavedeShu durlabham |
  • mayoktaM te mahAyogin videhaH shravaNAdbhavet || 60||

skandaH -

  • anAtha nAtha te padaM bhajAmyumAsanAtha sa-
  • nnishIthanAthamaulisaMsphuTallalATasa~Ngaja-
  • sphuli~NgadagdhamanmathaM pramAthanAtha pAhi mAm || 61||
  • vibhUtibhUShagAtra te trinetramitratAmiyAt
  • manaHsaroruhaM kShaNaM tathekShaNena me sadA |
  • prabandhasaMsRRitibhramadbhramajjanaughasantatau
  • na veda vedamaulirapyapAstaduHkhasantatim || 62||
  • ||iti shrIshivarahasye sha~NkarAkhye ShaShThAMshe RRibhunidAghasaMvAde dehamuktiprakaraNavarNanaM nAma dvAdasho.adhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com