RRibhugItA 7 || svAtma-nirUpaNam ||

RRibhuH -

• atyadbhutaM pravakShyAmi sarvalokeShu durlabham |
• vedashAstramahAsAraM durlabhaM durlabhaM sadA || 1||
• akhaNDaikaraso mantramakhaNDaikarasaM phalam |
• akhaNDaikaraso jIva akhaNDaikarasA kriyA || 2||
• akhaNDaikarasA bhUmirakhaNDaikarasaM jalam |
• akhaNDaikaraso gandha akhaNDaikarasaM viyat || 3||
• akhaNDaikarasaM shAstraM akhaNDaikarasaM shrutiH |
• akhaNDaikarasaM brahma akhaNDaikarasaM vratam || 4||
• akhaNDaikaraso viShNurakhaNDaikarasaH shivaH |
• akhaNDaikaraso brahmA akhaNDaikarasAH surAH || 5||
• akhaNDaikarasaM sarvamakhaNDaikarasaH svayam |
• akhaNDaikarasashchAtmA akhaNDaikaraso guruH || 6||
• akhaNDaikarasaM vAchyamakhaNDaikarasaM mahaH |
• akhaNDaikarasaM deha akhaNDaikarasaM manaH || 7||
• akhaNDaikarasaM chittaM akhaNDaikarasaM sukham |
• akhaNDaikarasA vidyA akhaNDaikaraso.avyayaH || 8||
• akhaNDaikarasaM nityamakhaNDaikarasaH paraH |
• akhaNDaikarasAt ki~nchidakhaNDaikarasAdaham || 9||
• akhaNDaikarasaM vAsti akhaNDaikarasaM na hi |
• akhaNDaikarasAdanyat akhaNDaikarasAt paraH || 10||
• akhaNDaikarasAt sthUlaM akhaNDaikarasaM janaH |
• akhaNDaikarasaM sUkShmamakhaNDaikarasaM dvayam || 11||
• akhaNDaikarasaM nAsti akhaNDaikarasaM balam |
• akhaNDaikarasAdviShNurakhaNDaikarasAdaNuH || 12||
• akhaNDaikarasaM nAsti akhaNDaikarasAdbhavAn |
• akhaNDaikaraso hyeva akhaNDaikarasAditam || 13||
• akhaNDitarasAd j~nAnaM akhaNDitarasAd sthitam |
• akhaNDaikarasA lIlA akhaNDaikarasaH pitA || 14||var was lInA
• akhaNDaikarasA bhaktA akhaNDaikarasaH patiH |
• akhaNDaikarasA mAtA akhaNDaikaraso virAT || 15||
• akhaNDaikarasaM gAtraM akhaNDaikarasaM shiraH |
• akhaNDaikarasaM ghrANaM akhaNDaikarasaM bahiH || 16||
• akhaNDaikarasaM pUrNamakhaNDaikarasAmRRitam |
• akhaNDaikarasaM shrotramakhaNDaikarasaM gRRiham || 17||
• akhaNDaikarasaM gopyamakhaNDaikarasaH shivaH |
• akhaNDaikarasaM nAma akhaNDaikaraso raviH || 18||
• akhaNDaikarasaH somaH akhaNDaikaraso guruH |
• akhaNDaikarasaH sAkShI akhaNDaikarasaH suhRRit || 19||
• akhaNDaikaraso bandhurakhaNDaikaraso.asmyaham |
• akhaNDaikaraso rAjA akhaNDaikarasaM puram || 20||
• akhaNDaikarasaishvaryaM akhaNDaikarasaM prabhuH |
• akhaNDaikaraso mantra akhaNDaikaraso japaH || 21||
• akhaNDaikarasaM dhyAnamakhaNDaikarasaM padam |
• akhaNDaikarasaM grAhyamakhaNDaikarasaM mahAn || 22||
• akhaNDaikarasaM jyotirakhaNDaikarasaM param |
• akhaNDaikarasaM bhojyamakhaNDaikarasaM haviH || 23||
• akhaNDaikaraso homaH akhaNDaikaraso jayaH |
• akhaNDaikarasaH svargaH akhaNDaikarasaH svayam || 24||
• akhaNDaikarasAkArAdanyannAsti nahi kvachit |
• shRRiNu bhUyo mahAshcharyaM nityAnubhavasaMpadam || 25||
• durlabhaM durlabhaM loke sarvalokeShu durlabham |
• ahamasmi paraM chAsmi prabhAsmi prabhavo.asmyaham || 26||
• sarvarUpagurushchAsmi sarvarUpo.asmi so.asmyaham |
• ahamevAsmi shuddho.asmi RRiddho.asmi paramo.asmyaham || 27||
• ahamasmi sadA j~no.asmi satyo.asmi vimalo.asmyaham |
• vij~nAno.asmi visheSho.asmi sAmyo.asmi sakalo.asmyaham || 28||
• shuddho.asmi shokahIno.asmi chaitanyo.asmi samo.asmyaham |
• mAnAvamAnahIno.asmi nirguNo.asmi shivo.asmyaham || 29||
• dvaitAdvaitavihIno.asmi dvandvahIno.asmi so.asmyaham |
• bhAvAbhAvavihIno.asmi bhAShAhIno.asmi so.asmyaham || 30||
• shUnyAshUnyaprabhAvo.asmi shobhano.asmi mano.asmyaham |
• tulyAtulyavihIno.asmi tuchChabhAvo.asmi nAsmyaham || 31||
• sadA sarvavihIno.asmi sAtviko.asmi sadAsmyaham |
• ekasaMkhyAvihIno.asmi dvisaMkhyA nAsti nAsmyaham || 32||
• sadasadbhedahIno.asmi saMkalparahito.asmyaham |
• nAnAtmabhedahIno.asmi yat ki~nchinnAsti so.asmyaham || 33||
• nAhamasmi na chAnyo.asmi dehAdirahito.asmyaham |
• AshrayAshrayahIno.asmi AdhArarahito.asmyaham || 34||
• bandhamokShAdihIno.asmi shuddhabrahmAdi so.asmyaham |
• chittAdisarvahIno.asmi paramo.asmi paro.asmyaham || 35||
• sadA vichArarUpo.asmi nirvichAro.asmi so.asmyaham |
• AkArAdisvarUpo.asmi ukAro.asmi mudo.asmyaham || 36||
• dhyAnAdhyAnavihIno.asmi dhyeyahIno.asmi so.asmyaham |
• pUrNAt pUrNo.asmi pUrNo.asmi sarvapUrNo.asmi so.asmyaham || 37||
• sarvAtItasvarUpo.asmi paraM brahmAsmi so.asmyaham |
• lakShyalakShaNahIno.asmi layahIno.asmi so.asmyaham || 38||
• mAtRRimAnavihIno.asmi meyahIno.asmi so.asmyaham |
• agat sarvaM cha draShTAsmi netrAdirahito.asmyaham || 39||
• pravRRiddho.asmi prabuddho.asmi prasanno.asmi paro.asmyaham |
• sarvendriyavihIno.asmi sarvakarmahito.asmyaham || 40||
• sarvavedAntatRRipto.asmi sarvadA sulabho.asmyaham |
• mudA muditashUnyo.asmi sarvamaunaphalo.asmyaham || 41||
• nityachinmAtrarUpo.asmi sadasachchinmayo.asmyaham |
• yat ki~nchidapi hIno.asmi svalpamapyati nAhitam || 42||
• hRRidayagranthihIno.asmi hRRidayAdvyApako.asmyaham |
• ShaDvikAravihIno.asmi ShaTkosharahito.asmyaham || 43||
• ariShaDvargamukto.asmi antarAdantaro.asmyaham |
• deshakAlavihIno.asmi digambaramukho.asmyaham || 44||
• nAsti hAsti vimukto.asmi nakArarahito.asmyaham |
• sarvachinmAtrarUpo.asmi sachchidAnandamasmyaham || 45||
• akhaNDAkArarUpo.asmi akhaNDAkAramasmyaham |
• prapa~nchachittarUpo.asmi prapa~ncharahito.asmyaham || 46||
• sarvaprakArarUpo.asmi sadbhAvAvarjito.asmyaham |
• kAlatrayavihIno.asmi kAmAdirahito.asmyaham || 47||
• kAyakAyivimukto.asmi nirguNaprabhavo.asmyaham |
• muktihIno.asmi mukto.asmi mokShahIno.asmyahaM sadA || 48||
• satyAsatyavihIno.asmi sadA sanmAtramasmyaham |
• gantavyadeshahIno.asmi gamanArahito.asmyaham || 49||
• sarvadA smararUpo.asmi shAnto.asmi suhito.asmyaham |
• evaM svAnubhavaM proktaM etat prakaraNaM mahat || 50||
• yaH shRRiNoti sakRRidvApi brahmaiva bhavati svayam |
• piNDANDasaMbhavajagadgatakhaNDanodya-
• dvetaNDashuNDanibhapIvarabAhudaNDa |
• brahmorumuNDakalitANDajavAhabANa
• kodaNDabhUdharadharaM bhajatAmakhaNDam || 51||
• vishvAtmanyadvitIye bhagavati girijAnAyake kAsharUpe
• nIrUpe vishvarUpe gataduritadhiyaH prApnuvantyAtmabhAvam |
• anye bhedadhiyaH shrutiprakathitairvarNAshramotthashramaiH
• tAntAH shAntivivarjitA viShayiNo duHkhaM bhajantyanvaham || 52||

• || iti shrIshivarahasye sha~NkarAkhye ShaShThAMshe RRibhunidAghasaMvAde svAtmanirUpaNaM nAma saptamo.adhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com