RRibhugItA 34 || dRRiShTAntair-brahma-sAdhana prakaraNam ||
RRibhuH -
- shRRiNuShva brahma vij~nAnamadbhutaM tvatidurlabham |
- ekaikashravaNenaiva kaivalyaM paramashnute || 1||
- satyaM satyaM jagannAsti saMkalpakalanAdikam |
- nityAnandamayaM brahmavij~nAnaM sarvadA svayam || 2||
- AnandamavyayaM shAntamekarUpamanAmayam |
- chittaprapa~nchaM naivAsti nAsti kAryaM cha tattvataH || 3||
- prapa~nchabhAvanA nAsti dRRishyarUpaM na ki~nchana |
- asatyarUpaM sa~NkalpaM tatkAryaM cha jaganna hi || 4||
- sarvamityeva nAstyeva kAlamityevamIshvaraH |
- vandhyAkumAre bhItishcha tadadhInamidaM jagat || 5||
- gandharvanagare shRRi~Nge madagre dRRishyate jagat |
- mRRigatRRiShNAjalaM pItvA tRRiptishchedastvidaM jagat || 6||
- nage shRRi~Nge na bANena naShTaM puruShamastvidam |
- gandharvanagare satye jagadbhavatu sarvadA || 7||
- gagane nIlamAsindhau jagat satyaM bhaviShyati |
- shuktikArajataM satyaM bhUShaNaM chijjagadbhavet || 8||
- rajjusarpeNa naShTashchet naro bhavati saMsRRitiH |
- jAtirUpeNa bANena jvAlAgnau nAshite sati || 9||
- raMbhAstambhena kAShThena pAkasiddhirjagadbhavet |
- nityAnandamayaM brahma kevalaM sarvadA svayam || 10||
- sadyaH kumArikArUpaiH pAke siddhe jagadbhavet |
- nityAnandamayaM brahma kevalaM sarvadA svayam || 11||
- mityATavyAM vAyasAnnaM asti chejjagadudbhavam |
- mUlAropaNamantrasya prItishchedbhAShaNaM jagat || 12||
- mAsAt pUrvaM mRRito martya Agatashchejjagad bhavet |
- takraM kShIrasvarUpaM chet ki~nchit ki~nchijjagadbhavet || 13||
- gostanAdudbhavaM kShIraM punarArohaNaM jagat |
- bhUrajasyAabdamutpannaM jagadbhavatu sarvadA || 14||
- kUrmaromNA gaje baddhe jagadastu madotkaTe |
- mRRiNAlatantunA merushchalitashchejjagad bhavet || 15||
- tara~NgamAlayA sindhuH baddhashchedastvidaM jagat |
- jvAlAgnimaNDale padmaM vRRiddhaM chet tajjagadbhavet || 16||
- mahachChailendranilayaM saMbhavashchedidaM bhavet |
- nityAnandamayaM brahma kevalaM sarvadA svayam || 17||
- mIna Agatya padmAkShe sthitashchedastvidaM jagat |
- nigIrNashchedbha~NgasUnuH merupuchChavadastvidam || 18||
- mashakenAshite siMhe hate bhavatu kalpanam |
- aNukoTaravistIrNe trailokye chejjagadbhavet || 19||
- svapne tiShThati yadvastu jAgare chejjagadbhavet |
- nadIvego nishchalashchet jagadbhavatu sarvadA || 20||
- jAtyandhai ratnaviShayaH suj~nAtashchejjagadbhavet |
- chandrasUryAdikaM tyaktvA rAhushchet dRRishyate jagat || 21||
- bhraShTabIjena utpanne vRRiddhishchechchittasaMbhavaH |
- mahAdaridrairADhyAnAM sukhe j~nAte jagadbhavet || 22||
- dugdhaM dugdhagatakShIraM punarArohaNaM punaH |
- kevalaM darpaNe nAsti pratibimbaM tadA jagat || 23||
- yathA shUnyagataM vyoma pratibimbena vai jagat |
- ajakukShau gajo nAsti AtmakukShau jaganna hi || 24||
- yathA tAntre samutpanne tathA brahmamayaM jagat |
- kArpAsake.agnidagdhena bhasma nAsti tathA jagat || 25||
- paraM brahma paraM jyotiH parastAt parataH paraH |
- sarvadA bhedakalanaM dvaitAdvaitaM na vidyate || 26||
- chittavRRittirjagadduHkhaM asti chet kila nAshanam |
- manaHsaMkalpakaM bandha asti chedbrahmabhAvanA || 27||
- avidyA kAryadehAdi asti cheddvaitabhAvanam |
- chittameva mahArogo vyAptashchedbrahmabheShajam || 28||
- ahaM shatruryadi bhavedahaM brahmaiva bhAvanam |
- deho.ahamiti dukhaM chedbrahmAhamiti nishchinu || 29||
- saMshayashcha pishAchashchedbrahmamAtreNa nAshaya |
- dvaitabhUtAviShTareNa advaitaM bhasma Ashraya || 30||
- anAtmatvapishAchashchedAtmamantreNa bandhaya |
- nityAnandamayaM brahma kevalaM sarvadA svayam || 31||
- chatuHShaShTikadRRiShTAntairevaM brahmaiva sAdhitam |
- yaH shRRiNoti naro nityaM sa mukto nAtra saMshayaH || 32||
- kRRitArtha eva satataM nAtra kAryA vichAraNA || 33||
- manovachovidUragaM tvarUpagandhavarjitaM
- hRRidarbhakokasantataM vijAnatAM mude sadA |
- sadAprakAshadujvalaprabhAvikAsasadyuti
- prakAshadaM maheshvara tvadIyapAdapa~Nkajam || 34||
- || iti shrIshivarahasye sha~NkarAkhye ShaShThAMshe RRibhunidAghasaMvAde dRRiShTAntairbrahmasAdhanaprakaraNaM nAma chatustriMsho.adhyAyaH ||
Special Thanks
The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.
Credits
Encoded by Anil Sharma anilandvijaya at gmail.com
Proofread by Sunder Hattangadi and Anil Sharma
https://sanskritdocuments.org
Send corrections to sanskrit at cheerful.com