RRibhugItA 10 || brahma-tarpaNa Atma-homAkhya-prakaraNa-dvaya-varNanam ||

RRibhuH -

• nityatarpaNamAchakShye nidAgha shRRiNu me vachaH |
• vedashAstreShu sarveShu atyantaM durlabhaM nRRiNAm || 1||
• sadA prapa~nchaM nAstyeva idamityapi nAsti hi |
• brahmamAtraM sadApUrNaM ityevaM brahmatarpaNam || 2||
• sarUpamAtraM brahmaiva sachchidAnandamapyaham |
• Anandaghana evAhaM ityevaM brahmatarpaNam || 3||
• sarvadA sarvashUnyo.ahaM sadAtmAnandavAnaham |
• nityAnityasvarUpo.ahaM ityevaM brahmatarpaNam || 4||
• ahameva chidAkAsha AtmAkAsho.asmi nityadA |
• AtmanA.a.atmani tRRipto.ahaM ityevaM brahmatarpaNam || 5||
• ekatvasaMkhyAhIno.asmi arUpo.asmyahamadvayaH |
• nityashuddhasvarUpo.ahaM ityevaM brahmatarpaNam || 6||
• AkAshAdapi sUkShmo.ahaM atyantAbhAvako.asmyaham |
• sarvaprakAsharUpo.ahaM ityevaM brahmatarpaNam || 7||
• parabrahmasvarUpo.ahaM parAvarasukho.asmyaham |
• satrAmAtrasvarUpo.ahaM dRRigdRRishyAdivivarjitaH || 8||
• yat ki~nchidapyahaM nAsti tUShNIM tUShNImihAsmyaham |
• shuddhamokShasvarUpo.aham ityevaM brahmatarpaNam || 9||
• sarvAnandasvarUpo.ahaM j~nAnAnandamahaM sadA |
• vij~nAnamAtrarUpo.aham ityevaM brahmatarpaNam || 10||
• brahmamAtramidaM sarvaM nAsti nAnyatra te shape |
• tadevAhaM na sandehaH ityevaM brahmatarpaNam || 11||
• tvamityetat tadityetannAsti nAstIha ki~nchana |
• shuddhachaitanyamAtro.ahaM ityevaM brahmatarpaNam || 12||
• atyantAbhAvarUpo.ahamahameva parAtparaH |
• ahameva sukhaM nAnyat ityevaM brahmatarpaNam || 13||
• idaM hemamayaM ki~nchinnAsti nAstyeva te shape |
• nirguNAnandarUpo.ahaM ityevaM brahmatarpaNam || 14||
• sAkShivastuvihInatvAt sAkShitvaM nAsti me sadA |
• kevalaM brahmabhAvatvAt ityevaM brahmatarpaNam || 15||
• ahamevAvisheSho.ahamahameva hi nAmakam |
• ahameva vimohaM vai ityevaM brahmatarpaNam || 16||
• indriyAbhAvarUpo.ahaM sarvAbhAvasvarUpakam |
• bandhamuktivihIno.asmi ityevaM brahmatarpaNam || 17||
• sarvAnandasvarUpo.ahaM sarvAnandaghano.asmyaham |
• nityachaitanyamAtro.ahaM ityevaM brahmatarpaNam || 18||
• vAchAmagocharashchAhaM vA~Nmano nAsti ki~nchana |
• chidAnandamayashchAhaM ityevaM brahmatarpaNam || 19||
• sarvatra pUrNarUpo.ahaM sarvatra sukhamasmyaham |
• sarvatrAchintyarUpo.aham ityevaM brahmatarpaNam || 20||
• sarvatra tRRiptirUpo.ahaM sarvAnandamayo.asmyaham |
• sarvashUnyasvarUpo.aham ityevaM brahmatarpaNam || 21||
• sarvadA matsvarUpo.ahaM paramAnandavAnaham |
• eka evAhamevAhaM ityevaM brahmatarpaNam || 22||
• mukto.ahaM mokSharUpo.ahaM sarvamaunaparo.asmyaham |
• sarvanirvANarUpo.ahaM ityevaM brahmatarpaNam || 23||
• sarvadA satsvarUpo.ahaM sarvadA turyavAnaham |
• turyAtItasvarUpo.ahaM ityevaM brahmatarpaNam || 24||
• satyavij~nAnamAtro.ahaM sanmAtrAnandavAnaham |
• nirvikalpasvarUpo.aham ityevaM brahmatarpaNam || 25||
• sarvadA hyajarUpo.ahaM nirIho.ahaM nira~njanaH |
• brahmavij~nAnarUpo.ahaM ityevaM brahmatarpaNam || 26||
• brahmatarpaNamevoktaM etatprakaraNaM mayA |
• yaH shRRiNoti sakRRidvApi brahmaiva bhavati svayam || 27||
• nityahomaM pravakShyAmi sarvavedeShu durlabham |
• sarvashAstrArthamadvaitaM sAvadhAnamanAH shRRiNu || 28||
• ahaM brahmAsmi shuddho.asmi nityo.asmi prabhurasmyaham |
• OMkArArthasvarUpo.asmi evaM homaM sudurlabham || 29||
• paramAtmasvarUpo.asmi parAnandaparo.asmyaham |
• chidAnandasvarUpo.asmi evaM homaM sudurlabham || 30||
• nityAnandasvarUpo.asmi niShkala~Nkamayo hyaham |
• chidAkArasvarUpo.ahaM evaM homaM sudurlabham || 31||
• na hi ki~nchit svarUpo.asmi nAhamasmi na so.asmyaham |
• nirvyApArasvarUpo.asmi evaM homaM sudurlabham || 32||
• niraMsho.asmi nirAbhAso na mano nendriyo.asmyaham |
• na buddhirna vikalpo.ahaM evaM homaM sudurlabham || 33||
• na dehAdisvArUpo.asmi trayAdiparivarjitaH |
• na jAgratsvapnarUpo.asmi evaM homaM sudurlabham || 34||
• shravaNaM mananaM nAsti nididhyAsanameva hi |
• svagataM cha na me ki~nchid evaM homaM sudurlabham || 35||
• asatyaM hi manaHsattA asatyaM buddhirUpakam |
• aha~NkAramasadviddhi kAlatrayamasat sadA || 36||
• guNatrayamasadviddhi evaM homaM sudurlabham || 37||
• shrutaM sarvamasadviddhi vedaM sarvamasat sadA |
• sarvatattvamasadviddhi evaM homaM sudurlabham || 38||
• nAnArUpamasadviddhi nAnAvarNamasat sadA |
• nAnAjAtimasadviddhi evaM homaM sudurlabham || 39||
• shAstraj~nAnamasadviddhi vedaj~nAnaM tapo.apyasat |
• sarvatIrthamasadviddhi evaM homaM sudurlabham || 40||
• gurushiShyamasadviddhi gurormantramasat tataH |
• yad dRRishyaM tadasadviddhi evaM homaM sudurlabham || 41||
• sarvAn bhogAnasadviddhi yachchintyaM tadasat sadA |
• yad dRRishyaM tadasadviddhi evaM homaM sudurlabham || 42||
• sarvendriyamasadviddhi sarvamantramasat tviti |
• sarvaprANAnasadviddhi evaM homaM sudurlabham || 43||
• jIvaM dehamasadviddhi pare brahmaNi naiva hi |
• mayi sarvamasadviddhi evaM homaM sudurlabham || 44||
• dRRiShTaM shrutamasadviddhi otaM protamasanmayi |
• kAryAkAryamasadviddhi evaM homaM sudurlabham || 45||
• dRRiShTaprAptimasadviddhi santoShamasadeva hi |
• sarvakarmANyasadviddhi evaM homaM sudurlabham || 46||
• sarvAsarvamasadviddhi pUrNApUrNamasat pare |
• sukhaM duHkhamasadviddhi evaM homaM sudurlabham || 47||
• yathAdharmamasadviddhi puNyApuNyamasat sadA |
• lAbhAlAbhamasadviddhi sadA dehamasat sadA || 48||
• sadA jayamasadviddhi sadA garvamasat sadA |
• manomayamasadviddhi saMshayaM nishchayaM tathA || 49||
• shabdaM sarvamasadviddhi sparshaM sarvamasat sadA |
• rUpaM sarvamasadviddhi rasaM sarvamasat sadA || 50||
• gandhaM sarvamasadviddhi j~nAnaM sarvamasat sadA |
• bhUtaM bhavyamasadviddhi asat prakRRitiruchyate || 51||
• asadeva sadA sarvamasadeva bhavodbhavam |
• asadeva guNaM sarvaM evaM homaM sudurlabham || 52||
• shashashRRi~Ngavadeva tvaM shashashRRi~Ngavadasmyaham |
• shashashRRi~NgavadevedaM shashashRRi~Ngavadantaram || 53||
• ityevamAtmahomAkhyamuktaM prakaraNaM mayA |
• yaH shRRiNoti sakRRidvApi brahmaiva bhavati svayam || 54||

skandaH -

• yasmin saMcha vichaiti vishvamakhilaM dyotanti sUryendavo
• vidyudvahnimarudgaNAH savaruNA bhItA bhajantIshvaram |
• bhUtaM chApi bhavatyadRRishyamakhilaM shambhoH sukhAMshaM jagat
• jAtaM chApi janiShyati pratibhavaM devAsurairniryapi |
• tannehAsti na ki~nchidatra bhagavaddhyAnAnna ki~nchit priyam || 55||
• yaH prANApAnabhedairmananadhiyA dhAraNApa~nchakAdyaiH
• madhye vishvajanasya sannapi shivo no dRRishyate sUkShmayA |
• buddhayAdadhyAtayApi shrutivachanashatairdeshikoktyaikasUktyA
• yogairbhaktisamanvitaiH shivataro dRRishyo na chAnyat tathA || 56||

• || iti shrIshivarahasye sha~NkarAkhye ShaShThAMshe RRibhunidAghasaMvAde brahmatarpaNAtmahomAkhya prakaraNadvayavarNanaM nAma dashamo.adhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com