RRibhugItA 44 || nidAdhAnubhava varNana prakaraNam ||

nidAghaH -

• shRRiNushva sadguro brahman tvatprasAdAnvinishchitam |
• ahameva hi tadbrahma ahameva hi kevalam || 1||
• ahameva hi nityAtmA ahameva sadA.ajaraH |
• ahameva hi shAntAtmA ahameva hi niShkalaH || 2||
• ahameva hi nishchintaH ahameva sukhAtmakaH |
• ahameva gurustvaM hi ahaM shiShyo.asmi kevalam || 3||
• ahamAnanda evAtmA ahameva nira~njanaH |
• ahaM turyAtigo hyAtmA ahameva guNojjhitaH || 4||
• ahaM videha evAtmA ahameva hi sha~NkaraH |
• ahaM vai paripUrNAtmA ahameveshvaraH paraH || 5||
• ahameva hi lakShyAtmA ahameva manomayaH |
• ahameva hi sarvAtmA ahameva sadAshivaH || 6||
• ahaM viShNurahaM brahmA ahamindrastvahaM surAH |
• ahaM vai yakSharakShAMsi pishAchA guhyakAstathA || 7||
• ahaM samudrAH sarita ahameva hi parvatAH |
• ahaM vanAni bhuvanaM ahamevedameva hi || 8||
• nityatRRipto hyahaM shuddhabuddho.ahaM prakRRiteH paraH |
• ahameva hi sarvatra ahameva hi sarvagaH || 9||
• ahameva mahAnAtmA sarvama~NgalavigrahaH |
• ahameva hi mukto.asmi shuddho.asmi paramaH shivaH || 10||
• ahaM bhUmirahaM vAyurahaM tejo hyahaM nabhaH |
• ahaM jalamahaM sUryashchandramA bhagaNA hyaham || 11||
• ahaM lokA alokAshcha ahaM lokyA ahaM sadA |
• ahamAtmA pAradRRishya ahaM praj~nAnavigrahaH || 12||
• ahaM shUnyo ashUnyo.ahaM sarvAnandamayo.asmyaham |
• shubhAshubhaphalAtIto hyahameva hi kevalam || 13||
• ahameva RRitaM satyamahaM sachchitsukhAtmakaH |
• ahamAnanda evAtmA bahudhA chaikadhA sthitaH || 14||
• ahaM bhUtabhaviShyaM cha vartamAnamahaM sadA |
• ahameko dvidhAhaM cha bahudhA chAhameva hi || 15||
• ahameva paraM brahma ahameva prajApatiH |
• svarAT samrAD jagadyonirahameva hi sarvadA || 16||
• ahaM vishvastaijasashcha prAj~no.ahaM turya eva hi |
• ahaM prANo manashchAhamahamidriyavargakaH || 17||
• ahaM vishvaM hi bhuvanaM gaganAtmAhameva hi |
• anupAdhi upAdhyaM yattatsarvamahameva hi || 18||
• upAdhirahitashchAhaM nityAnando.ahameva hi |
• evaM nishchayavAnantaH sarvadA sukhamashnute |
• evaM yaH shRRiNuyAnnityaM sarvapApaiH pramuchyate || 19||
• nityo.ahaM nirvikalpo janavanabhuvane pAvano.ahaM manIShI
• vishvo vishvAtigo.ahaM prakRRitivinikRRito ekadhA saMsthito.aham |
• nAnAkAravinAshajanmarahitasvaj~nAnakAryojjhitaiH
• bhUmAnandaghano.asmyahaM parashivaH satyasvarUpo.asmyaham || 20||

• || iti shrIshivarahasye sha~NkarAkhye ShaShThAMshe RRibhunidAghasaMvAde nidAghAnubhavavarNanaM nAma chatushchatvAriMsho.adhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com