RRibhugItA 4 || RRibhu-nidAdha saMvAdaH ||

skandaH -

• himAdrishikhare tatra kedAre saMsthitaM RRibhum |
• kedAreshaM pUjayantaM shAMbhavaM munisattamam |
• bhasmarudrAkShasaMpannaM niHspRRihaM munayo.abruvan || 1||

munayaH -

• padmodbhavasutashreShTha tvayA kailAsaparvate |
• ArAdhya devamIshAnaM tasmAt sUtrashrutIritam || 2||
• j~nAnaM labdhaM munishreShTha tvaM no brUhi vimuktaye |
• yena saMsAravArAsheH samuttIrNA bhavAmahe || 3||

sUtaH -

• RRibhurmunInAM vachasA tuShTaH shiShTAn samIkShya tAn |
• aShTamUrtipadadhyAnaniShThAMstAnabhyuvAcha ha || 4||

RRibhuH -

• vishvasya kAraNamumApatireva devo
• vidyotako jaDajagatpramadaikahetuH |
• na tasya kAryaM karaNaM maheshituH
• sa eva tatkAraNamIshvaro haraH || 8||
• sUtaH sAyakasaMbhavaH samuditAH sUtAnanebhyo hayAH
• netre te rathino rathA~NgayugalI yugyAntamRRigyo rathI |
• mauvImUrdhni rathaH sthito rathavahashchApaM sharavyaM puraH
• yoddhuM keshacharAH sa eva nikhilasthANoraNuH pAtu vaH || 9||var was naH
• nidAghamatha saMbodhya tato RRibhuruvAcha ha |
• adhyAtmanirNayaM vakShye nAsti kAlatrayeShvapi || 10||
• shivopadiShTaM saMkShipya guhyAt guhyataraM sadA |
• anAtmeti prasa~NgAtmA anAtmeti mano.api vA |
• anAtmeti jagadvApi nAstyanAtmeti nishchinu || 11||
• sarvasaMkalpashUnyatvAt sarvAkAravivarjanAt
• kevalaM brahmabhAvatvAt nAstyanAtmeti nishchinu || 12||
• chittAbhAve chintanIyo dehAbhAve jarA cha na |
• kevalaM brahmabhAvatvAt nAstyanAtmeti nishchinu || 13||var was brahmamAtratvAt
• pAdAbhAvAdgatirnAsti hastAbhAvAt kriyA cha na |
• kevalaM brahmabhAvatvAt nAstyanAtmeti nishchinu || 14||var was brahmamAtratvAt
• brahmAbhAvAjjagannAsti tadabhAve harirna cha |
• kevalaM brahmabhAvatvAt nAstyanAtmeti nishchinu || 15||var was brahmamAtratvAt
• mRRityurnAsti jarAbhAve lokavedadurAdhikam |
• kevalaM brahmabhAvatvAt nAstyanAtmeti nishchinu || 16||var was brahmamAtratvAt
• dharmo nAsti shuchirnAsti satyaM nAsti bhayaM na cha |
• kevalaM brahmabhAvatvAt nAstyanAtmeti nishchinu || 17||var was brahmamAtratvAt
• akSharochchAraNaM nAsti akSharatyajaDaM mama |
• kevalaM brahmabhAvatvAt nAstyanAtmeti nishchinu || 18||var was brahmamAtratvAt
• gururityapi nAstyeva shiShyo nAstIti tattvataH |
• kevalaM brahmabhAvatvAt nAstyanAtmeti nishchinu || 19||var was brahmamAtratvAt
• ekAbhAvAnna dvitIyaM na dvitIyAnna chaikatA |
• satyatvamasti chet ki~nchidasatyatvaM cha saMbhavet || 20||
• asatyatvaM yadi bhavet satyatvaM cha ghaTiShyati |
• shubhaM yadyashubhaM viddhi ashubhaM shubhamasti chet || 21||
• bhayaM yadyabhayaM viddhi abhayAdbhayamApatet |
• kevalaM brahmabhAvatvAt nAstyanAtmeti nishchinu || 22||var was brahmamAtratvAt
• baddhatvamasti chenmokSho bandhAbhAve na mokShatA |
• maraNaM yadi chejjanma janmAbhAve mRRitirna cha || 23||
• tvamityapi bhavechchAhaM tvaM no chedahameva na |
• idaM yadi tadevApi tadabhAve idaM na cha || 24||
• asti chediti tannAsti nAsti chedasti kiMcha na |
• kAryaM chet kAraNaM ki~nchit kAryAbhAve na kAraNam || 25||
• dvaitaM yadi tadA.advaitaM dvaitAbhAve.advayaM cha na |
• dRRishyaM yadi dRRigapyasti dRRishyAbhAve dRRigeva na || 26||
• antaryadi bahiH satyamantAbhAve bahirna cha |
• pUrNatvamasti chet kiMchidapUrNatvaM prasajyate || 27||
• ki~nchidastIti chechchitte sarvaM bhavati shIghrataH |
• yatkiMchit kimapi kvApi nAsti chenna prasajyati || 28||
• tasmAdetat kvachinnAsti tvaM nAhaM vA ime idam |
• kevalaM brahmabhAvatvAt nAstyanAtmeti nishchinu || 29||var was brahmamAtratvAt
• nAsti dRRiShTAntakaM loke nAsti dArShTAntikaM kvachit |
• kevalaM brahmabhAvatvAt nAstyanAtmeti nishchinu || 30||var was brahmamAtratvAt
• paraM brahmAhamasmIti smaraNasya mano na hi |
• brahmamAtraM jagadidaM brahmamAtratvamapya hi || 31||
• chinmAtraM kevalaM chAhaM nAstyanAtmeti nishchinu |
• ityAtmanirNayaM proktaM bhavate sarvasa~Ngraham || 32||var was nirNyaH proktaH
• sakRRichChravaNamAtreNa brahmaiva bhavati svayam || 33||
• nidAghaH-var was RRibhuH-
• bhagavan ko bhavAn ko nu vada me vadatAM vara |var was nidAgha
• yachChrutvA tatkShaNAnmuchyenmahAsaMsArasaMkaTAt || 34||
• RRibhuH-
• ahameva paraM brahma ahameva paraM sukham |
• ahamevAhamevAhamahaM brahmAsmi kevalam || 35||
• ahaM chaitanyamevAsmi divyaj~nAnAtmako hyaham |
• sarvAkSharavihIno.asmi ahaM brahmAsmi kevalam || 36||
• ahamarthavihIno.asmi idamarthavivarjitaH |
• sarvAnarthavimukto.asmi ahaM brahmAsmi kevalam || 37||
• nityashuddho.asmi buddho.asmi nityo.asmyatyantanirmalaH |
• nityAnadasvarUpo.asmi ahaM brahmAsmi kevalam || 38||
• nityapUrNasvarUpo.asmi sachchidAnandamasmyaham |
• kevalAdvaitarUpo.ahamahaM brahmAsmi kevalam || 39||
• anirdeshyasvarUpo.asmi AdihIno.asmyanantakaH |
• aprAkRRitasvarUpo.asmi ahaM brahmAsmi kevalam || 40||
• svasvasaMkalpahIno.ahaM sarvAvidyAvivarjitaH |
• sarvamasmi tadevAsmi ahaM brahmAsmi kevalam || 41||
• sarvanAmAdihIno.ahaM sarvarUpavivarjitaH |
• sarvasa~NgavihIno.asmi ahaM brahmAsmi kevalam || 42||
• sarvavAchAM vidhishchAsmi sarvavedAvadhiH paraH |
• sarvakAlAvadhishchAsmi ahaM brahmAsmi kevalam || 43||
• sarvarUpAvadhishchAhaM sarvanAmAvadhiH sukham |
• sarvakalpAvadhishchAsmi ahaM brahmAsmi kevalam || 44||
• ahameva sukhaM nAnyadahameva chidavyayaH |
• ahamevAsmi sarvatra ahaM brahmAsmi kevalam || 45||
• kevalaM brahmamAtrAtmA kevalaM shuddhachidghanaH |
• kevalAkhaNDosAro.asmi ahaM brahmAsmi kevalam || 46||
• kevalaM j~nAnarUpo.asmi kevalAkArarUpavAn |
• kevalAtyantasAro.asmi ahaM brahmAsmi kevalam || 47||
• satsvarUpo.asmi kaivalyasvarUpo.asmyahameva hi |
• arthAnarthavihIno.asmi ahaM brahmAsmi kevalam || 48||
• aprameyasvarUpo.asmi apratarkyasvarUpavAn |
• apragRRihyasvarUpo.asmi ahaM brahmAsmi kevalam || 49||
• arasasyutarUpo.asmi anutApavivarjitaH |
• anusyUtaprakAsho.asmi ahaM brahmAsmi kevalam || 50||
• sarvakarmavihIno.ahaM sarvabhedavivarjitaH |
• sarvasandehahIno.asmi ahaM brahmAsmi kevalam || 51||
• ahaMbhAvavihIno.asmi vihIno.asmIti me na cha |
• sarvadA brahmarUpo.asmi ahaM brahmAsmi kevalam || 52||
• brahma brahmAdihIno.asmi keshavatvAdi na kvachit |
• sha~NkarAdivihIno.asmi ahaM brahmAsmi kevalam || 53||
• tUShNImevAvabhAso.asmi ahaM brahmAsmi kevalam |
• ki~nchinnAsti paro nAsti kiMchidasmi paro.asmi cha || 54||
• na sharIraprakAsho.asmi jagadbhAsakaro na cha |
• chidghano.asmi chidaMsho.asmi satsvarUpo.asmi sarvadA || 55||
• mudA muditarUpo.asmi ahaM brahmAsmi kevalam |
• na bAlo.asmi na vRRiddho.asmi na yuvA.asmi parAt paraH || 56||
• na cha nAnAsvarUpo.asmi ahaM brahmAsmi kevalam |
• imaM svAnubhavaM proktaM sarvopaniShadAM paraM rasam || 57||
• yo vA ko vA shRRiNotIdaM brahmaiva bhavati svayam || 58||
• na sthUlo.apyanaNurna tejamarutAmAkAshanIrakShamA
• bhUtAntargatakoshakAshahRRidayAdyAkAshamAtrAkramaiH |
• udgranthashrutishAstrasUtrakaraNaiH ki~nchijj~na sarvaj~natA
• buddhyA mohitamAyayA shrutishatairbho jAnate sha~Nkaram || 59||

• || iti shrI shivarahasye sha~NkarAkhye ShaShThAMshe RRibhunidAghasaMvAdo nAma chaturtho.adhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com