RRibhugItA 48 || skanda-kRRita shivavratopadesha varNanam ||
skandaH -
- j~nAnA~NgasAdhanaM vakShye shRRiNu vakShyAmi te hitam |
- yat kRRitvA j~nAnamApnoti tat prAdAt parameShThinaH || 1||
- jaigIShavya shRRiNuShvaitat sAvadhAnena chetasA |
- prathamaM vedasaMproktaM karmAcharaNamiShyate || 2||
- upanIto dvijo vApi vaishyaH kShatriya eva vA |
- agnirityAdibhirmantrairbhasmadhRRik pUyate tvaghaiH || 3||
- triyAyuShaistryambakaishcha tripuNDraM bhasmanA.a.acharet |
- li~NgArchanaparo nityaM rudrAkShAn dhArayan kramaiH || 4||
- kaNThe bAhvorvakShasI cha mAlAbhiH shirasA tathA |
- tripuNDravaddhArayeta rudrAkShAn kramasho mune || 5||
- ekAnanaM dvivaktraM vA trivaktraM chaturAsyakam |
- pa~nchavaktraM cha ShaT sapta tathAShTadashakaM nava || 6||
- ekAdashaM dvAdashaM vA tathordhvaM dhArayet kramAt |
- bhasmadhAraNamAtreNa prasIdati maheshvaraH || 7||
- rudrAkShadhAraNAdeva naro rudratvamApnuyAt |
- bhasmarudrAkShadhRRi~Nmartyo j~nAnA~NgI bhavati priyaH || 8||
- rudrAdhyAyI bhasmaniShThaH pa~nchAkSharajapAdharaH |
- bhasmoddhUlitadeho.ayaM shrIrudraM prajapan dvijaH || 9||
- sarvapApairvimuktashcha j~nAnaniShTho bhavenmune |
- bhasmasaMChannasarvA~Ngo bhasmaphAlatripuNDrakaH || 10||
- vedamaulijavAkyeShu vichArAdhikRRito bhavet |
- nAnyapuNDradharo vipro yatirvA viprasattama || 11||
- shamAdiniyamopetaH kShamAyukto.apyasaMskRRitaH |
- shirovratamidaM proktaM bhasmadhAraNameva hi || 12||
- shirovrataM cha vidhivadyaishchIrNaM munisattama |
- teShAmeva brahmavidyAM vadeta gururAstikaH || 13||
- shAMbhavA eva vedeShu niShThA naShTAshubhAH param |
- shivaprasAdasaMpanno bhasmarudrAkShadhArakaH || 14||
- rudrAdhyAyajapAsaktaH pa~nchAkSharaparAyaNaH |
- sa eva vedavedAntashravaNe.adhikRRito bhavet || 15||
- nAnyapuNDradharo vipraH kRRitvApi shravaNaM bahu |
- naiva labhyeta tadj~nAnaM prasAdena vineshituH || 16||
- prasAdajanakaM shambhorbhasmadhAraNameva hi |
- shivaprasAdahInAnAM j~nAnaM naivopajAyate || 17||
- prasAde sati devasya vij~nAnasphuraNaM bhavet |
- rudrAdhyAyajApinAM tu bhasmadhAraNapUrvakam || 18||
- prasAdo jAyate shambhoH punarAvRRittivarjitaH |
- prasAde sati devasya vedAntasphuraNaM bhavet || 19||
- tasyaivAkathitA hyarthAH prakAshante mahAtmanaH |
- pa~nchAkSharajapAdeva pa~nchAsyadhyAnapUrvakam || 20||
- tasyaiva bhavati j~nAnaM shivaproktamidaM dhruvam |
- sarvaM shivAtmakaM bhAti jagadetat charAcharam || 21||
- sa prasAdo maheshasya vij~neyaH shAMbhavottamaiH |
- shivali~NgArchanAdeva prasAdaH shAMbhavottame || 22||
- niyamAdbilvapatraishcha bhasmadhAraNapUrvakam |
- prasAdo jAyate shambhoH sAkShAdj~nAnaprakAshakaH || 23||
- shivakShetranivAsena j~nAnaM samyak dRRiDhaM bhavet |
- shivakShetranivAse tu bhasmadhAryadhikAravAn || 24||
- naktAshanArchanAdeva prIyeta bhagavAn bhavaH |
- pradoShapUjanaM shaMbhoH prasAdajanakaM param || 25||
- somavAre nishItheShu pUjanaM priyamIshituH |
- bhUtAyAM bhUtanAthasya pUjanaM paramaM priyam || 26||
- shivashabdochchAraNaM cha prasAdajanakaM mahat |
- j~nAnA~NgasAdhaneShvevaM shivabhaktArchanaM mahat || 27||
- bhaktAnAmarchanAdeva shivaH prIto bhaviShyati |
- ityetattaM samAsena j~nAnA~NgaM kathitaM mayA |
- akaitavena bhAvena shravaNIyo maheshvaraH || 28||
sUtaH -
- yaH ko.api prasabhaM pradoShasamaye bilvIdalAla~NkRRitaM
- li~NgaM tu~NgamapArapuNyavibhavaiH pashyedathArcheta vA |
- prAptaM rAjyamavApya kAmahRRidayastuShyedakAmo yadi
- muktidvAramapAvRRitaM sa tu labhet shambhoH kaTAkShA~NkuraiH || 29||
- achalAtularAjakanyakAkuchalIlAmalabAhujAlamIsham |
- bhajatAmanalAkShipAdapadmaM bhavalIlaM na bhaveta chittabAlam || 30||
- bhasmatripuNDrarachitA~NgakabAhuphAla-
- rudrAkShajAlakavachAH shrutisUktimAlAH |
- vedoruratnapadakA~NkitashambhunAma-
- lolA hi shAMbhavavarAH parishIlayanti || 31||
- || iti shrIshivarahasye sha~NkarAkhye ShaShThAMshe RRibhunidAghasaMvAde skandakRRitashivavratopadeshavarNanaM nAma aShTachatvAriMsho.adhyAyaH ||
Special Thanks
The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.
Credits
Encoded by Anil Sharma anilandvijaya at gmail.com
Proofread by Sunder Hattangadi and Anil Sharma
https://sanskritdocuments.org
Send corrections to sanskrit at cheerful.com