RRibhugItA 28 || Atma-vailakShaNya prakaraNam ||
RRibhuH -
- brahmaivAhaM chidevAhaM nirmalo.ahaM nirantaraH |
- shuddhasvarUpa evAhaM nityarUpaH paro.asmyaham || 1||
- nityanirmalarUpo.ahaM nityachaitanyavigrahaH |
- AdyantarUpahIno.ahamAdyantadvaitahInakaH || 2||
- ajasrasukharUpo.ahaM ajasrAnandarUpavAn |
- ahamevAdinirmuktaH ahaM kAraNavarjitaH || 3||
- ahameva paraM brahma ahamevAhameva hi |
- ityevaM bhAvayannityaM sukhamAtmani nirmalaH || 4||
- sukhaM tiShTha sukhaM tiShTha suchiraM sukhamAvaha |
- sarvavedamananyastvaM sarvadA nAsti kalpanam || 5||
- sarvadA nAsti chittAkhyaM sarvadA nAsti saMsRRitiH |
- sarvadA nAsti nAstyeva sarvadA jagadeva na || 6||
- jagatprasa~Ngo nAstyeva dehavArtA kutastataH |
- brahmaiva sarvachinmAtramahameva hi kevalam || 7||
- chittamityapi nAstyeva chittamasti hi nAsti hi |
- astitvabhAvanA niShThA jagadastitvavA~NmRRiShA || 8||
- astitvavaktA vArtA hi jagadastIti bhAvanA |
- svAtmano.anyajjagadrakShA deho.ahamiti nishchitaH || 9||
- mahAchaNDAla evAsau mahAvipro.api nishchayaH |
- tasmAditi jaganneti chittaM vA buddhireva cha || 10||
- nAsti nAstIti sahasA nishchayaM kuru nirmalaH |
- dRRishyaM nAstyeva nAstyeva nAsti nAstIti bhAvaya || 11||
- ahameva paraM brahma ahameva hi niShkalaH |
- ahameva na sandehaH ahameva sukhAt sukham || 12||
- ahameva hi divyAtmA ahameva hi kevalaH |
- vAchAmagocharo.ahaM vai ahameva na chAparaH || 13||
- ahameva hi sarvAtmA ahameva sadA priyaH |
- ahameva hi bhAvAtmA ahaM vRRittivivarjitaH || 14||
- ahamevAparichChinna ahameva nirantaraH |
- ahameva hi nishchinta ahameva hi sadguruH || 15||
- ahameva sadA sAkShI ahamevAhameva hi |
- nAhaM gupto na vA.agupto na prakAshAtmakaH sadA || 16||
- nAhaM jaDo na chinmAtraH kvachit ki~nchit tadasti hi |
- nAhaM prANo jaDatvaM tadatyantaM sarvadA bhramaH || 17||
- ahamatyantamAnanda ahamatyantanirmalaH |
- ahamatyantavedAtmA ahamatyantashA~NkaraH || 18||
- ahamityapi me ki~nchidahamityapi na smRRitiH |
- sarvahIno.ahamevAgre sarvahInaH sukhAchChubhAt || 19||
- parAt parataraM brahma parAt parataraH pumAn |
- parAt parataro.ahaM vai sarvasyAt parataH paraH || 20||
- sarvadehavihIno.ahaM sarvakarmavivarjitaH |
- sarvamantraH prashAntAtmA sarvAntaHkaraNAt paraH || 21||
- sarvastotravihIno.ahaM sarvadevaprakAshakaH |
- sarvasnAnavihInAtmA ekamagno.ahamadvayaH || 22||
- AtmatIrthe hyAtmajale AtmAnandamanohare |
- AtmaivAhamiti j~nAtvA AtmArAmovasAmyaham || 23||
- Atmaiva bhojanaM hyAtmA tRRiptirAtmasukhAtmakaH |
- Atmaiva hyAtmano hyAtmA Atmaiva paramo hyaham || 24||
- ahamAtmA.ahamAtmAhamahamAtmA na laukikaH |
- sarvAtmAhaM sadAtmAhaM nityAtmAhaM guNAntaraH || 25||
- evaM nityaM bhAvayitvA sadA bhAvaya siddhaye |
- siddhaM tiShThati chinmAtro nishchayaM mAtrameva sA |
- nishchayaM cha layaM yAti svayameva sukhI bhava || 26||
- shAkhAdibhishcha shrutayo hyanantA-
- stvAmekameva bhagavan bahudhA vadanti |
- viShNvindradhAtRRiravisUnvanalAnilAdi
- bhUtAtmanAtha gaNanAthalalAma shambho || 27||
- || iti shrIshivarahasye sha~NkarAkhye ShaShThAMshe RRibhunidAghasaMvAde AtmavailakShaNyaprakaraNaM nAma aShTAviMsho.adhyAyaH ||
Special Thanks
The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.
Credits
Encoded by Anil Sharma anilandvijaya at gmail.com
Proofread by Sunder Hattangadi and Anil Sharma
https://sanskritdocuments.org
Send corrections to sanskrit at cheerful.com