RRibhugItA 14 || AtmAnanda prakaraNa varNanam ||

RRibhuH -

• shRRiNuShva sarvaM brahmaiva satyaM satyaM shivaM shape |
• nishchayenAtmayogIndra anyat ki~nchinna ki~nchana || 1||
• aNumAtramasadrUpaM aNumAtramidaM dhruvam |
• aNumAtrasharIraM cha anyat ki~nchinna ki~nchana || 2||
• sarvamAtmaiva shuddhAtmA sarvaM chinmAtramadvayam |
• nityanirmalashuddhAtmA anyat ki~nchinna ki~nchana || 3||
• aNumAtre vichintyAtmA sarvaM na hyaNumAtrakam |
• aNumAtramasaMkalpo anyat ki~nchinna ki~nchana || 4||
• chaitanyamAtraM sa~NkalpaM chaitanyaM paramaM padam |
• AnandaM paramaM mAnaM idaM dRRishyaM na ki~nchana || 5||
• chaitanyamAtramoMkAraH chaitanyaM sakalaM svayam |
• AnandaM paramaM mAnaM idaM dRRishyaM na ki~nchana || 6||
• AnandashchAhamevAsmi ahameva chidavyayaH |
• AnandaM paramaM mAnaM idaM dRRishyaM na ki~nchana || 7||
• ahameva hi guptAtmA ahameva nirantaram |
• AnandaM paramaM mAnaM idaM dRRishyaM na ki~nchana || 8||
• ahameva paraM brahma ahameva gurorguruH |
• AnandaM paramaM mAnaM idaM dRRishyaM na ki~nchana || 9||
• ahamevAkhilAdhAra ahameva sukhAt sukham |
• AnandaM paramaM mAnaM idaM dRRishyaM na ki~nchana || 10||
• ahameva paraM jyotirahamevAkhilAtmakaH |
• AnandaM paramaM mAnaM idaM dRRishyaM na ki~nchana || 11||
• ahameva hi tRRiptAtmA ahameva hi nirguNaH |
• AnandaM paramaM mAnaM idaM dRRishyaM na ki~nchana || 12||
• ahameva hi pUrNAtmA ahameva purAtanaH |
• AnandaM paramaM mAnaM idaM dRRishyaM na ki~nchana || 13||
• ahameva hi shAntAtmA ahameva hi shAshvataH |
• AnandaM paramaM mAnaM idaM dRRishyaM na ki~nchana || 14||
• ahameva hi sarvatra ahameva hi susthiraH |
• AnandaM paramaM mAnaM idaM dRRishyaM na ki~nchana || 15||
• ahameva hi jIvAtmA ahameva parAtparaH |
• AnandaM paramaM mAnaM idaM dRRishyaM na ki~nchana || 16||
• ahameva hi vAkyArtho ahameva hi sha~NkaraH |
• AnandaM paramaM mAnaM idaM dRRishyaM na ki~nchana || 17||
• ahameva hi durlakShya ahameva prakAshakaH |
• AnandaM paramaM mAnaM idaM dRRishyaM na ki~nchana || 18||
• ahamevAhamevAhaM ahameva svayaM svayam |
• ahameva parAnando.ahameva hi chinmayaH || 19||
• ahameva hi shuddhAtmA ahameva hi sanmayaH |
• ahameva hi shUnyAtmA ahameva hi sarvagaH || 20||
• ahameva hi vedAntaH ahameva hi chitparaH || 21||
• ahameva hi chinmAtraM ahameva hi chinmayaH |
• anyanna ki~nchit chidrUpAdahaM bAhyavivarjitaH || 22||
• ahaM na ki~nchid brahmAtmA ahaM nAnyadahaM param |
• nityashuddhavimukto.ahaM nityatRRipto nira~njanaH || 23||
• AnandaM paramAnandamanyat ki~nchinna ki~nchana |
• nAsti ki~nchinnAsti ki~nchit nAsti ki~nchit parAtparAt || 24||
• AtmaivedaM jagat sarvamAtmaivedaM manobhavam |
• AtmaivedaM sukhaM sarvaM AtmaivedamidaM jagat || 25||
• brahmaiva sarvaM chinmAtraM ahaM brahmaiva kevalam |
• AnandaM paramaM mAnaM idaM dRRishyaM na ki~nchana || 26||
• dRRishyaM sarvaM paraM brahma dRRishyaM nAstyeva sarvadA |
• brahmaiva sarvasa~Nkalpo brahmaiva na paraM kvachit |
• AnandaM paramaM mAnaM idaM dRRishyaM na ki~nchana || 27||
• brahmaiva brahma chidrUpaM chidevaM chinmayaM jagat |
• asadeva jagatsarvaM asadeva prapa~nchakam || 28||
• asadevAhamevAsmi asadeva tvameva hi |
• asadeva manovRRittirasadeva guNAguNau || 29||
• asadeva mahI sarvA asadeva jalaM sadA |
• asadeva jagatkhAni asadeva cha tejakam || 30||
• asadeva sadA vAyurasadevedamityapi |
• aha~NkAramasadbuddhirbrahmaiva jagatAM gaNaH || 31||
• asadeva sadA chittamAtmaivedaM na saMshayaH |
• asadevAsurAH sarve asadevedashvarAkRRitiH || 32||
• asadeva sadA vishvaM asadeva sadA hariH |
• asadeva sadA brahmA tatsRRiShTirasadeva hi || 33||
• asadeva mahAdevaH asadeva gaNeshvaraH |
• asadeva sadA chomA asat skando gaNeshvarAH || 34||
• asadeva sadA jIva asadeva hi dehakam |
• asadeva sadA vedA asaddehAntameva cha || 35||
• dharmashAstraM purANaM cha asatye satyavibhramaH |
• asadeva hi sarvaM cha asadeva paraMparA || 36||
• asadevedamAdyantamasadeva munIshvarAH |
• asadeva sadA lokA lokyA apyasadeva hi || 37||
• asadeva sukhaM duHkhaM asadeva jayAjayau |
• asadeva paraM bandhamasanmuktirapi dhruvam || 38||
• asadeva mRRitirjanma asadeva jaDAjaDam |
• asadeva jagat sarvamasadevAtmabhAvanA || 39||
• asadeva cha rUpANi asadeva padaM shubham |
• asadeva sadA chAhamasadeva tvameva hi || 40||
• asadeva hi sarvatra asadeva chalAchalam |
• asachcha sakalaM bhUtamasatyaM sakalaM phalam || 41||
• asatyamakhilaM vishvamasatyamakhilo guNaH |
• asatyamakhilaM sheShamasatyamakhilaM jagat || 42||
• asatyamakhilaM pApaM asatyaM shravaNatrayam |
• asatyaM cha sajAtIyavijAtIyamasat sadA || 43||
• asatyamadhikArAshcha anityA viShayAH sadA |
• asadeva hi devAdyA asadeva prayojanam || 44||
• asadeva shamaM nityaM asadeva shamo.anisham |
• asadeva sasandehaM asadyuddhaM surAsuram || 45||var was asadeva cha sandehaM
• asadeveshabhAvaM chAsadevopAsyameva hi |
• asachcha kAladeshAdi asat kShetrAdibhAvanam || 46||
• tajjanyadharmAdharmau cha asadeva vinirNayaH |
• asachcha sarvakarmANi asadasvaparabhramaH || 47||
• asachcha chittasadbhAva asachcha sthUladehakam |
• asachcha li~NgadehaM cha satyaM satyaM shivaM shape || 48||
• asatyaM svarganarakaM asatyaM tadbhavaM sukham |
• asachcha grAhakaM sarvaM asatyaM grAhyarUpakam || 49||
• asatyaM satyavadbhAvaM asatyaM te shive shape |var was satyavadbhAnaM
• asatyaM vartamAnAkhyaM asatyaM bhUtarUpakam || 50||
• asatyaM hi bhaviShyAkhyaM satyaM satyaM shive shape |
• asat pUrvamasanmadhyamasadantamidaM jagat || 51||
• asadeva sadA prAyaM asadeva na saMshayaH |
• asadeva sadA j~nAnamaj~nAnaj~neyameva cha || 52||
• asatyaM sarvadA vishvamasatyaM sarvadA jaDam |
• asatyaM sarvadA dRRishyaM bhAti tau ra~NgashRRi~Ngavat || 53||
• asatyaM sarvadA bhAvaH asatyaM koshasaMbhavam |
• asatyaM sakalaM mantraM satyaM satyaM na saMshayaH || 54||
• Atmano.anyajjagannAsti nAstyanAtmamidaM sadA |
• Atmano.anyanmRRiShaivedaM satyaM satyaM na saMshayaH || 55||
• Atmano.anyatsukhaM nAsti Atmano.anyanna ki~nchana |
• Atmano.anyA gatirnAsti sthitamAtmani sarvadA || 56||
• Atmano.anyanna hi kvApi Atmano.anyat tRRiNaM na hi |
• Atmano.anyanna ki~nchichcha kvachidapyAtmano na hi || 57||
• AtmAnandaprakaraNametatte.abhihitaM mayA |
• yaH shRRiNoti sakRRidvidvAn brahmaiva bhavati svayam || 58||
• sakRRichChravaNamAtreNa sadyobandhavimuktidam |
• etadgranthArthamAtraM vai gRRiNan sarvairvimuchyate || 59||

sUtaH -

• pUrNaM satyaM maheshaM bhaja niyatahRRidA yo.antarAyairvihInaH
• so nityo nirvikalpo bhavati bhuvi sadA brahmabhUto RRitAtmA |
• vichChinnagranthirIshe shivavimalapade vidyate bhAsate.antaH
• ArAmo.antarbhavati niyataM vishvabhUto mRRitashcha || 60||

• || iti shrIshivarahasye sha~NkarAkhye ShaShThAMshe RRibhunidAghasaMvAde AtmAnandaprakaraNavarNanaM nAma chaturdasho.adhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com