RRibhugItA 41 || grantha-prashasti nirUpaNam ||

RRibhuH -

• ahaM brahma na sandehaH ahaM brahma na saMshayaH |
• ahaM brahmaiva nityAtmA ahameva parAtparaH || 1||
• chinmAtro.ahaM na sandeha iti nishchitya taM tyaja |
• satyaM satyaM punaH satyamAtmano.anyanna ki~nchana || 2||
• shivapAdadvayaM spRRiShTvA vadAmIdaM na ki~nchana |
• gurupAdadvayaM spRRiShTvA vadAmIdaM na ki~nchana || 3||
• jihvayA parashuM taptaM dhArayAmi na saMshayaH |
• vedashAstrAdikaM spRRiShTvA vadAmIdaM vinishchitam || 4||
• nishchayAtman nishchayastvaM nishchayena sukhI bhava |
• chinmayastvaM chinmayatvaM chinmayAnanda eva hi || 5||
• brahmaiva brahmabhUtAtmA brahmaiva tvaM na saMshayaH |
• sarvamuktaM bhagavatA yoginAmapi durlabham || 6||
• devAnAM cha RRiShINAM cha atyantaM durlabhaM sadA |
• aishvaraM paramaM j~nAnamupadiShTaM shivena hi || 7||
• etat j~nAnaM samAnItaM kailAsAchCha~NkarAntikAt |
• devAnAM dakShiNAmUrtirdashasAhasravatsarAn || 8||
• vighnesho bahusAhasraM vatsaraM chopadiShTavAn |
• sAkShAchChivo.api pArvatyai vatsaraM chopadiShTavAn || 9||
• kShIrAbdhau cha mahAviShNurbrahmaNe chopadiShTavAn |
• kadAchitbrahmaloke tu matpitushchoktavAnaham || 10||
• nAradAdi RRiShINAM cha upadiShTaM mahadbahu |
• ayAtayAmaM vistAraM gRRihItvA.ahamihAgataH || 11||
• na samaM pAdamekaM cha tIrthakoTiphalaM labhet |
• na samaM granthametasya bhUmidAnaphalaM labhet || 12||
• ekAnubhavamAtrasya na sarvaM sarvadAnakam |
• shlokArdhashravaNasyApi na samaM ki~nchideva hi || 13||
• tAtparyashravaNAbhAve paThaMstUShNIM sa muchyate |
• sarvaM santyajya satatametadgranthaM samabhyaset || 14||
• sarvamantraM cha santyajya etadgranthaM samabhyaset |
• sarvadevAMshcha santyajya etadgranthaM samabhyaset || 15||
• sarvasnAnaM cha santyajya etadgranthaM samabhyaset |
• sarvabhAvaM cha santyajya etadgranthaM samabhyaset || 16||
• sarvahomaM cha santyajya etadgranthaM samabhyaset |
• sarvadAnaM cha santyajya etadgranthaM samabhyaset || 17||
• sarvapUjAM cha santyajya etadgranthaM samabhyaset |
• sarvaguhyaM cha santyajya etadgranthaM samabhyaset || 18||
• sarvasevAM cha santyajya etadgranthaM samabhyaset |
• sarvAstitvaM cha santyajya etadgranthaM samabhyaset || 19||
• sarvapAThaM cha santyajya etadgranthaM samabhyaset |
• sarvAbhyAsaM cha santyajya etadgranthaM samabhyaset || 20||
• deshikaM cha parityajya etadgranthaM samabhyaset |
• guruM vApi parityajya etadgranthaM samabhyaset || 21||
• sarvalokaM cha santyajya etadgranthaM samabhyaset |
• sarvaishvaryaM cha santyajya etadgranthaM samabhyaset || 22||
• sarvasa~NkalpakaM tyajya etadgranthaM samabhyaset |
• sarvapuNyaM cha santyajya etadgranthaM samabhyaset || 23||
• etadgranthaM paraM brahma etadgranthaM samabhyaset |
• atraiva sarvavij~nAnaM atraiva paramaM padam || 24||
• atraiva paramo mokSha atraiva paramaM sukham |
• atraiva chittavishrAntiratraiva granthibhedanam || 25||
• atraiva jIvanmuktishcha atraiva sakalo japaH |
• etadgranthaM paThaMstUShNIM sadyo muktimavApnuyAt || 26||
• sarvashAstraM cha santyajya etanmAtraM sadAbhyaset |
• dine dine chaikavAraM paThechchenmukta eva saH || 27||
• janmamadhye sakRRidvApi shrutaM chet so.api muchyate |
• sarvashAstrasya siddhAntaM sarvavedasya saMgraham || 28||
• sArAt sArataraM sAraM sArAt sArataraM mahat |
• etadgranthasya na samaM trailokye.api bhaviShyati || 29 ||
• na prasiddhiM gate loke na svarge.api cha durlabham |
• brahmalokeShu sarveShu shAstreShvapi cha durlabham || 30||
• etadgranthaM kadAchittu chauryaM kRRitvA pitAmahaH |
• kShIrAbdhau cha parityajya sarve mu~nchantu no iti || 31||
• j~nAtvA kShIrasamudrasya tIre prAptaM gRRihItavAn |
• gRRihItaM chApyasau dRRiShTvA shapathaM cha pradattavAn || 32||
• tat Arabhya tallokaM tyaktvAhamimamAgataH |
• atyadbhutamidaM j~nAnaM granthaM chaiva mahAdbhutam || 33||
• tad j~no vaktA cha nAstyeva granthashrotA cha durlabhaH |
• AtmaniShThaikalabhyo.asau sadgururnaiSha labhyate || 34||
• granthavanto na labhyante tena na khyAtirAgatA |
• bhavate darshitaM hyetadgamiShyAmi yathAgatam || 35||
• etAvaduktamAtreNa nidAgha RRiShisattamaH |
• patitvA pAdayostasya AnandAshrupariplutaH || 36||
• uvAcha vAkyaM sAnandaM sAShTA~NgaM praNipatya cha |

nidAghaH -

• aho brahman kRRitArtho.asmi kRRitArtho.asmi na saMshayaH |
• bhavatAM darshanenaiva majjanma saphalaM kRRitam || 37||
• ekavAkyasya manane mukto.ahaM nAtra saMshayaH |
• namaskaromi te pAdau sopachAraM na vAstavau || 38||
• tasyApi nAvakAsho.asti ahameva na vAstavam |
• tvameva nAsti me nAsti brahmeti vachanaM na cha || 39||
• brahmeti vachanaM nAsti brahmabhAvaM na ki~nchana |
• etadgranthaM na me nAsti sarvaM brahmeti vidyate || 40||
• sarvaM brahmeti vAkyaM na sarvaM brahmeti taM na hi |
• taditi dvaitabhinnaM tu tvamiti dvaitamapyalam || 41||
• evaM ki~nchit kvachinnAsti sarvaM shAntaM nirAmayam |
• ekameva dvayaM nAsti ekatvamapi nAsti hi || 42||
• bhinnadvandvaM jagaddoShaM saMsAradvaitavRRittikam |
• sAkShivRRittiprapa~nchaM vA akhaNDAkAravRRittikam || 43||
• akhaNDaikaraso nAsti gururvA shiShya eva vA |
• bhavaddarshanamAtreNa sarvamevaM na saMshayaH || 44||
• brahmajyotirahaM prApto jyotiShAM jyotirasmyaham |
• namaste suguro brahman namaste gurunandana |
• evaM kRRitya namaskAraM tUShNImAste sukhI svayam || 45||
• kiM chaNDabhAnukaramaNDaladaNDitAni
• kAShThAmukheShu galitAni namastatIti |
• yAdRRikcha tAdRRigatha sha~Nkarali~Ngasa~Nga-
• bha~NgIni pApakalashailakulAni sadyaH |
• shrImRRityu~njaya ra~njaya tribhuvanAdhyakSha prabho pAhi naH || 46||

• || iti shrIshivarahasye sha~NkarAkhye ShaShThAMshe RRibhunidAghasaMvAde granthaprashastinirUpaNaM nAma ekachatvAriMsho.adhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com