RRibhugItA 47 || RRibhu-kRRita saMgrahopadesha varNanam ||
RRibhuH -
- nidAgha shRRiNu vakShyAmi dRRiDhIkaraNamastu te |
- shivaprasAdaparyantamevaM bhAvaya nityashaH || 1||
- ahameva paraM brahma ahameva sadAshivaH |
- ahameva hi chinmAtramahameva hi nirguNaH || 2||
- ahameva hi chaitanyamahameva hi niShkalaH |
- ahameva hi shUnyAtmA ahameva hi shAshvataH || 3||
- ahameva hi sarvAtmA ahameva hi chinmayaH |
- ahameva paraM brahma ahameva maheshvaraH || 4||
- ahameva jagatsAkShI ahameva hi sadguruH |
- ahameva hi muktAtmA ahameva hi nirmalaH || 5||
- ahamevAhamevoktaH ahameva hi sha~NkaraH |
- ahameva hi mahAviShNurahameva chaturmukhaH || 6||
- ahameva hi shuddhAtmA hyahameva hyahaM sadA |
- ahameva hi nityAtmA ahameva hi matparaH || 7||
- ahameva manorUpaM ahameva hi shItalaH |
- ahamevAntaryAmI cha ahameva pareshvaraH || 8||
- evamuktaprakAreNa bhAvayitvA sadA svayam |
- dravyo.asti chenna kuryAttu vaMchakena guruM param || 9||
- kumbhIpAke sughore tu tiShThatyeva hi kalpakAn |
- shrutvA nidAghashchothAya putradArAn pradattavAn || 10||
- svasharIraM cha putratve datvA sAdarapUrvakam |
- dhanadhAnyaM cha vastrAdIn datvA.atiShThat samIpataH || 11||
- gurostu dakShiNAM datvA nidAghastuShTavAnRRibhum |
- santuShTo.asmi mahAbhAga tava shushrUShayA sadA || 12||
- brahmavij~nAnamApto.asi sukRRitArtho na saMshayaH |
- brahmarUpamidaM cheti nishchayaM kuru sarvadA || 13||
- nishchayAdaparo mokSho nAsti nAstIti nishchinu |
- nishchayaM kAraNaM mokSho nAnyat kAraNamasti vai || 14||
- sakalabhuvanasAraM sarvavedAntasAraM
- samarasagurusAraM sarvavedArthasAram |
- sakalabhuvanasAraM sachchidAnandasAraM
- samarasajayasAraM sarvadA mokShasAram || 15||
- sakalajananamokShaM sarvadA turyamokShaM
- sakalasulabhamokShaM sarvasAmrAjyamokSham |
- viShayarahitamokShaM vittasaMshoShamokShaM
- shravaNamananamAtrAdetadatyantamokSham || 16||
- tachChushrUShA cha bhavataH tachChrutvA cha prapedire |
- evaM sarvavachaH shrutvA nidAghaRRiShidarshitam |
- shukAdayo mahAntaste paraM brahmamavApnuvan || 17||
- shrutvA shivaj~nAnamidaM RRibhustadA
- nidAghamAhetthaM munIndramadhye |
- mudA hi te.api shrutishabdasAraM
- shrutvA praNamyAhuratIva harShAt || 18||
munayaH -
- pitA mAtA bhrAtA gururasi vayasyo.atha hitakRRit
- avidyAbdheH pAraM gamayasi bhavAneva sharaNam |
- balenAsmAn nItvA mama vachanabalenaiva sugamaM
- pathaM prAptyaivArthaiH shivavachanato.asmAn sukhayasi || 19||
- || iti shrIshivarahasye sha~NkarAkhye ShaShThAMshe RRibhunidAghasaMvAde RRibhukRRitasaMgrahopadeshavarNanaM nAma saptachatvAriMsho.adhyAyaH ||
Special Thanks
The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.
Credits
Encoded by Anil Sharma anilandvijaya at gmail.com
Proofread by Sunder Hattangadi and Anil Sharma
https://sanskritdocuments.org
Send corrections to sanskrit at cheerful.com