RRibhugItA 6 || prapa~nchasya sachchinmayatva kathanam ||

IshvaraH -

• vratAni mithyA bhuvanAni mithyA
• bhAvAdi mithyA bhavanAni mithyA |
• bhayaM cha mithyA bharaNAdi mithyA
• bhuktaM cha mithyA bahubandhamithyA || 1||
• vedAshcha mithyA vachanAni mithyA
• vAkyAni mithyA vividhAni mithyA |
• vittAni mithyA viyadAdi mithyA
• vidhushcha mithyA viShayAdi mithyA || 2||
• gurushcha mithyA guNadoShamithyA
• guhyaM cha mithyA gaNanA cha mithyA |
• gatishcha mithyA gamanaM cha mithyA
• sarvaM cha mithyA gaditaM cha mithyA || 3||
• vedashAstrapurANaM cha kAryaM kAraNamIshvaraH |
• loko bhUtaM janaM chaiva sarvaM mithyA na saMshayaH || 4||
• bandho mokShaH sukhaM duHkhaM dhyAnaM chittaM surAsurAH |
• gauNaM mukhyaM paraM chAnyat sarvaM mithyA na saMshayaH || 5||
• vAchA vadati yatki~nchit sarvaM mithyA na saMshayaH |
• sa~NkalpAt kalpyate yadyat manasA chintyate cha yat || 6||
• buddhyA nishchIyate ki~nchit chittena nIyate kvachit |
• prapa~nche pa~nchate yadyat sarvaM mithyeti nishchayaH || 7||
• shrotreNa shrUyate yadyannetreNa cha nirIkShyate |
• netraM shrotraM gAtrameva sarvaM mithyA na saMshayaH || 8||
• idamityeva nirdiShTamidamityeva kalpitam |
• yadyadvastu parij~nAtaM sarvaM mithyA na saMshayaH || 9||
• ko.ahaM kintadidaM so.ahaM anyo vAchayate nahi |
• yadyat saMbhAvyate loke sarvaM mithyeti nishchayaH || 10||
• sarvAbhyAsyaM sarvagopyaM sarvakAraNavibhramaH |
• sarvabhUteti vArtA cha mithyeti cha vinishchayaH || 11||
• sarvabhedaprabhedo vA sarvasaMkalpavibhramaH |
• sarvadoShaprabhedashcha sarvaM mithyA na saMshayaH || 12||
• rakShako viShNurityAdi brahmasRRiShTestu kAraNam |
• saMhAre shiva ityevaM sarvaM mithyA na saMshayaH || 13||
• snAnaM japastapo homaH svAdhyAyo devapUjanam |
• mantro gotraM cha satsa~NgaH sarvaM mithyA na saMshayaH || 14||
• sarvaM mithyA jaganmithyA bhUtaM bhavyaM bhavattathA |
• nAsti nAsti vibhAvena sarvaM mithyA na saMshayaH || 15||
• chittabhedo jagadbhedaH avidyAyAshcha saMbhavaH |
• anekakoTibrahmANDAH sarvaM brahmeti nishchinu || 16||
• lokatrayeShu sadbhAvo guNadoShAdijRRiMbhaNam |
• sarvadeshikavArtoktiH sarvaM brahmeti nishchinu || 17||
• utkRRiShTaM cha nikRRiShTaM cha uttamaM madhyamaM cha tat |
• OMkAraM chApyakAraM cha sarvaM brahmeti nishchinu || 18||
• yadyajjagati dRRishyeta yadyajjagati vIkShyate |
• yadyajjagati varteta sarvaM brahmeti nishchinu || 19||
• yena kenAkShareNoktaM yena kenApi sa~Ngatam |
• yena kenApi nItaM tat sarvaM brahmeti nishchinu || 20||
• yena kenApi gaditaM yena kenApi moditam |
• yena kenApi cha proktaM sarvaM brahmeti nishchinu || 21||
• yena kenApi yaddattaM yena kenApi yat kRRitam |
• yatra kutra jalasnAnaM sarvaM brahmeti nishchinu || 22||
• yatra yatra shubhaM karma yatra yatra cha duShkRRitam |
• yadyat karoShi satyena sarvaM mithyeti nishchinu || 23||
• idaM sarvamahaM sarvaM sarvaM brahmeti nishchinu |
• yat ki~nchit pratibhAtaM cha sarvaM mithyeti nishchinu || 24||

RRibhuH -

• punarvakShye rahasyAnAM rahasyaM paramAdbhutam |
• sha~NkareNa kumArAya proktaM kailAsa parvate || 25||
• tanmAtraM sarvachinmAtramakhaNDaikarasaM sadA |
• ekavarjitachinmAtraM sarvaM chinmayameva hi || 26||
• idaM cha sarvaM chinmAtraM sarvaM chinmayameva hi |
• AtmAbhAsaM cha chinmAtraM sarvaM chinmayameva hi || 27||
• sarvalokaM cha chinmAtraM sarvaM chinmayameva hi |
• tvattA mattA cha chinmAtraM chinmAtrAnnAsti ki~nchana || 28||
• AkAsho bhUrjalaM vAyuragnirbrahmA hariH shivaH |
• yatki~nchidanyat ki~nchichcha sarvaM chinmayameva hi || 29||
• akhaNDaikarasaM sarvaM yadyachchinmAtrameva hi |
• bhUtaM bhavyaM cha chinmAtraM sarvaM chinmayameva hi || 30||
• dravyaM kAlashcha chinmAtraM j~nAnaM chinmayameva cha |
• j~neyaM j~nAnaM cha chinmAtraM sarvaM chinmayameva hi || 31||
• saMbhAShaNaM cha chinmAtraM vAk cha chinmAtrameva hi |
• asachcha sachcha chinmAtraM sarvaM chinmayameva hi || 32||
• AdirantaM cha chinmAtraM asti chechchinmayaM sadA |
• brahmA yadyapi chinmAtraM viShNushchinmAtrameva hi || 33||
• rudro.api devAshchinmAtraM asti naratiryaksurAsuram |
• gurushiShyAdi sanmAtraM j~nAnaM chinmAtrameva hi || 34||
• dRRigdRRishyaM chApi chinmAtraM j~nAtA j~neyaM dhruvAdhruvam |
• sarvAshcharyaM cha chinmAtraM dehaM chinmAtrameva hi || 35||
• li~NgaM chApi cha chinmAtraM kAraNaM kAryameva cha |
• mUrtAmUrtaM cha chinmAtraM pApapuNyamathApi cha || 36||
• dvaitAdvaitaM cha chinmAtraM vedavedAntameva cha |
• disho.api vidishashchaiva chinmAtraM tasya pAlakAH || 37||
• chinmAtraM vyavahArAdi bhUtaM bhavyaM bhavattathA |
• chinmAtraM nAmarUpaM cha bhUtAni bhuvanAni cha || 38||
• chinmAtraM prANa eveha chinmAtraM sarvamindriyam |
• chinmAtraM pa~nchakoshAdi chinmAtrAnandamuchyate || 39||
• nityAnityaM cha chinmAtraM sarvaM chinmAtrameva hi |
• chinmAtraM nAsti nityaM cha chinmAtraM nAsti satyakam || 40||
• chinmAtramapi vairAgyaM chinmAtrakamidaM kila |
• AdhArAdi hi chinmAtraM AdheyaM cha munIshvara || 41||
• yachcha yAvachcha chinmAtraM yachcha yAvachcha dRRishyate |
• yachcha yAvachcha dUrasthaM sarvaM chinmAtrameva hi || 42||
• yachcha yAvachcha bhUtAni yachcha yAvachcha vakShyate |
• yachcha yAvachcha vedoktaM sarvaM chinmAtrameva hi || 43||
• chinmAtraM nAsti bandhaM cha chinmAtraM nAsti mokShakam |
• chinmAtrameva sanmAtraM satyaM satyaM shivaM spRRishe || 44||
• sarvaM vedatrayaproktaM sarvaM chinmAtrameva hi |
• shivaproktaM kumArAya tadetat kathitaM tvayi |
• yaH shRRiNoti sakRRidvApi brahmaiva bhavati svayam || 45||

sUtaH -

• IshAvAsyAdimantrairvaragaganatanoH kShetravAsArthavAdaiH
• talli~NgAgAramadhyasthitasumahadIshAna li~NgeShu pUjA |
• akledye chAbhiSheko ... ... ... digvAsase vAsadAnaM
• no gandhaghrANahIne rUpadRRishyAdvihIne gandhapuShpArpaNAni || 46||
• svabhAse dIpadAnaM ... sarvabhakShe maheshe
• naivedyaM nityatRRipte sakalabhuvanage prakramo vA namasyA |
• kuryAM kenApi bhAvairmama nigamashirobhAva eva pramANam || 47||
• avichChinnaishChinnaiH parikaravaraiH pUjanadhiyA
• bhajantyaj~nAstadj~nAH vidhivihitabuddhyAgatadhiyaH |var was tadaj~nAH
• tathApIshaM bhAvairbhajati bhajatAmAtmapadavIM
• dadAtIsho vishvaM bhramayati gataj~nAMshcha kurute || 48||

• || iti shrIshivarahasye sha~NkarAkhye ShaShThAMshe RRibhunidAghasaMvAde prapa~nchasya sachchinmayatvakathanaM nAma ShaShTho.adhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com