RRibhugItA 18 || RRibhi-nidAdha saMvAdaH ||

RRibhuH -

• shRRiNu bhUyaH paraM tattvaM sadyo mokShapradAyakam |
• sarvaM brahmaiva satataM sarvaM shAntaM na saMshayaH || 1||
• brahmAkSharamidaM sarvaM parAkAramidaM nahi |
• idamityapi yaddoShaM vayamityapi bhAShaNam || 2||
• yatki~nchitsmaraNaM nAsti yatki~nchid dhyAnameva hi |
• yatki~nchid j~nAnarUpaM vA tatsarvaM brahma eva hi || 3||
• yatki~nchid brahmavAkyaM vA yatki~nchidvedavAkyakam |
• yatki~nchidguruvAkyaM vA tatsarvaM brahma eva hi || 4||
• yatki~nchitkalmaShaM satyaM yatki~nchit priyabhAShaNam |
• yatki~nchinmananaM sattA tatsarvaM brahma eva hi || 5||
• yatki~nchit shravaNaM nityaM yat ki~nchiddhyAnamashnute |
• yatki~nchinnishchayaM shraddhA tatsarvaM brahma eva hi || 6||
• yatki~nchid gurUpadeshaM yatki~nchidguruchintanam |
• yatki~nchidyogabhedaM vA tatsarvaM brahma eva hi || 7||
• sarvaM tyajya guruM tyajya sarvaM santyajya nityashaH |
• tUShNImevAsanaM brahma sukhameva hi kevalam || 8||
• sarvaM tyaktvA sukhaM nityaM sarvatyAgaM sukhaM mahat |
• sarvatyAgaM parAnandaM sarvatyAgaM paraM sukham || 9||
• sarvatyAgaM manastyAgaH sarvatyAgamahaMkRRiteH |
• sarvatyAgaM mahAyAgaH sarvatyAgaM sukhaM param || 10||
• sarvatyAgaM mahAmokShaM chittatyAgaM tadeva hi |
• chittameva jagannityaM chittameva hi saMsRRitiH || 11||
• chittameva mahAmAyA chittameva sharIrakam |
• chittameva bhayaM dehaH chittameva manomayam || 12||
• chittameva prapa~nchAkhyaM chittameva hi kalmaSham |
• chittameva jaDaM sarvaM chittamevendriyAdikam || 13||
• chittameva sadA satyaM chittameva nahi kvachit |
• chittameva mahAshAstraM chittameva manaHpradam || 14||
• chittameva sadA pApaM chittameva sadA matam |
• chittameva hi sarvAkhyaM chittameva sadA jahi || 15||
• chittaM nAstIti chintA syAt AtmamAtraM prakAshate |
• chittamastIti chintA chet chittatvaM svayameva hi || 16||
• svayameva hi chittAkhyaM svayaM brahma na saMshayaH |
• chittameva hi sarvAkhyaM chittaM sarvamiti smRRitam || 17||
• brahmaivAhaM svayaMjyotirbrahmaivAhaM na saMshayaH |
• sarvaM brahma na sandehaH sarvaM chijjyotireva hi || 18||
• ahaM brahmaiva nityAtmA pUrNAt pUrNataraM sadA |
• ahaM pRRithvyAdisahitaM ahameva vilakShaNam || 19||
• ahaM sUkShmasharIrAntamahameva purAtanam |
• ahameva hi mAnAtmA sarvaM brahmaiva kevalam || 20||
• chidAkAro hyahaM pUrNashchidAkAramidaM jagat |
• chidAkAraM chidAkAshaM chidAkAshamahaM sadA || 21||
• chidAkAshaM tvamevAsi chidAkAshamahaM sadA |
• chidAkAshaM chidevedaM chidAkAshAnna ki~nchana || 22||
• chidAkAshatataM sarvaM chidAkAshaM prakAshakam |
• chidAkAraM mano rUpaM chidAkAshaM hi chidghanam || 23||
• chidAkAshaM paraM brahma chidAkAshaM cha chinmayaH |
• chidAkAshaM shivaM sAkShAchchidAkAshamahaM sadA || 24||
• sachchidAnandarUpo.ahaM sachchidAnandashAshvataH |
• sachchidAnanda sanmAtraM sachchidAnandabhAvanaH || 25||
• sachchidAnandapUrNo.ahaM sachchidAnandakAraNam |
• sachchidAnandasandohaH sachchidAnanda IshvaraH || 26||var was hInakaH
• sachchidAnandanityo.ahaM sachchidAnandalakShaNam |
• sachchidAnandamAtro.ahaM sachchidAnandarUpakaH || 27||
• AtmaivedamidaM sarvamAtmaivAhaM na saMshayaH |
• AtmaivAsmi paraM satyamAtmaiva paramaM padam || 28||
• Atmaiva jagadAkAraM Atmaiva bhuvanatrayam |
• Atmaiva jagatAM shreShThaH Atmaiva hi manomayaH || 29||
• Atmaiva jagatAM trAtA Atmaiva gururAtmanaH |
• Atmaiva bahudhA bhAti AtmaivaikaM parAtmanaH || 30||
• Atmaiva paramaM brahma AtmaivAhaM na saMshayaH |
• Atmaiva paramaM lokaM Atmaiva paramAtmanaH || 31||
• Atmaiva jIvarUpAtmA AtmaiveshvaravigrahaH |
• Atmaiva harirAnandaH Atmaiva svayamAtmanaH || 32||
• AtmaivAnandasandoha AtmaivedaM sadA sukham |
• Atmaiva nityashuddhAtmA Atmaiva jagataH paraH || 33||
• Atmaiva pa~nchabhUtAtmA Atmaiva jyotirAtmanaH |
• Atmaiva sarvadA nAnyadAtmaiva paramo.avyayaH || 34||
• Atmaiva hyAtmabhAsAtmA Atmaiva vibhuravyayaH |
• Atmaiva brahmavij~nAnaM AtmaivAhaM tvameva hi || 35||
• Atmaiva paramAnanda AtmaivAhaM jaganmayaH |
• AtmaivAhaM jagadbhAnaM AtmaivAhaM na ki~nchana || 36||
• Atmaiva hyAtmanaH snAnamAtmaiva hyAtmano japaH |
• Atmaiva hyAtmano modamAtmaivAtmapriyaH sadA || 37||
• Atmaiva hyAtmano nityo hyAtmaiva guNabhAsakaH |
• Atmaiva turyarUpAtmA AtmAtItastataH paraH || 38||
• Atmaiva nityapUrNAtmA AtmaivAhaM na saMshayaH |
• Atmaiva tvamahaM chAtmA sarvamAtmaiva kevalam || 39||
• nityo.ahaM nityapUrNo.ahaM nityo.ahaM sarvadA sadA |
• AtmaivAhaM jagannAnyad amRRitAtmA purAtanaH || 40||
• purAtano.ahaM puruSho.ahamIshaH parAt paro.ahaM parameshvaro.aham |
• bhavaprado.ahaM bhavanAshano.ahaM sukhaprado.ahaM sukharUpamadvayam || 41||
• Anando.ahamasheSho.ahamamRRitohaM na saMshayaH |
• ajo.ahamAtmarUpo.ahamanyannAsti sadA priyaH || 42||
• brahmaivAhamidaM brahma sarvaM brahma sadA.avyayaH |
• sadA sarvapadaM nAsti sarvameva sadA na hi || 43||
• nirguNo.ahaM nirAdhAra ahaM nAstIti sarvadA |
• anarthamUlaM nAstyeva mAyAkAryaM na ki~nchana || 44||
• avidyAvibhavo nAsti ahaM brahma na saMshayaH |
• sarvaM brahma chidAkAshaM tadevAhaM na saMshayaH || 45||
• tadevAhaM svayaM chAhaM paraM chAhaM pareshvaraH |
• vidyAdharo.ahamevAtra vidyAvidye na ki~nchana || 46||
• chidahaM chidahaM nityaM turyo.ahaM turyakaH paraH |
• brahmaiva sarvaM brahmaiva sarvaM brahma sadA.asmyaham || 47||
• matto.anyannAparaM ki~nchinmatto.anyadbrahma cha kvachit |
• matto.anyat paramaM nAsti matto.anyachchitpadaM nahi || 48||
• matto.anyat satpadaM nAsti matto.anyachchitpadaM na me |
• matto.anyat bhavanaM nAsti matto.anyad brahma eva na || 49||
• matto.anyat kAraNaM nAsti matto.anyat ki~nchidapyaNu |
• matto.anyat sattvarUpaM cha matto.anyat shuddhameva na || 50||
• matto.anyat pAvanaM nAsti matto.anyat tatpadaM na hi |
• matto.anyat dharmarUpaM vA matto.anyadakhilaM na cha || 51||
• matto.anyadasadevAtra matto.anyanmithyA eva hi |
• matto.anyadbhAti sarvasvaM matto.anyachChashashRRi~Ngavat || 52||
• matto.anyadbhAti chenmithyA matto.anyachchendrajAlakam |
• matto.anyat saMshayo nAsti matto.anyat kArya kAraNam || 53||
• brahmamAtramidaM sarvaM so.ahamasmIti bhAvanam |
• sarvamuktaM bhagavatA evameveti nishchinu || 54||
• bahunoktena kiM yogin nishchayaM kuru sarvadA |
• sakRRinnishchayamAtreNa brahmaiva bhavati svayam || 55||
• vananagabhuvanaM yachCha~NkarAnnAnyadasti
• jagadidamasurAdyaM devadevaH sa eva |
• tanumanagamanAdyaiH koshakAshAvakAshe
• sa khalu parashivAtmA dRRishyate sUkShmabuddhyA || 56||
• chakShuHshrotramano.asavashcha hRRidi khAdudbhAsitadhyAntarAt
• tasminneva vilIyate gatiparaM yadvAsanA vAsinI |
• chittaM chetayate hRRidindriyagaNaM vAchAM manodUragaM
• taM brahmAmRRitametadeva girijAkAntAtmanA saMj~nitam || 57||

• || iti shrIshivarahasye sha~NkarAkhye ShaShThAMshe RRibhunidAghasaMvAde aShTAdasho.adhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com