RRibhugItA 3 || shiva-RRibhu saMvAda ||

sUtaH -

• tato maheshAt saMshrutya sUtrANi RRibhureva hi |
• kailAseshaM mahAdevaM tuShTAva vinayA~njaliH || 1||
• labdhaj~nAno mahAdevAn munibhyo.akathayachcha tat |
• tat stutiM cha shRRiNuShveti jagAda girijAsutaH || 2||
• jaigIShavyaM mahAtmAnaM jitaShaDvargamuttamam |

skandaH -

• saMstutya sAMbamIshAnamRRibhurj~nAnamavindata |
• shAMbhavaH sa mahAyogI tuShTAvAShTatanuM haram || 3||

RRibhuH -

• gandhadvipavaravRRindatvachiruchibandhodyatapaTa
• gandhapramukha madAndhavrajadali harimukhanakharodyat
• skandhodyanmukha bandhakShuranibha niryadrasadasRRibhindannagadhara
• vindhyaprabhashiva medhyaprabhuvara |
• medhyottamashiva bhedyAkhilajagadudyadbhavagata
• vedyAgamashiva gadyastutapada padyaprakaTahRRi -
• dudyadbhavagada vaidyottama pAhi shambho || 4||
• chaNDadvipakara kANDaprabhabhuja daNDodyatanaga
• khaNDatripura mahANDasphuTaduDupashikhaNDa |
• dyutivara gaNDadvaya kodaNDAntaka daNDitapAda pAhi shaMbho || 5||
• ki~nchijjalalava si~nchaddvijakula mu~nchadvRRijina
• kuluMchadvijapati cha~nchachChavijaTa ku~nchatpadanakha
• mu~nchannatavara karuNA pAhi shaMbho || 6||
• deva sha~Nkara haramaheshvara pApataskara amaramayaskara |
• shivadashaMkara puramaheshvara bhavahareshvara pAhi shaMbho || 7||
• a~Ngajabha~Nga tura~NgarathA~Nga jaladhiniSha~Nga
• dhRRitabhuja~NgA~Nga dRRishi supata~Nga
• karasukura~Nga jaTadhRRitaga~Nga
• yamihRRidisa~Nga bhajashivali~Nga bhavabhayabha~Nga || 8||
• shaMbarakarashara dambaravarachara DaMbaraghoShaNa duMbaraphalajaga
• nikuruMbabharahara biMbitahRRidichira laMbitapadayuga
• laMbodarajanakAntakahara shiva binduvarAsana
• bindugahana sharadinduvadanavara kundadhavala gaNavRRindavinata
• bhavabhayahara paravara karuNAkara phaNivarabhUShaNa
• smara hara garadhara paripAhi || 9||
• rAsabhavRRiShabhebha sharabhAnanagaNaguNanandita-
• triguNapathAtiga sharavaNabhavanuta taraNisthita varuNAlaya
• kRRitapAraNa munisharaNAyita padapadmAruNa pi~NgajaTAdhara
• kuru karuNAM sha~Nkara shaM kuru me || 10||
• jambhapraharaNa kumbhodbhavanuta kumbhapramatha nishumbhadyutihara
• bhindadraNagaNa DimbhAyitasura tArakaharasuta
• kuMbhyudyatapada vindhyasthitaditimAndyaprahara madAndhadvipavara
• kRRittipravara sudhAndhonutapada buddhyAgamashiva
• medhyAtithivarada mamAvandhyaM kuru divasaM
• tava pUjanataH paripAhi shaMbho || 11||
• kundasadRRisha makarandanibhasuravRRindavinuta kuruvindamaNigaNa
• vRRindanibhA~Nghrijamandara vasadindumakuTa sharadaMbujakRRisha
• garanindanagala sundaragiritanayAkRRiti
• dehavarA~Ngabindukalita shivali~Ngagahana sutasinduravaramukha
• bandhuravarasindhunadItaTa li~Nganivahavaradigvasa pAhi shaMbho || 12||
• pannagAbharaNa mAramAraNa vibhUtibhUShaNa shailajAramaNa |
• ApaduddharaNa yAminIramaNashekhara sukhada pAhi shaMbho || 13||
• dakShAdhvaravarashikSha prabhuvara tryakSha prabalamahokShasthita
• sitavakShassthalakulachakShuHshravasa varAkShasraja hara |
• vIkShAnihatAdhokShajAtmaja varakakShAshraya purapakShavidAraNa
• lIkShAyitasura bhikShAshana hara padmAkShArchanatuShTa
• bhagAkShiharAvyaya sha~Nkara mokShaprada paripAhi maheshvara || 14||
• akShayaphalada shubhAkSha harAkShatatakShakakara
• garabhakSha parisphuradakSha kShitiratha surapakShAvyaya |
• purahara bhava hara harishara shiva shiva
• sha~Nkara kuru kuru karuNAM shashimaule || 15||
• bhajAmyagasutAdhavaM pashupatiM mahokShadhvajaM
• valakShabhasitojjvalaM prakaTadakShadAhAkShikam |
• bhagAkShiharaNaM shivaM pramathitorudakShAdhvaraM
• prapakShasuratAmunipramathashikShitAdhokShajam || 16||
• shrInAthAkShisarojarAjitapadAMbhojaikapUjotsavai-
• rnityaM mAnasametadastu bhagavan sadrAjamaule hara |
• bhUShAbhUtabhuja~Ngasa~Ngata mahAbhasmA~Nganetrojvala-
• jjvAlAdagdhamana~Ngapata~NgadRRigumAkAntAva ga~NgAdhara || 17||
• svAtmAnandaparAyaNAMbujabhavastutyA.adhunA pAhi mAm
• ... ... ... ... ... ... ... ... |
• girijAmukhasakha ShaNmukha pa~nchamukhodyatadurmukhamukha-
• hara Akhuvahonmukha lekhagaNonmukha sha~Nkara khagagamaparipUjya || 18||
• koTijanmaviprakarmashuddhachittavartmanAM
• shrautasiddhashuddhabhasmadagdhasarvavarShmaNAm |
• rudrabhuktamedhyabhuktidagdhasarvapApmanAM
• rudrasUkti uktibhaktibhuktimuktidAyikAm |
• purahara iShTatuShTimuktilAsyavAsanA
• bhaktibhAsakailAsamIsha Ashu labhyate || 19||

skandaH -

• tatstutyA toShitaH shaMbhustamAha RRibhumIshvaraH |
• prasannaH karuNAmbhodhirambhojasutamodanaH || 20||

IshvaraH -

• vedAntapAThapaThanena haThAdiyogaiH
• shrInIlakaNThapadabhaktivikuNThabhAvAH |
• ye karmaThA yativarA harisaurigehe
• sAlAvRRikairvarakaThorakuThAraghAtaiH || 21||
• bhinnottamA~NgahRRidayAshcha bhusuNDibhiste |
• bhikShAshanA jaraTharAsabhavadbhramanti || 22||
• vidyuchcha~nchalajIvite.api na manAgutpadyate shAMbhavI
• bhaktirbhImapadAmbujottamapade bhasmatripuNDre.api cha |
• rudrAkShAmalarudrasUktijapane niShThA kaniShThAtmanAM
• viShThAviShTakuniShThakaShTakudhiyAM duShTAtmanAM sarvadA || 23||
• bhraShTAnAM duradRRiShTato janijarAnAshena naShTAtmanAM
• jyeShThashrIshipiviShTachArucharaNAMbhojArchanAnAdaraH |
• tenAniShTaparaMparAsamudayairaShTAkRRiterna smRRitiH
• viShThApUritadurmukheShu narake bhraShTe chiraM saMsthitiH || 24||
• aj~nAyatteShvabhij~nAH suravaranikaraM stotrashAstrAdituShTaM
• satrAshaM mantramAtrairvidhivihitadhiyA sAmabhAgairyajanti |
• shrAddhe shraddhAbharaNaharaNabhrAntarUpAnpitRRIMste
• tattachChraddhAsamuditamanaH svAntarA shambhumIsham ||
• nAbhyarchanti praNatasharaNaM mokShadaM mAM mahesham || 25||
• AryAH sharvasamarchanena satataM dUrvAdalaiH komalaiH
• bilvAkharvadalaishcha sha~NkaramahAbhAgaM hRRidantaH sadA |
• parvasvapyavisheShitena manasA garvaM vihAyAdarAt
• durgANyAshu taranti sha~NkarakRRipApIyUShadhArArasaiH || 26 ||
• shrIchandrachUDacharaNAMbuja pUjanena
• kAlaM nayanti pashupAshavimuktihetoH |
• bhAvAH paraM bhasitaphAlalasattripuNDra-
• rudrAkShaka~NkaNalasatkaradaNDayugmAH || 27||
• pa~nchAkSharapraNavasUktadhiyA vadanti
• nAmAni shAMbhavamanoharadAni shaMbho |
• muktipradAni satataM shivabhaktavaryAH
• ye bilvamUlashivali~Ngasamarchanena || 28||
• kAlaM nayedvimalakomalabilvapatraiH
• no tasya kAlajabhayaM bhavatApapApam |
• santApabhUpajanitaM bhajatAM mahesham || 29||
• shashvadvishveshapAdau yamashamaniyamairbhUtirudrAkShagAtro
• vishvatrasto bhuja~NgA~NgadavaragirijAnAyake labdhabhaktiH |
• mugdho.apyadhyAtmavid yo bhavati bhavaharasyArchayA prAptakAmaH || 30||
• shabdairabdashate.api naiva sa labhet j~nAnaM na tarkabhramaiH
• mImAMsA dvayatastathAdvayapadaM kiM sAMkhyasaMkhyA vada |
• yogAyAsaparaMparAdivihitairvedAntakAntArake
• shrAmyan bhaktivivarjitena manasA shambhoH pade muktaye || 31||
• kiM ga~NgayA vA makare prayAga-
• snAnena vA yogamakhakriyAdyaiH |
• yatrArchitaM li~NgavaraM shivasya
• tatraiva sarvArthaparaMparA syAt || 32||
• shrIshailo himabhUdharo.aruNagirirvRRiddhAdrigoparvatau
• shrImaddhemasabhAvihAra bhagavan nRRittaM trinetro giriH |
• kailAsottaradakShiNau cha bhagavAn yatrArchane sha~Nkaro
• li~Nge sannihito vasatyanudinaM shA~Ngasya hRRitpa~Nkaje || 33||
• tatrAvimuktaM shashichUDavAsaM
• OMkArakAla~njara rudrakoTim |
• ga~NgAbudheH sa~NgamamambikApati-
• priyaM tu gokarNakasahyajAtaTam || 34||
• yatrAbhyarNagataM maheshakaruNApUrNaM tu tUrNaM hRRidA
• li~NgaM pUjitamapyapAstaduritaM tIrthAni ga~NgAdayaH |
• puNyAshchAshramasaMghakA girivarakShetrANi shaMbhoH padaM
• bhaktiyuktabhajanena maheshe shaktivajjagadidaM paribhAti || 35||
• karmandivRRindA api vedamauli-
• siddhAntavAkyakalane.api bhavanti mandAH |
• kAmAdibaddhahRRidayAH sitabhasmapuNDra-
• rudrAkSha sha~Nkarasamarchanato vihInAH || 36||
• hInA bhavanti bahudhApyabudhA bhavanti
• matpremavAsabhavaneShu vihInavAsAH || 37||
• aShTamyAmaShTamUrtirnishi shashidivase somachUDaM tu muktyai
• bhUtAyAM bhUtanAthaM dhRRitabhasitatanurvItadoShe pradoShe |
• gavyaiH pa~nchAmRRitAdyaiH phalavarajarasairbilvapatraishcha li~Nge
• tu~Nge shA~Nge.apyasa~Ngo bhajati yatahRRidA naktabhuktyaikabhaktaH || 38||
• j~nAnAnutpattaye taddharividhisamatAbuddhirIshAnamUrtau
• bhasmAkShAdhRRitirIshali~NgabhajanAshUnyaM tu durmAnasam |
• shaMbhostIrthamahatsutIrthavarake nindAvare shA~Nkare
• shrImadrudrajapAdyadrohakaraNAt j~nAnaM na chotpadyate || 39||
• IshotkarShadhiyaikali~NganiyamAdabhyarchanaM bhasmadhRRik
• rudrAkShAmala sAramantra sumahApa~nchAkShare jApinAm |
• IshasthAnanivAsashAMbhavakathA bhaktishcha saMkIrtanaM
• bhaktasyArchanato bhavet sumahAj~nAnaM paraM muktidam || 40||
• AdyantayoryaH praNavena yuktaM
• shrIrudramantraM prajapatyaghaghnam |
• tasyAMghrireNuM shirasA vahanti
• brahmAdayaH svAghanivRRittikAmAH || 41||
• apUrvAtharvokta shrutishirasi vij~nAnamanaghaM
• mahAkharvAj~nAnaprashamanakaraM yo virachayet |
• mune hRRitparvANAM vishasanakaraM saptamanubhi-
• rvrataM shIrShaNyaM yo virachayati tasyedamuditam || 42||
• gurau yasya prema shrutishirasi sUtrArthapadagaM
• mayi shraddhA vRRiddhA bhavati kila tasyaiSha sulabhaH |
• ananyo mArgo.ayam akathitamidaM tvayyapi mudA
• yadA gopyo mugdhe suvihitamuniShveva disha vai || 43||

skandaH -

• iti stutvA shaMbhoH pramuditamanAstveSha sa RRibhuH
• munirnatvA devaM nagamagapadIshasya nilayam |
• yato ga~NgA tu~NgA prapatati himAdreH shikharato
• munIndreShvAhedaM tadapi shRRiNu viprottama hRRidA || 44||

RRibhuH -

• patantvashanayo muhurgirivaraiH samudrorvarA
• bhavatvadharasaMplavA grahagaNAH surA yAntvaghaH |
• bhavajjanima pUjanAnmama mano na yAtyanyataH
• shapAmi prapade prabhostava saroruhAbhe hara || 45||

• || iti shrIshivarahasye sha~NkarAkhye ShaShThAMshe shivaRRibhusaMvAdo nAma tRRitIyo.adhyAyaH ||

Special Thanks

The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam.

Credits

Encoded by Anil Sharma anilandvijaya at gmail.com
Proofread by Sunder Hattangadi and Anil Sharma

https://sanskritdocuments.org

Send corrections to sanskrit at cheerful.com